Sherpa Next euskal aplikazinoa instalauko dau bere gailuetan Samsung etxeak

| Ikusi handiago | Argazki originala

Sherpa enpreseagaz akordioa zarratu dauela iragarri dau gaur Samsung konpainiak, Sherpa Next aplikazinoa bere gailuetan instaletako. Holan, aurrerantzean Samsung Galaxy S6 eta Galaxy S6 edge gailuek aurrez instalauta izango dabe Xabier Uribe-Etxebarria ekintzaile bizkaitarrak sortutako aplikazinoa.

Euskal app-ak bersino berezia izango dau, Samsung Galaxy S6 edge telefono adimendu barrietara egokitutakoa. Sherpa Next-en bersino barria dobakoa izango da eta datozen asteotan eskuragarri izango dabe erabiltzaileek Galaxy Apps eta Google Play plataformetan.

Akordio honegaz, Sherpa Next aplikazinoa zabaltzeko fasea abiatuko dogu, eta zabalkunde hori telefonia alorrean punta-puntako konpainia baten eskutik egitea oso pozgarria da guretzat, esan dau Xabier Uribe-Etxebarriak.

Bestalde, Celestino Garcia Samsung etxeko presidenteordeak adierazo dauenez, Samsung Galaxy S6 eta Samsung Galaxy S6 edge gailuetarako  garatutako diseinua dau Sherpa Next aplikazinoak. Horren bidez, dagoeneko Samsung enpreseagaz bat egin dabenen esperientzia aberastuko da, eta bat egin ez dabenek Samsungera joteko tentazinoa izango dabe.

Sherpa Next aplikazinoaren bersino barriak inteligentzia artifizial indartsuagoa dakar. Samsungek eta Sherpak azaldu dabenez, laguntzaile personal ideala da, eguneko momentuaren arabera eta erabiltzailearen arabera informazinorik nabarmenena aukeratuko dabelako, bilatu beharrik izan barik.