Aurtengo Xalbador Eguna, urriaren 11tik 13ra, Xalbador eta Basarriren omenez
2013-10-10 11:14 Bertsolaritzea
Xalbadorregaz batera, Basarri izango dau gogoan 2013ko Xalbador Egunak. Urriaren 11tik 13ra Urepelen egingo dan jaiaren goiburua Xalbador eta Basarri izango da. Urriaren 11n, Benito Lertxundik kontzertua eskainiko dau, eta 12an Xalbadorren itzalean, hamar urte Joxemari Iriondok idatzitako liburua aurkeztuko da. Sebastian Lizaso, Juan Jose Eizmendi Loidisaletxe II, Amets Arzalluz eta Joxe Luis Gorrotxategi bertsolariak Urepelen izango dira.
'Kafkaren aulkia', irakurraldi bertsotua aurkeztu dau Lankuk
2013-10-09 18:15 Bertsolaritzea
Bertsoa eta literaturea buztartuko dituan Kafkaren aulkia ekimenean Uxue Alberdi eta Andoni Egaña bertsolaria, Pello Ramirez musikaria eta hainbat idazle (Andu Lertxundi, Eider Rodriguez, Harkaitz Cano, Oier Guillan, Arantxa Urretabizkaia, Unai Elorriaga, Miren Agur Meabe, Lander Garro, Itxaro Borda, Jon Sarasua, Iratxe Esnaola, Xabier Mendiguren...) izango dira parte-hartzaileak.
BAD antzerki eta jantza jaialdiak erabateko 12 estreinaldi eskainiko ditu
2013-10-09 15:48 Kulturea
Hamabi estreinaldi dakarz BAD Bilboko antzerki eta jantza garaikidearen jaialdiaren hamabosgarren edizinoak. Urriaren 23atik zemendiaren 3ra bitartean Bilboko antzoki, areto eta bestelako espazioek arte eszenikoen proposamen barritzaileenak batuko ditue.
Itziar Okariz donostiarrak egin dau 48. Durangoko Azokea iragarriko dauen kartela
2013-10-09 15:32 Kulturea
Virginia Woolf idazlearen Gela bat norberarena obran oinarritu da Itziar Okariz (1965, Donostia) performance barria osotzeko, eta kartelak ekintza artistiko horren gidoia irudikatzen dau. Zuriaren gainean berbak jantzan. Irudi horregaz osotu dau kartela Itziar Okariz artista donostiarrak.
Euskal musika talderik onenak saritzen dituan V. Banden Lehia martxan
2013-10-09 14:44 Musikea
Azkue Fundazinoak antolatzen dauen musika-lehiaketearen bosgarren edizinoari egunotan emon jako hasierea. Musika arloko lehiaketa honek euskerea eta teknologia barriak buztartzen ditu eta helburua euskal musika talde amateurrik onena saritzea da.
'Euskara Jendea' dokumentala Euskal Herriko sei uriburutan aurkeztuko da urrian
2013-10-09 14:40 Barriak
Prest dago Euskara Jendea: gure hizkuntzaren historia, gure historiaren hizkuntza dokumental bildumea. Sei ataletan banatu dabe, eta lehenengoa, Historiaren atarian Maulen estreinauko da, urriaren 10ean. Ostean, Gasteizen, Iruñean, Baionan, Donostian eta Bilbon kapitulu bana proiektauko dabe.
'Eman giltza - ¡Háblale, escúchale!', euskerea familia bidez transmitiduteko kanpainea aurkeztu dabe
2013-10-09 12:46 Euskerea berbagai
Eman giltza - ¡Háblale, escúchale! lemapeko kanpainearen helburua da nabarmentzea familia ze garrantzitsua dan euskara belaunaldiz belaunaldi transmitiduteko zereginean. Aitatutako kanpainea Bizkaiko 10.000 familia inguruk jasoko dabe eta, Alkarbide bilguneak koordinauta eta Bizkaiko Foru Aldundiak babestuta, orain dala urte bi abiarazotako egitasmoa aurten be 39 udalerritan eta 2 mankomunidadetan zabalduko da.
