Bideoarteari buruzko jardunaldiak hartuko ditu Bilbao Artek urriaren 1 eta 2an
2015-09-30 14:34 jardunaldiak
VideoSteal izeneko jardunaldiak Bilbo-Santander bertatik bertara egitasmoaren barruan dagoz eta, hartara, Euskal Herriko eta Kantabriako dozena bat artistak parte hartuko dabe. Bideo-sorkuntzan dabilzan artisten topaketarako eta euren lanen erakusleiho izateko sortu dabe ekimena. Bilbao Artek Urazurrutia kalean daukan egoitzan izango dira jarduerak eta, aurrerago, topaketearen bigarren zatia Santanderren egingo dabe. Lehenengoz eratu dabe VideoSteal aurten.
Ondarearen Europako Jardunaldiek egitarau oparoa dakarre Bizkaira
2015-09-24 15:20 jardunaldiak
Aurten hamabosgarrenez bat egin dau Bizkaiko Foru Aldundiak Ondarearen Europako Jardunaldiakaz. Beste lekuan lekuko erakunde eta eragile batzukaz alkarlanean, egitarau potoloa preparau dabe datozan asteetarako, Bizkaiko ondarearen balioa gizarteratzeko asmoz. Aurtengo gai nagusia burdina izango da, herrialdean jarduera ekonomiko handia sortu dauen metala, horrek ondarean eta gizartean dakarren eraginagaz. 60 udalerri baino gehiagotan egingo dira ekintzak, danak dobakoak.
Ekintza artistikoak eta gizarte-komunikazinoari buruzko gogoetea San Frantziskon, Trenbide-pasagunean
2015-09-24 10:29 jardunaldiak
Bilboko San Frantzisko, Martzana eta inguruko establezimendu ugariren parte-hartzeagaz, gogoetea eta ekintza artistikoak buztartuko ditue irailaren 25 eta 26an. Trenbide-pasagunea izenburua emon deutsie jardunaldiei. 'Ekintza 2.0, teknologia eta gizarte-komunikazinoa' gaiaren inguruan, berbaldiak, eragileen arteko topaketak eta abar antolatu ditue, komunikazinoaren eta artearen hainbat esparrutan dabilzan konbidauakaz.
Bilboargazki jaialdian erakusketak, berbaldiak eta tailerrak egongo dira
2015-09-23 10:26 jardunaldiak
Irailaren 30ean hasi eta urri guztian egingo dabe Bilboargazki ekimenaren 9. edizinoa, Euskal Herriko Argazkilari Taldeen Alkarteak antolatuta. Ohiko legez, mundu zabaleko argazkilariak konbidau ditue, euren lana erakutsi eta azalpenak emon daiezen. Era berean, tailerrak eta berbaldiak be egongo dira, argazkigintzeagaz lotutako gaiak gizarteratzeko. Ohiko legez, Argizaiola sariak banatuko dira eta umeakaz ibilaldia egingo da, argazkiak atarateko.
Literaturea, komikigintzea eta futbola bat eginda, 'Letrak eta futbola' jaialdiaren seigarren edizinoan
2015-09-16 13:42 jardunaldiak
Bizkaiko Foru Aldundiak, BBK Salak eta Athletic Club fundazinoak eratuta, zemendiaren 2tik 6ra egingo da 'Letrak eta futbola' jaialdiaren seigarren edizinoa Bilbon. Ohiko legez, ospe handiko sortzaileak konbidauko ditue, futbolagaz eta kirolagaz daukien hartu-emona azaldu daien. Jaialdirako beren-beregi sortutako komiki biren 20.000 ale banatuko ditue uriko kaleetan eta, lehenengo aldiz, Athletic Club de Lectura dalako ekimena martxan ipiniko dabe: Nahi daben herritarrek gustuko dituen liburuak irakurteko gomendioa egin ahal izango deutsie Athleticegaz lotutako zazpi personari.
Umorearen mugak eta arriskuak aztertuko ditue urrian Bilbon, Ja! umore jaialdian
2015-09-15 13:53 jardunaldiak
Umorezko literatura eta artearen nazinoarteko jaialdiaren seigarren ekitaldia urriaren 1etik 12ra egingo dabe. Lau erakusketa eta 13 ekitaldi dakarz Bilboko hainbat txokotara. Aurtengoan, umorea egiteko dagozan mugak, umorearen arriskuak eta tabuak aztertuko ditue, nazinoarteko artista eta adituen eskutik. Halandabe, ez da gai monografikoa izango eta beste bide batzuetatik be joko dabe. Esate baterako, Mafaldari buruzko erakusketea ipiniko dabe eta Fernando Trueba sarituko dabe.
