Badator Euskal Herria Zuzenean jaialdia
2014-06-26 15:17 Musikea
Bigarren urtea izango dau hau Euskal Herria Zuzenean jaialdiak Lekornen. 19. edizino honetan be, musikeaz gan, berbaldiak, tailerrak, mahai-inguruak, jantza-ikuskizunak, zinemea eta beste makinatxu bat proposamen batuko dira. Bagilaren 27tik 29ra bitartean milaka lagun alkartuko dira Garroa gazteluaren inguruan.
Bakelite taldeak 'Azeriak' diskoa jentaurrean aurkeztuko dau domekan, Bakion
2014-06-26 11:14 Musikea
Talde bermeotarraren lehenengo behar luzea da Azeriak, orain arte singleak argitaratu ditue eta. Naiara Anasagastik (ahotsa, bateria, perkusinoak) eta Sergio Llanosek (gitarrak, perkusinoak) musika baltza dabe gogoko, baina beste estilo batzuk bere bai, folka, rocka, garagea... Bakelitek domekan Bakion joko dabe, 01 tabernan, 20:00etan.
Daniel Merinok bakarkako 11 urteko ibilbidea ospatuko dau Getxon
2014-06-26 10:38 Musikea
Daniel Merino kantautore getxotarrak bere 11 urteko bakarkako ibilbidea ospatuko dau barikuan, bagilaren 27an, Getxoko Andrés Isasi Musika Eskolan, 20:00etatik aurrera. Jeremias Johnson banda eta beste zenbait konbidadu izango ditu lagun. Kontzertua grabau egingo da, ondoren Concierto para Getxo en Sol Mayor CD eta DVDa argitaratzeko.
Juan de Diego, Massimax Project eta Liya Grigoryan TRio, Bermeoko XVII. Jazzber jaialdian
2014-06-20 15:40 Musikea
Bermeoko XVII. Jazzaldiak hiru kontzertu eta jam session bat eskainiko ditu garagarrilaren 2tik 4ra bitartean. Aurten, Jazzber jaialdi honetan, Juan de Diego euskaldunak, Suedian eta Italian ibilbide luzea dauen Massimax Projectek eta Liya Grigoryan armeniarrak sortutako hirukoteak hartuko dabe parte. Kontzertu guztiak Kafe Antzokian izango dira eta sarrera debalde izango da.
Kale musikarik onena Zornotzan, Haizetara jaialdiaren IX. edizinoan
2014-06-18 18:12 Musikea
Aurten 12 herrialdetako 48 musika-taldek aurkeztu zituen euren proposamenak (Frantzia, Holanda, Portugal, Italia, Japonia, AEB, UK, Brasil, Polonia, Errumania, Espainia eta Hungaria) eta lehiaketan parte hartuko daben 9 banda aukeratu ditue antolatzaileek, horreen artean.
Hodei Egiluzen aldeko kantea sortu dau Garik, euskal musikari ugariren laguntzinoagaz
2014-06-18 14:39 Musikea
2013ko urrian Anberesen desagertu zanetik, zortzi hile joan dira Hodei Egiluz gazte galdakoztarraren barririk euki barik. Hodei Bila alkarteak kontzertu solidarioa antolatu dau biharko eta, Gari abeslariaren ekimenez, hainbat musikari batu dira kanta bat sortzeko. Bihar entzun ahal izango da lehenengo aldiz.
Scorpions taldeak edegiko dau Azkena Rock jaialdia, bagilaren 20an
2014-06-18 14:39 Musikea
Scorpions, Blondie, Violent Femmes, Wolfmother, Joe Bonamassa, Seasick Steve, Unida, Turbowolf, Kadavar, Royal Thunder, Bombus... Hemen da hamahirugarren Azkena Rock jaialdia. Rockzaleek Mendizabalan daukie hitzordua asteon, bagilaren 20an eta 21ean.
Bilbao BBK Livek sarrera guztiak saldu ditu
2014-06-18 11:04 Musikea
Marka guztiak apurtuko ditu aurten Bilbao BBK Live jaialdiak, daborduko eguneko sarrera guztiak eta bonuak salduta dagoz. Halanda ze, 120.000 lagun batuko dira garagarrilaren 10etik 12ra bitartean Kobetamendin, inoizko gehien.
Michel Camilo Trio, Jack De Johnette eta Diego 'El Cigala', 38. Getxo Jazz Jaialdian
2014-06-17 15:46 Musikea
Aurten be Getxoko Jazz Jaialdiak abiatuko dau EAEko udako jazzaldien denporaldia. Garagarrilaren 2tik 6ra hamazortzi emonaldi eskainiko ditue, tartean, Jack De Johnette, Michel Camilo Trio eta Diego El Cigala-ren kontzertuak. Sarrerak salgai dagoz daborduko.
