Bizkaie!

Digestino-hodietako haizeak

Jentaurrean uzkerrak edo korrokadak botaten hastea edukazino txarrekoa izateaz ganera, lotsagarri geratzeko motiboa be izan daiteke. Gizarteak ez ditu jarrera horreek onartzen. Halanda be, askotan, gatxa izaten da aguantetea, batez be aerofagia edo meteorismoa daukien personentzat.

Euskadi izan da herrialde konbidatua Pueblako (Mexiko) Kulturaniztasunaren Astean

Eusko Jaurlaritzeak hainbat herrialdetan sustatzen dauen Euskera eta Euskal Kultura Lektoregoak ekimenak arrakasta handia izan dau Mexikon, eskaintzea zabaldu eta dagoeneko lau baitira programa hau eskaintzen daben unibersidadeak: UNAM, Iberoamericana de DF, Tecnologico de Monterrey eta Iberoamericana de Puebla.

Ipar Uribek irabazi dau Bertsolari Gazteen XVII. BBK Sariketea

Sariketa honetan beste sari bi be egoten dira, bata, sariketan zehar Bizkaiera egokiena erabili dauen bertsolariarentzat, eta bestea, Finalistarik Gazteenarentzat. Bada, sari honeek Lea Artibaiko Xabier Iturraspek eta Josune Aramendik irabazi ditue.

Euskaltzaindiak euskaltzain oso izentau dau Xarles Videgain

Xarles Videgain da euskaltzain oso barria. Euskaltzaindiak Urkiolan egin dauen osoko batzarrean, Txomin Peillen euskaltzain emeritu izatearen ondorioz sortutako hutsunea beteteko botazinoa egin eta Videgain aukeratu dabe euskaltzain, arautegiak agintzen dauen gehiengo osoa lortu ondoren.

Euskarabidea eta Cervantes Institutuaren hitzarmena euskerea eta euskal kulturea atzerrian sustatzeko

Hitzarmenari esker, argitalpenak alkarri trukatuko deutsiez bi erakundeek eta Cervantes Institutuko erabiltzaileek Euskarabidearen Mediatekan sartzeko aukerea izango dabe mundu osoan eta, beraz, euskalkien gaineko ikus-entzunezko dokumentu-funtsa konsultau ahal izango dabe Cervantes Institutuaren egoitzetatik.

47 taldek 51 antzezlan aurkeztuko ditue 2009ko Leioako Umore Azokan

Edizino barri honetan, Leioako Umore Azokeak Euskal Herriko 16 konpainia, Estadu espainoleko 18 eta nazinoarteko beste 13 talde batuko ditu, antolatzaileek jasotako 470 proiektuetatik aukeratuak. Lau egun honeetan, 51 antzezlan ikusteko aukerea izango da horreen artean 17 estreinaldiak izango dira.

Unibersidade-ikasleen ia erdia gizarte-zientzietan eta zuzenbidean matrikulau zan 2007-2008 ikasturtean EAEn

Joan dan ikasturtean, 65.101 ikasle matrikulau ziran guztira EAEko unibersidadeetan, eta euren arteko % 47 arlo sozial eta juridikoan, Eustaten datuen arabera. Aurreko ikastaroaren aldean, matrikulazinoak % 2 gitxiago izan ziran, azken 13 urteetako jokereari eutsiz.

Antzerkiaren Nazinoarteko Eguna ospatuko dau Zirkuituak Bilbon

Augusto Boal brasildarrak idatzitako manifestuan, egunerokotasunean antzerkiak dauen lekuaz hausnartzen dau, goizeko kafe orduko momentutik hasi eta Senatuko saioetaraino, eta zer esanik ez batzuen aurrezpenetatik 'fikzino hutsa bilakatu dan' diruaren 'antzezpen txarraren enreduetaraino' doan krisian.

Tuteran dana prest Korrika 16 hasteko

Lehenengo kilometroan, Alizia Iribarren Tuterako AEK-ko irakasleak eroango dau lekukoa. Korrikak euskerara etorri edo itzuli diranak omentzen ditu aurten eta Iribarren da horreen eredu argietako bat. Elizondon familia euskaldun batean jaioa, Tuterara bizitera joan behar izan eban familiagaz hamar urte zituanean, eta han galdu eban ama hizkuntzea.

Irati Jimenezek bere lehenengo nobela luzea, 'Nora ez dakizun hori', argitaratu dau

Bertan Bera gernikarrek lehenengo disko laburra argitaratu dabe

Honezkero kalean dago Bertan Bera boskotearen lehenengo disko laburra: 'Etenik Gabeko Bidean'. Lagun arteko giroan aurkeztu dau taldeak lan barria Gernikako Iparragirre Musika Elkarteko egoitzan.

Euskaltzaindiak euskaltzain barria izentauko dau bihar

Bihar, martiak 26, osoko batzarra egingo dau Euskaltzaindiak Urkiolan. Batzar horretan, Txomin Peillen euskaltzain emeritu izatearen ondorioz sortutako hutsunea beteteko hautagaia bozkatuko dabe euskaltzainek. Zezeilaren 27an, Donostian egindako osoko bilkuran, Xarles Videgain proponidu zan Peillenen lekua beteteko.

Eudelek udal agintariei zuzendutako 'Barnetegi Teknologikoa' egin dau

Helburua udaletako 12 karguduni Interneten eta teknologia barrien ganeko preparazinoa eskaintzea izan da, horretarako dispositibo teknologikoak erabilita. Barnetegia Zeanuriko Etxegana Hotelean egin da.

Euskal etxeei zuzendutako diru-laguntzinoak eskatzeko epea apirilaren 1ean zabalduko da

Diasporako euskal etxe eta alkarteei zuzendutako diru-laguntzinoen deialdiak martiaren 31n argitaratuko dituala iragarri dau Eusko Jaurlaritzeak. Laguntzino horreek eskatzeko epea apirilaren 1etik maiatzaren 5a bitartean egongo da zabalik.

Getxoko toponimia ezagutzeko hamar ibilbide gidatu jarri dira martxan

Bigarren urtez egingo dan ekimena aurten zabaldu egin da, ikastetxe, kultur alkarte, euskaltegi eta herritarrei orokorrean. Martian eta apirilean, ibilbideak udalerriko hiru euskaltegiei, EGIZU alkartekoei eta kultur alkarteko kideei egongo dira zuzenduta eta, maiatzekoak eta bagilekoak, ikastetxeei. Herritarrek lau hilabeteetan izena emoteko aukerea izango dabe.

EA, Ahaztuak eta Udalbiltzak be Korrika 16 babestu dabe

Euskal Herrian, makinatxu bat izan dira gizarte eragileak, sindikatuak eta alderdi politikoak Korrika 16gaz bat egin dabenak eta azken egunotan, EA eta Ahaztuak 1936-1977 Alkartea eta gaur, barriz, Udalbiltza izan dira Korrikaren mezu eta aldarrikapenakaz bat egin dabenak.

Gastronomiaren unibersidadea abian

Holako ikasketak eta ikerketea eskaintzen daben munduko bost erakunde onenen artean izateko helburuagaz jaio da Basque Culinary Center. Aitagarria, Europan unibersidade mailako gastronomia ikasketak emongo dituan bigarren zentroa izango dala Donostiakoa; gaur egun Italian baino ez dago horretarako aukerea.