Arven (Herentzia)
2004-07-30 00:00 Zinemea
Ulrich Thomsen familiarteko tentsinoen ganeko film honetako antzezleen buru da; Danimarkako industri familia baten lehenengo seme modura altzairu fabrika baten ardurea hartu behar izango dau, aitak bere buruaz beste egin eta gero. Gauzak holan, Stockholm-eko bizimodu betegarri, oso eta alaia itxi behar izango dau, Danimarkara bueltau eta bere gaitasun eta arduren mugak gainditzen dauzan erantzukizun baten kargu hartzeko.
Horrek goitik behera aldatuko dau Chistoffer-en bizitzea; emazteagaz tentsino eta istiluak sortuko dira; estresak, presinoak eta erantzukizunak ganerako bidea ebagi eta bien ...
The Mother
2004-07-23 00:00 Zinemea
May (Anne Reid) uriaren kanpoaldean bizi dan andre heldu bat da. Seme-alabak ikusteko Londresera egindako bisitan gizona hilko jako; zahartzaroari iges egitearren, seme-alaben bizimodu zurrunbilotsuan sartu da gura barik be. May-ren bildurrik handiena gizartearentzako ikusezina dan eta heriotzeari itxarotea beste zereginik ez daukien edadeko andre bihurtzea da. Dan-dana aldatuko da Darren-egaz (Daniel Craig) maitemintzen danean; gizon hau askoz gazteagoa izateaz ganera, alabearen maitalea da eta semearen etxea konpontzen dabil.
Hoztasuna, sarritan, izan ohi da istorio bati oratzeko modu bakarra, batez ...
Wilbur begår selvmord (Wilburrek bere burua hil dura dau)
2004-07-23 00:00 Zinemea
"Ona izaten da beste bategaz alkartzea, bakarrik sentiduten bazara”. Berba honeen bitartez, Alice-k Wilbur-i gomendatzen deutso andragaia topetan hasi daiten, Lomen Scherfig-en filma daborduko oso aurreratuta dagoanean. Zuzendari daniarrak komediako ukutu dibertigarri eta burutsuak sartzen dauz benetako drama personal eta familiar honetan, ikuslea mehatxatzen dauan tragedia giroa oxigenau eta arinduz.
Komedia eta drama honetan maitasunaren eta heriotzearen ganean eta familiaren eta bakardadearen ganean egiten da berba. Kontakizunak baikortasunari oratu gura deutso, baina ez dau lortzen maitasuna behar daben personaiak hazurmamitzeko ...
Ben Affleck-ek “Spiderman” lumatu dau 300.000 euro irabazi ebazan poker txapelketa baten
2004-07-16 00:00 Zinemea
Diru dexente ekarri deutson garaipen honi esker, datorren urteko apirilean izango dan Pokerreko Mundu Txapelketan jarduteko sailkatu da. Affleck-ek pantailako beste izen handi batzuei irabazi eutsen norgehiagoka honetan, berbarako Spidemar zeregina beteten dauan Tobey Maguire-ri. Txapel hau eskuratu eta gero, Affleck pokerreko elitearen kide garrantzitsu bihurtu da.
Joseba Terreros
Harry Potter and the prisoner of Azkaban
2004-07-16 00:00 Zinemea
Aurreko film bietan legez, honako hau be bihurrikeriaz eta egoera bitxi eta xelebrez betetako pelikulea dogu. Edozelan be, personaien edadeak gora egin dauan neurrian, istorioa garatzeko ñabardurak derrigorrean aldatu behar izan dira. Gauzak holan, irakasleen esanak hain modu zintzoan beteten ez daben eta ikasgaiak kolokan ipinteko gauza diran personaiak ikusiko doguz. Ganera, gaztetxuen munduan ohikoak diran gorabeherak igarriko dira, berbarako bakardadearen eta maitasun faltearen inguruan sorturiko itaunak.
Bestalde, istorio hau suspenseko filmen eremuan sartu da, abenturen lurraldea bazter itxiz. Alde ...