Kontzertu handi bategaz ospatuko dau hamargarren urteurrena Bilboko Udal Txistularien Bandeak
2014-06-13 15:00 Musikea
Bagilaren 28an izango da kontzertua, Euskalduna jauregian. 180 musikari, abeslari eta jantzari batuko dira eszenatokian, Bilboko txistularien doinuei laguntzeko. Besteak beste, Kepa Junkera, Eñaut Elorrieta, Andoni Egaña eta Gozategi egongo dira oholtzan. Musika modernoa eta tradizino herrikoia batu nahi ditue kontzertuan, edade guztientzako aproposa dan errepertorioagaz.
Ara Malikian biolinisteak Unamunoren omenezko kontzertua eskainiko dau Bilbon
2014-06-10 17:58 Musikea
Ara Malikian biolin jotzaile libanoarrak Miguel de Unamunoren omenezko kontzertua eskainiko dau bagilaren 20an, Bidebarrieta Kulturguneak eta Bilboko Udaleko Kultura eta Hezkuntza Sailak idazle bilbotarraren jaiotzearen 150. urteurrena gogoratzeko antolatutako ekitaldien barruan.
Musikea urpean: Noiserv
2014-06-10 12:34 Musikea
Noiserv zuzenean ikusteko aukera izango da Bilbon datorren astegoienean; kontzertua barikuan, hilaren 13an, izango da Bilboko Alondigako Kulturen atarian, gaueko 21:00etatik aurrera.
Mimoloco, Spastik eta Metope, ikasturteko azkenengo Art After Dark saioan
2014-06-09 15:03 Musikea
Bagilaren 13an izango da denporaldi amaierako Art After Dark emonaldia, 22:00etatik aurrera. Metope, DJ Spastik eta Mimoloco musikariak izango dira gaueko protagonistak.
Iruñeko 14 taldek 'Euskaraz Bizi Nahi Dut' diskoa sortu dabe
2014-06-06 16:25 Musikea
Nafarroan euskereari arnasa herritarren eta herri mobimentuaren ilusino, gogo eta ahaleginak emon deutso eta emoten deutso. Diskoagaz ekarpen txiki bat egin nahi izan dabe. Ekarpena Euskaraz bizi nahi dut dinamikeari euren lekutik, musikatik, euren estiloan, euren formatu naturalean egin nahi izan deutsie. Eta lan atsegina izan da. Gehienek alkar ezagutzen dabe eta guztiei be batera aurrera eroateko lan polita izan eitekeala begitandu jaken.
Gazteek kudeatutako 'RapeArte' musika egitasmoa Artiumen
2014-06-06 13:03 Musikea
Rap kontzertua baino gehiago da RapeArte, osogai asko dituan proposamena da, freestyle, grafitia, break dance, rap arabiarra eta abar. Lau hilabetez, Gasteizko 16 eta 20 urte bitarteko hamabi gaztek atondu daben egitasmoa da. Emoitzea ikusteko hitzordua: bagilak 7, 20:00etan, Artiumen. Sarrerea debalde da.
Bilboko Deustu eta San Inazio euskal musikaz beteko dira bagileko eguenetan
2014-06-04 15:35 Musikea
Zikloa, folk musikea lantzen dauen Getxoko Gibelurdinek laukoteko mutilek hasiko dabe bihar, eguena, hilak 5. Jai-giroko kaleko kontzertu honi esker eta leku desbardinetatik ekarritako musika-tresnen laguntzaz, alaitasunez beteko dabe Deustuko Ramon y Cajal kalea, mundu osoko musika herrikoietan inspirautako doinuen bitartez.
Bagilaren 17an amaituko da Bilbao BBK Live jaialdiko bonuen salmentea
2014-06-04 14:51 Musikea
Gero eta hurrago dago Bilbao BBK Liven bederatzigarren jaialdia. Garagarrilaren 10, 11 eta 12an izango da aurtengo hitzordua, Kobetamendin. Hiru egunetarako bonuak erosteko epea laster amaituko da, hilaren 17an hain zuzen be. 105 euro (gehi 6 euro, banaketa gastuak) balio ditu bonuak.
Jun Märkl Euskadiko Orkestra Sinfonikoko musika aholkularia izango da datorren denporaldian
2014-06-04 12:09 Musikea
Musika aholkulari izentau barri, Jun Märklek EOSen musika zuzendaritzea osotuko dau, zuzendari nagusi konbidadu izaten jarraituko dauen Andrey Boreykogaz batera.
'Ene uste makalean'
2014-05-23 10:27 Musikea
Soraluzeko Gaztelupe tabernako goiko pisuan lagunarteko barriketaldi modukoak egitea da asmoa, kulturea, euskerea, musikea, literaturea… edo beste gai orokor eta ez hain orokorren inguruan jarduteko.
Smokin' Joe Kubek eta Bnois King Getxoko Nazinoarteko Blues Jaialdian izango dira
2014-05-22 11:23 Musikea
Orain arte 15 disko grabau ditue; azkenak, Road Dogs Life izenburukoak, abesti originalak eta The Rolling Stones eta The Beatlesen bersino bana batzen ditu. Aurreko diskoan lan akustiko arrakastatsua gauzatu ondoren, oraingoan doinu elektrikoak berreskuratu ditue eta sustraietara itzuli dira, road house bluesera, hain zuzen be, erritmo rockeroagoakaz.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan