EITB, Metaposta zerbitzuagaz bat egin dauan lehenengo komunikazino taldea

Bizkaie! 2012-05-25 13:41

EITB taldeak Metaposta zerbitzuan sartzeko hitzarmena sinatu dau asteon. Holan, aurrerantzean EITBko 900 beharginek Metaposta postontzi eta dokumentu-gordailua erabilteko aukerea izango dabe.

Nafarroako konkisteari buruzko nazinoarteko biltzarra antolatu dau Xavier Mina alkarteak

Bizkaie! 2012-05-25 11:55   jardunaldiak

Nafarroako konkista eta europar erreforma jardunaldiak antolatuko ditu Xavier Mina Nafarroako Ikerketa Historikoen Alkarteak maiatzaren 31tik bagilaren 2ra bitartean Atarrabiako kultur etxean. Danetara, Euskal Herriko zein kanpoko 24 historialarik hartu dabe parte.

»» Ikusi argazki guztiak (1)

Eusko Jaurlaritzeak Euskerea Sustatzeko Ekintza Plan barria gizarteratzeko prozesua hasi dau

Bizkaie! 2012-05-25 11:13   Euskerea berbagai

Bide nagusia Euskera 21 bloga izango da. Hilebetez, bagilaren 24ra arte, nahi dauenak bere ekarpen eta proposamenak egiteko aukerea izango dau blog horretan.

Arantxa Urretabizkaiaren 'Zergatik panpox', Klasikoen 5. irakurraldi jarraituan

Bizkaie! 2012-05-24 18:29   Kulturea

Bilbo Zaharra euskaltegiak Arantxa Urretabizkaia idazle eta euskaltzain urgazlearen Zergatik panpox liburuari eskainiko deutso Klasikoen 5. irakurraldi jarraitua. Irakurraldia baino lehen hiru berbaldi antolatu ditue Euskaltzaindiaren egoitzan.

Getxoko 29. Eskulangitza Azokeak 112 artisau batuko ditu barikutik domekara

Bizkaie! 2012-05-24 17:48   Kulturea

Getxoko 29. Eskulangintza Azokeak 112 eskulangile batuko ditu barikutik domekara bitartean. Areetako Geltokia plazan izango dira artisau gehienak, 98 hain zuzen be; ganerakoak, Ibaiondo kaleko gastronomiaren gunean egongo dira.

Guardia-Arabako Errioxa Koadrilak 'Euskara eta Ni' egitasmoa preparau dau

Bizkaie! 2012-05-24 15:54   Euskerea berbagai

Euskara eta Ni 2011. urtean egindago alkarrizketen laburpena da. Alkarrizketa horreek Arabar Errioxa Irratian egin ziran banakoek euskereagaz izandako bizipenak kontetako helburuagaz. Lau alkarrizketatu mota izan ziran: ikastolen lehenego pausuetan egondakoak, lehen belaunaldietako ikasleak, euskaltegian euskaldundutakoak eta belaunaldi barriak.

XVII. Eskola Antzerki jaialdiaren amaiera ekitaldia Arriagan izango da

Bizkaie! 2012-05-24 15:23   Kulturea

Aurtengo edizinoan sariak irabazi dituen lanak honako honeek dira: Maestra Isabel Gallego Gorria L.H.I.-ko Ebamirentxu eta Ring; Viuda de Epalza L.H.I.-ko Denboran bidaiatzen; Txurdinaga-Behekoa Batxilergoko Institutuko La posadera eta Karmelo Ikastolako Lore horia. Horrezaz gan, epaimahaiak akzesit bat emon deutso Solokoetxeko Karmelo institutuko Soloko kabareta lanari.

Nazinoarteko hogei bat egilek eta kolektibok III. Autoeditatuak topaketan parte hartuko dabe

Bizkaie! 2012-05-24 15:02   jardunaldiak

AlhóndigaBilbaon Autoeditatuak topaketearen hirugarren edizinoa egingo da datorren zapatuan, maiatzaren 26an. Nazinoarteko hogei bat fanzine, aldizkari eta kopuru mugatuko produkzino egongo dira mikroedizinoari eskainitako topaketa honetan.

Castillo Suarezek, Uxue Alberdik eta Xabier Mendigurenek umeentzako liburu bana atara dabe

Bizkaie! 2012-05-24 13:06   Kulturea

Xabier Mendigurenen Kulerozahar, Castillo Suarezen Krispeta hegalariak eta Uxue Alberdiren Marizikina naiz, eta zer? umeentzako liburuak argitaratu ditu Elkar etxeak.

»» Ikusi argazki guztiak (3)

Bertsoapp iPhone, iPad eta iPod Touch-erako aplikazinoa sortu dabe

Bizkaie! 2012-05-24 11:01   Bertsolaritzea

Bertsoapp iPhone, iPad eta iPod Touch-erako bertso aplikazinoa garatu dau Lander Unanuek. Daborduko Apple enpresearen App Storen eskuragarri dago, doban.

