.eus, euskerea Interneten kokatzeko domeinua
2009-01-29 17:25
Euskereak eta erronka barriek bultzatuta, PuntuEus alkarte barria sortu da. Egia esateko, PuntuEus Alkartea 2008ko apirilaren 2an eratu zan, Euskerearen eta Euskal Kulturearen Komunidadearen barruko hainbat talde edota erakunde desbardin alkartuta. Helburua: 'euskerea eta euskal kulturea Interneteko espazioan ikusgarri bihurtzea'. Erronka horri .eus domeinuagaz ekingo deutse.
Euskal Kirolaren I. Gala, euskal kirolak bere kirolari eta kirolzaleak sarituz
2009-01-29 14:50
Euskal Kirol Federazinoen Batasunak (EKFB) beharrezkotzat joten eban gure federazinoetako zein selekzinoetako kide nabarmenek egindako lan eta esfortzu handiagaitik autorpena jasotea. Federazino guztiak garrantzitsuak dira EKFBrentzat; hori dala-eta, federazino bakotxeko saritu bat egon da, guztiek, duda barik, merezidu dabelako.
BFAk telefono bidez eskainiko dau enpresa bat sortzeko beharrezkoa dan laguntzinoa
2009-01-29 14:37Bizkaiko Foru Aldundiak, Lan eta Trebakuntza Sailaren menpekoa dan DEMA Enpresa Sorkuntza eta Garapenerako Agentziaren bitartez, telefono zenbaki bat (94 4189055) jarri dau martxan negozio-ideia edo proiektu bategaz enpresa bat sortu gura daben persona guztiei laguntzinoa eskaintzeko.
'Dantza Plazetan' ekimenak 40 erromeria, dantza alarde eta kalejira eskainiko ditu Bilbon
2009-01-29 14:31 Kulturea
Kultura eta Hezkuntza Sailak Bilboko zazpi dantza taldeen eta Bizkaiko Dantzarien Biltzarra taldearen laguntzinoa dauka. Egitarau honek 44 emonaldi bahino gehiago eskaintzen ditu urte osoan banaturik Deustu, Ibaiondo, Basurtu-Zorrotza, Errekalde eta Santutxuko barrutietako plazetan.
Zabalik da Getxoko 'Dendaketan' eta 'AISA' euskera ikastaroetan izena emoteko epea
2009-01-29 13:58 Euskerea berbagaiGetxoko Udaleko Euskara Zerbitzuak bultzatutako Dendaketan eta AISA euskera ikastaro barrietarako izen-emoteak datorren zezeilaren 16ra arte egongo dira zabalik, urrian hasi ziranen inguruko balantzea oso positiboa izan ondoren.
Ekitadiak ugari Euskalduna Jauregiaren X. urteurrenean
2009-01-29 11:08
Zezeilaren 20an, Euskalduna Jauregiaren inguruetan, sinbolismoz betetako argi, soinu eta piroteknia ikuskizuna izango da. Euskalduna zubiaren azpitik pasauko dan atoiontzi bat hamar urteko ibilbidea bete dauen 'Euskalduna' ontziaren bila etorriko da. Eraikinaren beraren altuerea erraz gaindituko daben ur zorrotadak eta suziriak jaurtiko ditue Richard Wagnerrren 'El buque fantasma' operako oberturea entzun bitartean.
Gernikako Bakearen Museoak 'Indarkeria ezaren eta bakearen eskolarteko eguna' ospatuko dau barikuan
2009-01-29 09:58
Gernikako Bakearen Museoa Fundazinoak 'Indarkeria ezaren eta bakearen eskola eguna' ospatuko dau bariku honetan, hilak 30, Mahatma Gandhiren heriotzearen urtemugea dala eta.
Batxilergoko eta Lanbide Heziketako ikasketak euskaraz egitea sustatzeko kanpainea abaiarazoko dabe gazte bizkaitarren artean
2009-01-28 17:26 Euskerea berbagaiDBHko laugarren mailako 5.500 gazte baino gehiago dira sentiberatze-kanpaina honen hartzaileak. Kanpainearen helburu nagusia gazte horreek guztiek Lanbide Heziketan eta Batxilergoan euskeraz ikasten segidutea da, aurreko ikasketetan moduan. Alkarbide Bizkaiko euskera zerbitzuen bilguneak koordinau dau 38 udalerritan martxan jarriko dan kanpaina hau.
The Black Crowes da Azkena Rock jaialdirako baieztatu daben lehen taldea
2009-01-28 14:22 Musikea
The Black Crowes talde estadubatuar mitikoak 2009. urtean disko barria atarako dau eta lan horretako kantuak zuzenean aurkeztera etorriko da Robinson anaien taldea Gasteizera.
Bermeon 2007an jaiotako umeei eskainitako bertsoen liburua argitaratu dabe
2009-01-28 13:54 Euskerea berbagai
Liburuan, ume bakotxaren izen-abizenak, jaiotza-datea, bertso-papera eta umearen argazkia jasoten dira. Bertsoaren azpian, bertsoa idatzi dauen bertsolariaren izena eta bertsoa kantetako doinua aitatzen dira.
