Elhuyarrek eta Euskaltzaindiak Lexikoaren Behatokia egitasmoa garatzeko hitzarmena sinatu dabe
2012-07-12 17:26 Euskerea berbagai
Elhuyar Fundazinoak eta Euskaltzaindiak erakundeen arteko lankidetza-hitzarmen barria sinatu dabe. Elhuyar zientzia eta teknologia aldizkariak urteetan sortutako euskerazko testu-masa osoa Euskaltzaindiaren eskuetan ipini dau, Akademiak Lexikoaren Behatokia izeneko egitasmoa garatzeko.
Euskara 21 batzorde-atalak Euskerea Sustatzeko Ekintza Plana atondu dau
2012-07-12 11:20 Euskerea berbagai
Euskara 21 batzorde-atalak azken ukutuak emon deutsoz bart Euskerea Sustatzeko Ekintza Planari (ESEP). Orain, euskerearen erabilerea areagotzea helburu nagusi dauen Plana Euskerearen Aholku Batzordeak aztertu eta onartuko dau, eragozpenik ez bada behintzat, datorren astean egingo dauen osoko bilkuran.
'Eman giltza, ama-aita!' kanpainea ipini dau martxan Alkarbidek
2012-07-09 17:48 Euskerea berbagai
Eman giltza, ama aita-¡Háblale, escúchale! kanpainea martxan ipini barri dau Alkarbidek, Bizkaiko Euskara Zerbitzuen Bilguneak. Euskerea belaunaldiz belaunaldi transmititzeak daukan garrantzia nabarmentzea dau helburu ekimenak. Bizkaiko 11.000 familia inguruk jasoko dabe kanpainea.
Euskerearen kale-erabilerea trabatuta dago
2012-07-09 11:12 Euskerea berbagai
Orain hamar urtetik hona euskerearen kale-erabilerea bere horretan dagoala esan daiteke, trabatuta. 2011ko udagoienean egindako kale-neurketan erabilerea % 13,3koa izan da. Euskal Herriko Kale-Neurketea egiten hasi zanetik, hogeita bi urteko epean, 2,5 puntu egin dau gora euskerearen erabilereak Euskal Herriko batez bestekoan.
Babelgo torrean zubiak eregiz
2012-07-06 12:35 Euskerea berbagai
Sinergia da gakoa, UPV/EHUko Filosofia eta Hezkuntza Zientzien Fakultadeko ikertzaile horreen eretxiz: hizkuntzek dituen ezaugarri komunak erabiltea da oinarria, eskoletan ikasle benetan eleaniztunak hezteko; begiratzen gabilz zelan diseinau programa berezi bat hizkuntzen arteko loturak areagotzeko, eta horren eraginkortasuna ebaluetako.
'Barraketan euskeraz' hitzarmena berretsi dabe Bizkaiko Aldundiak, Eudelek eta AFADEk
2012-07-05 14:19 Euskerea berbagai
Igaz bezela, Alkarbide, Bizkaiko Euskara Zerbitzuen Bilgunea arduratuko da barraketako euskarriak preparau eta AFADEra helarazoteaz. Aurten, gainera, Getxoko Udalak atondu dituan euskerazko hainbat musika-bilduma jarri ditu Alkarbidek AFADEko arduradunen esku.
'Leioako leku-izenak' liburua aurkeztu dabe Udalak eta Euskaltzaindiak
2012-07-04 15:21 Euskerea berbagai
Leioako leku-izenak liburu Leioako Udalaren eta Euskaltzaindiaren arteko lankidetzaz kaleratu da. Lan horretan herriko 800 bat lekuren izenak jaso dira, gaur egun bizirik dagozanak ez eze, desagertutakoak be batu ditue.
Kxo!, euskerea ikasteko eskuko telefonoetarako aplikazinoa eskuragarri
2012-06-27 15:46 Euskerea berbagai
Kxo! euskerazko oinarrizko hiztegia ikasteko smartphoneetarako (Android eta iPhone plataformetarako) aplikazinoa aurkeztu dau gaur Elhuyar-ek. Gaztelania, ingelesa edo frantsesa abiapuntu hartuta, euskerea ikasi ahal izango dau erabiltzaileak.
II. Gerardo Lopez de Gereñu Lehiaketako sariak emon ditue Gasteizen
2012-06-25 17:47 Euskerea berbagai
Gerardo Lopez de Guereñu lehiaketearen bigarren edizinoaren sari-emote ekitaldia egin zan bagilaren 22an, Gasteizeko Arte Ederren Museoan. Arabako Foru Aldundiak antolatutako lehiaketeak Araban dagoan euskal toponimia ezagutzea eta euskereak bertan daukan presentziaren barri emotea ditu helburu nagusi.
'Giro onean' lelopean Gasteizko Udalak uriko ostalaritzan euskerea bultzatzeko kanpainea abiarazo dau
2012-06-25 11:37 Euskerea berbagai
Eskainitako zerbitzuen artean, euskerea ikasteko diru laguntzak dagoz baita jatetxe eta tabernetako kanpo errotuluak edo webgunea euskeratzeko be. Bestalde dobako itzulpen zerbitzua eskaintzen da eguneroko lanerako behar diran testuak, menuak edo kartak kasu, euskeratzeko.
