Zinemea

Western ilun honetan Tommy Lee Jones zuzendariak maitasunez begiratzen deutse Iparramerikako gizartearen ustezko oparotasunaren bila doazen ez-legezko inmigranteei, persona honeen baloreen kontrapuntu modura, Texaseko herritar batzuen hedonismoa, intolerantzia eta bakartasunean oinarrituriko indarkeria iminiz. Tommy Lee Jones Gillermo Arriaga gidoilari ezagunaren testu batean oinarritu da, adiskidetasunaren inguruko istorio interesgarria kontetako. Gidoia atontzeko erabilitako modua ezin da beste gidoilari baten testuen ezaugarriakaz nahastau: flash back ugari eta bizimodu monotonoak eta bakartiak jasoten dabezan eszenen txandaketa mordoa. Puzzlearen egiturea gorabehera, narrazinoari ezelako arazo ...

Erromatarren inperioa desegin eta gero, Britainia hainbat eremutan bananduta dago, irlandarren menpe. Britainiako buruzagietariko batek, Lord Marke, irla osoko tribuak batu gura dauz, nazino sendoa osotzeko eta ugartearen burujabetasuna bermatzeko. Agintepean daukan zaldunik garrantzitsuena Tristan da; Markek txiker-txikerretatik hazi dau, irlandarren eraso baten ondorioz umezurtz geratu eta gero. Tristanen laguntzinoagaz, Markek irlandarrei irabazi eta Britainia osoaren kontrola eskuratuko dauela pentsetan dau. Horixe da film honen abiapuntua; barria izan ez eta hainbat biderrez ikusi dogun arren, gauza txukun bat atontzeko oinarri ...

Lutxo Egia

‘Syriana’ pelikulan Estadu Batuetako petrolio enpresen eta administrazinoaren jardun politiko zikin eta lohien barri emoten daben hainbat kontakizun buztartzen dira, istorio bakarra osotzeko. Era berean, filmak Pertsiar Kolkoko herrialde arabiarren agintarien ustelkeria be erakusten dau, bai eta, egoera horretaz aprobetxauta, fanatiko islamiarrek suizidak erreklutetako erabilten dabezan bideak be. Gaghan-ek lan bakarrean batu gura izan dauz gaurkotasun handikoak bai baina sano korapilatsuak diran hainbat gai eta, horretarako, politika energetikoa eta geopolitikea baizen errebesa dan egiturea erabili dau. Ondorioz, filmaren narrazinoa larregi ...

Londres, 1937an. Laura Henderson (Judi Dench) andre diruduna eta eukitsuari gizona hil barri jako. Eta orain, bat-batean, konturatu da ez daukala zeregin garrantzitsurik. Lady Conway lagunak esan deutsonez, hobby bat behar dau. Diamanteak erosi edo ongintzan jardun beharrean, antzoki bat erostea erabagi dau. Baina ez daki zelan zuzendu eta horretarako ikuskizunaren negozioaren profesional bat kontratetan dau: Vivian Van Damm (Bob Hoskins). Zuzendari honek hainbat barrikuntza sartuko dauz Ingalaterrako antzezpen moduan, besteak beste eszenatokian neska gazteak biluzik imintea. 'Mrs. Henderson presents ...

Bizkaie!

Bizkaie!

Veneziako 'Casanova' maitale asegatx eta ospetsuaren ganeko film honek ikusleak entreteniduteko bestelako helbururik ez dauka eta, egia esan, horretan nahiko fin dabilela adierazo beharra dago. Honako hau pertsonaia karismadunen, alkarrizketa distiratsuen eta egoera barregarrien komedia bat da. Edozelan be, hainbat unetan indarge agiri da, makal, batez be pelikulearen lehenengo zatian. Zorionez, aktoreak berehalakoan konturatzen dira eskuartean daukien beharraz, eta ez da harritzekoa Heath Ledger-en jario eta etorria, ez eta Frantzeska interpretaukeran Sienna Miller erakargarriak erakusten dauen bizitasuna be. Baina, benetan ...

