Bartzelonako Euskal Etxeak erakusmahaia dauka Durangoko Azokan
2015-12-04 12:17 Kulturea
Gaurtik aurrera, abenduaren 8ra bitartean, Durangoko Azokan egongo da Bartzelonako Euskal Etxea, Kanpoan dan Euskal Komunidadearentzako Zuzendaritzeak eta Durangoko Azokeak abiarazo daben programa bati esker. Helburua da azokako bisitarien artean zortzirrialdeko euskaldunen lana eta euskal kultureagazko loturea ezagutzera emotea.
Dobako autobus-zerbitzua egongo da aurten Landako Gunea eta inguruko herrietako aparkalekuen artean
2015-12-04 10:45 Kulturea
Azoka egunetan Durangon sortzen diran aparketako arazoei aurre egiteko asmoz, aurten lehen aldiz Gerediagak autobus-zerbitzuajarriko dau Landako Gunea eta inguruko herrietako aparkalekuak lotuz. Era horretara Gerediagak dei egiten deutse herritarrei garraio publikoa erabili deien.
Euskerazko kontakizun laburren lehiaketea antolatu dau Igartubeiti Baserri Museoak
2015-12-04 09:46 Kulturea
Kulturea zabaltzeko modu barriak topau eta euskerearen erabilerea bultzatzeko asmoz eratu dabe, bigarren aldiz, Areago, istorioak belarrietara lehiaketea. Ezkio-Itsasoko Igartubeiti Baserri Museoak egin dau deialdia eta istorioak bertan kokatuta egon beharko dira. Urtarrilaren 15era arteko epea dago istorio laburrak aurkezteko.
Ho Tzu Nyen artistearen 'Ezagutzen ez denaren hodeia' Bilbon
2015-12-03 14:37 Kulturea
2015eko abenduaren 3tik 2016ko apirilaren 24ra ikusgai egongo dan obrea aurkeztu dau gaur Guggenheim Bilbao Museoak: Ho Tzu Nyen-en Ezagutzen ez denaren hodeia (The Cloud of the Unknowing) artelana. 2014an inaugurautako Museoko Film & Video aretoak, bideo-arte, bideo-instalazino eta irudia mobimentuan darabilten lanei eskainitakoa, hartzen dauen seigarren instalazinoa da.
Getariako Balenciaga museoan, jantza bidezko bisitaldi gidatuak asteburuan
2015-12-03 13:39 Kulturea
Datozan egunetako jaiegunak dirala eta, bisitari gehiago espero ditue Getariako Cristobal Balenciaga museoan. Dantzaz konpainiagaz alkarlanean, jantzatutako bisitaldiak antolatuko ditue, bisitariek modeari eskainitako erakusketak modu originalean erakusteko. Museoko piezen eta ikusleen artean bitartekaritzea egin nahi dabe jantzeagaz.
Bilboko Arriaga Antzokiak Opari Txartela jarri dau salgai
2015-12-03 10:00 Kulturea
Arriaga Antzokiak, arte eszenikoen aldeko pasinoa sustatzeko eta ikus-entzuleei antzokira hurreratzea errazteko asmoz, 2013ko eta 2014ko kanpaineari berrekin eta Opari Txartela jarri dau salgai barriro be. Txartel horri esker, jasoten dauenak, 2015/2016 denporaldi honetako antzerki, musika, zartzuela, opera, jantza zein bestelako ikuskizunez gozau ahal izango dau.
Aiko taldeak EHUren Arabako Campusera eroango ditu musikea eta jantza tradizionala
2015-12-02 12:58 Kulturea
Javier Garaizar Euskal Herriko Unibersidadearen Arabako Campuseko errektoreordeak eta Sabin Bikandi Aiko taldeko kideak unibersidade esparruan musikea eta jantza tradizionala sustatzea helburu dauen lankidetza-hitzarmena sinatu dabe.
1807an Bizkaiko Jaurerriak agindutako aita Lerinen Foruei buruzko argitaratu bako azterlana argitaratu dabe
2015-12-02 10:57 Kulturea
Ana Otadui Bizkaiko Batzar Nagusietako presidenteak, José María Gorordok lagunduta, 1807an, Bizkaiko Jaurerriak aginduta, Fray Domingo de Lerin y Clavijok idatzi zituan eta bitxia bada be beste artxibategi batzuetatik desagertu egin ziran eskuizkribuei buruz Bilboko alkate izandakoak egin dauen argitalpena aurkeztu dabe Bilbon.
Aurten Bilbao Arten lan egin daben artistek bat egin dabe erakusketa baten
2015-12-01 16:52 Kulturea
Ateak zabalik izeneko erakusketa kolektiboan, urtean zehar Bilbao Artegaz lan egin daben artistek parte hartzen dabe. Abenduaren 7tik 18ra bitartean, urteak emondakoaren balantzea artelanen bidez ezagutu ahal izango da, beraz. Urazurrutia kalean Bilbao Artek daukan egoitzan egongo da erakusketea. Ganera, artistakaz topaketak egongo dira.
Itxurea aldatuta, kalera urten nahi dau Hegats aldizkariak
2015-12-01 10:20 Kulturea
Euskal Idazleen Alkarteak argitaratzen dau Hegats. Goitik behera barritu dabe diseinua eta estiloa, aldizkariaren aro barri bati ekiteko asmoz. Orain arte idazleentzat izan bada batez be, aurrerantzean publiko zabalagaz kontaktu handiagoa euki nahi dabe, hau da, Hegats kalera atara. Sasoi barriko lehenengo zenbakia argitaratu dabe dagoeneko.