Second hand lions (MacCann-en sekretua)
2004-07-09 00:00 Zinemea
Komiki ukutuko film honek ez dau ikuslea lar hunkituko, beharbada ez jako larregi gustauko, baina onartu beharra dago nahiko ondo nahastetan dauzala sano desbardinak diran hainbat osagai, berbarako surrealismoa, komedia, akzinoa eta, neurri txikiago baten, dramea be bai; ganera, famili hartu-emonen zurikeriaren gaia be jorratzen da eta, batez be, gure ibilbidearen zuztarra izango diran txikerretako gomuta atseginen gorabeherak.
Aktoreei jagokenez, Michael Caine eta Robert Duvall beteranoek naturaltasun eta profesionaltasunez jardun dabe, antzeztu behar daben personaien portaerak guztiz bereziak izan arren ...
The day after tomorrow
2004-07-09 00:00 Zinemea
Aspaldion ez dogu euki natur hondamendien ganeko pelikula bat ikusteko aukerarik eta, egia esan, “The day after tomorrow” filma aurkezteko egindako kanpaina handiaren ondorioz, bestelako produktu batez gozetako itxaropena geunkan. Hala eta guztiz be, era honetako beste film guztiek daukien egitura bera erabili dabe: personaiak aurkezteko eta mundua amenazetan dauan hondamendira hurreratzeko sarrera bat, hondamen eta suntsipeneko irudi ikaragarriak ikusteko erdiko zatia eta gizakiaren biziraupena frogetako azkenengo istorioa.
Bestalde, gidoia ez da apartekoa; gauzak holan, ikusten gabilzana azaltzeko alperreko hainbat ...
Umezurtzak erreskatetako lanetan
2004-07-02 00:00 Zinemea
Beste batzuek, ostera, uste dabe herrialdeari zerbitzua emoteko ideiaren atzean zer edo zer gehiago dagoala. Alderdi demokratako kideek gogora ekarri dabe Arnold Schwarzenegger-ek ikasketei jarraitzearen aldeko antzeko kanpaina baten jardun ebala politikan sartu baino lehenago. Eta euren buruari itauntzen deutsie ia Bush familiagaz hain hartu-emon onak daukazan Willis errepublikarrak gauza bera egingo ete dauan hemetik gitxira.
Joseba Terreros
La puta y la ballena
2004-07-02 00:00 Zinemea
Izenburu deigarri honen atzean, trama handizale eta transzendentea izan gura dauan film bat daukagu, sasoiak eta kontinenteak batzen dauzana, maitasuna, heriotzea eta norberaren askatasuna ardatz hartuta. Hogeita hamarreko hamarkadan Patagonian puta modura saldutako andra eder eta libertario baten eta bizienak mehatxatutako idazle erakargarri baten artean kasualidadetik harantzago doan paralelismoa atondu dabe.
Filmari tango ukutuko tragedia baten indarra emon gura izan deutsie, balearen agerpen metaforikoak orekatzen ez dauan loturea erabilita. Edozelan be, abiapuntua ona izanagaitik be, istorio biak buztartzeko egindako beharrak ...
Bush-en kontrako filma AEBko zine aretoetan ikusi ahal izango da
2004-06-25 00:00 Zinemea
“Ikusi beharra dago”
Moore-k ez dau ostendu gura Bush-en kontra daukan jarrerea. Hori dala eta, gatx-gatxa izan jako dokumentala estreinetako beharra bideratzea. Akordioa jadetsi ahal izateko, Weinstein anaiek Disney-ri ostera be erosi behar izan deutsiez filmaren eskubideak. Horren truke 6 milioi dolar pagau dabela aitatu da.
“Fahrenheit 9/11” dokumentalak Irakeko gerrea eta George W. Bush-ek Saudi Arabiako familiarik aberatsenakaz nahiz Osama Bin Laden-en familiagaz daukazan loturak aztertzen dauz.