Euskerazko kultura-produkzinoa aztertuko dabe Ander Lipus, Maialen Lujanbio, Asier Altuna, Eñaut Elorrieta, Katixa Agirre eta Estitxu Fernandezek Bilbon
2012-06-25 10:56 Euskerea berbagai
Mintegi honek abiapuntu jakin bat izango dau: ganerako hizkuntza nagusiakazko hartu-emonetan euskaldunen komunidadeak zailtasun erantsiak ditu, bai hasierako sormen-prozeduran, bai sortutako kultura-produktuak zabaltzeko momentuan be.
UPV/EHUren ikasle barrien % 88k izan dau aurten osorik euskeraz emoten diran graduetan matrikuletako aukerea
2012-06-22 15:21 Euskerea berbagai
UPV/EHUn matrikulau diran ikasleen % 96,51k izan dau euskeraz ikasteko aukerea. Hauxe da egunotan Gobernu Kontseiluan aurkeztutako UPV/EHUko Euskerearen Plan Gidariaren (2007/08-2011/12) jarraipen ebaluazinoaren emoitzetako bat. Jarraipen ebaluazinoagaz batera, 2013 urterako luzapen-egokitzapena be aurkeztu da bileran.
Bai Euskarari Ziurtagiriaren Alkarteak Joxe Anjel Iribar omenduko dau gaur
2012-06-18 11:52 Euskerea berbagai
Bai Euskarari Laguna saria jasoko dau Athletic Clubeko atezain ohiak euskerearen normalizazinoaren alde urte honeetan guztietan egindako lanagaitik.
Euskerea bultzatzeko asmoz, Euskonbola martxan jarri dabe
2012-06-15 15:47 Euskerea berbagai
Gaur eta bihar Bilboko Zubiarte merkatalgunean egongo da euskal tonbolea eta, bagileko azkenengo astegoienean, Portugaleteko Ballontin. Gazteei zuzendutako jolasa da Euskonbola, euskerazko piropoak idaztearen truke sari bikainak lortu leikiez. Leizaola Fundazinoak ipini dau abian ekimena, gazteen artean kontestu informaletan erderara sarri joten dala ikusita.
Hizkuntza-eskubideen urraketea betikotzeko beste lan eskaintza bat
2012-06-15 14:27 Euskerea berbagai
Osakidetzaren lan eskaintza barriko azterketak egingo dira asteburuan Barakaldoko BECen. 2.600 lanpostu atarako dira lehiara. Azterketa eredua aldatu egin da oraingo deialdian, Rafael Bengoak berak iragarri eban lez, euskera jakitea erabagigarria ez izateko.
'Barneratu, barreiatu', Araba Euskaraz Bastidan domekan
2012-06-15 11:38 Euskerea berbagai
Barneratu, barreiatu lemapean, milaka euskalzale batuko dira domekan, Araba Euskaraz jaian, Bastidan. Antolatzaileek hiru kilometroko ibilibidea atondu dabe, adin eta gustu guztietarako eskaintza zabalagaz, jana, edana, musikea, bertsoak, jantzea... Batutako dirua Bastida ikastoleak egindako handitze lanak ordaintzeko bideratuko da.
Soziolinguistika Klusterrak VIII. Batzar Orokorra egin dau
2012-06-15 11:30 Euskerea berbagai
Estatutuek Batzar Orokorrerako arautzen dituen ohiko atal formalak aztertzeaz gan (aurreko urteko balorazinoa, urteko plana eta aurrekontua, zuzendaritzearen osoketea…) Alkartearen estatutu barriak onartu eta Euskaltzaindia ohorezko bazkide izentau da.
Topaguneak 'Zergatik ez?' tailerraren eskaerea egiteko epea zabaldu dau
2012-06-13 14:31 Euskerea berbagai
Topaguneagaz batera 12 euskera alkartek eskainiko dabe tailerra: AED eta Txatxilipurdi (Arrasate), Bagera (Donostia), Berbaro (Durango), Bizarra Lepoan (Getxo), Elgoibarko izarra (Elgoibar), Irun Iruten (Irun), Jardun (Bergara), Karralikaluze (Atarrabia), Loramendi (Eskoriatza), Pil-pilean (Soraluze) eta Zuhatza (Deba).
XLIII. Derioko Udako Euskal Ikastaroa
2012-06-12 12:06 Euskerea berbagai
Udeagaz batera datoz oporrak, baina batzuk oporrak ikasketa bereziak egiteko aprobetxeten ditue. Labayru Ikastegiak berrogeta hiru urte daroaz hutsik egin barik udan ikastaroak eratzen euskerea ikasteko. Aurten be badator.
'Futbola, oinarritik euskaraz' futboleko entrenatzaileak euskeraz ikasteko eskuliburua aurkeztu dabe
2012-06-08 15:46 Euskerea berbagai
Futbola, oinarritik euskaraz futboleko estrenatzaileak euskeraz ikasteko eskuliburua aurkeztu dabe Bilboko Foru Liburutegian. Proiektu aitzindaria da, izan be orain arte ez da euskerazko materialik egon. Lehenengo mailako materialaren ostean, laster bigarren eta hirugarren mailakoak kaleratuko ditue.
Nabarmenak
Sinatu edozer egin leiteke, baina neurriak... Prentsaburu erdalduna izentau barri dabe. País!
»» San Mamesen be 'Lehenengo berbea ...