Hizkuntza gitxituen arloan, Europako Batzordeak Espainiari 'txartel gorria' atara deutsala dino Patxi Baztarrikak
2016-01-28 14:00 Euskerea berbagai
Eurokartako erispideak beteten diran jakiteko Europako Batzordeak plazaratu dauen 4. txostenaren kontura, baikor agertu da Patxi Baztarrika Jaurlaritzako Hizkuntza Politikako sailburuordea. Eusko Jaurlaritzearen menpe dagozan eremu gehienetan, euskerearen babeserako neurriak egokiak dira eta Eurokartako gomendioak beteten dirala dino txostenak. Halandabe, gabeziak be badagoz, justizian eta polizian adibidez.
Juanma Iturrondo = AEK-jentea
2016-01-28 09:44 Euskerea berbagai
AEK-jentea ekimenagaz, kopuruen indarra ahaztu barik, ibilbideari erreparau gura deutsagu, begirada kualitatiboa hobetsi, hain zuzen. Horretarako, AEK-jentea egitasmoaren bitartez, heldu aroan euskerea ikasi eta euskeraz biziten jarri dan lagun bat aurkeztuko dabe urtero. 2016an, Lasarte-Oriako Juanma Iturrondo izan da hautatua.
Euskal Herriko Ahotsak webgunean 5.000 lekukoren grabazinoak dagoz
2016-01-27 13:13 Euskerea berbagai
Proiektuko kideek azaldu dabenez, asteon berton heldu dira 5.000ko markara. Euskal Herriko ahozko ondarea jaso, katalogau eta zabaltzeko asmoz dabil lanean Euskal Herriko Ahotsak. Lurralde guztiko 308 herritako 5.000 hiztunen berbak entzun letiekez, beraz, webgunean. Alkarlanean oinarritutako proiektua danez, jente askoren laguntzinoagaz lortutako markea dala azpimarratu dabe.
Enpresek emoten dituen zerbitzuak euskaldundu nahi ditu Kontseiluak, 'Euskalgintzaren Konpromisoa' ekimenagaz
2016-01-27 12:19 Euskerea berbagai
Lan mundua eta eremu sozioekonomikoa euskalduntzeko bidean, enpresak ez eze, konsumitzaileak be ezinbestekoak dirala ikusi dau Kontseiluak. Horretan oinarrituta sortu dau Euskalgintzearen konpromisoa. Euskalgintzako eragileak bezero be badiran ezkero, jasoten daben zerbitzua euskeraz izateko neurriak hartuko ditue. Lehenik eta behin, telefono-konpainietan ipiniko dabe arretea.
Europako Kontseiluak Behatokiaren ondorioak berretsi ditu
2016-01-25 14:30 Euskerea berbagai
Europako Kontseiluko Ministroen Batzordeak eta Adituen Batzordeak gomendioak egin deutsiez Espainiako Estaduari Erregio edo Gitxiengoen Hizkuntzen Europako Itunak ezarritako betebeharren inguruan. Gaur goizean eskainitako prentsaurrean, horreen balorazinoa egin dabe Paul Bilbao, Kontseiluko idazkari nagusiak eta Garbiñe Petriati, Behatokiko zuzendariak.
Atzerritarrei euskerea hurreratzeko oinarrizko hiztegia banatuko dabe Bizkaiko zortzi herritan
2016-01-25 14:29 Euskerea berbagai
Alkarbide Bilguneak sortu eta argitaratu dau Eskuko Hiztegia, Bizkaiko Foru Aldundiaren laguntzinoagaz. Atzerritarrek euskerazko oinarrizko berbak ezagutu daiezen egin dabe hiztegia. Hamaika hizkuntza sartu ditue eta Bizkaiko zortzi udalerritan banatuko dabe, doban.
