Hortzmuga antzerki taldeak Unamunoren Bilbo erakutsiko dau bagilean
2014-06-02 14:53 jardunaldiak
Miguel de Unamunoren jaiotzearen 150. urteurrena gogoratzeko antolatu dan jarduera-eskaintza zabalaren barruan, Bilboko Udaleko Kultura eta Hezkuntza Sailak Unamunoren ibilbideak egingo ditu bagilean Zazpi Kaleetan zehar, Hortzmuga antzerki taldearen eskutik.
Zirkualde V. Zirku Jaialdiak zazpi ikuskizun eskainiko ditu Bilboko Errekalde auzoan
2014-05-30 10:32 jardunaldiak
Zirkualde Errekaldeko Zirku Jaialdiaren bosgarren edizinoa auzo bilbotarreko plazan ospatuko da barikutik domekara bitartean, eta danetara zazpi ikuskizun aurkeztuko ditu. EAEn zirkuko arteen inguruan antolatzen dan jaialdi tematiko bakarra dala azpimarratu dau antolatzaile lanetan ibili dan Bilboko Udaleko Kultura eta Hezkuntza Sailak.
Berreginen Museoak, Manuel Balsa Errusiarra Aire Zabaleko VI. Akuarela Lehiaketea egingo dau zapatu honetan
2014-05-27 18:20 jardunaldiak
Manuel Balsa Errusiarra Aire Zabaleko Akuarela Lehiaketea, lau hamarkada baino gehiagotan Museoko marrazketa eta pintura irakasle izan zanari eskainitako omenaldia da. Manuel Balsa 2010eko urtarrilean hil zan. Irakasle lanetan egin zituan ia 50 urteetan, Manuel Balsa Errusiarrak milaka bizkaitarri erakutsi eutsen margotzen eta marrazten.
Literatureak eta futbolak bat egingo dabe bagilaren 2tik 6ra bitartean Bilboko 'Letrak eta futbola' jaialdian
2014-05-27 18:00 jardunaldiak
Topaketek, tailerrek, literaturea sustatzeko ekintzek eta komiki erakusketa batek osotzen dabe aurtengo Letrak eta futbola jaialdia. Literaturea, komikia, kazetaritza eta futbola buztartzen dituan egitarauak Bilbon batuko ditu, besteak beste, Zuhaitz Gurrutxaga, David Trueba, Eduardo Mendoza, Amets Arzallus, Martin Caparros, Eduardo Sacheri eta Enric Gonzalez.
Forma Eszeniko Barrien Nazinoarteko Topaketea martxan Bilbon
2014-05-26 15:45 jardunaldiak
Lehenengo edizinoan legez, Bilboko Alondigea proposamen artistiko horreen eragileentzako topagunea izango da maiatzaren 26tik 31ra. Sensibilidade desbardinetako sortzaileek espazio berberetan eguneroko kontzeptuen ikuspegi eta barrikusketak proponiduko ditue. Artean, zuzeneko artean, momentu horretan bakarrik ikus daitekeen horretan, finkatzen dabe begiradea, eta hori esperientzia bihurtuko da publikoarentzat.
Javier Mariscal diseinatzaileak IV. Serifalaris topaketan parte hartuko dau
2014-05-16 10:23 jardunaldiak
Javier Mariscal sortzaile valentziarrak, Serifalaris diseinatzaile grafikoen laugarren topagunean hizlari lez jardungo dau Getxon. Maiatzaren 16an eta 17an egingo da Euskadin diseinu grafikoa zabaltzea eta sustatzea, sektorea agirikoa egitea eta zonaldeko profesionalen artean komunidadea sortzea helburu dituan topagunea.
'Arratsalde bat argazkilari batekin' jarduerea Bilboko Ondare Aretoan
2014-05-15 11:28 jardunaldiak
Maiatzaren 15ean, Carlos Villoch izango da lehenengoa bere esperientzia eta pasadizuak kontetan. Hilaren 20an, martitzenean, Santi Yañiz egongo da; eta 22an, eguenean, Mikel Bilbao. Hilaren 29an, Joseba del Villarren txandea izango da; eta, azkenik, bagilaren 5ean, eguenean, Xabier Armendarizek amaierea emongo deutso zikloari. Bilera guztiak 19:00etan hasiko dira, eta ordubeteko iraupena izango dabe, gitxi gorabehera.
Literaturea eta bardintasuna ardatz hartuta Karmele Jaio eta Nativel Preciado aurrez aurre
2014-05-12 18:12 jardunaldiak
Maiatzaren 13ko topaketako protagonistak Karmele Jaio eta Nativel Preciado dira, eta bien artean, literatureak bardintasunari egindako ekarpenaren ganean eta emakumeek literaturan gailentzeko dituen aukerak jorratuko ditue. Idoia Jauregi kazetariak moderauko dauen eztabaidea 19:30ean hasiko da ekitaldi aretoan.
Bilboko Alondigeak Forma Eszeniko Barrien Nazinoarteko Topaketea antolatu dau
2014-05-05 15:55 jardunaldiak
Maiatzaren 26tik 31ra bitartean Bilboko Alondigeak 3,2,1 Forma Eszeniko Barrien Nazinoarteko Topaketea hartuko dau. Hiru edizino izango ditu programa honek, aurreko urtean hasi zan eta datorren urtean amaituko da. Aurten, performancea, jantzea eta egungo antzerkia barrikusiko dituen hainbat proposamen artistiko alkartuko dira.
