Erritmo jantzagarri baina konprometiduak dakarz En Tol Sarmiento taldeak disko barrian
2014-03-13 14:41 Musikea
Arabako Errioxatik dator En Tol Sarmiento (ETS). 2005ean sortu zan eta Zure mundua izeneko hau, euren ibilbideko hirugarrena da. Betiko estiloari eutsi deutsie, erritmo handiko ska doinuak, reggae ikutu bategaz eta melodia landuagaz. Ohiko legez, mezu konprometiduak batzen dira En Tol Sarmientoren letretan. Ganera, disko barriko hamabi kantetatik zazpi, euskeraz egin ditue.
Garikoitz Mendizabal txistulariak bost kontzertu emongo ditu egunotan Hego Korean
2014-03-13 09:56 Musikea
Martiaren 14an eskainiko dau lehenengo kontzertua Garikoitz Mendizabal txistulari zestoarrak Seulen, Chun Cheon Philarmonic Orchestreagaz batera. Beste hiru emonaldi eskainiko ditu, hilaren 16, 18, 19 eta 21ean, Etxepare Euskal Institutuko iturriek adierazo dabenez.
Musika-Música programeak 35.400 ikus-entzule batu ditu Bilbon
2014-03-11 10:02 Musikea
Bilbao 700 Fundazinoak antolatzen dauen Musika-Música programeak 35.422 ikus-entzule batu ditu bere hamahirugarren edizinoan. Sarrera guztien % 20 Frantzian saldu zirala eta Euskal Autonomia Erkidegotik (EAE) kanpoko musikazaleek sarrera ugari erosi dituela nabarmendu dabe antolatzaileek.
Espaloian, Itoiz talde mitikoaren ondareari eutsi guran
2014-03-10 11:24 Musikea
Espaloian proiektua Itoiz taldearen bost jarraitzailek sortutako idea da. Eta helburua da Itoiz taldearen musikeak zuzenean eukan freskotasuna, edertasuna eta indarra jenteari erakustea. Euskaldun guztiona dan Itoiz taldearen musika ondarea ezagutarazo nahi dau Espaloian taldeak
Donostia Kulturak euskal musikariak sarituko ditu Adarra Sariagaz
2014-03-06 17:40 Musikea
Donostia Kulturak Adarra Saria sortu dau, euskal musikearen alorrean jardun dauen artista baten ibilbidea eta lana autortzeko. Sari hori urtero emongo da Victoria Eugenia Antzokian, bagilaren 21ean, Musikearen Europako Egunean.
Txapelpunkek 'Los mejores de los peores' taldearen seigarren diskoa kaleratu dau
2014-03-05 14:44 Musikea
Txarrenen artean onenak eurak dirala dinoe Txapelpunkekoek, eurak eta beste hainbat lagun, onenetan onenak badakigu-eta nortzuk diran, betikoak. Eta horreek, alderdi politikoak, bankariak, politikariak dira Lekeitioko laukotearen behar barriko protagonistak. Inozkoen errazen sortu ditu kanta barriak Iñigitok, bederatzi hilebete eskasean. Daborduko hainbat hitzordu ditue diskoa zuzenean aurkeztezko; barikuan, hilak 7, Gasteizko JimmyJazz aretoan joko dabe.
Martxan da XV. Pedro Mari Unanue Bilbo-Bizkaia Nazinoarteko Lehiaketea
2014-03-05 11:27 Musikea
Bizkaiko Foru Aldundiak XV. Pedro Mari Unanue Bilbo-Bizkaia Nazinoarteko Lehiaketan parte hartzeko deialdia egin barri dau. Eskaerak aurkezteko epea bagilaren 6an amaituko da. Kanporaketa-probak zemendiaren 22an hasiko dira.
Joseba Gotzon kantari portugaletetarrak 'Erotisme' diskoa plazaratu barri dau
2014-03-04 10:54 Musikea
Hogeita hamar urte bete ditu Joseba Gotzonek musikearen munduan, eta kaleratu barri dau bere hamaseigarren diskoa, Erotisme. Erotismoa da kantari portugaletetarrak idatzi eta konposautako zortzi kanten ardatz nagusia. Zuzenekoetan striper bi izango ditu lagun, ganera. Me derrito singlearen bideoklipa be kaleratu dau.
Folk eta punk doinuak McOnak lekeitiarren 'Piraten matxinada' lehenengo diskoan
2014-03-03 13:42 Musikea
Musika zeltea, folka, punka eta rocka nahastau ditu McOnak taldeak bere lehenengo diskoa dan Piraten matxinada-n. Hamaika abesti ditu lanak, eta daborduko kanta abten bideoklipa grabau dabe, Zerbezien komandua. Martiaren 8an Ondarroako gaztetxean joko dabe, 22:00etatik aurrera.
Mikel Kartonek 'Protesta ahotsa' disko barria Donostian aurkeztuko dau gaur
2014-02-28 11:00 Musikea
Xabier Lete, Bitoriano Gandiaga, Joseba Sarrioanandia eta Beñat Sarasolaren berbak musikatu ditu Mikel Karton musikari donostiarrak Protesta ahotsa lanean. Abenduan argitaratu eban diskoa, eta orain jentaurrean aurkezten dabil. Hurrengo emonaldia martiaren 1ean izango da, Donostiako Kortxoenea gaztetxean, 14:00etan.
