Bilboko Barrea umorezko asteak idazle eta zutabegile ezagunak batuko ditu
2011-09-22 18:26 jardunaldiak
Irailaren 28an hasi eta urriaren 2an amaituko da Bilboko Barrea umorezko literaturearen eta artearen nazinoarteko astea. Idazle eta zutabegile ezagunek hartuko dabe parte umore surrealista protagonista izango dan ekitaldietan, besteak beste: Frédéric Beigbeder, Elvira Lindo, David Lodge, Montero Glez, Luis Magrinyà, Fernando Marías, Luisa Etxenike, Carmen Posadas, Manuel Rodríguez Rivero, Rosa Belmonte, Mercedes Abad, Fernando Aramburu, Nuria Barrios, Tatiana Pigariova eta Albert Boadella.
Marco Canalek 'Arte eszenikoak eta ekintza politikoa' tailerra emongo dau BAD jaialdiaren barruan
2011-09-20 18:05 jardunaldiak
Marco Canale antzerkigile eta zuzendari argentinarrak Arte eszenikoak eta ekintza politikoa tailerra emongo dau BAD Antzerki eta Dantza Garaikideko Jaialdiaren barruan, Bilbon. Mintegia urriaren 24tik 27ra izango da, eta sorkuntza eszenikoan interesa dabenei, esperientziadunei zein hasten dagozanei zuzenduta dago. Canalek, ganera, La puta y el gigante lan barria aurkeztuko dau.
Euskal Poesiaren III. BBK Jardunaldiak Bilbon irailaren 19tik 23ra
2011-09-15 10:39 jardunaldiak
Jardunaldiotan euskal artista esanguratsuenek euskal poeta garrantzitsuenetako batzuen pentsamendu artistikoak eta prozesu sortzaileak sakon aztertuko ditue. Emonaldi guztiak Bilboko BBK Salan (Kale Nagusia, 19-21) izango dira, 20:00etan, eta sarrerea dobakoa izango da aretoa bete arte.
'Euskal baleazaleen ildoei jarraiki' nazinoarteko kongresua Bilbon
2011-09-13 18:49 jardunaldiak
Euskal Herriko Unibertsitateak eta Jauzarrea Fundazioak, Euskal baleazaleen ildoei jarraiki. Euskaldunen eta Ipar Atlantikoko Amerikako Jatorrizko Herrien Kultur eta Genetiko Ondarea nazinoarteko kongresua antolatu dabe irailaren 21 eta 22an, Bilboko Bizkaia Aretoan.
'Iturreta eta zurezko ermitak, gure ondarea ezagutzen' jardunaldiak Markina-Xemeinen
2011-09-09 14:10 jardunaldiak
Irailaren 22an, 23an eta 25ean, Iturreta eta zurezko ermitak, gure ondarea ezagutzen jardunaldiak izango dira Markina-Xemeinen.
Eduardo Chillidaren ganeko mintegia egingo dabe irailean Chillida Lekun
2011-08-29 12:43 jardunaldiak
Chillida Leku museoak ateak ostera be zabalduko ditu egun birako bada be. Igazko abenduaren 31tik itxita egon ostean, iraileran 30ean eta urriaren 1ean Al alba conocí la obra izenburuko mintegia egingo dabe bertan. Topaketotan Eduardo Chillidaren alde poetikoa eta filosofikoa jorratuko ditue.
Antonio Lopez pintore espainiarra, irakasle Nafarroako Unibersidadean
2011-08-09 15:20 jardunaldiak
Antonio Lopez pintore espainiarrak Figurazinoaren erreferenteak lantegia eskainiko dau bost egunez Nafarroako Unibersidadean, Juan Jose Akerreta eta Jose Maria Mezquita margolariekaz batera. Berrogeita hamar lagunetik gora izan ziran ikastaroan parte hartzeko eskaerea egin ebenak, baina hogeita hamarrentzeko besterik ez da lekurik egon.
Ume eta helduentzako tailerrak antolatu ditu abuztuan Cristóbal Balenciaga Museoak
2011-08-08 15:24 jardunaldiak
Abuztuan be udako programazino didaktikoa eskainiko dau Cristóbal Balenciaga Museoak. Udaldiko bigarren partean Virginia Ameztoy artisteak tailerrak emongo ditu. Museoaren helburua Balenciagaren obrea zabaltzea eta sustatzea da. Virginia Ameztoy Montenegro artistea izango da tailer didaktikootako irakaslea.
UEUk udako ikastaroen 39. edizinoaren balantze ona egin dau
2011-07-21 14:00 jardunaldiak
Amaitu dira UEUren 39. edizinoko udako ikastaroak, lau astez Eibarren, Baionan eta Iruñean 26 ikastaro eskaini ostean. Ikastaroen arduradun Irati Iciarrek balantzea ona dala adierazo dau. Garagarrilaren 27an abiatu ziran udako ikastaroak, eta hilaren 20an amaitu ziran.
Udako etenaren ondoren, BizBAK-ek irailean eskainiko ditu ikastaro gehiago, musika, zinema eta telebista gaiak jorratuz
2011-07-20 16:39 jardunaldiak
Bizkaia Bilbao Arte eta Kultura (BizBAK) udako ikastaroen lehenengo atala aste honetan amaituko da. Bagilaren 21ean hasi ziranetik, 27 ikastaro egin dira. Universidad del País Vasco/Euskal Herriko Unibersidadeak antolatzen dituan ikastaroetan etena izango da orain eta irailean barriro egongo da aukerea, musika esperimentala, zine dokumentala eta paradigma aldaketa telebistan gaiak jorratzeko.
