Logoa

Umeentzako euskerazko hamaika film, Zinegabonak programan

Bizkaie! 2015-12-23 11:23   Zinemea

Hirugarren edizinoa beteko dau aurten Zinegabonak egitasmoak. Gabonetako oporraldia aprobetxauta, umeentzako animazinozko filmen programazinoa antolatu dau Zineuskadi alkarteak, Gasteizen, Bilbon, Donostian, Iruñean eta Urruñan. Pelikula guztiak euskerazko bersinoan emongo ditue eta euro baten salduko ditue sarrerak.

'Unbranded' filmak irabazi dau Bilbao Mendi Festival 2015eko Urrezko Eguzkilorea

Bizkaie! 2015-12-21 10:10   Zinemea

Urzulo izan da euskerazko pelikula onena, High and mighty metraje laburreko filmik onena, Sunakali kultura eta naturako pelikularik onena, Jurek alpinismoko film onena, Eliza Kubarska zuzendari onena, A line across the sky eskaladako pelikularik onena, Reach your limits kirol eta abenturako lanik onena; Snowman pelikuleak gidoi onenaren saria jaso dau, Meru pelikulak argazkilaritzakoa eta Suspentes et cordes de violon au Pakistan izenburukoak epaimahaiaren saria

'Loreak' filma Oscarretako lehiatik kanpo geratu da

Bizkaie! 2015-12-18 09:21   Zinemea

Bart gauean hautagaien arteko aukeraketa bat egin dau Hollywoodeko epaimahaiak eta bederatzi film baino ez ditu itxi Ingelesez Besteko Film Onenaren kategoriako lehian. Jon Garaño eta Jose Mari Goenagaren Loreak filma ez dabe aukeratu eta, beraz, Oscarretako galan ez da egongo. Halandabe, Oscar saria irabaztetik hurren geratu dan euskerazko film luzea da Loreak.

Zezeilaren 22tik 29ra egingo da Zinegoak jaialdiaren hurrengo edizinoa

Bizkaie! 2015-12-17 16:31   Zinemea

LGTB gaiak lantzen dituan Zinegoak zinema jaialdiaren datak aldatzea erabagi dabe Hegoak alkarte antolatzaileko kideek. Berlinaleko Teddy Award sariaren oihartzunagaz bat egiteko asmoz, 2016ko zezeilaren 22tik 29ra egingo dabe hurrengo edizinoa, hau da, ohi baino hilabete geroago. Afektu aniztasunagaz, sexu nortasunagaz eta genero begiradeagaz lotutako jarduera ugari be egongo dira Bilbon Zinegoakegaz batera.

Bilboko Fant, XXII. Fantasiazko Zinemaldirako lanak aurkezteko epea martiaren 16an amaituko da

Bizkaie! 2015-12-17 14:45   Zinemea

Barrikuntza legez, FANT-en hurrengo edizinoak, eskuko telefonoakaz grabautako fantasiazko edo bildurrezko film laburren lehiaketa barria jasoko dau. Proposamen bakotxak gehienez be 10 minutuko iraupena izango dau.

Film laburrak protagonista Bilbon, Egunik Laburrena zikloan

Bizkaie! 2015-12-17 10:39   Zinemea

Bizkaiko uriburuko hainbat txokotan proiekzinoak eta bestelako jarduerak egingo ditue Egunik Laburrena zikloaren barruan, abenduaren 18tik 23ra. Film laburrak aldarrikatzeko sortu da ekimena eta Bilbok be bat egin dau oraingoan. 30 film inguru emongo ditue.

Olentzero Munduan, Arraun the World dokumentalaren aurrestrenaldia Getxon

Bizkaie! 2015-12-17 10:34   Zinemea

Olentzero Munduan. Arraun the World dokumentalaren aurrestreinaldia datorren martitzenean, abenduaren 22an, izango da, 19:00etan, Andres Isasi Musika Eskolan, Getxoko Udalak antolatutako Liburutegian Topaleku programearen barruan, hau da, kulturaniztasunagaz alkarbizitea sustatuz antolatutako ekitaldien artean.

IX. Huhezinemara lanak bialtzeko epea zabalik

Bizkaie! 2015-12-16 10:29   Zinemea

Huhezinema Euskal Film Laburren Jaialdiaren 9. edizinoa, 2016ko martiaren 16tik 18ra bitartean egingo da Aretxabaletako Arkupe Kultur etxean. Mondragon Unibersidadeko Ikus-entzunezko Komunikazinoko 14 ikaslek osotzen dabe lan-talde barria eta Iban del Campo irakasleak gidatuko ditu.

Euskal zinemea Uruguain erakutsiko dabe asteon

Bizkaie! 2015-12-15 12:07   Zinemea

Euskal zinemagintzearen inguruko programazinoa preparau dabe Uruguain Etxepare Euskal Institutuak eta Zinebi Bilboko Film Labur eta Dokumentalaren Jaialdiak, Uruguaiko Zinematekeagaz alkarlanean. Zortzi film luze eta beste horrenbeste labur aurkeztuko ditue Hego Amerikako herrialde haretan, martitzenetik domekara bitarteko egitarauan.

'La novia' Paula Ortizen lanak 12 izendapen jaso ditu, Goya sarien 30. edizinorako

Bizkaie! 2015-12-15 11:23   Zinemea

Euskal zinemeari jagokonez, Asier Etxeandia (La novia) gizonezko aktore onenaren sarirako hautagaien zerrendan egongo da, eta Iraia Elias (Amama) eta Irene Escolar (Un otoño sin Berlín Lara Izagirre zornotzarraren filmeko protagonistea) emakumezko aktore barri onenaren sailean lehiatuko dira.

