Logoa

Informatikari Euskaldunen Bilkurea egingo dabe zemendiaren 12an Donostian

Bizkaie! 2015-10-29 09:20   Euskerea berbagai

Edizino berezia izango da aurtengoa, topaketeak hamargarren urteurrena beteko dauelako. 'Amesten al dute androideek ardi latx elektrikoekin?' lelopean, robotikea izango da Informatikari Euskaldunen Bilkurako gai nagusia. Donostiako Miramon teknologia parkean egingo dabe, zemendiaren 12an. UEUk eta Miramon Enpresa Digitalak antolatu dabe bilkurea.

Euskaltzaindiak Koldo Mitxelena omenduko dau barikuan Donostian

Bizkaie! 2015-10-27 14:01   Euskerea berbagai

Koldo Mitxelena (1915-1987) hizkuntzalari, idazle, kulturgile eta euskaltzaina jaio zala ehun urte dira aurten eta, efemeridea kontuan hartuta, gorazarrea egingo deutso Euskaltzaindiak barikuan, urriak 30. Donostian, Gipuzkoako Foru Aldundiaren egoitzan, agiriko bilkurea egingo dau Akademiak, Mitxelenaren omenez.

Amorebieta-Etxanok '501 baietz!' kanpainea abiarazo dau euskerearen erabilerea sustatzeko

Bizkaie! 2015-10-23 10:18   Euskerea berbagai

Euskeraz jakin zein jakin ez, euskereagazko konpromisoa hartu nahi dauenak idatziz adierazo ahal izango dau. Horretarako twitter-en hastag bat () eta e-posta helbide bat (501baietz@ametx.net) zabalduko dira nahi dauenak konpromisoa helarazo daian. Udalerrian be, postontziak jarriko dira konpromisoak bertan ixteko.

Euskeraz lan egitea helburu eskuragarria da

Bizkaie! 2015-10-22 15:48   Euskerea berbagai

Programa pilotu honen helburua da, enpresa industrialetako lan-hizkuntza legez euskerea gero eta gehiago erabilteko prozedurak eta praktikak diseinau eta gauzatzea, barrura eta kanpora begira, ahozkoan, idatzizkoan eta hizkuntza paisajean. Programan parte hartzen dagozan enpresak dira: Alejandro Altuna, Batz, Cikautxo, Copreci, Danobat, Eika, Elay, Goizper, Maier, Matz-Erreka, Orkli eta Ulma CYE.

Berbalagun egitasmoa indartzearen aldeko apustua AEK-k, Topaguneak eta Maramarak

Bizkaie! 2015-10-22 10:18   Euskerea berbagai

Euskerea praktikau nahi dabenentzat sortu zan Berbalaguna orain dala urte batzuk. Denporeagaz, zabaltzen eta hobetzen joan da proiektua eta, horren lekuko, AEK-k, Euskalzaleen Topaguneak eta Maramarak sinatutako hitzarmena. Ganera, Mintzanet zerbitzua martxan ipiniko dabela aurreratu dabe, internet bidez be euskerea praktiketako aukerea emoteko.

»» Ikusi argazki guztiak (3)

Getxoko VI. Euskera Sarirako hautagaiak aurkezteko epea zemendiaren 2ra arte zabalik

Bizkaie! 2015-10-20 13:48   Euskerea berbagai

Datorren zemendiaren 2ra arte zabalik egongo da Getxoko Udalak antolatutako Argia Ereiten Euskera Sariaren VI. edizinorako proposamenak aurkezteko epea. Euskerearen gizarte erabilerea babestu, sustatu edo zabaltzeko zereginetan nabarmendu diran erakunde, alkarte edo persona fisiko nahiz juridikoak goraipatzea da ekimenaren helburua.

Baztan Ikastoleak dana prest dauka domekan Nafarroako Ikastolen egun handia ospatzeko

Bizkaie! 2015-10-16 15:33   Euskerea berbagai

32 urte geroago, urriaren 18an, Elizondora itzuliko da Nafarroa Oinez eta aurten Baztan Ikastoleak izan dau jaia antolatzeko ardurea. Hamabortz, ama bat lemapean, 5’8 kilometroko ibilbidea izango da aurten eta Lekarozetik, Elizondotik eta Elbetetik pasauko da.