‘Transamerica’ zinemagintza independentearen barruan egindako film atsegin eta apala da, ikus-entzuleak liluratu ez, baina tarte on bat pasetako eta transexualidadearen ganeko gaiaren inguruan hausnartzeko aukera interesgarria opesten dau. Pelikula honek dramea eta komedia egokiro nahastau eta behar besteko apaltasun eta soiltasunez jokatzen dau, neurri-neurrian. Egia da, baina, hainbat unetan genero bien arteko zelan edo halango desorekea dagoana (Bree-ren amaren jokabidea lar histrionikoa da), baina kontakizuna gusto onez eta errespetuz eginda dago, eta, ondorioz, normalean luzemetraia independente honeetatik igesi dabilzan ikusleek ...

"Rumor has it..." ez da film distiratsua eta ez dau barre larregirik eragiten, komedia bat izanagaitik be. Seguru antzean, horixe da pelikula honen arazo nagusia: agiriko komikotasun faltea; ondorioz, istorioa gorabehera erromantikoen bidezidor bihurrietatik abiatzen da; bide estu horretariko batzuk, ganera, behar baino askoz be trinko eta eztitsuagoak dira. Baina, hori guztiori gorabehera, kontakizunak ez dauka ezelako interes dramatikorik, ez eta umoristikorik be. Hasierako abiapuntua erakargarria da. Sarah Huttinger-ek jakin ahal izan dau bere familia Mike Nichols-en “Graduatua” film ospetsua ...

'Pride & prejudice' pelikulan beren beregi azpimarratu beharreko lehenengo gauzea gidoilariaren abilezia eta trebetasuna da. Ez da bape erraza izan behar makina bat personaia daukan eta protagonisten hartu-emon ezin bihurriagoak erakusten dauzen liburu baten moldatze beharra hain modu distiratsuan atontzea eta laburbiltzea. Narrazinoan hutsuneak sumatzen dira eta erraz be erraz igarri daitekez, formatu zinematografikora egokitzeko, traman emon behar izan diran saltoak. Ganera, behar baino gehiago luzatu dabelakoa daukat. Edozelan be, kontakizunaren haria sendoa eta interesgarria da eta personaien arteko alkarrizketak argiak eta zorrotzak; horri guztiorri, ganera, amodio eta komikotasun ikutu orekatu eta burutsuak gehitu behar jakoz. Bestalde, aitatzekoa da lehenengo minutuetan kamerea mobiduteko eta personaia guztiak aurkezteko egindako lana, Bennet familia ezagutzen dogunean edo Bingley-tarrek antolaturiko jantzaldia azaltzen danean. Era berean, girotze lana eta soinu banda be on-onak dira eta istorioari egokiro lotzen jakoz. Azkenik, ezin dogu albo batera itxi film honetako antzezleen lana. Keira Knightley gazte erakargarriak bikain jardun dau, baina Brenda Blethyn dibertigarria edo Donald Sutherland ahaltsua, besteak beste ...

Bizkaie!

Argi dago 'Good night, and good luck' filma Estatu Batuetako ikus-entzuleei beren beregi zuzendutako kontakizuna dana; izan be, pelikulearen egileek jakintzat emoten dabe mundu guztiak Edward R. Murrow kazetari entzutetsua ezagutu behar dauela; seguru antzean, horregaitik ez dabe bape nekerik hartu, ez dabe izerdirik bota personaia nagusia aurkezten. Edozelan be, Clooney-ren filmaren arazo nagusia zera da: sakontasunik eza. Ez da sakontzen filmean, ez da sakontzen personaien garapenean; McCarthy-ren eta Murrow-ren arteko liskarreko hainbat pasarte aukeratu eta horreetxek irudikatzeko erabagia hartu ...

Behinola Kuban erakargarri baizen maltzurra zan gizon batek, Simonek, bere bapore zaharrean jarduten eban emigrante klandestinoak New Yorkera garraiatzen. Baina munduko uriburura eroan beharrean, Florida ondoko ugartetxu batera abiatu eta bertan abandonetan ebazan, gogor eta sarkastiko. Honako hau dozue film honen hasikerea; abiapuntua jakingarria dala emoten dau, baina filmaren emoitzea ikusita, ezin da holakorik esan. Gidoia ez da sendoa, ezta interesgarria be, eta filmaren ekintzea nekagarria, duda-mudan dabilen horretarikoa; ganera, behar baino askoz be hutsarte gehiago dagoz; momentu batzuetan ez ...

