Oraingoz 8.500 ikusle batu dira

| Ikusi handiago | Argazki originala

Urtea hasi zanetik, 18 uri/herritan izan dira Mendi Tour 2023 ikus-entzunezkoak eta erantzuna ikusgarria da: 8.500 ikusle batu dira mendia, abenturea, muturreko kirolak eta natura gaien inguruko zinemearen sokara, BBK Mendi Film Bilbao Bizkaia jaialdiko pelikula hautatuak ikusteko.

Iruña, Donostia, Gasteiz, Bilbo eta Vigo-n egin dira Mendi Tour saioak, baita Eibar, Tolosa, Zumaia, Eskoriatza, Ataun, Leioa, Igorre, Otxandio, Agurain, Vielha e Mijaran (Katalunia), Canet d'en Berenguer (Valentzia) eta Nalda-n (Errioxa) be.

Udabarri oparoa dator:

- Hondarribian, Itsas Etxea auditoriumean, apirilaren 14n eta 15ean.

- Zaldibarren, Liburutegi zaharrean, apirilaren 3an eta 17an.

- Valladoliden, Broadway zinema-aretoetan, apirilaren 17an, 18an eta 19an.

- Bilbon, Basurtoko La Perreran, apirilaren 20an.

- Oñatiko Puntaik-Punta zinema-aretoan, apirilaren 21ean.

- Kanpezuko Kultur Etxean, apirilaren 21ean.

- Camargoko La Vidrieran, apirilaren 26an eta 27an.

Maiatzean, barriz, Arrasate, Zarautz, Berriobeiti, Laudio, Azpeitia eta Burgosen izango dira proiekzinoak.