Globalizazinoaren erronkak eta arriskuak aztergai Bilbon pentsalari ospetsuen eskutik
2014-05-05 15:09 jardunaldiak
Sami Naïr, migrazino-mobimentuetan espezializau eta kogarapena izeneko kontzeptua sortu eban politologi frantsesak Bidebarrietako Liburutegiko Ekitaldi Aretoan berba egingo dau maiatzaren 5ean, astelehenean, Jean-André Vialá Bilboko Institutu Frantseseko zuzendariak aurkeztutako agerraldian.
Literaldia'14: gaur egungo euskal literaturea abiada bizian helduko da Bartzelonara
2014-04-16 14:12 jardunaldiak
Apirilaren 23tik maiatzaren 28ra euskal literaturearen erakusleihoa izango da Bartzelona, eta beti lez, ekitaldi gehienak dobakoak izango dira, euskal kulturea eta literaturea danon eskuragarri egon daiten.
Manex Pagola, Erramun Baxok eta Patrice Rouleau omenduko ditu Sarako 31. Idazleen Biltzarrak
2014-04-11 12:31 jardunaldiak
Pazko astelehenean, apirilaren 21ean, Sarako Idazleen Biltzarra egingo da herriko kiroldegian, goizeko hamarretatik aurrera. Idazleak eurak izaten dira protagonista nagusiak Euskal Kultur Erakundeak antolatutako urteroko ekitaldian. Beste urte batzuetan lez, omenaldiek garrantzi berezia eukiko dabe, aurten hiru dira omenduak: Manex Pagola idazle eta kantaria, Erramun Baxok hizkuntzalaria eta Patrick Rouleau marrazkilaria.
Feminismoa eta unibersidadearen arteko harremana, aztergai gaur Leioan
2014-04-10 12:52 jardunaldiak
Gaur, apirilak 10, Begirada Feministak 2014: unibesidadea eta feminismoaren arteko harremanak jardunaldia egingo dabe EHUko Gizarte eta Komunikazino Zientzien Fakultadean, Leioan.
EHUren 33. Udako Ikastaroek 131 jarduera eskainiko ditue
2014-04-07 15:33 jardunaldiak
Inoizko eskaintza anbizino handikoena izango dabe EHUren Udako Ikastaroek, Iñaki Goirizelaia errektoreak aurkezpenean nabarmendu dauenez. 33. edizinoak 131 ikastaro, mintegi, tailer, eskola eta jardunaldi ditu aukeran, eta 21 euskeraz izango dira. Makinatxu bat gai jorratuko ditue, besteak beste, zahartzea, ingurugiroa eta jasangarritasuna, hondakinen kudeaketea, demografia, drogen konsumoa eta 36ko gerrea.
'Eztabaidak literatureagaz' zikloak Miguel Delibes de Castro eta Gustavo A. Schwartz jarriko ditu aurrez aurre
2014-04-07 14:47 jardunaldiak
Literatura eta Zientziaren arteko hartu-emonak aztergai izango dira bihar, hilak 8, Bidebarrietako Liburutegian. Aurrez aurre: Miguel Delibes de Castro biologo, irakasle eta natur-dibulgatzailea eta Gustavo A. Schwartz zientzialari argentinarra. Moderatzaile lanak, barriz, Pilar Kaltzadak egingo ditu.
Bilboko Arte Eder Museoak 'Greco. Materia eta arima' jardunaldiak antolatu ditu
2014-04-04 12:43 jardunaldiak
Bilboko Arte Eder Museoak bat egin dau Grecoren heriotzearen laugarren mendeurrena ospatzeko ekitaldiakaz, eta Greco. Materia eta arima jardunaldiak antolatu ditu. Lau berbaldi izango dira jardunaldiotan, apirilaren 7an eta 14an, maiatzaren 28an eta bagilaren 4an.
'Irakurleak Eraikitzen' jardunaldiak antolatu ditu Bilboko Foru Liburutegian, apirilaren 2an eta 3an
2014-04-02 10:53 jardunaldiak
Ume eta Gazteen Liburuaren Eguna dala eta, Irakurleak Eraikitzen jardunaldiak antolatu ditu Bizkaiko Foru Aldundiak, apirilaren 2an eta 3an. Idazle, ilustratzaile, hezitzaile eta pedagogoek hartuko dabe parte, tartean, Iñaki Zubeldiak, Belen Lucasek, Jone Arroitajauregik eta Seve Callejak.
Bidebarrieta Kulturguneak Poesiaren Nazinoarteko Eguna ospatuko dau gaur Juan Gelmanen omenezko ekitaldi bategaz
2014-03-21 10:16 jardunaldiak
Bilboko Bidebarrieta Kulturguneak Poesiaren Nazinoarteko Eguna ospatuko dau gaur, barikua, hilak 21, 2007ko Cervantes Saria eskuratu eta joan dan mendeko literaturearen erreferentziatzat joten dan Juan Gelman idazle hil barriaren omenezko ekitaldi bategaz.
Tiago Rodrigues zuzendariak hasiko dau 'Antzerkiaren zero gradua' mintegi zikloa martiaren 20an
2014-03-19 14:10 jardunaldiak
Arte Biziak izeneko programearen barruan, Antzerkiaren zero gradua. Historia eszenatik berridaztea zikloa zuzenduko dau Pablo Fidalgok Bilboko Alondigan, martiaren 20tik apirilaren 12ra. Eszena-arteen arloko profesional eta ikasleei zuzenduta dago mintegia.
Parte hartu Begira Photo Festivalen
2014-03-12 09:51 jardunaldiak
Aurtengo udan laugarrenez egingo da Begira Photo Festival nazinoarteko argazki festibala Durangon. Beste behin be, erakusketa kolektiboan parte hartu gura daben herritarrei dei egiten jake argazkiak bialdu deiezan; autoerretratu generoko argazkiak dira eskatzen dituenak.
Nabarmenak
