'Kultur Gabonak' ekimenak 130 jarduera baino gehiago dakarz Bilbora
2014-11-24 14:11 jardunaldiak
Bilboko Udaleko Kultura eta Hezkuntza Sailak programazino zabala atondu dau Kultur Gabonak ekimenaren barruan. Danetara, ikus-entzule guztiei zuzendutako 135 ikuskizun eta jarduera baino gehiago izango dira, uriko barruti guztietan. Aste honetan bertan hasiko dira.
Xenpelar Dokumentazino Jardunaldien lehenengo edizinoa, zemendiaren 20an eta 27an
2014-11-20 10:25 jardunaldiak
Euskal Herrian zehar sortutako dokumentazino gaiei buruzko gogoetak bultzatu eta plazaratzeko asmoz antolatu ditue jardunaldiok. Urtero izateko amesagaz sortu dira, eta lehenengo edizino honetan euskal antzerkiaren dokumentazino beharrak izango ditue berbagai zemendiaren 20an eta 27an.
Adierazpen askatasuna, memoria historikoa eta kultur aniztasuna berbagai Bilbon
2014-11-18 14:42 jardunaldiak
EHUko Zuzenbide Fakultadeko Bizkaiko ataleko Administrazino Zuzenbidea Sailak Adierazpen askatasuna, memoria historikoa eta kultur aniztasuna jardunaldiak antolatu ditu datorren eguztenerako eta eguenerako, zemendiaren 19 eta 20rako, Bizkaia Aretoan, Bilbon. Topaketa hori Cartooning for Peace erakusketeagaz batera egingo da eta Paueko Unibersidadeko eta EHUko irakasleek parte hartuko dabe.
'Emakumeek zientzia egiten dute' zikloak Emmy Noether, Felisa Martin Bravo, Dorotea Barnes edo Linda Buck izango ditu protagonista
2014-11-04 17:09 jardunaldiak
Zemendiaren 5ean abiatuko da aurtengo Emakumeek zientzia egiten dute berbaldi-zikloa, Bilboko Bidebarrieta liburutegian. Geologian lizentziaduna eta EHUko Irakasle eta Gizarte Hezkuntza eskolako irakasle Lola Fernandezek Emakume eta harriei buruz. Diamonds are a girl´s best friend? berbaldia emongo dau, 19:30etik aurrera.
Alex Txikon, Juanjo San Sebastian edota Ferran Latorre, Arrigorriagako Mendi Astean
2014-10-27 17:36 jardunaldiak
Urriarean 28an hasiko da Padura Mendi taldeak eta Arrigorriagako Udalak antolatutako Mendi Astea 2014. Ferran Latorre mendizale katalana izango da lehenengo hizlaria. Hatxean eta izotzean egindako eskaladak izango ditu berbagai 20:00etatik aurrera, Lonbo aretoan.
Udal Liburutegi Sareak Liburutegien Nazinoarteko Eguna ospatuko dau barikuan
2014-10-23 17:43 jardunaldiak
Bilboko Udal Liburutegi Sareak makinatxu bat jarduera antolatu ditu, datorren barikuan, urriaren 24an, ospatuko dan Liburutegien Nazinoarteko Eguna dala eta. Jardunaldi horrek bi helburu ditu: alde batetik, herritar guztiei jakinarazotea badagoala ezagutza eta informazinoa eskuratzeko hurreko zerbitzu publikoa eta, beste alde batetik, zerbitzu horren erabilerea sustatzea.
Rafael Santandreu eta Javier Iriondo aurrez aurre 'Eztabaidak Literatureagaz' ekimenean
2014-10-07 11:07 jardunaldiak
Jentaurreko barriketaldien bitartez literaturara hurreratzeko helburua dauen Bilboko Udaleko Kultura eta Hezkuntza Sailaren Eztabaidak Literatureagaz ekimenak, Javier Iriondo idazle, coach eta kirolariaren eta Rafael Santandreu psikologoaren arteko topaketea aurkeztuko dau gaur, urriak7. Bertan, konbidatu biek literaturearen eta emozinoen ganean berba egingo dabe.
