Elkar argitaletxeko editorea zan Joxantonio Ormazabal hilda topau dabe
2010-05-03 18:24 kulturbiz
Umeentzako liburuen editore lanetan jardun eban Ormazabalek, eta liburu asko idatzi zituan. Pasa dan eguenean bertan aurkeztu eban bere azken lana: Ehun ipuin hitz gutxitan haur literaturako liburua, zortzi urtetik gorakoentzat.
Bilboko auzoek kaleko arte eszenikoen proposamenez osotutako eskaintza zabala jasoko dabe maiatzean eta bagilean
2010-05-03 15:40 jardunaldiak
Kultura eta Hezkuntza Sailak diseinau dauen programazinoan zirkua, clownen erakustaldia eta honezkero ohikoak diran magia, kaleko antzerkia eta kaleko bandek eskainitako musika animazinoa izango dira, Bilboko hainbat auzo eta barrutitan.
Hirurogeta hamabi bertsolarik emon dabe izena Bizkaiko Bertsolari Txapelketan
2010-05-03 15:36 Bertsolaritzea
Bi urterik behin izaten da Bizkaiko Bertsolari Txapelketea eta, honezkero, hastear dago Eskualdeetako txapelketea, ondoren, udagoienean, Bizkaiko Txapelketeari ekiteko. Informazino-eguneratua www.bizkaikotxapelketa.biz webgunean jaso zeinkie.
Euskerearen aldaerak jasoten dituan atlasa aurkeztu dabe Bilbon
2010-04-30 15:24 Euskerea berbagai
Euskararen Herri Hizkeren Atlasak (EHHA) ahozko euskerearen aldaerak mapetan jasotea dau helburu. Euskaltzaindiak 1983an onartu eban egitasmo hau, Markina-Xemeinen egindako Dialektologia Barne Jardunaldietan, eta gaur aurkeztu dira lehenengo liburuki biak.
Errotek herrian izan daben garrantzia azaltzeko ibilaldia antolatu dabe Zeanurin
2010-04-30 14:20
Ibilbideari herriko plazan ekingo deutse, goizeko bederatzietan. Halanda be, aurretik izena emon beharko da eta bi euro ordaindu, gero jasoko dan jan-edanaren trukean.
Jaurlaritzeak eta Basque Culinary Centerrek hitzarmena sinatu dabe euskal gastronomiaren bitartez turismoa sustatzeko
2010-04-30 11:04 Jan edanak
Erakundeok helburu bi ditue: batetik, Euskal Autonomi Erkidegoko gastronomiaren inguruko ikerketa eta barrikuntza lagundu eta sustatzea eta, bestetik, gastronomiaren arloko aitzindaritzea finkatzea, turismoari begira elementu bereizgarria dan aldetik.
I. Kalitatea Azokea Bilbon kalidadezko nekazaritza eta arrantza elikagaiak sustatzeko helburuagaz
2010-04-29 18:40
Bilboko Plaza Barria I. Kalidadea Azokearen kokaleku izango da apirilaren 30etik maiatzeren 2ra. Ekitaldi horretan lehenengoz, Eusko Label kalidadezko bereizgarria daben 12 produktuak, Jatorri Izendapenekoak eta Nekazaritza Ekologikokoak egongo dira.
Euskal Herriko Dantzari Eguna 2010 Baionan
2010-04-29 18:03 Kulturea
Datorren maiatzaren 2an egingo da Baionan Euskal Herriko Jantzari Eguna. Dana dala, Euskal Dantzarien Biltzarrak preparau dauen egitarauan hiru egunez, apirilaren 30ean, maiatzaren 1 eta 2an izango dira ekitaldiak.
Honezkero salgai dagoz FANT jaialdirako sarrerak eta abonuak
2010-04-29 15:48 BarriakEmonaldi bakotxerako sarrerak 5 euroan eros daitekez Capitol Zine aretoko txarteldegietan. Saio guztietara sartzeko aukerea emongo daben abonuak be bertan erosi ahal izango dira, 30 euroan. Abonua dabenek zine aretoko txarteldegitik pasau beharko dabe beti euren sarrerea jasoteko.
Blas de Otero-Bilboko Uria Nazinoarteko Poesia Sariaren hirugarren edizinoa martxan dago
2010-04-29 14:30 sariak-autortzak
Lehiaketeak 6.600 euroko bi sari banatuko ditu irabazle diran bi lanen artean, euskerazko eta gaztelaniazko modalidadeetan. Lanak paperean aurkeztu edo Bilboko Udaleko webgunearen bitartez bialdu ahal izango dirala, bagilaren 15a baino lehen.