Julian Beloki: 'Komunikazinoa zenbat eta eraginkorragoa izan, gizartearen eregitea egokiagoa da'
2011-07-19 15:55 jardunaldiak
Julian Beloki eta Yolanda Mendiola Norberaren komunikazio-gaitasuna lantzeko tailerra ikastaroaren arduradunak izan dira UEUk Iruñean antolatutako udako ikastaroetan. Oinarrian danok persona komunikatiboak garala erakutsi nahi izan dabe, danok daukagula harreman bide bat gure hurreko ingurunegaz, eta batzutan jentaurrerako konpromisoa be bai.
Euskeraz egiteko motibazinoa aztergai, UEUren Iruñeako udako ikastaroetan
2011-07-18 16:54 jardunaldiak
Virginia Belategi Arrisku Psikosozialen Prebentzinorako teknikaria, Hizkuntza Normalizaziorako Aholkularia eta Trebatzailea da. Iruñean, UEUren udako ikastaroen barruan, Euskararekiko sentsibilizazioan eta motibazioan eragiteko teknikak izeneko ikastaroa eskainiko dau garagarrilaren 19an.
AlhóndigaBilbaon umorezko antzerki aste bat izango da Aste Nagusian BBKren laguntzinoagaz
2011-07-18 15:47 jardunaldiak
Ikuskizunen eskaintza BBK Banden Jaialdiagaz osotzen da, izan be, abuztuaren 24an Lekeitioko Musika Bandeak joko dau; 25ean, Laudioko Musika Bandearen txandea izango da eta hurrengo egunean, Eibarko Musika Bandearena. Emonaldi guztiak BBK Aretoan (Kale Nagusia 19) izango dira, 19.00etatik aurrera, eta sarrerea dobakoa izango da, lekuak bete arte.
Garagarrilaren 18tik 20ra UEUko Udako Ikastaroak Iruñean
2011-07-18 12:08 jardunaldiak
UEUk hogeita hemeretzigarrenez antolatzen dituan udako ikastaldiak Iruñeko Jaso ikastolan azken astea emongo dau, hilaren 18tik 20ra bitartean. Astean zehar aukera zabala eskainiko dau.
Mila lagun inguruk parte hartu dabe Bilboko Lehen Zabalguneko eraikin berezietara egin diran bisita gidatuetan
2011-07-14 15:07 jardunaldiak
Jarduerea irailaren hasieran jarriko da barriro martxan, Nafarroa kalean dagoan Sociedad Bilbaínaren eraikinera egingo diran bisitakaz. Ekimen horretan parte hartzeko dagoan gero eta eskari handiagoa ikusita, Kultura eta Hezkuntza Sailak zabaldu egin behar izan dau barriro be talde kopurua, eta La Bilbaína ikusteko plazak 500etik 800era zabaldu ditu.
Artearen eta matematikearen arteko loturak aztergai, Bidebarrietako liburutegian
2011-07-12 12:02 jardunaldiak
Abian da Bizkaia Bilbao Arte eta Kultura BizBAKek antolatutako Kultura, matematikaz blai: artearen eta kulturaren ikuspegi matematiko bat udako ikastaroa, Bidebarrietako liburutegian. Ikasleek arteak eta matematikeak alkarregaz dituen loturak aztertuko ditue, Marta Macho Stadler UPV/EHUko irakaslearen gidaritzapean.
Itzulpengintzea, psikologia eta soziologia nagusi, Eibarreko UEUren udako ikastaroetan
2011-07-11 11:14 jardunaldiak
Baionako udako ikastaroak amaituta, barriro be Eibarrek hartuko dau UEUren 39. Udako Ikastaroen txandea, gargarrilaren 11n hasi, eta hilaren 15era bitartean. Sei ikastaro eskainiko ditue astean Eibarreko Markeskoa jauregian.
Bideo-joko eta zine tailerra martxan, BizBAKen udako ikastaroetan
2011-07-08 14:54 jardunaldiak
Astelehenean, ikastaro barria abiatuko da Bizkaia Bilbao Arte eta Kultura (BizBAK) udako ikastaroetan; Blender Game Engine eta beste tresna libre batzuk erabiliz bideo-jokoak sortu izeneko tailerra, hain zuzen be. Garagarrilaren 11tik 13ra bitartean egingo dabe ikastaroa, Bilboko UPV/EHU Bizkaia Aretoan, Abandoibarran. Eta dagoeneko martxan dago Zine Tailerra: Italiako thriller-a berunaren urteetan eta haren eragina ikus-entzunezkoetan ikastaroa.
'Berban gora iturria' lemapean, badatoz zortzigarrenez Eako Poesia Egunak
2011-07-06 15:51 jardunaldiak
Berban gora iturria lemapean, Herrijeri Emon Arnasa kultur alkarteak aurtengo Eako Poesia Egunak aurkeztu ditu Bilboko Kafe Antzokian. Garagarrilaren 15etik 17ra bitartean, poesia modernoaren bideak jorratuko ditue Ean, poesia-errezitaldi, berbaldi, kantaldi eta performanceen bidez. Aurten zortzigarren aldia beteko dabe Poesia Egunek.
BizBAKek euskal haur eta gazte literaturea jorratuko dau
2011-07-06 10:47 jardunaldiak
Garagarrilaren 6tik 8ra bitartean, Bilboko Bizkaia Aretoan eskainiko da Euskal haur eta gazte literaturea ikastaroa. Mota horretako literatureari buruzko ikuspegi zabala eskaintzea dau helburu.
Nabarmenak