Urria poesiaz beteta dator Bilbora
2014-10-06 15:39 jardunaldiak
BilbaoPoesia literatur jaialdiaren 15. edizinoan, sekula baino ekitaldi gehiago programau ditue. Hilaren 11tik 25era, besteak beste, Gabriel Arestiren jaiotzearen urteurrenean, errezitaldi berezia antolatu dabe eta, aurten, ganera, Harri eta Herri liburua argitaratu zaneko 50. urteurrena gogoan izango dabe.
III. KULTURalde ekimenak musikea, antzerkia eta poesia ekarriko ditu Errekaldeko Udaltegira
2014-10-01 14:26 jardunaldiak
Bilboko Udaleko Kultura eta Hezkuntza Sailak, Errekaldeko Udaltegian egingo dan KULTURalde programea inaugurauko dau bihar, urriaren 2an. Musikea, antzerkia, poesia eta bertsolaritzea izango dira ikus-entzule guztientzat zabalik egongo dan eta hileko eguen guztietan —eta urriaren 17an, barikuan— arratsaldeko 19:30etik aurrera formea hartuko dauen ekimenaren protagonistak.
Bilboko Udal Liburutegi Sareak 50 jarduera baino gehiago programau ditu urteko azken hiruhilekorako
2014-09-30 18:20 jardunaldiak
Egitaraua eguazten honetan, urriaren 1ean, abiatuko da, bi erakusketagaz: urriaren 18ra arte Begoñako Liburutegian ikusi ahal izango dan Axe Brasil: ia kontinente bat den baloiaren atzean ezkutaturik, eta abenduaren 31ra arte Bidebarrietako Liburutegian egongo dan eta idazle bilbotarraren lan poetikoa batzen dauen Unamuno poeta unibersala erakusketea.
Brasildar kultureari buruzko erakusketea, aurtengo 'Bidaiarien txokoa' programearen lehenengo hitzordua
2014-09-30 15:33 jardunaldiak
Bidaiiei eta abentureari buruzko hurreko ikuspegia eskaintzen deutson Bidaiarien Txokoa egitaraua urriaren 1ean hasiko da. Brasil: ia kontinente bat baloiaren atzean ezkutauta erakusketeak edegiko dau hamaikagarren edizinoa, Bilboko Begoñako Udaltegian. Urriaren 18ra bitartean, erakusketeaz aparte, berbaldiak eta proiekzinoak izango dira.
Javi Renobales aktore zornotzarrak emongo deutso hasierea Zornotza Aretoaren eszena-programazinoari
2014-09-29 18:24 jardunaldiak
Urriaren 3an emongo deutso hasierea Zornotza Aretoak udagoieneko eszena-eskaintzeari, Marie de Jongh konpainiak familientzat produzidutako Kibubu antzezlanagaz. FETENen 2014ko aktore onenaren saria irabazi dauen Javi Renobales antzezle zornotzarra da lan honen protagonistetako bat.
Irailaren 28an amaituko da XI. Idazle Eskolan izena emoteko epea
2014-09-26 14:29 jardunaldiak
Bergarako Idazle Eskolearen 2014/2015 ikasturtea urriaren amaieran hasiko da, eta izen-emotea, barriz, irailaren 28an zarratuko da. Eskolak zapatuetan izango dira goizeko 9:00etatik 13:30era, UNEDek Bergaran dauen egoitzan, eta ikasturte osoko prezioa 1.200 eurokoa izango da.