Zinema kurdua Bilbon

Bizkaie! 2015-12-11 10:33   Zinemea

Bilboko Udaleko Kultura Sailak Zinema Kurduaren Zikloa antolatu dau Santutxuko udal zentroan, Kultur Gabonak programearen barruan. Newroz Euskal Kurdu Alkartearen laguntzinoa dauen zikloak nazinoarteko jaialdietan saritutako fikzinozko hiru film eta bi dokumental eskainiko ditu datorren astelehenetik barikura.

Onintza Etxebesteren ‘Sagardotegia omen zan’ film laburrak irabazi dau Suroscopian

Bizkaie! 2015-12-09 17:11   Zinemea

Sagardotegia omen zan lanak irabazi dau Kordobako Unibersidadeak antolatu dauen lehiaketearen bosgarren edizinoa. Onintza Etxebesteren Sagardotegia omen zan, María Lópezen Enlatados eta Beatriz Hohenleiterren Agosto izan dira irabazleak, dokumentala, fikzinoa eta bideo-artea sailetan, hurranez hurran.

Jose Mari Goenaga ('Loreak'): 'Hamar urte behar izan dodaz zinematik biziteko gai nazala sinisteko'

Dabi Piedra 2015-12-07 13:48   Zinemea

Jose Mari Goenaga eta Jon Garaño zinemagileak Irudienea gunean izan dira, solasaldi baten. Oscarretarako lehian dan Loreak filmaren arrakastearen atzekoak kontau ditue, urte luzetako lana egin dabelako biek. Goenaga eta Garaño Sarobe zinema-eskolan ezagutu ziran eta proiektu ugaritan ibili dira alkarregaz.

XIX. Cortada Film Laburren Lehiaketea gaur hasi eta hilaren 5era bitartean Gasteizen

Bizkaie! 2015-12-01 09:47   Zinemea

Aurten, barrikuntza moduan, egun bat euskal film laburrei eskainiko jake UPV/EHUko euskerearen aldeko Ehuskarabanda jaiagaz bat etorrita. Egun hori abenduaren 3a izango da eta gure herriko film laburrak ikusteaz gan euskerearen erabilerea sustatzeko bideo-maratoi tradizionala egingo da.

Zinebi 57K, uria filmaketarako sustatu nahi dauen 'Bilbao Bizkaia Exterior Dia' talde filma estreinauko dau gaur

Bizkaie! 2015-11-16 14:42   Zinemea

Film kolektiboa osotzen daben film laburrak Pedro Olearen Zonbi Eguna; Javier Rebolloren El amigo imaginario; Enrique Urbizuren Misterio en el parque de Doña Casilda; Mikel Ruedaren Caminan; Luis Maríasen Amatxu Maitea; Imanol Uriberen Parpadeos; eta Sra. Polaroiskaren Los ocho pecados capitales dira. 

Gasteizko 'VI. Literatura, Zinema eta Mendi jardunaldiak' Bilbao Mendi Film Festival-en eskutik

Bizkaie! 2015-11-16 13:29   Zinemea

Mendi Film Festivalen eskutik, Literaturearen, Zinemearen eta Mendiaren ganeko VI. Jardunaldiak: Mendikultur Symposium. Mendiak aurkitzen izena izango dau aurten eta zemendiaren 16tik 18ra egingo da Euskal Herriko Unibersidadeko Letren Fakultadeko Gradu Aretoan.

Punk mobimentuaren historia izango da ardatz Artium Museoan eskainiko daben dokumental-moltsoan

Bizkaie! 2015-11-13 11:52   Zinemea

PunkZinema zapatuan hasiko da, zemendiaren 14an, Joe Strummer. The Future Is Unwritten filmaren proiekzinoagaz. Dokumentalean The Clash taldearen sortzaile eta liderraren bizia eta lana erakusten dira; artxiboko irudiak eta zinemearen (Steve Buscemi, Martin Scorsese, Johnny Depp), musikearen (Mick Jagger, Mick Jones, Bono) eta artearen (Damien Hirst) munduko persona ezagunei egindako alkarrizketak buztartuz.

Euskal film laburrak, Juan Ruiz Anchia eta Aitor Mazo protagonista Zinebi57ren inaugurazinoan

Bizkaie! 2015-11-12 14:29   Zinemea

David P. Sañudo, Iñigo Salaberria, Ander Parody, Haritz Zubillaga, Aitor Oñederra eta George Todria zinemagileak  dira Zinebi57ren inaugurazinoan eskainiko dituen film laburren egileak.

XI. Kameratoia, abenduaren 5etik 8ra Durangoko Azokan

Bizkaie! 2015-11-12 10:50   Zinemea

Euskaltzaleen Topaguneak aurten be Kameratoia Euskal Herriko Ikus-entzunezkoen Rallya antolatu dau Durangoko Azokako Irudienea plazearen barruan, 11. edizinoa. Ohikoa dan legez, erispide batzuk jarraituz, parte-hartzaileek, 50 ordu izango ditue euren film laburrak sortzeko. Izen-emotea zemendiaren 30era arte izango da zabalik eta plaza kopuru mugatua dago.

Gazteentzako booktube lehiaketea antolatu dabe Galtzagorrik eta Galdakaoko Udalak

Bizkaie! 2015-11-11 16:09   Zinemea

Liburu baten kritika edo gomendioa da booktube dalakoa, bideoan grabau eta Youtube atarian ipinten dana. Hortik booktube berbea, ingelesezko book eta Youtube batzen ditu eta. Galtzagorri alkarteak, Galdakaoko Udalaren laguntzinoagaz, euskerazko lehenengo booktube lehiaketea ipini dau, DBHko gazteei zuzenduta. Holan, Galdakao bihurtuko da euskerazko booktubeen aitzindari. Zemendiaren 27ra arte bialdu leitekez bideoak.