The Boss garagarrilaren 26an izango da Bilbon, San Mamesen
2009-01-28 10:44 Musikea
Bruce Springsteen musikari eta abeslari estatubaduarrak kontzertua eskainiko dau The E Street Banda mitikoagaz batera garagarrilaren 26an, Bilboko San Mames futbol zelaian. Oraintsu kaleratutako 'Working on a Dream' izenburuko diskoa aurkezteko munduko birearen barruko kontzertua izango da musikariaren webgune ofizialean agertu dan egutegiaren arabera.
Bilboko Udalak 'Jarduteko' konbita egin dau 2009rako kultur programazinoaren bidez
2009-01-28 10:38
Bilboko Udaleko Kultura eta Hezkuntza Sailak kirola metaforatzat erabili dau 2009ko kultur programazinoa aurkezteko. Azken urteotan egin dauen legez, Udaleko Sail honek datozen 12 hileotarako programautako jarduera nagusiak laburbiltzen dituan programea argitaratu dau
Bibebarrieta Kulturguneak Blanca Sarasua poeta bilbotarra omenduko dau
2009-01-27 17:33 sariak-autortzak
'Música de aldaba' liburuaren aurkezpena izango da omenaldiaren edukia, izan be, XIX. San Juan de la Cruz Nazinoarteko Poesia Saria irabazi dau oraintsu Sarasuak obra horregaz , 6.000 eurogaz eta lanaren argitalpenagaz saritua izan dana.
Capsula, Los Paniks, Eureka Hot IV eta Lobo Electrico taldeak zuzenean Bermeon
2009-01-27 16:40 Musikea
Rockaren joera desbardinek bat egingo dabe datorren zapatuan, hilak 31, Bermeon (Bizkaia), Nuntxaku kultur alkarteak antolatzen dauen 'Nuntxaku Gauak' egitarauren barruan, Capsula, Los Paniks, Eureka Hot IV eta Lobo Electrico taldeek eskainiko daben kontzertuan.
Euskerearen erabilera planetarako aplikazino barria aurkeztu dabe
2009-01-27 14:41 Euskerea berbagai
Herri-administrazinoetako euskera teknikarientzako lan jardunaldiak antolatu ditu Eusko Jaurlaritzako Hizkuntza Politikarako Sailburuordetzeak 'Erabilera planak herri-administrazinoetan' goiburupean, eta Bilboko Euskalduna Jauregian egingo dira gaur eta bihar. Bertan aurkeztu dabe IRATI, euskerearen erabilera planetarako aplikazino barria.
'Bidean', Nafarroako Bertsolari Txapelketea'09: Auriztik Elizondora
2009-01-27 14:04 Bertsolaritzea
Nafarroako XVIII. Bertsolari Txapelketea zezeilaren 31tik martiaren 21era izango da aurten eta igaz bezela 25 bertsolarik parte hartuko dabe. Saioa Alkaiza iruindarrak, berbarako, lehenengo aldiz parte hartuko dau.
Korrikaren Kulturbireak dozena erdi ikuskizun baino gehiago eroango ditu euskal herrietara
2009-01-27 11:20
'Euskal Herriko edozein txokotan dagozan, baina plazaratzeko aukerarik ez daben emonaldi kulturalak egiteko aukerea eskaintzea da Kulturbirearen helburua'. Herri eta auzoetan, berbaldiak, kontzertuak, erakusketak, txapelketak, trikitilariak, bertsolariak, ipuin kontalariak… egongo dira. Tartean, Benito Lertxundi musikaria, Pirritx eta Porrotx pailazoak, 'Erregea eta bufoia' bertso-ikuskizuna...
Unai Basurkok bere herriaren omenaldia jaso dau
2009-01-27 10:22 Euskaldunak munduan
Portugaleteko alkate jn.ak ondoko berbakaz Portugaleteko Udalaren bermea eta babesa erakutsi deutsoz Basurkori: 'Eskerrik asko, Unai, Portugaleteko eta Bizkaiko izena mundu osotik eroateagaitik. Badakizu beti izango dozula portugaletetarren beroa eta bermea. Vendée Globeko abentura honen ondoren, Pakea Bizkaiak proiektu barriei ekitea espero dogu'.
Jaurlaritzeak eta Nafarroako Gobernuak euskerea alkarlanean sustatzeko akordioa sinatu dabe
2009-01-27 10:05 Euskerea berbagai
Hizkuntz politikearen ardurea daben Eusko Jaurlaritzako eta Nafarroako Gobernuko sailek euskerea sustatzeko alkarlana adostu dabe. Eusko Jaurlaritzako Kultura Sailak eta Nafarroako Hezkuntza Kontseilaritzeak, euskerea kultura-loturatzat hartuta eta ondarea sustatzeko eta bultzatzeko bakotxak dituan eskumenak erabiliz, Asmoen Adierazpena izenpetu dabe Iruñean, Nafarroako Jauregian.
Ainhoa Artetak platinozko diskoa jaso dau 'La Vida' lanagaitik
2009-01-26 17:53 Musikea
Ainhoa Arteta soprano tolosarrak platinozko diskoa jaso eban bart New Yorken, 'La vida' bere azken lanaren 200.000 ale baino gehiago saldu ostean. Diskoan, azken mendeko estilo desbardinetako abesti klasikoak kantetan ditu Artetak.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...