Bilboko Udalak Unamunoren Eguna ospatuko dau astelehenean
2014-09-24 18:32 jardunaldiak
Bilboko Udalak urtero ekitaldi egitarau zabala jarri dau martxan, 1864ko irailaren 29an jaio zan Miguel de Unamunoren 150. urteurrena ospatzeko. Datorren astelehenean, hilaren 29an, Udalak Unamunoren eguna ospatuko dau, ohikoa dan lore eskaintzea eginez idazlearen izena daroan plazan eta beste zenbait kultur jarduera antolatuz.
Kukai jantza taldearen 'Gela Jauziak' ikuskizunak zabalduko dau Blv – Art programearen edizino barria
2014-09-24 15:25 jardunaldiak
Blv-Art ekimenaren helburua inguru horren kultur espezializazinoa lortzea da, bertako biztanleen beharrei erantzuteko, baina, batez be, auzo horreek erakargarriak izan daitezan uriko biztanle guztien begien aurrean, abangoardiako kultur erdigune bilakatuz, bertan, musikeagaz, arte plastikoakaz, zinemeagaz edo modeagaz lotutako sorkuntza mueta barriak sortzen dagozalako eten barik.
Julian Barnes hizkuntza ingeleseko gaur egungo narrazinogilerik onenetakoak V. BBK Bilboko Barrea saria jasoko dau
2014-09-16 15:52 jardunaldiak
Eleberrigile ingelesaren parte-hartzeaz gan, genero honetan parekorik ez dauen jaialdi honen bosgarren edizinoan, literaturea, umore grafikoa eta zinema arloetako maila goreneko egileen presentzia nabarmendu behar da, Jean Echenoz, Emmanuel Carrere, Luis Goytisolo, Isabel Coixet edota marrazkigintzan 50 urte egin barri dituan Forges marrazkilaria tarteko dirala.
Badator barriro 'Eztabaidak Literatureagaz' ekimena Santiago Roncagliolo eta Juanjo Olasagarregaz
2014-09-15 14:39 jardunaldiak
Eztabaidak Literatureagaz martitzenean, hilaren 16an, bueltauko da Bilboko Bidebarrieta Kulturgunera. Oraingo honetan, eztabaidea Santiago Roncagliolo idazle eta kazetari perutarraren eta Juanjo Olasagarre egile nafarraren artean izango da. Idazle biek literaturearen eta agintearen edo boterearen arteko loturearen ganean berba egingo dabe.
Josune Muñozek XIX. mendeko emakume idazle iparramerikarren ganeko tailerra eskainiko dau Bilbon
2014-09-04 11:03 jardunaldiak
Tailerra dobakoa da eta izena emotea irailaren 1etik 13ra egin behar da, liburutegian bertan, telefonoz (946082487) edo posta elektronikoz (foru_liburutegia@bizkaia.net). Danetara, 20 leku dagoz, eta izena emoten dan ordenean esleituko dira.
Irati Iciarrek UEUren Udako Ikastaroen lehenengo balorazinoa egin dau
2014-07-24 10:43 jardunaldiak
UEUren 42. edizioko Udako Ikastaroak ateak zarratzekotan dagoz, eta amaieraren atarian Irati Iciarrek, ikastaroetako arduradunak, aurtengo edizinoko lehenengo balorazinoa egin dau. Bidean aldaketa eta zailtasun batzuk sortu diran arren, orokorrean sentsazino oso ona daukiela adierazo dau. Eibarren, Baionan eta Iruñean antolatu diran ikastaroetan 500 ikaslek parte hartu dabe, eta horrek sarearen osasun ona erakusten dau UEUko arduradunaren ustez.
UEUren Udako Ikastaroak astelehenean bueltauko dira Eibarrera
2014-07-14 12:21 jardunaldiak
Udako Euskal Unibersidadearen (UEU) Udako Ikastaroen 42. edizinoa Eibarko Ikastetxe Nagusira (Markeskoa jauregia) bueltauko da astelehenean, garagarrilaren 14an, pasa dan astean zehar Baionan izan ondoren.
Nabarmenak