Erakundea sendotzea izango da UEMAren helburua, 25. urteurrenean
2016-01-25 10:25 Euskerea berbagai
Batzar Nagusia egin dau UEMA, Udalerri Euskaldunen Mankomunidadeak asteburuan, Zarautzen. Aurten 25 urte beteko ditu erakundeak eta hazten segiduteko helburua ipini dabe arduradunek. Gaur egun 73 udalerri dagoz UEMAn eta 80ra heldu nahi dabe. Bizkaiko Ea da sartu dan azkena.
Euskara 21 Batzordeak ‘Eta hemendik aurrera zer?’ dokumentua aztertu dau
2016-01-25 09:42 Euskerea berbagai
Eztabaidarako edegia dagoan dokumentu berezi eta barritzaile honek hainbat ekarpen jaso ditu azken hileotan, bai zenbait batzordekidek eginak, baita batzordekide ez dan hainbat adituk idatziak be. Aitatu bileran, ekarpen horreetako batzuk aurkeztu ditue; danetara, 29 ekarpen jaso ditu Eta hemendik aurrera zer? dokumentuak, sortu dauen interesaren seinale.
Arabako leku-izenak batzen dituan liburua aurkeztu dau Euskaltzaindiak
2016-01-21 16:35 Euskerea berbagai
Gasteizen aurkeztu dau Euskaltzaindiak Araba/Alava, los nombres de nuestros pueblos lana. Liburuak Arabako toponimia nagusia aztertzen dau eta Akademiaren Izenak bildumearen barruan argitaratu dabe, Arabako Foru Aldundiaren babesagaz. Arabako leku-izenak normalizetako bidean oinarria ipini da lan honegaz, Andres Urrutia euskaltzainburuak azpimarratu dauenez.
Binke! aldizkariaren lehenengo zenbakia banatzen hasi dira
2016-01-21 14:32 Euskerea berbagai
Galdakao eta Usansoloko informazinoa euskera hutsean lantzen dauen aldizkaria da Binke!. Atzo, eguaztena, hedabide barriaren aurkezpen publikoa egin eben, Galdakao, Usansolo eta inguruko euskaldun asko bertan zirala. Euskerazko informazinoak udalerrian euki dauen hutsunea beteteko asmoz datozala adierazo dabe bultzatzaileek. Gaur eta bihar banatzen hasiko dira lehenengo zenbakiaren 14.000 aleak.
Euskerazko hezkuntza-ereduen aldeko kanpainea martxan ipini dabe Bizkaian
2016-01-19 11:55 Euskerea berbagai
Bizkaiko Foru Aldundiak eta Alkarbide euskera zerbitzuen bilguneak antolatu dabe kanpainea, Bizkaiko 39 herritako udal eta mankomunidadeakaz batera. Datorren ikasturterako aurrematrikulazino kanpainea martxan dagoan ezkero, gurasoei euskerazko ereduen alde egiteko deia egingo deutsie. Bi eta hiru urteko seme-alabak daukiezan 7.000 familia ingurutara heltzea da asmoa.
Bilboko euskaldunen topagune izango da Berbagunea eguenean
2016-01-18 13:24 Euskerea berbagai
Euskeraz berba egiteko batuko dira era guztietako euskaldunak Bilboko Azkuna Zentroan, eguenean, hilak 21. Euskerea kalera atarateko eta euskereak edozertaz berba egiteko balio dauela erakusteko antolatu dabe laugarrenez Bilboko Berbagunea. Lau txandatan banatuta, 1.600 lagun inguru batzea da aurreikuspena.
Euskerearen Txantxangorria, euskerea erabilteko konbita
2016-01-18 09:39 Euskerea berbagai
Txantxangorriaren irudi atsegin eta maitagarri honen bitartez herritarrei konbita egin nahi jake: euskerea erabilteko konbita. Herritar guztientzako konbita: euskeraz ondo dakitenentzat, euskeraz neurri batean edo bestean dakitenentzat, eta euskeraz ulertu bakarrik egiten dabenentzat. Danen ekarpena baita baliogarria.