EH11kolorek konbita egin dau Euskal Herrian laikotasunaren eta erlijino aniztasunaren inguruan eztabaidatzeko
2015-11-30 17:45 Kulturea
EH11kolorek eztabaidarako zirriborro bat aurkeztu dau Erlijino aniztasuna eta laikotasuna eta erlijino komunidadeei baita laikotasunaren eta erlijino aniztasunaren arloan lanean dabizan alkarteei helarazoko jake, eztabaidatzeko eta adostasunak bilatzeko asmoagaz. Ekimen hau Euskal Herria anitzarentzako adostasunak dinamikearen barruan dago.
Kike Amonarrizek jasoko dau Anton Abbadia saria
2015-11-27 14:38 Kulturea
Arantxa Urretabizkaia, Jone Miren Hernandez, Iban Arantzabal, Maite Artola eta Arantxa Diez de Ilarraza izan dira aurtengo epaimahaikide. Batetik, soziolinguista arloan egindako lanen eta idatzitako artikuluen sendotasunagaitik; eta, bestetik, autortzeko telebistan euskerea modu gozagarrian eta interesgarrian erakutsi daben saioakaz izan dauen arrakasteagaitik, erabagi dau saria tolosarrari emotea epaimahaiak.
Bilboko Itsas Museoak itsasadarraren ganeko 1.001 marrazki batzeko erronkea bota deutse 4 eta 12 urteko umeei
2015-11-27 10:14 Kulturea
Itsasadarraren magia – 35 urte bizia sortuz aldi baterako erakusketearen amaierearen harian, Bilboko Itsas Museoak erronkea bota deutse 4 eta 12 urte arteko umeei. Horreek itsasadarren ganeko mila marrazki batu behar ditue, etorkizunean zelakoa izatea nahiko leukien adierazo deien. Itsasadarraren 1.001 amesak izenburupean, ekimenak teknika librean egindako mila marrazki jaso nahi ditu erakusketa horri amaierea emoteko.
Xabier Montoiak 'Hondamendia' narrazino liburua plazaratu dau
2015-11-26 17:14 Kulturea
Izenburuak dinoan moduan, hondamendien eta zoritxarraren inguruan jazotako istorioak batzen ditu Xabier Montoia idazle eta musikariak. Fikzinozko narrazinoen bildumea da Hondamendia (Elkar), sasoi guztietako hainbat tragediaren testuinguruan ipinita. 19 ipuin dira guztira.
20. Euskal Dendea, artisauen erdigune, abenduaren 4tik 8ra Durangon
2015-11-26 17:12 Kulturea
20 urte bete dituan Durangoko Euskal Dendea tradizino handienetakoa da Euskal Herrian. Arbaso, Euskal Herriko artisauen alkarteak antolatzen dauen azoka hau erakusleiho garrantzitsuena da, izan be, lurralde guztietako artisauek parte hartuko dabe, danetara 51 artisau, Araba, Bizkaia, Gipuzkoa, Lapurdi eta Nafarroatik etorritakoak.
Guggenheim Bilbao Museoaren 'Bildumako maisulanak' aurkeztu ditue
2015-11-26 14:25 Kulturea
18 urte bete barri dituan Guggenheim Bilbao Museoak bere funtsen aukeraketea aurkeztu dau Guggenheim Bilbao Museoaren Bildumako maisulanak erakusketea tarteko. XX. mendearen bigarren erdiko arte garaikideko pieza nabarmenak egongo dira ikusgai zemendiaren 27tik 2016ko apirilaren 3ra bitartean.
'Mussche' nobelearen japonierazko eta txinerazko bersinoak aurkeztuko ditu Kirmen Uribek Asian
2015-11-26 14:20 Kulturea
Idazle ondarrutarraren bigarren eleberria da Mussche, 2012koa. Bilbao-New York-Bilbao nobeleak zabaldutako arrastoari segiduta, Mussche be hizkuntza ugaritara itzultzen dabilz. Kirmen Uribe bera Pekin, Tokio eta Kioton egongo da datozan egunetan, japonierazko eta txinerazko bersinoak aurkezten. Japonierazkoa, euskeratik zuzenean itzuli dau Nami Kanekok.
Modiano, Blanco-Amor eta Ernaux-en liburu bana euskerara itzulita argitaratu ditu Igelak
2015-11-26 13:00 Kulturea
Nazinoarteko literaturako lan esanguratsuak euskerara ekarteko zereginean, beste hiru liburu plazaratu ditu Igela argitaletxeak: Patrick Modianoren Dora Bruder (Monika Etxebarriak itzulita), Eduardo Blanco-Amorren Parranda (Ramon Etxezarretak euskaratua) eta Annie Ervauxen Begira zenbat argi, maitea (Xabier Aranburu itzultzaile dala).
Katixa Agirrek irabazi dau Gabriel Aresti ipuin lehiaketea
2015-11-26 09:20 Kulturea
Bilboko Udalak antolatzen dau urtero sariketa hori eta aurten, 32. ekitaldian, Katixa Agirre gasteiztarraren Hesperia, California lana izan da epaimahaiaren ustez onena. Euskerazko atalean saritu dabe Agirre. Gaztelaniazko atalean Elena Alonsok irabazi dau, Misericordia ipuinagaz.
78 artisau Getxoko 32. Eskulangintza Azokan
2015-11-25 17:27 Kulturea
Hogeita hamabigarren edizinoari aurre egiteko dan honetan, Getxoko Artisautza Azokea sektorearen erreferentzia bihurtu da eta zemendiaren 27tik 29ra, 78 standetan jarriko diran 20 artisautza-espezialidadeko gaiak ezagutzeko eta eskuratzeko aukerea izango dabe Getxora, Areetako Geltokia Plazako karpara, hurreratzen diran guztiek.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...