Literaturia 2012: astegoien betea Larrabetzun

Bizkaie! 2012-05-23 18:45   jardunaldiak

Laugarren aldiz antolatu dabe Literaturia, euskerazko literaturearen plaza. Literaturia Literatura Eskolearen ekimenez sortu zan 2009an, literatura eta oro har kulturgintzako hainbat eragilegaz alkarlanean.

Bilborock aretoak 734.000 ikusle baino gehiago izan ditu 15 urteotan

Bizkaie! 2012-05-23 18:23   kulturbiz

Bilborock aretoak 15 urte bete barri ditu. Urteotan 734.000 ikusletik gora izan dira bertan moeta guztietakoa adierazpen kultural zein sozialetan. Bilboko Udalaren Euskera, Gazteria eta Kirol Sailaren menpe dago.

Zaratamoko toponimiaren mapea argitaratu dabe

Bizkaie! 2012-05-23 17:22   Euskerea berbagai

Zaratamoko toponimiaren mapea aurkeztu barri dabe. 2008tik, Maier Gurrutxaga eta Goizaldi Ugarte ikertzaileak ibili dira mapa toponimiko-topografikoa osotzen, Felix Mugurutza Euskaltzaindiaren Onomastika batzordeko kidearen zuzendaritzapean. Zaratamoko Udalak mapearen 2.000 ale argitaratu ditu.

Patti Smithek Bilbon joko dau zemendian, Guggenheimeko 'Women´s Nights' zikloan

Bizkaie! 2012-05-23 15:34   Musikea

Women’s Nights zikloak Patti Smith, Wanda Jackson, Nneka, Cocorosie eta Julieta Venegas musikariak ekarriko ditu Gugenheim museora garagarrilean eta zemendian. Lehenengo kontzertua Wanda Jacksonek emongo dau, garagarrilaren 3an.

»» Ikusi argazki guztiak (3)

Cristobal Balenciaga Museoak hainbat jarduera antolatu ditu bere lehen urteurrena ospatzeko

Bizkaie! 2012-05-23 14:28   kulturbiz

Getariko Cristobal Balenciaga Museoak ateak edegi zituanetik urtebete izango da datorren bagilaren 10ean. Ordutik, ia 100.000 lagun izan dira instalazinoetan, Getarian jaiotako jostunaren sorkariak behatzen, eta egun berezi hori aintzat hartuta, museoak hainbat ekitaldi antolatu ditu urteurrenaren inguruko egunetarako.

Gipuzkoako monumentu megalitikoen bilatzailea atondu dau Aranzadik

Bizkaie! 2012-05-23 13:53

Aranzadi alkarteak Gipuzkoako monumentu megalitikoen eta aztarnategien bilatzailea ipini dau martxan, euren webgunean bertan, www. aranzadi-zientziak.org-en, Arkeologia atalean. 250 momumentutik gora batu ditu Aranzadik, tartean, trikuharriak, harrespilak, tumuluak, harkutxak eta zutarriak.

Karlos Linazasorok 'Apenas' egunkari poetikoa argitaratu dau

Bizkaie! 2012-05-23 12:36   Kulturea

Karlos Linazasorok Apenas liburua kaleratu barri dau, Utriusque Vasconiae argitaletxearen eskutik. Egunkari poetikoa osotu dau idazle tolosarrak. Errealidadea abiapuntu, egoera edo gogoeta bat, fikzinora egin dau salto egileak egunez egunez, umorea, surrealismoa edo mundu onirikoak erabiliz.

Gueñesko Udalak Internet bidez herritarren partaidetzea sustatzeko proiektua aurkeztuko dau eCitizen europar topaketan

Bizkaie! 2012-05-23 12:36

Gueñesko Udalak, Eudelen babesagaz, e-partaidetzako proiektua aurkeztuko dau eCitizen europar topaketan, maiatzaren 28tik 31ra bitartean Kerryn (Irlanda) egingo dan bilkuran. Europa mailako trukerako foro horretako kide aktiboa da Eudel, eta Gueñesko Udalaren www.guenes.info webgune barria aukeratu dau e-partaidetzearen arloko jardunbide egokien eredu legez.

ACT jaialdiak mundu osoko sortzaile barriak batuko ditu Bilbon eta Barakaldon

Bizkaie! 2012-05-23 11:41   Kulturea

ACT Nazinoarteko Sortzaile Barrien Antzerkialdia antzerkizale eta arte eszenikoetako profesionalen alkargunea izango da maiatzaren 30etik bagilaren 2ra arte, Bilbo eta Barakaldoko hainbat agertokitan. Euskal Herriko konpainiekaz batera mundu osotik etorritakoak izango dira.

14 artista aurkeztu dira Bilbo Zaharreko merkataritza lokalak graffitiz apaintzeko 'Behera Pertsianak' IV. Lehiaketara

Bizkaie! 2012-05-23 11:03   kulturbiz

Epaimahaiak Sebastián Velascoren, Nuria Serranoren (bi horreek 2011ko edizinoan be sarituak izan ziran) eta Juan de la Cruz Irazabalen zirriborroak aukeratu ditu, edizino honetan 14 artistak aurkeztu dituen proiektuen artean.