Herri Urrats 2012ko logoa aukeratzeko lehiaketea martxan dago

| Ikusi handiago | Argazki originala

Herri Urratseko antolatzaileak datorren urteko jaia preparetan hasi dira, eta jentearen parte-hartzea eskatu dabe 2012ko logoa aukeratzeko. Horregaitik, logo lehiaketea atondu dabe.

Daborduko erabagi dabe zein izango dan hurrengo Herri Urratseko lemea: Elkartuz zabaldu. Herri Urratseko arduradunek jakinarazo dabenez, ondoko ezaugarriok izan behar ditu logoak: lemea, data eta lekua agiri behar dira; hainbat euskarritan (agendak, txartelak, jantziak...) zabaltzeko egokia izan behar da; eta, lemearen esangurea kontuan hartu behar dau.

Lanak bialtzeko azkenengo eguna garagarrilaren 1a da. Logoak helbide honetara bialdu behar dira: Herri Urrats, ZI Pontôts, 64100 Baiona edo elkartea@herriurrats.com. Aukeratutako logoaren irabazleak 300 euroko saria jasoko dau.

2012ko Herri Urrats maiatzaren 13an egingo da, Senperen betiko lez. Datorren urtekoa Iparraldeko ikastolen arteko 29. jaia izango da.