Hiztegi Juridiko-Parlamentarioa egingo dauen lantaldea eratu da

Bizkaie! 2015-10-16 13:02   Euskerea berbagai

Hiztegi Juridiko-Parlamentarioa egingo dauen lantaldea eratu da Eusko Legebiltzarrean. Taldeak parlamentu-lexikoa bateratzea dau helburu, ondoren Hiztegi Juridiko-Parlamentarioa osotu ahal izateko. Hiztegi horretan zuzenbide parlamentarioaren alorrean erabilten diran terminoak jasoko dira.

EHUko ikasleek master amaierako lanak eta doktorego tesiak Euskaltzaindian egin ahal izango ditue

Bizkaie! 2015-10-15 18:12   Euskerea berbagai

EHUk eta Euskaltzaindiak sinatu daben hitzarmenak esparru barri bat zabaldu dau erakunde bien arteko lankidetzan. Hizkuntzalaritza eta Euskal Filologia graduan dabilzan ikasleek aukerea eukiko dabe doktorego tesia edo master amaierako lana Akademiaren egoitzetako baten egiteko. Era horretako ikasleentzat, aproposa izan leiteke Euskaltzaindia ikerketak eta praktikak egiteko.

Euskereak ekonomiari ekarpen adierazgarria egiten deutsala dino Eusko Jaurlaritzeak

Bizkaie! 2015-10-15 15:18   Euskerea berbagai

Euskereak Euskal Autonomia Erkidegoko ekonomian daukan pisua eta eragina neurtu ditu Jaurlaritzeak eta emoitzak batzen dituan txostena jentaurrean aurkeztu dau Patxi Baztarrika sailburuordeak. Askoren aurreretxiek dinoenaren kontra, euskereak badauka pisu nabarmena erkidegoko ekonomian, datuetan jaso danez. Barne Produktu Gordinaren % 4,2 hartzen dau euskereagaz lotutako jarduereak eta 56.000 lanpostu dagoz sektorean.

EAEn lan egiten daben 9 finantza erakundek bezeroen hizkuntza eskubideak bermatzeko konpromisoa hartu dabe

Bizkaie! 2015-10-14 17:52   Euskerea berbagai

BBVA, Laboral Kutxa, Santander, Kutxabank, Bankoa Crédit Agricole, Caixabank, Rural Kutxa, Banco Popular eta Banco Sabadell Guipuzcoano dira hitzarmena sinatu dabenak.

Asterixen liburu barriko 4.000 ale, euskeraz

Bizkaie! 2015-10-14 13:55   Euskerea berbagai

Lehenengo laginak astelehenean zabaldu bazituen be, hilaren 22ra arte itxaron beharko da emoitza osoa ikusteko. Egun horretan, Asterixek 56 urte beteteko astebete faltako danean, aldi berean argitaratuko ditue 4 miloe ale, frantsesetik 20 hizkuntzatara eroanak. Gaztelaniazkoak 160.000 izango dira, 25.000 katalanezkoak eta euskerazkoak, barriz, 4.000. Galegoz 3.000 argitaratuko ditue, eta asturieraz beste 1.500.

Ahoskerearen inguruko jardunaldia egingo dau Euskaltzaindiak urriaren 23an Donostian

Bizkaie! 2015-10-14 10:20   Euskerea berbagai

Jardunaldiaren helburua ahoskerearen ganeko gogoetea egitea izango da. Euskera batuak ahoskera estandarrik behar ete dauen, euskalkiek ahozko batuaren alboan ze leku bete behar daben eta beste galdera asko ipiniko dira mahai ganean. Euskaltzaindiaren Ahoskera Batzordearen ekimenez antolatu da jardunaldia, urriaren 23an, eta batzorde horrek preparautako txostena aurkezteko be erabiliko da.

Hizkuntza eskubideak, Poziktibityko bideo barriko protagonista

Bizkaie1 2015-10-09 02:00   Euskerea berbagai

Nahi izatea Poziktibity da lelopean, hirugarren bideo honetan hizkuntza eskubideen gaia da jorratu dana. Administrazinoaren aurrean, herritarrak eskubidea dauka berak nahi dauen hizkuntza ofizialean artatua izateko.