‘Nafarroan euskeraz biziteko eskubidea’ manifestazinorako deialdiagaz bat egin dabe honezkero 1.600 lagunek
2010-04-29 11:31 Euskerea berbagai
Ekimenaren aurkezpena Kontseiluko bazkideakaz batera 80 bat lagunek egin dabe. Ordutik, atxikimenduak gehitzen joan dira etenbarik. Momentu honetan 1.600 atxikimendu batu dira ekimenerako sortutako blogaren (www.blogak.com/maiatzak15) bitartez.
Jantzearen Nazinoarteko Egunagaz bat eginik, makinatxu bat ekitaldi bazterretan
2010-04-29 10:55 Kulturea
Jantzea disziplinea da, lana da, irakaskuntzea da, komunikazinoa da. Jantzeagaz berbak aurrezten doguz, akaso beste pertsona batzuk ulertuko ez zituen berbak, eta guztiontzat ezagun gertatzen jakun hizkuntzea ezartzen dogu.
Tolo Calafat mendizalea hil egin da Annapurnan
2010-04-29 10:19
Martitzenean, Juanito Oiarzabalegaz eta Carlos Paunerregaz tontorra egin ondoren, Calafat laugarren kanpamentura ailegau ezinik geratu zan, 7.600 metroan, antza, buruko edemeak jota.
'Dinosauro Parkea' Getxon, udalerrira bisitariak erakarteko eta bertoko merkataritza eta ostalaritzearen jarduerea sustatzeko apostua
2010-04-28 18:33
Maiatzaren 1etik urriaren 31ra, Getxon, Areetako Txurruka moilan 'Getxo Dinosauro Parkea' ikusi ahal izango da. Erakusketa tematikoa aro Kretazikoan eta Jurasikoan, hau da, dinosauroen urrezko garaian bizi ziran izaki ikusgarrienetako batzuen tamaina errealeko 16 erreprodukzinoz osotutakoa da.
'Kultura Kalez Kale' egitarauak kaleko zenbait ikuskizun eroango ditu Bilboko 5. barrutira
2010-04-28 15:16 jardunaldiak
'Kultura Kalez Kale' ekimena mota guztietako ikusleei zuzenduta dago eta kaleko jardueraz eta ikuskizunez betetako ekimena maiatzean eta bagilean egingo da, 5. barrutian, Ibaiondon. Barruti horretan dagoz Zazpi Kaleak, Solokoetxe, Atxuri, Bilbo Zaharra, San Frantzisko, Zabala, Miribilla, San Adrian eta Abusu.
Leioako XI. Umore Azokeak 49 ikuskizun eskainiko ditu maiatzaren 20tik 23ra
2010-04-28 14:14 Kulturea
Umore Azoka-Leioako Kaleko Artisten XI. Azokeak Euskal Herriko zein mundu osotik etorritako artistei euren azken sorkuntzak publiko orokorrari zein profesionalei ezagutzeko aukerea eskainiko deutse. Danetara, Euskal Herritik 10 konpainia, Estadu espainoletik 26 eta nazinoartetik 13k parte hartuko dabe aurtengo egitarauan.
Euskerearen Herri Hizkeren Atlasa-ren I. eta II. Liburukiak aurkeztuko ditu Euskaltzaindiak
2010-04-28 12:24 Euskerea berbagaiHizkuntzaren ahozko aldaera desbardinak mapetan agirian emoteko egiten dira hizkuntza atlasak. Beraz, Euskerearen Herri Hizkeren Atlasak (EHHA) ahozko euskerearen aldaerak mapetan jasotea dau helburu. Euskaltzaindiak 1983an onartu eban egitasmo hau.
Juanito Oiartzabal Annapurnaren (8.091 m.) tontorrera heldu da
2010-04-27 15:11
Carlos Pauner eta Tolo Calafategaz batera, 12 orduko igoerearen ondoren heldu da arabarra tontorrera eta honezkero beherantza doaz, 4. kanpalekura gaua egin orduko heltzeko. Juanito Oiartzabalen 24. zortzimilakoa da.
Oh Eun-Sun korearrak Annapurnako tontorra zapaldu dau
2010-04-27 14:22
Annapurna zan falta jakon bakarra eta, beraz, zortzi mila metrotik gorako 14 mendiak igon dituan munduko lehenengo emakumea da (Dudak argitzea falta dan arren).
'Ideiak biluztu, busti Huezinema', III. euskal film laburren jaialdia apirilaren 27tik 29ra
2010-04-27 11:15 Barriak
Danetara, 66 film labur aurkeztu dira, 13 euskerazkoak eta 53 gaztelaniazkoak; aukeraketa lana, barriz, Ane Muñozek, Alberto Gorritibereak eta Itziar Ituñok osotutako epaimahaiak egin dau. Aurkeztutako lanen artean, 49 dira fikzinozkoak, hamabi dokumentalak eta bost animazinokoak.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...