Espido Freirek eta Susanne Vålandek 'Emakume izan Norvegian: gizartea eta literatura' berbaldia emongo dabe Bilbon
2013-02-26 14:52 kulturbiz
Espido Freire idazle bilbotarrak eta Susanne Våland norvegiarrak, gizartearen eta literaturearen ikuspegietatik emakumeak Norvegian beteten dauen lekuari buruzko berbaldia emongo dabe, datorren eguenean, zezeilaren 28an. Berbaldia, Bilboko Udaleko Kultura eta Hezkuntza Sailak, Emakumearen Eguna ospatzeko, antolatu dituan jardueren barruan sartzen da.
Gaixorik dagoan neskato baten familiari laguntzeko dirua batzen dabilz Atxuri ikastetxeko gurasoak
2013-02-26 13:02
Atxuriko García Rivero Ikastetxean matrikulauta dagoan sei urteko neskato bat da Cloe. Bihotzeko gaixotasun bat dala eta, bihotz-transplante baten zain dago. Igazko maiatzean, Madrilgo Gregorio Marañon Ospitalean ingresau eben Cloe, Estaduan beste inon ez dabelako egiten umeen transplanterik.
'Moneda suelta' eta 'Nube y cuchara' poesia lanak aurkeztuko ditue arrastian Bidebarrietan
2013-02-26 11:07 Kulturea
Jorge Gonzalez Arangurenek eta Javier Agirre Gandariasek liburu bana aurkeztuko dabe arrastian Bilboko Bidebarrieta liburutegian, Moneda suelta eta Nube y cuchara poesia lanak hai zuzen be. Ekitaldia 19:30ean hasiko da.
Euskaltzaindiak 14 euskaltzain urgazle barri izentau ditu
2013-02-25 13:45 Euskerea berbagai
Akademiaren batzorde akademikoetan 2005etik lanean dabilzan personak izentau ditue: Iñaki Aldekoa, Kaxildo Alkorta, Iñaki Amundarain, Nagore Etxebarria, Beatriz Fernandez, Juan Garzia, Antton Gurrutxaga, Patxi Juaristi, Gerardo Luzuriaga, Elena Martinez de Madina, Felix Mugurutza, Manu Ormazabal, Erramun Osa eta Iratxe Retolaza
Ben Affleckek zuzendutako 'Argo' Oscar sarietako irabazle
2013-02-25 10:10 Barriak
Argo Ben Affleckek zuzendutako lanak irabazi dau pelikula onenaren Oscar saria, eta beste hiru sari be jaso ditu. Ang Leeren Life of Pi-k lau sari lortu ditu, tartean zuzendari onenari Oscar saria. Michael Haneke austriarraren Amour beharrarentzat izan da ingelesezkoa ez dan film onenaren saria.
Manex Agirrek irabazi dau 2. finalerdia
2013-02-25 09:57 Bertsolaritzea
Manex Agirre izan da jaun da jaube 354 puntugaz, jarraian baina tarteko alde handiagaz Ander Solozabal 291,5 puntugaz, Andere Arriolabengoa 289 puntugaz, Paula Amilburu 286,5egaz, Unai Mendibil 281,5egaz eta Zigor Enbeita 280,5 puntugaz.
'Koldo Mitxelenaren zinema- eta liburu-kritiketako diskurtso-estrategiak: enuntziatu parentetikoak' liburua aurkeztu dabe Bilbon
2013-02-22 14:45 Euskerea berbagai
Gaur, zezeilak 22, Agurtzane Azpeitiaren Koldo Mitxelenaren zinema- eta liburu-kritiketako diskurtso-estrategiak: enuntziatu parentetikoak liburua aurkeztu dabe Euskaltzaindiaren egoitzan. Liburua Akademiaren Iker bildumako 29. zenbakia da, eta Mondragon Unibersidadearen eta Akademiaren arteko hitzarmenari esker argitaratu da.
'Reinventer le monde' erakusketea edegi dabe Bilboko Rekalde aretoan
2013-02-22 13:43 Kulturea
Reinventer le monde taldeko erakusketea maiatzaren 5era arte egongo da ikusgai Bilboko Rekalde aretoan. Akitania-Euskadi euroeskualdearen laguntzinoa izan dau erakusketeak.
Euskerea indartzea eta suspertzea dala lehentasuna esan dau Jaurlaritzeak Bruselan
2013-02-22 10:58 Euskerea berbagai
Hizkuntza Politikako sailburuordeak nabarmendu dau Gobernuaren lehentasuna euskarea indartzea eta suspertzea dala, eta, prozesu horretan, hiru faktore erabagigarriak dirala: hizkuntzearen legezko babesaren estatusa, hizkuntza-politika aktiboa eta, batez be, herritarren atxikimendua eta borondatea.
Patxo Telleria eta Jon Urraza zuzendariak, Max sarietarako hautagai
2013-02-22 10:21 Kulturea
Patxo Telleria eta Jon Urraza antzerkigileak Max sarietarako hautagai izentau ditue, euskeraz idatzitako antzezlanean arloan. Maiatzaren 13an banatuko ditue sariak.
