'Freedom Under Load'-ek irabazi dau Bilbao Mendi Film Festival-eko sari nagusia

Bizkaie! 2016-12-19 08:12   Zinemea

Epaimahaikideek Freedom Under Load filma 9. edizinoko irabazlea izatea erabagi dabe. Palmaresean, Anca Damian (La Montagne Magique) Zuzendari Onena hautatu dabe, Samuel in The Clouds Argazki Onena, The Important Places Gidoi Onena, The Great Alone Epaimahaiaren Saria, E.B.C. 5.300m Film Labur Onena, Link Sar West Mendiko Film Onena, Boys in the Bugs Eskaladako Film Onena, Dodo´s Deligth Kirol eta Abenturazko Film Onena, Above The Alley. Beneath The Sky Mendi-kulturearen eta Naturearen Film Onena.

Aurtengo Bilbao Mendi Film Festival-en, bederatzi egunetan zehar, Saio Ofizialeko 43 film proiektau ondoren, Pawel Wysoczanski, Jon Garaño, Hélios Gracia, Silvo Karo eta Billy Choi hegokorearrak osotutako epaimahaiak Freedom Under Load lanari Sari Nagusiaren Eguzkilorea emotea erabagi dau.

Pavol Barabas-ak zuzendatutako film eslovakiarrak, K2 Studiok produzidutakoak, 6.000 euro jaso ditu, baita Eguzkilorea be. Epaimahaikideen berbetan, edertasuna, eskainitako itxaropena eta metraje zoragarri honen apaltasunagaitik, betibe ikuspuntu xume bat abiapuntu hartuta. Fedeari eta Tatrako mendi miresgarrien debozinoari buruzko lana da. Filmak lasaitasuna eta armonia eskaintzen ditu, egun oso beharrezkoak diranak.

Palmaresa

Zuzendari Onena (Eguzkilorea eta 3.000 euro): Anca Damian, La Montagne Magique filmagatik, errumaniar-polaniar-frantziar koprodukzinoagaitik. Filmak autorpena jaso dau, izan be, historia erreal bat oso bestelakoak diran animazino teknikak ezin hobeto erabili ditu, publikoa erne mantenduz.

Argazkigintza Onena (Eguzkilorea eta 2.000 euro): Pieter Van Eecke-k zuzendutako eta Clin d´oeil films-ek produzidutako Samuel in the Clouds film belgiarrak sari hau jaso dau bere sensibilidadea, behaketa-esangurea eta pazientziagaitik. Era zinematografiko baten bitartez, Boliviaren paisajearen edertasuna erakusteaz gan, personaia kutun baten historia kontetan dau, baita bere inguruko naturea be. Zinematografia honi esker, bere inguruan mundua aldatzean Samuelek sentiduten dauena ulertu geinke.

Gidoi Onena (Eguzkilorea eta 2000 euro): The Important Places, Gnarly Bay-ek eta Forest Woodward-ek zuzendutako film amerikarrak saria jaso dau. Natureak eta biziteak berezko daben izakerea era gardenean erakusten dau, gaztaroa eta zahartzaroa dotore josiz.

Epaimahaiaren Saria (Eguzkilorea eta 1.000 euro): The Great Alone, Greg Khosek zuzendutako film amerikarrak aitamen berezia jaso dau, Alaskako natura bakarti eta basatian gizon baten erronkea zorrostasun handiz eta edizino bikainean erretratetan dauelako.

Film Labur Onena (Eguzkilorea eta 1.000 euros): E.B.C. 5300m filmak jaso dau. Epaimahaiakideen arabera, irudi eta soinuakaz bakarrik, lengoaia zinematografiko puruaren baliabideak erabiliz, Everesteko kanpu baseko errealidadte gordina erakusten deuskulako mendizaletasunetik harago dagozan erreflexinoak ikusleakan sortarazoz.

Mendiko Film Onena (Eguzkilorea): Link Sar West Jonathan Griffith-en lanak sari hau jaso dau, bai eskaladea eta bai filmaren garapena aurrera atarateko talde lanean ekiteagaitik. Nahiz eta grabazinoaren pisu gehiena eskalatzailei egokitu, ordu erdiko metrajeak mendi-zinema hobearen baldintza guztiak beteten ditu.

Eskaladako Film Onena (Eguzkilorea): Boys in the Bugs film amerikarrak, Zachary Barr-ek, Peter Mortimer-rek eta Nick Rosen-ek zuzendutakoak, Sender Films-ek produzidutakoak, saria jaso dau. Arrakala ikusezinak eta plaka tenteak dagozan munduan grabazinoan egindako berebiziko lanagaitik.

Kirol eta Abenturazko Film Onena (Eguzkilorea): Sender films-ek sari hau jaso dau Dodo's Delight lanari esker. Kasu honetan, Sean Villanueva O´Driscoll, Josh Lowell, Nick Rosen eta Peter Mortimer doguz zuzendari. Autorpenaren arrazoia: Seriotasunez eta talentu handiz eskaletan dabelako, umore-esangura eta alaitasun handiari lotuta.

Mendi-kultureareni eta Naturarearen ganeko Film Onena. (Eguzkilore): Above the Alley, Beneath the Sky Dominic Gil-ek zuzendutakoa eta Encompass Films amerikarrak produzidutakoa, bizitearen ikasbideaz gan, eskaladea lako kirol bati lotutatako mezu itxaropentsua da.

Epaimahaian izan dira Jon Garaño, zinemagile euskalduna; Pawel Wysoczanski, zinemagile poloniarra; Hélios Gracia, Frantziako hegaldi libreko Coupe Icare festibalaren zuzendaria, Gorniskega mendiaren inguruko zinema-festibalaren zuzendaria, Silvo Karo; eta Hego Koreako mendiaren inguruko Ulju zine festibalaren programazino zuzendaria, Billy Choi.

Publikoaren Sariari jagokonez, Sébastien Devrient-ek zuzendutako Jean Troillet, Toujours Aventurier filmak jaso dau saria.