Donostiar bat, Oscar sariaren bila Musika onenaren izentapenetan, Euskal Herriko konpositore bat dago: Alberto Iglesias donostiarra. Iglesiasek 'The Constant Gardener' entzutetsuaren musikea egin dau, eta Oscarra eskuratzeko lehiatuko da Gustavo Santaolalla ('Brokeback Mountain'), John Williams ('Memoirs of a Geisha' eta 'Munich') eta Dario Marianelli-gaz ('Pride and Prejudice'). Bestalde, Montxo Armendarizen 'Obaba'-k ez dau lortu ingelesez besteko filmik onenaren izentapenik. Espainiako akademiak maila horretan lehiatzeko aukeratu eban Armendarizen lana, baina Hollywoodeko akademiak ez dau holakorik egin. Martiaren 5ean, Los Angelesen ...

Isabel Coixet-ek ingelesez zuzendu eta Tim Robbins eta Sarah Polley protagonista euki dauzen lan hau orain arteko onena izan dala esan deuskue behin eta barriz; ganera, Goya sarietako irabazle nagusia be izan da, baina, nire eretxiz, aurreko lana, 'Mi vida sin mí', film sendoagoa eta osoagoa izan zan, honako hau behar ona dala onartuagaitik be. Film honen gai nagusia isilunetan dago, berba eginda be, esaten eta adierazoten ez dan guztian. Hannak ez dau ia-ia berbarik egiten eta Josefek dan-dana ostentzen ...

'Memoirs of a geisha' pelikulan bizimoduak gogor astindu eta Geisha gureztala bihurtu behar izango dauen neskatila baten ibilbidearen barri emoten deuskue. Filmaren garapena eta erritmoa geldoa izan arren, horrek ez dau esan gura ikus-entzuleak abrozidu behar diranik. Egia da gorabehera batzuk dagozana eta gidoilariak protagonistearen bizitzearen zati batzuei behar baino garrantzi handiagoa emon deutsena kontakizuna apur bat desorekatuz, baina orokorrean pelikula ona dala esan beharra dago. Bestalde, azpimarratzekoa da film hau girotzeko egindako behar aparta: argazki lan bikaina, makillaje sinisgatxak ...

'The family stone' filmak Gabonen inguruan diru erraza helburu daukien familiarteko komedien bersino lotsabako eta ausarta izan gura dau. Eta jomuga hori goragarria izan arren, emoitzea sano goraberatsua da. Kontakizunaren mamina Everett Stonek eta andregaiak mutilaren familiari egindako zoritxarreko bisitan dago. Everett-en gurasoak eta neba-arrebak abegitsuak eta liberalak dira, baina Meredith urduriak gauzarik txarrenak esango dauz unerik txarrenetan. Orduan, seme kuttunaren andregaiaren eta familiaren arteko ezkutuko burrukea hasiko da. Sinopsi labur hori irakurrita, honako hau Gabonetako ohiko komedia biguna dala ...

Munich filmari kritika zorrotzak egin deutsiez zehaztasun historiko falteagaitik, baina kontuan hartu beharra dago gidoia oinarritzen dala benetako jazokizunak ardatz dauzen beste liburu batean. Egia esan, istorioaren puntu nagusiak benetakoak dira, baina bilbea eta personaiak ez; beraz, ez dakit zeintzuk diran Spielberg-en aukera hori kritiketako arrazoiak, filmaren helburua gertakizun historikoen barri emotea ez dalako. Mezua askoz garrantzitsua da: indarkeriaren gurpil zoroa modu gordinean salatzea. Ezaugarri zinematografikoak gorabehera, Spielberg-ek orain dala hogeita hamar urte baino gehiago izandako tragedia abiapuntutzat hartu eta ...

Bizkaie!