Labo 2013 + Kimuak 2012 Film Laburren Astea Donostian
2013-02-21 16:56 Barriak
Aurten, barrikuntza moduan, Labori eskainitako asteak tarte bat eskainiko deutso Kimuak programeari. Astelehenean, hilak 25, 2012an programa horretan hautatutako zazpi film laburrak eskainiko dira. Kimuak Eusko Jaurlaritzako Kultura sailak, Etxepare Institutuak eta Euskadiko Filmategiak antolatzen daben ekimena da.
Mundumirarik ez da izango aurten
2013-02-21 14:35 kulturbiz
Etorkizunera begira proiektua indartzeko eta datozen edizinoetako oinarriak eta ereduak ezartzeko helburuagaz, aurten Mundumira Jaialdia ez antolatzeko erabagia hartu dogu. Erabagia aho-batez hartu dabe Jaialdiaren antolatzaileek: Debagoieneko Mankomunidadeak, Euskal Herria aldizkariak eta Ginmusica musika sustatzaileak.
Tick-ek % 60ko deskontuak eskaintzen ditu Zineuskadiko zinema-aretoetan
2013-02-21 13:36 Barriak
Tick kultur klubak akordio bat sinatu dau Zineuskadi eta 12 zinema-aretoen artean bizi dogun krisi sasoian filmak ikustea % 60 merkeago izan daiten. Akordio honi esker, 12 zinema-aretok deskontua eskainiko dabe Tick txartela erakutsita.
Islamera bihurtutako emakumeei buruzko ikerlan batek irabazi dau UPV/EHUko I. Maria Goyri Saria
2013-02-21 12:06
Ikasketa Feminista eta Generokoak masterreko ikasle Itzea Goicoleak irabazi dau genero ikuspegia barne hartzen daben master amaierako lanen I. Maria Goyri Saria. Epaimahaiak, deialdi honetara aurkeztutako zortzi lanen artean, haren lana hautatu eban, Feminismoa eta errukia: genero analisi bat islamera bihurtutako emakumeen inguruan izenekoa, Miren Llona irakasleak zuzendurikoa.
Galtzagorri alkarteak euskerazko Ume eta Gazte Literatureari buruzko dokumentazino gunea sortu dau
2013-02-21 12:00
Galtzagorri alkarteak Dokumentazio Gunea izeneko atal barria ipini dau martxan bere webgunean. Euskerazko Ume eta Gazte Literaturako liburuen kritikak, lanen gidak eta bibliografia jaso ditue bertan. Aldizkarien mailegu zerbitzua gune honetatik bideratuko dabe aurrerantzean.
Carmelo Bernaola musikagile otxandioarraren argitaratu bako lau lan kaleratu ditu EOSek
2013-02-21 10:49 Musikea
Euskadiko Orkestra Sinfonikoak argitaratu barri dau Carmelo Bernaola 1929-2002, musikagile otxandioarraren lau lanez osotutako diskoa. Euskal Konpositoreen Bildumako 15. alea da, eta azkenengoa, hain zuzen be.
Zezeilak 21: Ama Hizkuntzearen Nazinoarteko Eguna
2013-02-21 09:17 Euskerea berbagai
Liburua ama hizkuntzan oinarritutako heziketearen ardatz lemapean, Irina Bokova Unescoko zuzendari nagusiak adierazo dauenez, teknologia barrien sasoian, liburuak tresna eder eta erabilgarriak dira ezagutza trukerako, alkar ulermenerako eta mundura zabaltzeko. Ezagutzaren gizarteen euskarri dira eta adierazpen askatasunaren eta danontzako heziketearen sustapenaren abangoardian dagoz.
Kultur Maratila egitarauak musikea, antzerkia eta zirkua dakarz Leioara
2013-02-20 14:54 kulturbiz
Kultur Maratila euskera hutseko kultura egitaraua aurkeztu dau Leioako Udalak. Musikea, antzerkia eta zirkua izango dira aurtengo osogai nagusiak. Lehenengo hitzordua zezeilaren 28an izango da, Horman Poster kolektiboaren Iragan perfektua antzezlanaren eskutik.
Anari taldeak Zarautzen amaituko dau birea martiaren 10ean
2013-02-20 13:17 Musikea
Anari taldeak joteari itxiko deutso, boladatxu baterako, taldekideetako batzuk beste proiektu batzuk burutu ahal izateko. Birea amaitu orduko, baina, lau kontzertu emongo ditue, lehenengoa zezeilaren 23an, Donostiako Viktoria Eugenian.
Harkaitz Canoren 'Twist' gaztelaniaz argitaratu dabe
2013-02-20 11:46 Kulturea
Harkaitz Cano idazle lasartearraren Twist liburua gaztelaniaz argitaratu dau Seix Barral argitaletxeak, Etxepare Euskal Institutuaren diru-laguntzinoari esker. Itzultzailea Gerardo Markuleta idazle oñatiarra izan da.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...