'Eskorbuto, la mas macabra de las vidas' lanak irabazi dau 2015eko Dock of the Bay saria

| Ikusi handiago | Argazki originala

Kiko Grauren Eskorbuto, la mas macabra de las vidas lanak irabazi dau Dock of the Bay, musika dokumentalen Donostiako jaialdiko sari nagusia, Ez fikzinozko ariketa erradikala izateagaitik eta bandearen punk espiritua azaldu eta transmitiduteko helburua izateagaitik generoz kanpoko muntaketeagaz. Era berean, pelikuleak gitxitan kontau izan dan errealidadea jasoten dau eta alternatiba moduan azaleratzen da bai espainiako zinema garaikidearen panoraman baita musika dokumentalen generoan be.

Epaimahaiaren Aipamen Berezia, barriz, This lovely shitty life lanak jaso dau Mexikar mariachien munduan buru-belarri euren bokazinoari eusten deutsien emakumeen historia desbardinak erakusteagaitik eta, era berean, pelikuleak dauen aberastasunagaitik eta musika eta hurreraketa soziologikoa eta antropologikoa lako elementu hain desbardinak bateratzeagaitik.

Beste alde batetik, Guayana Films banatzaileak honako sariak emon ditu:

- Banaketeari Saria: Patuchas, el hombre de los mil limones. Obra eder, sormen ikaragarriko eta sentikor baten bitartez bere garaiari aurre hartu eutson artista baten memoria duina egiteagaitik.

- Aitamen Berezia: Doctor Deseo: Busco en tus labios. 80ko hamarkadako erdialdera eszenatokietan hasitako eta gaur egunera arte bere horretan mantentzen dan eginkizun musikala nabarmentzeagaitik.

- Aitamen Berezia: This lovely shitty life. Emakume mexikarra tradizinoz gizonezkoek gauzatu dituen Mexikoko adierazpide artistikoen artean leku bat egiterakoan erakutsitako burruka grina, nekaezintasuna eta daben talentuaren barri emoteagaitik.

Dock of the Bayko epaimahaia Virginia Díezek, José Luis Cienfuegosek, Felipe Cabrerizok, Aaron Rodríguezek eta Paula Arantzazuk osotu dabe.

Azken buruan, Dock of the Bay jaialdiko ikusleek, beren botuakaz, lehiaketa Saileko musika documental onena aukeratu dabe; Publikoaren Saria: Tubular Bells: The Mike Oldfield Story. Pelikulak 8,00 puntu jaso ditu.