Zornotzako VII. Mangamore jaialdia urriaren 11tik 13ra
2013-10-01 15:10 kulturbiz
Japoniako Anime eta Manga kulturei eskainitako jaialdiaren VII. edizioa egingo dabe Zornotzan urriaren 11tik 13ra. Mahai-jokoak eta friki-jolasak, zuzeneko emonaldiak, mahai-inguruak, tailerrak, jolasak, Japoniako jatekoak eta ureshiland, umeentzako gunea be izango dira programazinoa osotzeko.
Donostiako 61. Zinemaldiko zortzi pelikula proiektauko ditue asteon Bilboko Alondigan
2013-10-01 14:26 Barriak
Asteon Donostiako 61. Zinemaldian ikusgai izan diran hainbat pelikula ikusteko aukerea izango da Bilboko Alondigan. Danetara zortzi film proiektauko ditue, tartean Urrezko Maskorra irabazi dauen Pelo malo bere bai.
Badator VI. Lauaxeta Olerki Lehiaketea
2013-10-01 13:08 Kulturea
Aurtengo gaia Lauaxetak idatzitako olerki bik osotzen dabe: Itauna eta Erantzuna izenburukoak, duda asko eta erantzun gitxiko garai honetan gai horrek idazle eta poesiagileei idazteko aukera zabala eskainiko deutselakoan.
Artza frontoiaren mendeurrena ospatzen hasi dira Bermeon
2013-10-01 13:06
Bermeoko Artza frontoia 1913ko bagilaren 29an inaugurau eben. Orain ehun urteko San Pedro egunetik martxan dago frontoia, Lamera parkearen ondoan. Mendeurrena ospatzeko, egitarau berezia atondu dabe herrian mendeurrena ospatzeko.
'100 urte, 100 objektu' erakusketeak Bizkaiko meatzaritzearen historia dakar
2013-10-01 11:27 Kulturea
Bilduma horrek Meatzeen eta Herri Lanen Injinerutza Teknikoko Unibersidade Eskolako azken ehun urteetako ibilbidea erakusten dau. Aldi berean, Eskoleagaz eta Bizkaiko meatzaritzeagaz izandako lotura estua be aurkezten dau hainbat objekturen bidez: meatzaritzearen zereginetan eguneroko makinaria eta tresnak, mineralak, liburu eta idatzitako beste froga motak, kartelak, planoak eta abar.
Euskadi Interneten domeinu barik gelditu da
2013-10-01 11:06
Eusko Jaurlaritzea barriro berandu heldu da. Euskadi Interneteko mapan ipinteko, .euskadi edo .basque goi mailako domeinuak erregistretako aukerea eukan, eta ez dau egin. Bilboko Udalagaz eta .bilbao domeinuagaz bardin jazo da.
Miloe bat azukera-boltsa zure kafea euskeraz gozetako
2013-09-30 17:57 Euskerea berbagai
Giro onean kanpainearen bitartez Gasteizko Udalak eta Arabako Foru Aldundiak bat egin dabe arlo sozioekonomikoan eragiteko, normalizazino linguistikoa lortzeko giltzarria dan arloa baita Iciar amarain Arabako Foru Aldundiko Euskara, Kultura eta Kirol Diputaduaren berbetan.
Txinatarrek ezkonberbea emoten dabenean (eta II)
2013-09-30 15:46 Bidaide
Igaz Baihek Txinako Gizarte Beharginen Alkarteagaz lankidetzan egindako txosten baten arabera, emakumeen % 57k uste dau senargai egokia topetea norberaren ibilbide profesionala baino garrantzitsuagoa dala. %70ek uste dau gizonezkoak ez litzatekezala ezkondu behar ondasunen jaube izan arte eta % 80k, barriz, ezkontideak hilean 4.000 yuan (500 euro) edo hortik gora irabazi behar dituala adierazoten dabe.
Balendin Enbeita Bertso-paper Lehiaketan parte hartzeko epea zabalik dago
2013-09-30 15:44 Bertsolaritzea
Balendin Enbeita XI. Bertso-paper Lehiaketea martxan da. Lanak bialtzeko epea urriaren 18ra arte egongo da zabalik. ALBE Algortako Bertsolari Eskolak antolatu dau sariketea, Getxoko Udalaren laguntzinoagaz. Balendin Enbeita lehiaketa urte birik behin antolatzen da.
Alberto Markuerkiaga: 'Marabilli aurrerarantzean biurtekoa izango da seguruenik'
2013-09-30 12:51 Barriketan
Marabilli Sormen Festibaleko antolatzailea
Jon Martin jaun da jaube Amasa-Villabonako kanporaketan
2013-09-30 11:55 Bertsolaritzea
Amasa-Villabonan lortu dauen lehen postuari esker, Jon Martin zuzenean sailkatu da finalaurrekoetarako. Zemendiaren 9an, Gernika-Lumon jokatuko dan finalaurrekoan kantauko dau oiartzuarrak, Amets Arzallus eta oraindino erabakiteko dagozan beste lau bertsolarigaz.