Poesia jardunaldiak hartuko ditu Bilboko BBK Salak irailaren 21etik 25era
2015-09-15 11:05 jardunaldiak
Dagoeneko zazpigarren ekitaldia beteko dabe BBKren Poesia Jardunaldiek. Poesiaren uztarik onena batzeko ahalegina egin dabela adierazo dabe antolatzaileek. Aurten, Bernardo Atxagak, Mikel Inuntziagak, Galatea taldeak eta beste askok parte hartuko dabe. Saioak dobakoak izango dira baina gonbidapena behar da eta aretoa bete arte onartuko ditue entzuleak.
'Emakumeak eta literaturea: komikiak eta generoa', Josune Muñozen eskutik
2015-09-07 17:48 jardunaldiak
Bilboko Foru Liburutegian eskainiko da tailerra irailaren 15etik aurrera eta generoaren ikuspegitik aztertutako komikien ganeko tailer honek honako helburuak izango ditu: Komikien estilo eta azpigeneroak bereizten ikastea; Komikietako irakurketa kritiko eta hausnarkorra eragitea; eta komikien egungo joerak hurreratzea (baita bilakaera historikoa be). Tailerra dobakoa da.
Artearen, zinemearen eta gastronomiaren inguruko jardunaldiak egingo dira Gasteizeko Artiumen datozan lau eguaztenetan
2015-08-11 10:43 jardunaldiak
Abuztuaren 12an hasi eta irailaren 2ra arte, eguaztenero, museoko artelan bati buruzko azalpenak entzun ahal izango dira eta, ondoren, film bat proiektauko da, nazinoarteko sukaldaritzako jakiak emoten diran bitartean. Artelanak, pelikuleak eta jatekoak alkarregaz loturea eukiko dabe. Gasteizko Arte Garaikideko Euskal Zentro-Museoak, Artiumek preparau dauen udako plana da hori.
Umorezko Literaturearen eta Artearen Bilboko jaialdiak Fernando Trueba zinegilea omenduko dau aurten
2015-07-23 12:38 jardunaldiak
Urriaren 1etik 12ra egingo dabe topaketea, Bizkaiko uriburuan. Umorezko Literaturearen eta Artearen Nazinoarteko Jaialdiak, bere seigarren ekitaldi honetan, Ja! Bilbao izena hartuko dau. Ohiko moduan, umoreak literaturan eta artean daukan lekua aztertu eta gogoetea egiteko jaialdia izango da, beti irribarrea ezpanetan. Fernado Trueba zuzendari espainiarrak jasoko dau aurtengo saria, antolatzaileen ustez bere ibilbide profesionalean umoreak leku handia hartu dauelako. Era berean, Mafalda personajeari buruzko erakusketea ipiniko dabe.
'Excellence in Basque Studies V' Udako Ikastaroetan
2015-07-06 14:17 jardunaldiak
Garagarrilaren 8tik 10era bitartean, ume eta gazte literaturea, genero ikasketak, irakurzaletasuna garai digitalean edo gizarte eleanitzek idazleari sortzen deutsiezan erronkak izango ditu aztergai ikastaroak, besteak beste, Mariasun Landak urtetan jorratu dituan atalak.
Gaur, hilak 29, hasiko dira Eibarko Udako Ikastaroak
2015-06-29 11:47 jardunaldiak
Gaur, astelehena, bagilak 29, hasiko dira Eibarren Udako Ikastaroak. Jardun gurekin lemapean, 34 ikastaro eta 6 jardunaldi izango dira aurten Baiona, Eibar eta Iruñean.
3.000 lagun baino gehiago batu dira 3, 2, 1 Forma Eszeniko Barrien Nazinoarteko Topaketearen III. edizinoan
2015-06-04 14:09 jardunaldiak
Ikuskizun batzuk, berbarako, Sra. Polaroiska & Ruemaniak konpainiaren Lur Away lanaren kasuan, sarrerak agortu egin ziran emonaldi guztietan. Era berean, joan dan apiriletik 8.000 lagunetik gora izan dira Ray Lee Siren-en soinu-instalazinoa bisitau dabenak.