Elgoibarko euskerearen ondarea sarean: elgoibarreraz.eus
2016-01-15 13:31 Euskerea berbagai
Bart aurkeztu dabe Elgoibarko Udalaren Gotzon Garate bekea jaso eta Gotzon Barandiaran larrabetzuarrak egin dauen lana: elgoibarreraz.eus web-ataria. Bekearen ikerketa esparrua euskerearen ezagutzea, erabilerea eta kalidadea dira. Euskara arloko ikerketea sustatzeaz gan, idazle eta euskaralari elgoibartarra omentzea ditu helburu.
'Euskerea bizibarritzeko erronkak' mintegian ekarpenak egiteko epea, hilaren 18ra arte
2016-01-12 17:28 Euskerea berbagai
Euskerea bizibarritzeko erronkak aztertzeko mintegian parte hartzeko deia zabaldu dau Euskaltzaindiak. Mintegia 2016ko zezeilaren 12an egingo da eta Akademiak jentearen esku hartzea bultzatu nahi dau. Hori dala eta, alkarte, erakunde eta norbanakoei deia luzatu deutse bertan parte hartu deien.
Hizkuntzen bizibarritzerako kasu eredugarriak batzeko proiektua sortu dabe
2016-01-12 14:00 Euskerea berbagai
Donostia 2016k eta Soziolinguistika Klusterrak, erakunde ugariren laguntzinoagaz, ipini dabe martxan Hitzargiak egitasmoa. Bertan, Europako hizkuntza gitxituak bizibarritzeko ekimenei begiratuko jake eta eredugarrienak aukeratuko dira. Horreek kasuak aztertu eta gizarteratuko dira, eredu izan daitezan. Webgunea sortuko dabe eta, bagilean, topaketea egingo da Donostian.
Eusko Jaurlaritzeak 373.500 euro banatuko ditu euskerazko softwarea eguneratzeko
2016-01-11 13:31 Euskerea berbagai
Gehienez 20.000 euro eta gitxienez 2.000 euro esleituko dira. Erakunde bakotxak ezin izango dau 90.000 euro baino gehiago eskuratu. Horrezaz gan, proiektu bakoitzeko gastuen aurrekontua ezin izango da 50.000 euro baino gehiago izan.
Hiztegi Batu barritua ipini dau interneten Euskaltzaindiak
2016-01-11 12:29 Euskerea berbagai
Bersino barriak 44.327 berba dakarz, tartean mila sarrera barri baino gehiago. 2014an sareratutako bersinoa osotu eta barritu dau Euskaltzaindiak. Holan, hizkera baturako arautu dituan gero eta berba gehiago interneteko Hiztegi Batuan dagoz jasota, modu erosoan konsultak egiteko moduan.
Jaurlaritzearen Hizkuntza Politikako sailburuordetzeak 2016ko diru-laguntzinoen barri emon dau
2015-12-30 16:26 Euskerea berbagai
Euskereari bultzadea emoteko, 45,7 miloe euro bideratuko ditu 2016an Eusko Jaurlaritzako Kultura eta Hezkuntza Sailak, Hizkuntza Politikako sailburuordetzearen bidez. Erkidegoko erakunde publiko guztiek euskereari emoten deutsiezan diru-laguntzinoetan, diruaren % 67 Jaurlaritzeak ipinten dauela azaldu dau Patxi Baztarrika sailburordeak.
Gabonaldian Campusetan euskerazko trebakuntza berezia eskainiko dabe euskal kirol taldeek eta Axi Muniainek
2015-12-23 14:35 Euskerea berbagai
Eusko Jaurlaritzako Hizkuntza Politikarako Sailburuordetzeak bultzatuta, campusotan parte hartzen daben monitoreek euskerazko trebakuntza berezia jasoko dabe. Helburua argia da: euskerazko trebakuntza berezia jaso ondoren, urtean zehar euren klubetan egingo dituen entrenamenduetan ikasitakoa praktikara eroatea eta euskerea gero eta esparru gehiagotan erabiltea.
Nabarmenak
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...