Ortzadar-KMK euskerazko komiki lehiaketako lanak Rekalde aretoan ikusi leitekez

Bizkaie! 2015-11-10 09:24   Euskerea berbagai

Alai Zubimendi hernaniarrak irabazi dau Ortzadar-KMK lehiaketako 5. edizinoa, Superheroi izenburuko komikiari esker. Zubimendiren lanagaz batera, lehiaketan parte hartu daben beste lau egileren komikiak ipini ditue Bilboko Rekalde aretoan, epaimahaiak horretarako maila nahikoa daukiela dino eta. Bestetik, Juanba Berasategi irudigileari omenaldia egin deutse lehiaketako antolatzaileek eta bere ibilbide oparoa erakusten daben marrazkien bildumea eroan dabe Rekalde aretora.

»» Ikusi argazki guztiak (4)

Euskerea Bizkaiko Foru Aldundiaren oinarri izatea nahi dau Lorea Bilbao Kultura diputaduak

Bizkaie! 2015-11-09 16:09   Euskerea berbagai

Bizkaiko Foru Aldundiaren Kultura, Kirol eta Euskera Sailaren 2016ko aurrekontu proiektua aurkeztu dau Lorea Bilbao alor horretako diputaduak. 2015ean baino % 2,3 gehiago gastauko dau datorren urtean sail horrek. Igoerarik handiena, euskerearen ezagutzea eta erabilerea bultzatzeko politiketan egongo da. Bilbaok azpimarratu dau, euskerea Foru Aldundiko oinarri bihurtu nahi dauela, erakundeko sail guztien zeharkako ezaugarria.

'Dena ez da futbola', euskal-venezuelar film laburra Bilbon ikusgai

Bizkaie! 2015-11-09 14:28   Barriak

Gaur, astelehena, zemendiak 9, Venezuelako Konsulatuak eta Zenbat Gara alkarteak antolatuta, Venezuela Bertaratzen ekitaldia ospatuko da Kafe Antzokian. Sarrerea doban izango da. Bertan, Kurkuluxetan alkarteak Dena ez da futbola euskal-venezuelar koprodukzinoa aurkeztuko dau, eta ondoren Jose Delgado kantautore venezuelarrak eta Dangiliske euskal taldeak zuzeneko emonaldiak eskainiko ditue.

»» Ikusi argazki guztiak (2)

Hermes aldizkariaren 50. zenbakiak Sabino Aranaren jaiotzearen 150. urteurrena gogoan hartu dau

Bizkaie! 2015-11-09 14:13

Zenbaki biribilez beteta dator Hermes aldizkariaren zenbaki barria. Aldizkariak berak 50. alea plazaratu dau dagoeneko eta, gai nagusiak, Sabino Aranaren jaiotzearen 150. urteurrena eta Eusko Alderdi Jeltzalearen sorrerearen 120.a dira. Kulturearen eta politikearen arloko persona ezagunek kolaborau dabe Hermesen, ohikoa danez.

»» Ikusi argazki guztiak (3)

Mendia eta literaturea buztartuko ditue martitzenean Bilboko Bidebarrieta liburutegian

Bizkaie! 2015-11-09 13:31   Kulturea

Eztabaidak literaturarekin zikloaren hurrengo hitzordua mendiagaz eta mendizaletasunagaz lotuta egongo da. Martitzenean, hilak 10, Bidebarrieta Kulturgunean alkartuko dira Juanra Madariaga eta Ramon Olasagasti. Mendizaleak dira biak, baina literaturearen munduan be badabilz. Jabi Baraiazarra moderatzaile dala, mendizaletasunaren eta literaturearen arteko zubia eregiko dabe.

Poloniako editoreak izango dira aurten Durangoko Azokan

Bizkaie! 2015-11-09 13:19   Kulturea

Aurten, 2016. urtean Europako Kultur Uriburu izango diran Donostia eta Wroclaw urien arteko loturea dala eta, Etxepare Euskal Institutuak konbidautako Poloniako editoreak izango dira Durangoko Azokan. Horrezaz gan, literaturan eta musikan adituak diran Poloniako kazetariak be etorriko dira.

'Gaming' jokerea berbagai 'Erabili eizuz zeu baliobakotu barik' jardunaldien VI. edizinoan

Bizkaie! 2015-11-09 12:40   Kulturea

Sabino Arana Fundazinoak eta Euskaltelek antolatuta, DBHn, Batxilergoan eta Lanbide Heziketan ikasten daben 500 gazte inguruk parte hartuko dabe aurten Erabili eizuz zeu baliobakotu barik. Internet + Sare Sozialak izeneko jardunaldien 6. edizinoan.

Euskal industria kulturalei eta sortzaileei laguntzeko lau kanpaina martxan ipini ditue

Dabi Piedra 2015-11-09 12:06   kulturbiz

Eusko Jaurlaritzearen babesagaz abiauko ditue lau kanpainak, Kultura Helburu lelo nagusiaren barruan. Zinema, arte eszeniko, musika eta liburugintzearen arloetakoak dira kanpainak. Euskal industria kulturalari eta sortzaileei bultzadea emon nahi deutsie, produziduten danari ikusgarritasuna emonaz eta publikoa erakarriaz.

»» Ikusi argazki guztiak (3)

Euskal ikasketak eskainiko ditu Sorbonne IV unibersidadeak

Bizkaie! 2015-11-09 10:53   Euskaldunak munduan

Etxepare Institutuak badauka lehendik be Euskera eta Euskal Kulturako irakurletza bat Sorbonne Nouvelle Paris III unibersidadean, eta Paris Sorbonne IVgaz lortutako akordioak eskaintza hori osotu eta euskal ikasketak ospe aldetik leku gorenean kokatuko ditu.