Irudimena sormen lehiaketea martxan ipini dabe EKEk eta Azkue Fundazinoak

Bizkaie! 2015-10-05 17:54   Euskerea berbagai

Irudimena lehiaketea Ipar Euskal Herriko Euskal Kultur Erakundearen eta Bizkaiko Azkue Fundazinoaren alkarlanari esker sortu da. Datozan asteetan bosgarren ekitaldia egongo da martxan eta aurten, jantzea izango da oinarria. Izan be, euskal jantza tradizionalagaz lotutako soinu batetik abiauta sormen lanak aurkeztu beharko ditue parte-hartzaileek. Zemendiaren 15era arteko epea dago horretarako. Sei sari egongo dira.

'Denok euskaraz' programea abian ipini dau Barakaldoko Udalak, umeei eta familiei zuzenduta

Bizkaie! 2015-10-02 11:17   Euskerea berbagai

Astialdian euskerearen erabilerea handitzeko eta sendotzeko asmoz, Barakaldoko Udalak martxan ipini dau 'Denok euskaraz' izeneko egitasmoa. Lau eta zortzi urte bitarteko umeei eta hareen familiei zuzendutako programea da. Bariku guztietan, abendura arte, familientzako tailerrak egongo dira Clara Campoamor zentroan eta Gurutzetako kultur-etxean, ume eta gurasoek astialdia euskeraz pasetako aukerea euki daien.

'Euskal literatura XX. mendean. 25 urte' erakusketea ipini dabe Euskaltzaindiaren egoitzan

Bizkaie! 2015-10-01 17:25   Euskerea berbagai

Jon Kortazarrek 1990ean argitaratu eban 20. mendeko euskal literatureari buruzko lan mardula eta horren 25. urteurrena gogoan hartu dau Euskaltzaindiak. Urriaren 2an hasita, Bilboko Plaza Barrian Akademiak daukan egoitzan erakusketea egongo da ikusgai. Kortazarren lanari buruzko erakusketea da.

'Euskaraz bizi nahi dut' lehiaketako film laburrik onenak UEMAko kide diran herrietan ikusi ahal izango dira

Bizkaie! 2015-09-30 17:59   Euskerea berbagai

Donostiako Zinemaldiagaz batera, film laburren lehiaketea egin dau Kontseiluak irailean, 'Euskaraz bizi nahi dut' leloa gai nagusitzat hartuta. Irailaren 19an banatu ziran sariak eta lehiaketako pelikularik onenak herririk herri eroateko asmoa dauka UEMAk. Udalerri Euskaldunen Mankomunidadeko kide diran herriek film laburrak proiektau ahal izango ditue, doban. Zinema-aretoetan euskerazko zinemaren eskaintza urriari aurre egiteko neurria dala dinoe Kontseiluak eta UEMAk.

Kilometroak 2015era bizikletaz joateko deia egin dabe antolatzaileek

Bizkaie! 2015-09-30 15:05   Euskerea berbagai

Kilometroak 2015ek bizikleta martxa bat antolatu dau datorren domekan, urriaren 4an, Usurbil inguruko herritarrak bizikletaz joan daitezan, Donostia eta Usurbil lotzen dituan bidegorria aprobetxauta. Idiazabalgo AMPO enpreseak babestu dau martxea, eta Rural Kutxak, Gipuzkoako Kirol Egokituen Federazinoak eta Kalapie bizikleta alkarteak lagundu dabe.

»» Ikusi argazki guztiak (3)

Bigarrenez egingo dabe 'Lukie koiu' lehiaketea Txorierrin, gazteen hizkuntza ohituretan eragiteko

Bizkaie! 2015-09-30 13:12   Euskerea berbagai

Txorierriko Mankomunidadeko Euskera Zerbitzuak igaz ipini eban martxan lehenengoz lehiaketea, DBHko gazteei zuzenduta. Gazteen hizkuntza ohituretan eragin eta euskerea erabiltea bultzatu nahi dabe, motibazinoaren eta parte-hartze ludikoaren bidez. Igaz arrakasta handia euki eban lehiaketeak: Ehun parte-hartzaile ibili ziran eta aurten kopuru hori bardindu edo gainditu nahi dabe. Urtarrilera arte egongo da martxan 'Lukie koiu'.