Liongate-ko zuzendari nagusiak, Jon Feltheimer-ek, adierazo dau lan hau ikusi beharreko ...
Favela Irratia
2004-06-25 00:00 Zinemea
Polizi talde bat Brasilgo favela batera abiatu da. Trafikatzaileak, pistolak eta armak eskuan, horreei aurre egiteko prest dagozan bitartean, irrati pirata batek entzuleei etxe barruan babesteko gomendioa emon deutse. Baina, poliziaren helburua ez da drogen trafikoaren kontra egitea, ezpada irratia isildu eragitea. Kartzelan, irratiko buruak, Jorgek (Alexander Moreno), presoei kontauko deutse zelan sortu zan irratia martxan ipinteko asmoa.
Helvécio Ratton zuzendaria favelen mundura hurreratu da irrati independente batek 80ko hamarkadatik aurrera Belo Horizonte-ko komunidadeari emoten deutson zerbitzua erakutsiz. Halanda ze ...
The Ladykillers
2004-06-18 00:00 Zinemea
Beharbada Coen anaien azkenengo behar honek jarraitzaile sutsuak nahasteko helburua euki dau. Edo, akaso, arrisku formula barriak topetako irudimena agortu jake. Edozelan be, anaia bien azken produktu hau komedia funtzional eta zuzena besterik ez da, euren ibilbideko arrakastarik eta diru sarrerarik handienak emon eutsezan aurreko “Intolerable cruelty” filmaren ildotik doana.
Horrela bada, film honetan Coendarren hain gustukoak diran ukutu groteskoak eta egoera absurdoak ikusteko aukerea egonagaitik be, pelikuleari darion sundea sano komertziala da. Zuzendari eta gidoi-egileari hainbeste gustetan jakezan egoera ...
'The day after tomorrow', egunotako estreinaldi esanguratsuena
2004-06-18 00:00 Zinemea
Laburbilduz, asteon ikusi ahal izango dogun film honetan efektu berezien maisuen erresumaz gozetako abagune ezin hobea izango da. Ganera, horregaz batera ondo bilbatutako gidoi eta istorioa agindu deuskue, Bushen kontrako keinu eta ukutu politikoak eta guzti. Ikusi beharko hori guztiori egia ete dan.
Joseba Terreros
It runs in the family
2004-06-11 00:00 Zinemea
Gromberg-tarrek zorioneko familia bat osotzen dabe, alkarren arteko komunikazinoaren gaian lar trebeak ez badira be. Alex Gromberg-ek (Michael Douglas) zeregin gatxa dauka; ez dauz bere aitaren akatsak egin gura, baina ez dau lortu bere seme biak eredugarriak izatea familiaren barruko hartu-emonetan. Alexen andreak, Rebeccak (Bernadette Peters), ama, emazte eta lanbide bizitzearen arteko orekeari eutsi gura deutso. Mitchell Gromberg (Kirk Douglas) familiaren aitalehena da eta New Yorkeko abokatu bulegorik garrantzitsuenetako kide jubilatua. Evelyn (Diana Douglas) azken honen emazte langile eta saiatua ...
Hector
2004-06-11 00:00 Zinemea
Malagako Zinemaldian pelikularik eta andrazko antzezlerik onenaren sariak eskuratu eta gero, Gracia Querejetaren laugarren filma heldu da pantailetara. Pelikula hau daborduko sarritan ikusten ez dan pertsonaia-zinea da, apurka-apurka baina erritmo egokiari jarraituz egituretan joango dana.
Filmak arian-arian topauko dau lekua, pertsonaiei jazoten jaken modu berean; guztiek, askatasunetik abiatuz, bilatu gura dabe munduan egoteko modua, baina ez dakie zelan askatu korapiloa.
Iraganera jo beharko dabe, orainean daukiezan arazoei urtenbidea emon ahal izateko. Hazkunde moral baten barri emoten dauan filma da; gidoi ...