'Buscando en tus labios' amestutako birea hastear dago Doctor Deseo taldea
2014-02-27 14:45 Musikea
Busco en tus labios kanteagaz hasi zan aspaldi Doctor Deseo, eta oraingoan be abesti horrek abiatu dau talde bilbotarraren egitasmo barria. Disko-liburuaz gan, DVDa be argitaratu dabe, aurreko biran grabautako kontzertu zatiekaz eta hainbat kazetari, musikari eta idazleren parte-hartzeagaz. Martiaren 7an ekingo deutsie zuzeneko aurkezpenei, Durangoko Plateruenan.
Euskadiko Orkestra Sinfonikoak akelarretako eta bildurrezko musikea eskainiko dau
2014-02-27 13:58 Musikea
Operaren Lagunen Bilboko Alkarteko (OLBE) denporaldian Bizeten Carmen interpretau ostean, Euskadiko Orkestra Sinfonikoak Akelarrearen barruan izenburuko egitaraua aurkeztuko dau, bildurrezko musikea ardatz harturik.
Hemen da XV. Bilbao Distrito Jazz
2014-02-27 09:57 Musikea
Bilbao Distrito Jazz programearen XV. edizinoa, Bilboko Udaleko Kultura eta Hezkuntza Sailak, Bilbaína Jazz Clubagaz alkarlanean antolatuta, zezeilaren 28an hasi eta martiaren 21ean amaituko da. Danetara, lau kontzertu izango dira, genero horretako musikari interesgarrien presentziagaz.
Paco de Lucia gitarrista handia hil da
2014-02-26 10:32 Musikea
Bihotzekoak jota hil da gaur Paco de Lucia (Algeciras, 1947-Cancún, 2014) flamenko gitarristea 66 urte zituala. Kadizeko gitarristea Mexikon egoan oporretan familiagaz.
Musika taldeentzako 'Artistas en Ruta' programearen hautaketan sartzeko deialdia zabalik dago
2014-02-25 10:22 Musikea
AIE alkarteak eta Etxepare Euskal Institutuak sinatutako hitzarmenari esker, aurten be hainbat euskal taldek zuzeneko musika sustatzea helburu dauen Artistas en Ruta programan parte hartzeko aukerea izango dabe. Estadu mailako kontzertu zirkuitu hau bi aldiz barritzen da urtean, eta dagoeneko zabalik dago programearen hautaketa prozesuan sartzeko deialdia.
Capsula taldeak zuzeneko diskoa grabauko dau zapatuan Bilboko Kafe Antzokian
2014-02-21 09:59 Musikea
Hirukote argentinar-bilbotarrak, igaz Tony Visconti produktore handiagaz grabau eban Solar Secrets azken diskoa aurkeztu eta zuzenean grabauko dau. AEBetan egindako bi hilebeteko biratik itzuli barri da Capsula, Os Mutantes edo X lako talde mitikoakaz batera jo ondoren.
Ibilaldia 2014k badauka kantea, 'Euskararen bihozfera'
2014-02-20 14:43 Musikea
Bagilaren 1ean egingo da aurtengo Ibilaldia jaia, Gernika-Lumon. Seber Altube ikastoleak hileak daroaz lemea, egitarua, ibilbidea... eta kantea atontzen. Gaur aurkeztu dabe Ibilaldiko abestia, Euskararen bihozfera, Bilboko Kafe Antzokian. Aurkezpen jaia herrian bertan egingo dabe, barikuan, hilak 21, Astran, 19:00etatik aurrera.
Travellin´ Brothers taldeak AEBetako musikearen errora jo dau bere seigarren diskoan
2014-02-20 14:34 Musikea
Hamar abestiko bilduman, kolaboratzaile ugari izan ditu Travellin´ Brothersek eta, aitagarrienak, Leioako Kantoria abesbatzako 14 neskak, gospel koruak egiten lagundu dabe eta. Magnolia Route izenburuko diskoa martiaren 7an aurkeztuko dabe zuzenean, Bilboko Kafe Antzokian.
'Kanala' disko barria, Enkore taldearen bigarren amesa
2014-02-20 13:51 Musikea
Hamar kanta dituan diskoa aurkeztu barri dau Bilboko Errekalde auzoko laukoteak, Kanala (Oihuka). Rock zuzena eta hardcorea dira Enkoreren ardatzak, baina esperimentau eta beste gauza batzuk probau ditue. Hilaren 28an aurkeztuko dabe jentaurrean Kanala, Bilboko RockStar aretoan, 20:30ean.
Basauriko Maz jaialdian lehenengoz izango da aurten nazinoarteko talde bat: The Pains Of Being Pure At Heart
2014-02-20 11:03 Musikea
Zea Mays, Willis Drummond, Russian Red, Smile, Señores eta AEBetako The Pains Of Being Pure At Heart taldeak dira aurtengo kartelburuak. Aurten, lehenengoz izango da nazinoarteko talde bat Maz Basauri jaialdian.
Nabarmenak
Barria barria be ez da,ezta?
Baina ona bai! Neure gustokue behintzet! eta aire barriak bai dakaz, tradizinoa eta oraingokoagoa...
»» Xiberoots, talde barria Baga-Bigan