IX. Huhezinema, martiaren 16tik 18ra

Bizkaie! 2016-03-03 09:39   Zinemea

Martiaren 16tik 18ra egingo dabe Mondragon Unibersidadeko Huhezi Humanidade eta Hezkuntza Zientzien Fakultadeak antolatutako Huhezinema jaialdiaren 9. edizinoa. Danetara, 90 lan jaso ditue antolatzaileek, eta horreen artean hamar aukeratu sail ofizialeko finalista moduan.

Lekeitioko 39. Euskal Zine Bilerea hilebete aurrerago dator aurten

Bizkaie! 2016-03-02 11:34   Zinemea

Euskal Zine Bilerearen data aldaketearen arrazoi nagusia euskerazko zinemagintzeak dauen hitzordurik garrantzitsuenari bere lekua emotea da. Holan, Euskal Zine Bilerea Donostiako Zinemaldiaren (iraila) eta Zinebiren (zemendia) artean kokatuko da, urria euskal zinemaldiaren erreferente bilakatuz.

Bilbao Mendi Film Festival Mexikora helduko da lehen aldiz

Bizkaie! 2016-03-01 14:05   Zinemea

Martiaren 1ean eta 3an, lau film erakutsiko ditue Mexikon. Bilbao Mendi Film Festival erreferentzia da nazinoartean mendiko zinemagintzan eta horren erakusgarri, euskal produkzinoa eta zuzendaritzea daben lau pelikula eskainiko ditu Mexikoko 24 uritan, jaialdiko ale onenetakoak batzen dituan erakusketa bat zabalduz eta Euskadi sustatuz bidenabar.

Zabalik dago 2016ko Kimuak egitasmoan izena emoteko epea

Bizkaie! 2016-03-01 13:14   Zinemea

Kimuak egitasmoaren 2016ko edizinora film laburrak aurkezteko epea martiaren 1etik maiatzaren 31ra bitartean egongo da zabalik.
Eusko Jaurlaritzako Kultura Sailak Etxepare Euskal Institutuaren bitartez eta Euskadiko Filmategia Fundazinoaren laguntzinoagaz antolatutako programa honek euskal film laburren sustapena eta banaketea dau helburu.

Zinegoak Festibalak Euskadiko hogeita zazpi udalerritara eroango dau sexu aniztasuna jorratzen dauen zinemea

Bizkaie! 2016-02-29 16:48   Zinemea

Zinegoak Hedapena programeak salto nabarmena emon dau, eta igaz 14 udalerritan eskaini bazituen filmak aurten 30etan eskainiko dira, Bizkaia, Araba eta Gipuzkoan. Berdinduk, LGTB kolektiboari arreta emoteko zerbitzuak eskaintzen dauen laguntza sendoari esker, posible izan da herri gehiagotan egotea eta filmak euskerazko azpitituluakaz emotea.

Zinemarako laguntzen sistema barria aztertu dau IBAIAk

Bizkaie! 2016-02-25 11:06   Zinemea

Helburua zinemarako laguntzen eredu barria eta foru-araudian produkzino zinematografikoetan egindako inbersinoakaitiko zerga-kenkariei jagokenez aurreikusitako aldaketak ezagutzera emotea eta Euskadiko sistemara egokitzeko dagozan preminak aztertzea izan da, era horretara, gure sistemea optimizau eta indartzeko, eta beharrezkoa dan segurtasun juridikoa emoteko.

Rose Troche zinemagileak Zinegoak-en Ohorezko Saria jaso dau

Dabi Piedra 2016-02-22 13:48   Zinemea

Bilbora etorri da Rose Troche zinemagile estadubatuarra, Zinegoak jaialdiaren Ohorezko Saria jasoteko. Filmen eta telesailen bidez lesbianei gizartean euren lekua emoten eta emakume homosexualak ahalduntzen Trochek egin dauen ekarpena saritu nahi dabe antolatzaileek. Bere lanagaz lortu dauen oihartzuna ez ebala espero autortu dau Trochek eta asko pozten dala lesbianak ikusgarriago bihurtzen lagundu izanaz.

Amama, Jai Alai Blues eta Gure Sorlekuaren Bila izan dira Zinemaldia.Cat jaialdiko Urrezko Txapelen irabazleak

Bizkaie! 2016-02-22 11:58   Zinemea

Domeka gau honetan Amama filmak beste sari bat jaso dau. Asier Altunak zuzendutako pelikuleak Bartzelonako Euskal Etxeak antolatutako Zinemaldia.Cat jaialdiko Fikzinozko Pelikularik Onenari Euskadi Basque Country-Urrezko Txapela irabazi dau.

Euskal eskulturea zinemearen bidez errepasauko dau Rekalde aretoak

Bizkaie! 2016-02-16 09:51   Zinemea

Gaur, martitzena, hasita, zortzi saioko zikloa eskainiko dabe Bilboko Rekalde aretoan, Eskulturea Euskadin zinemearen bitartez izenburupean. Bertoko eskultore ezagunenen ibilbidea eta joera artistiko nagusiak ezagutzeko filmak emongo ditue, adituen azalpen eta guzti. Lehenengo saioan, La pasion de Camile Claudel emongo dabe.

Euskerazko Film Laburren Zirkuitua, Laburbira, 27 herritara helduko da aurten

Bizkaie! 2016-02-15 10:56   Zinemea

Zezeilaren 25ean hasi eta apirilera bitartean, euskerazko zortzi film labur herririk herri ibiliko dira, Euskalzaleen Topaguneak antolatutako Laburbira zikloan. Aurtengo edizinoa 13.a izango da eta 27 geldialdi aurrikusi ditue Euskal Herriko beste horrenbeste herritan. Euskerazko ikus-entzunezko lan barri eta kalidadekoak zabaltzea da Laburbiraren helburua.

'Truman' filma nagusi, 5 Goya sari irabazita

Bizkaie! 2016-02-08 10:18   Zinemea

Truman izan da 2016ko Goya sarien 30. edizinoko protagonista nagusia, izan be, bost sari irabazi ditu, Cesc Gay zuzendariaren Truman filmak 6 izendapen zituan eta 5 sari eroan ditu: Film Onenarena, Zuzendari Onenarena, Jatorrizko Gidoi Onenarena, Gizonezko Aktore Nagusi Onenarena (Ricardo Darin) eta Antzeztaldeko Gizonezko Aktore Onenarena (Javier Camara).

BilbaoArtek Bilbo eta Santander arteko 'Frontera imaginaria' proiektuko 5 ikus-entzunezko estreinauko ditu

Bizkaie! 2016-02-03 14:09   Zinemea

Bost ikus-entzunezko proiektauko dira, uri bien artean dagoan distantzia emozionala eta fisikoa murrizteko eta arintzeko asmoagaz. Hamar minutuko iraupena dauka pieza bakotxak eta talde artistiko bien arteko lanari esker sortu dira.

Euskal Herriko dozena bat film emongo ditue Bartzelonan, Zinemaldia.cat jaialdian

Bizkaie! 2016-02-02 17:27   Zinemea

Hamaikagarren edizinoa beteko dau Bartzelonako Euskal Etxeak antolatzen dauen ziklo horrek. Zezeilaren 5etik 26ra bitartean egingo dabe Zinemaldia.cat eta hamabi film lehiatuko dira sail ofizialean: Zazpi dokumentalen atalean eta beste bostak fikzinoan. Euskal Herrian sortutako ikus-entzunezko lanik barrienak Kataluniako publikoari hurreratzea da jaialdiaren helburua.

'The L Word' telesailaren egile Rose Trochek Zinegoak Ohorezko Saria jasoko dau

Bizkaie! 2016-02-02 13:50   Zinemea

Rose Troche (Chicago, 1964) zuzendari, produktore eta gidoigileak ohorezko saria jasoko dau Zinegoakeko hamahirugarren edizinoan. Holan, gaylesbotrans bilboko zinema festibalak emakume zuzendari, produktore eta gidoigileek ikus-entzunezkoaren industrian daben garrantzia nabarmendu eta aldarrikatu nahi izan dau lehiaketako zuzendari Pau Guillének

Italiako zinemagintza garaikidea Bilbora helduko da Zinecitta zikloari esker

Bizkaie! 2016-02-01 17:09   Zinemea

Zezeilaren 2tik 4ra egingo dabe Bilboko BBK Aretoan Zinecitta zikloa. Egunero film bat proiektauko da, bakotxa genero batekoa. Holan, gaur eguneko Italiako zinemea zertan dan erakutsi nahi dabe. Euskaditalia kultur espazioak antolatu dau ekimena, Bilboko Udalaren, BBKren, Zinebiren eta Erromako Istituto Luce erakundearen laguntzinoagaz.

'Grecia: Reinventarse para sobrevivir' filma Bilbon ikusgai 'Hileko Dokumentala' zikloaren barruan

Bizkaie! 2016-01-27 11:38   Zinemea

Hileko Dokumentala, Bilboko Dokumentalen eta Film Laburren Nazinoarteko Jaialdiak, Zinebik, urte osoan zehar bere programazinoari jarraipena emoteko antolatutako estreinaldien zikloak, Elena Zervopoulouk zuzendutako Grecia: Reinventarse para sobrevivir (2014. 78 minutu) greziar filma eskainiko dau urtarrilaren 28an, eguenean, 20:00retan.

Gizarte Zinema Zikloa hasiko da asteburuan Sopelan

Bizkaie! 2016-01-22 14:19   Zinemea

Hainbat herrialdetako egoerea ezagutzeko balio daben kalidadezko bost film emongo ditue, zapatuan, urtarrilak 23, hasi eta maiatzera bitartean. Sopelako Udalak aurreratu dauenez, jatorrizko bersinoan eta euskerazko azpitituluakaz emongo dira pelikulak. Hasteko, lehenengo saioan Fenix 11-23 kataluniarra emongo dabe.

Iñarrituren 'The Revenant'-ek hamabi izendapen lortu ditu Oscar sarietarako

Bizkaie! 2016-01-14 17:12   Zinemea

Zezeilaren amaieran banatuko ditue aurtengo Oscar sariak, AEBetako Los Angeles urian. Hautagaien barri emon dabe eta Alejandro Gonzalez Iñarrituren The Revenant filmak lortu dau izendapen gehien, hamabi. Mad Max Fury Road-ek hamar hautagaitza izango ditu.

Iñarrituren 'El Renacido' filmak irabazi ditu Urrezko Globoetako sari nagusiak

Bizkaie! 2016-01-11 11:20   Zinemea

Estadu Batuetan antolatzen diran Urrezko Globoen aurtengo edizinoan Alejandro Gonzalez Iñarritu mexikarra izan da protagonista nagusia. Berak zuzendutako El Renacido filmak sari garrantzitsuenetako batzuk lortu ditu. Film dramatiko, zuzendari eta gizonezko aktore onenaren sariak izan dira film horrentzat. Komediako film onenaren saria, dana dala, Ridley Scotten The Martian-k lortu dau.

Dock of the Bay, musikearen ganeko dokumentalen Donostiako jaialdia urtarrilaren 9tik 16ra

Bizkaie! 2016-01-08 14:37   Zinemea

Can’t stand losing you The Police talde mitikoaren ganeko dokumentala be eskainiko dabe, euskal zinema-aretoetan lehenengoz, izan be, 2013koa izan arren, orain arte ez dau banatzailerik izan lan horrek. Era berean, Salir de casa David Truebak Fran Nixon asturiar musikariari eginiko omenaldia estreinauko dabe.