Van Helsing
2004-06-04 00:00 Zinemea
Karpatoen bihotzean Transilvania mitiko eta misteriotsua dago, okerreria zelatan dagoan mundu iluna; bertan, arriskua eguzkiak urteteaz batera igarri eta gizakiaren amesik txarrenetan agiri diran munstroak edonon ikusiko dozuez.
Istorioa XIX. mendean kokatuta dago Londres, Erroma, Paris eta Transilvanian; okerreriak eten barik mehatxatzen dau gizakien bizimodua. Ganera, mendeetan biziraun diran banpiroek gizateria menperatzeko plana ipini dabe abian.
Van Helsing (Hugh Jackman), eleiza katolikoaren aginduz, Transilvaniara abiatu da mundua izaki krudel horreetatik librau guran. Horretarako, Drakula konde enigmatiko eta ekargarria (Richard Roxburgh ...
Gizonezkoentzako gonea modan
2004-06-04 00:00 Zinemea
- Zuzendaria: Wolfgang Petersen.
- Gidoia: David Benioff.
- Antzezleak: Brad Pitt, Orlando Bloom, Eric Bana, Diane Kruger, Sean Bean, Brian Cox, Peter O'Toole, Brendan Gleeson eta Saffron Burrows.
- Iraupena: 165 minutu.
Cypher
2004-05-28 00:00 Zinemea
“Cypher” espien thriller interesgarria eta, efektuen aldetik, nahiko txundigarria da, nahiz eta, Estadu Batuetan erabili ohi diran aurrekontuen kopuru handiak kontuan hartuta, sano karua izan ez. Era berean, nahiko antzezpen onak ikusi daitekez, aktore batzuen ibilbideak eta ohiko jardunak gorabeheratsuak izan diran arren, kasu baterako Lucy Liu-renak.
Ganera, film honek gaurkotasun handiko gaien inguruan hausnarketea egiteko bidea emoten dau, berbarako norbanakoen alienazinoa, erabagiteko gaitasun faltea edo personen gogaitasuna.
Edozelan be, “Cypher” maitasun istorioa ezkutatzen dauan espien filma da, zientzia fikzinoaren ...
Atun y chocolate
2004-05-28 00:00 Zinemea
Hiru arrantzale bizimodua ahal dan moduan atarateko eginahaletan dabilz, Cadizko itsasertzean dagoan krisialdi gogorrari aurre eginaz. Horreetariko baten semea, Manolín, egun baten etxera ailegau eta beste buruhauste bat ekarriko deutso familiari: jaunartzea egin gura izango dau. Gurasoak, Manuel eta Maria, ez dagoz ezkonduta eta umea ez dago bateatuta; ondorioz, lehenengo momentuetan, ezuste handia hartuko dabe. Asmoa burutik kentzen ahaleginduko dira. Baina umeak argi eta garbi dauka eta ez dau atzera egin gura. Manolín-en asmo sendo eta ia mistikoa ikusita, gurasoek ...
El Abrazo Partido
2004-05-21 00:00 Zinemea
Ariel (Daniel Hendler) gaur egungo Argentina nahasi eta dekadentean bizi dan gazte bat da; beraren inguruan dan-dana aldatzen doa, herrialdeak bizi dauan krisialdi sakonean biziraupena zelan edo halan ziurtatu behar dalako. Gorabehera honeen ondorioz, asko Europako jatorria berreskuratu guran dabilz, baina ez euren izakerea edo nortasuna sendotzeko, ezpada helburu burokratikoagoak jadesteko, berbarako Europako paradisura heltzeko aukera emongo deutsen antxina-antxinako nazionalidade bateko pasaportea.
Pelikula honek daborduko hain gaztea ez dan Arielen nortasuna eregiteko ibilbidea erakusten deusku, bizitzan guztiz ohikoak diran pasadizo ...
Nabarmenak
Ekitaldi osoa ondo polita izan zan eta dokumentala benetan ederra, Egilerik ez da hemen aipatzen baina Isabel Urkijo eta Ana...
»» 'Bilboko emakumeak' dokumentala aurkeztuko dabe ...