Unai Agirrek irabazi dau azkenengo final laurena

Bizkaie! 2015-11-09 09:16   Bertsolaritzea

Eskoriatzan jokatu da bart Gipuzkoako Bertsolari Txapelketako azken final laurena. Unai Agirre izan da saioko irabazlea eta zuzenean sailkatu da zemendiaren 29ean Tolosan jokatuko dan finalaurrekorako. Haren atzetik, Beñat Lizaso eta Oihana Iguaran sailkatu dira.

»» Ikusi argazki guztiak (2)

Bakarkako hamalaugarren diskoa aurkeztu dau Jabier Muguruzak, 'Tonetti anaiak'

Bizkaie! 2015-11-06 14:34   Musikea

Bederatzi kanta, tartean bi instrumental, daukaz Jabier Muguruzaren lan barriak. Izenburua, deigarria: Tonetti anaiak. Izan be, txikitan zirkuko horreek artistak ezagutu zituan Muguruzak, aitaren lagunak ziran ezkero. Diskoaren izenburua ez eze, kantetako bat be Tonetti anaiei eskaini deutse musikari irundarrak.

»» Ikusi argazki guztiak (2)

'Jalgi' lemapean egingo dabe 33. Herri Urrats, 2016ko maiatzaren 8an

Bizkaie! 2015-11-06 12:55   Euskerea berbagai

Euskara, jalgi hadi plazara... Jalgi hadi mundura, Bernart Etxepare idazleak 1545. urtean idatzitako berbak dira eta orain, barriz, aldarri horri eutsi deutsie datorren urteko Herri Urrats jaiaren antolatzaileek. Jalgi lemapean, Bernart Etxepare Lizeoari pasau deutso lekukoa Ziburuko Ikastoleak. Lizeoa lekuz aldatzeko proiektua abian da eta bi urtean eraikin barrian izatea da euren amesa.

'Dragoi Bola Z: F berpiztua', euskeraz

Bizkaie! 2015-11-06 11:22   Zinemea

Zineuskadik sustatzen dauen Zinema Euskaraz ekimenari esker, Dragoi Bola Z: F berpiztua, Frankiziako pelikularik errentagarrienaren euskerazko bersinoa ikusteko aukerea izango da astegoien honetan, Bizkaiko eta Gipuzkoako zinema-aretoetan: Barakaldon, Cinesa; Errenterian, Niessen; Donostian, Antiguo Berrin eta Irunen, Ocine. Zemendiaren 20an, barriz, Derion ikusteko aukerea izango da eta leitekeena da zinema-areto gehiago batzea.

Josu Bilbao Ugalde bermeotarraren obrak ikusgai Rekalde aretoan

Bizkaie! 2015-11-06 10:29   Kulturea

'Barriek 2015' programearen barruan, Josu Bilbao Ugalderen (Bermeo, 1978) piezak egongo dira ikusgai Bilboko Rekalde aretoko Kabinete Abstraktuan, gaur hasi eta zemendiaren 29ra arte. Aijje izena emon deutso autoreak erakusketeari.

San Mames, munduko kirol eraikinik onena ei da bai baina euria danean...

Markues 2015-11-06 10:00   Begi betegarri

Cristóbal Balenciaga Museoa, Bizkaitik hurrago

Bizkaie! 2015-11-05 17:24   kulturbiz

Cristóbal Balenciaga Museoak plan turistiko-kultural bat proponiduko deutse bizkaitarrei datorren zemendirako. Balenciaga, hurrago izeneko proposamenaren helburua Getariako museoaren edukia Bilboko biztanle eta turistei hurreratzea da.

»» Ikusi argazki guztiak (2)

Munduko domeinu barrien artean .eus laugarren postuan dago

Bizkaie! 2015-11-05 16:35   Kulturea

PuntuEUS Fundazinoak jakinarazo duenez, munduan sortu diran domeinu barrien artean .eus laugarren postuan kokatu da kalidade eta SEO sailkapenetan, mundu osoko 783 domeinuren artean egindako neurketearen ondoren. 

Euskerea bultzatzeko hedabideen zeregina aztertuko dau Euskaltzaindiak Jagon jardunaldian

Bizkaie! 2015-11-05 16:19   Euskerea berbagai

Zemendiaren 20an egingo da Jagon jardunaldiaren 20. edizinoa, Euskaltzaindiak Bilbon daukan egoitzan, Akademiako Sustapen Batzordeak bultzatuta. Saio horretan, hedabideek euskerearen sustapenean daukien zeregina aztertuko da. Hizkuntza politikak eta hedabideen egitasmoak jorratuko dira. Edonor joan leiteke jardunaldira, doban.

Topikoaren atzeko Azkue argitara ekarri dau Jurgi Kintanak

Dabi Piedra 2015-11-05 13:50   Euskerea berbagai

Resurreccion Maria Azkue (Lekeitio, 1864- Bilbo,1951) euskaltzale, ikerlari eta idazlearen inguruko liburua argitaratu dau Jurgi Kintanak, Azkue, bilbotar ezezaguna (Erein). Bilboko Udalaren Unamuno Saiakera Saria irabazi dau. Azkueren lana ezezaguna da, bere sasoiko beste autore batzuenaren aldean eta, ganera, topikoz betetako irudia baino ez jaku heldu. Horri bueltea emotera dator liburua.

»» Ikusi argazki guztiak (3)