Mariasun Landa idazlea omenduko dau Excellence in Basque Studies V. Udako Ikastaroak
2015-06-02 15:41 jardunaldiak
Etxepare Euskal Institutuak, aurten be, Atzerriko Unibersidadeetan Euskerea eta Euskal Kulturea Irakasteko Prestakuntza Ikastaroa antolatu dau, EHUko Udako Ikastaroekaz lankidetzan. Ikastaroak Excellence in Basque Studies V. Mariasun Landaren omenez" dauka izena, eta Mariasun Landa ume eta gazte literaturako idazlea izango dau protagonista. Ikastaroa Donostiako Miramar jauregian egingo da, garagarrilaren 8tik 10era.
Antzerkia, jantzea eta soinua gogoetagai, Bilboko 3, 2, 1 Forma Eszeniko Barrien Nazinoarteko Topaketan
2015-05-26 12:57 jardunaldiak
Euskal Herriko eta kanpoko sortzaileek forma eszeniko barriak izango ditue ardatz maiatzaren 27tik 30era bitartean, Bilboko 3, 2, 1 Forma Eszeniko Barrien Nazinoarteko Topaketan, Bilboko Azkuna Zentroa-Alondigan. Orain hiru urte sortu zan ekimena, eta aurten izango da azkenengo aldia.
Bilboko 3, 2, 1 Forma Eszeniko Barrien Nazinoarteko Topaketeak soinua izango dau ardatz
2015-04-21 15:03 jardunaldiak
Maiatzaren 27tik 30era bitartean, Euskal Herriko eta kanpoko sortzaileek forma eszeniko barriak aurkeztuko ditue Bilboko Azkuna Zentroa-Alondigan. Performancea, antzerkia, jantzea, instalazinoak, soinua... osogai ugariko topaketea izango da 3, 2, 1. Artisten eta ikusleen parte-hartzearen garrantzia nabarmendu dabe antolatzaileek.
Gaur-gaurko gaiak ardatz hartuta, Udako Ikastaroak antolatu ditu EHUk
2015-03-27 13:48 jardunaldiak
Bagilean hasi eta irailera arte, 124 jarduera eskainiko ditu aurten unibersidade publikoak. Dagoeneko, 34. ekitaldira heldu dira udako ikastaroak eta, urtero legez, gaurkotasuneko gaiak izango dira ardatz. Disziplina guztietako ikastaro, topaketa eta tailerrak eratu ditue eta, eleaniztasunaren bidean, ingelesezko eta euskerazko eskaintzea indartu dabe, gaztelaniazkoaren alboan. On-line kurtsoak be sendotu nahi ditue.
Blas de Oteroren Egunean, poeteak argitaratu bako testu baten irakurketa antzeztua eskainiko dau Ramon Bareak
2015-03-12 13:10 jardunaldiak
Bilboko Udaleko Kultura eta Hezkuntza Sailak, Blas de Otero (1916-1979) poeta bilbotarraren jaiotzearen urteurrena ospatuko dau datorren astelehenean, martiaren 16an. Ekitaldi horretan, Ramón Barea antzezleak, poeteak argitaratu barik itxi eban Historia (casi) de mi vida prosazko testua irakurriko dau. Saioa arratsaldeko 19:30ean hasiko da, Bidebarrietako Liburutegiko ekitaldi aretoan.
Martxan da ArriKomik Arrigorriagako I. Komiki Azokea
2015-01-29 16:47 jardunaldiak
Zezeilaren 7ra bitartean, ArriKomik Arrigorriagako I. Komiki Azokeak mueta askotako jarduerak antolatuko ditu, besteak beste, proiekzinoak, erakusketak, erakustaldiak eta musikea. Abarrak alkarteak atondu dau ekimena, Arrigorriagako Udalaren laguntzinoagaz.
Hezkuntza Plataformen Topaguneak eta 'Hik Hasi' aldizkariak hezkuntza proiektuei buruzko berbaldiak emongo ditue
2015-01-22 09:59 jardunaldiak
Aramaion hasiko dabe gaur, hilak 22, hezkuntza proiektuen ganeko berbaldien birea Hezkuntza Plataformen Topaguneak eta Hik Hasi agerkariak. Ekimenaren helburua Euskal Herrian dagozan egitasmoak saretu eta harremanetan ipintea da. Gaurko hitzordua Aramaioko Kultur Etxean izango da, 18:30ean.
Nabarmenak