Pete Cenarrusa hil da
2013-09-30 11:24
Euskal jatorrikoa zan Pete T. Cenarrusa Gardoqui, Munitibar eta Gernikakoak baitzituan gurasoak. Etxean ikasi eban euskeraz, eta 30 urtetik gora emon zituan AEBetako Idahoko Estadu idazkari lanetan, 1967tik 2003ra bitartean, errepublikanoen aldetik. Euskerearen eta euskal kulturearen sustatzaile izan zan AEBetan eta Boiseko Ikastolea martxan jarteko prozesuan be zeresan handia izan eban.
Maria Rondonen 'Pelo malo' pelikuleak irabazi dau Urrezko Maskorra
2013-09-30 11:18 Barriak
Kritikari eta kazetarien kinielatan agiri ez zan pelikuleak irabazi dau Zinemaldiko Urrezko Maskorra, Maria Rondon zuzendari venezularraren Pelo malo lanak. Desbardina izatea eta desbardin pentseteari buruzko filma da.
Eskean Kristö arratiarrek irabazi dabe EH Sona Musika Lehiaketea
2013-09-30 10:51 Musikea
Eskean Kristö Arratiako bost gaztek osotutako tribua da. Musika kontuetan 70. hamarkadako rock&rollaren urrezko sasoi haretara joten dabe eta orduko taldeak ditue gidari. Bizitzaz eta heriotzaz, amodioaz eta gorrotoaz berba egiten dabe gordin eta lotsa barik.
Intxortako burrukaldien gora-beherak, 'Elgeta memoria' aplikazinoan
2013-09-27 14:49
Elgetako Udalak smartphone gailuentzako Elgeta Memoria izeneko aplikazinoa aurkeztu barri dau, herriaren baliabide turistikoak eta Intxorta mendian 1936-37ko gudan jazotakoak batzen dituana. Euskeraz, gaztelaniaz eta frantsesez garatu dabe. Debalde deskargau daiteke.
Urduñan topautako 'Urdinez apaindutako lozazko platera' ikusgai, Bilboko Arkeologi Museoan
2013-09-27 12:26 Kulturea
Bilboko Arkeologi Museoak Urduñan topautako Urdinez apaindutako lozazko platera piezea ikusgai izango dau urtarrilera arte. Museoa aztarnaz aztarna programearen barruan atondu dabe erakusketea, museoak indusketetan aurkitutako pieza bereziak ezagutarazoteko.
'Zatoz euskaltegira!' kanpaineak euskerea ikasteko deialdi barria egin dau
2013-09-27 10:55 Euskerea berbagai
Euskaltegien sareak antolatutako Zatoz euskaltegira! kanpainearen barruan, hirugarren agerraldi publikoa egin zan atzo. Aurreko bietan lez, eragile asko batu dira Bilbon, Euskaltzaindiaren egoitzan. Euskerea ikasteko eta euskaltegietan izena emoteko deia zabaldu eben.
'Hegaztien koloreak' lehiaketea antolatu dau Euskadiko Biodibersidade Zentroak
2013-09-26 15:46 kulturbiz
Euskadiko Biodibersidade Zentroak Hegaztien koloreak argazki-lehiaketea antolatu dau, 2013ko Hegaztien Nazioarteko Eguna dala eta. Urriko lehenengo astegoienean ospatzen da egun hori, hegazti espezieen konserbazinoaren garrantzia nabarmentzeko.
47 euskal artistaren lanak ipiniko ditue ikusgai Getxoko dendetan
2013-09-26 15:32 Kulturea
Urriaren 1etik 31ra bitartean egingo da Getxoarte erakusketea, Areeta, Erromo eta Algortan. Berezitasun nagusia da artelanak denden erakusleihoetan eta ostalaritza lokaletan egongo dirala, artea herritarrei hurreratzeko eta herriko merkataritzea indartzeko asmoz. Bisita gidatuak be egongo dirala aurreratu dau Getxoko Udalak.
Marabilli Sormen Festibalaren bigarren edizinoa prest dago
2013-09-26 15:18 jardunaldiak
Sorkuntzea izango da aurten be Marabilli Sormen Festibalaren ardatz nagusia, musikea, jantzea, zinemea, arte plastikoak... osogai ugaridun egitaraua atondu dabe antolatzaileek urriaren 10etik 13ra bitartean Ondarroan egingo dan jaialdirako. Azkenengo egunean, ganera, Jainko Txiki eta jostalari hura ikuskizun barriaren aurrestreinaldia izango da.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...