New Yorkeko Euzko Etxeak bere mendeurrena ospatuko dau egitarau oparo bategaz
2013-10-09 11:53 Euskaldunak munduan
Egitarauan, NABO, North American Basque Organizationen bilerea, meza euskaldun-amerikarra San Patrick's katedralean, Bilboko San Antonio de Iralabarri abesbatzaren kontzertua, Andoaingo Urki eta Salt Lake Cityko Utahko Triskalariak jantzariakaz egingo dan piknika eta Columbus Dayko desfilea euskal partaidetzeagaz nabarmentzen dira. Egitarau osoa ikusteko klik egin hemen.
'Gu ere bertsotan', astean ordu bat bertsolaritzeagaz jolasean
2013-10-09 11:23 Bertsolaritzea
Bizkaiko Bertsozale Elkarteak Gu ere bertsotan proiektua jarri dau martxan Bizkaia osoko ehun ikastetxetan. Urrian hasi eta maiatzera arte iraungo dau ikasturteak eta lau mila ikaslek parte hartuko dabe.
VIII. 'Hizkuntza-kudeaketa enpresan: 30+10' mintegia urriaren 23an
2013-10-08 17:50 Euskerea berbagai
Euskerea eta hizkuntzen kudeaketea enpresarentzat tresna erabilgarriak eta eraginkorrak dirala uste dabenentzako hitzordua atondu dabe, zortzigarren urtez jarraian, Elgoibarko Makina Erremintaren Institutuan. Hitzordua urriaren 23an izango da.
'Poesia eta uria' lemapean dator urriaren 14tik 23ra egingo dan Bilbaopoesia literatur jaialdia
2013-10-08 15:48 Kulturea
Bilbaopoesia, Bilboko Udaleko Kultura eta Hezkuntza Sailak antolatutako literatur jaialdiak, hizkuntza forma eta estilo anitzetatik ikusita, poesia eta uria lotzen dituan egitaraua eskainiko dau aurten. Urriaren 14tik 23ra, hainbat egilek euren ikuspuntua aurkeztuko dabe, eta gai horretara hurreratuko dira sorkuntzearen zenbait alorretatik, poesiatik, musikatik edo antzezpenetik.
Antzerkia herritarrei hurreratuko deutsie Eskena 2.0 jaialdian, urriaren 9tik 13ra
2013-10-08 15:37 Kulturea
Amaia Ibañez Eskena erakundeko zuzendariak azaldu dauenez, Eskena 2.0 jaialdia gogoeta baten ondorioa da. Danok ipiniko dogu geure aletxua, Eskenak berak, erakunde publikoek eta, jakina, antzerki konpainiek. Beraz, alkarlanetik jaiotako ekimena da, publikoagaz harreman barriak sortzeko, alkarlana ezinbestekoa da.
Dantzan Bilaka programeak bederatzi sorkuntza eskainiko ditu Bilbon eta Donostian
2013-10-08 15:26 Kulturea
Martxan da Dantzan Bilaka programearen edizino barria. Aukeratutako bederatzi koreografoak prest dagoz euren sorkuntza jentaurrean aurkezteko. Aurkezpenak urrian eta zemendian egingo ditue, Bilboko Alondigan, Rekalde aretoan eta Donostiako Gazteszenan.
Berlingo Redshape Live musikariak Art After Dark saioan joko dau barikuan
2013-10-08 14:39 Musikea
Redshape Live, Miqui Puig eta Bomb Bass HiFi iznago dira urriko Art After Dark saioko protagonistak bariku honetan, Bilboko Guggenheim museoan. Emonaldiak 22:00etan hasiko dira.
Amaitu ditue Android euskeratzeko lanak
2013-10-08 14:12 Euskerea berbagai
Android euskeraz proiektuko itzulpenak amaitu doguz! Hainbeste buelta eta denpora ostean ia urtebeteko lana izan da. Baina lan nekeza amaitu dala esan geinke. Hemendik aurrera, gure sareko itzulpen tresnak atzemon dituan errakuntza batzuk (gehienbat estetikazko hutsak) zuzendu eta itzulpen horreek Googleen esku jarteari ekingo deutsagu.
Argizaiola 2013 argazki sariketeari buruzko erakusketea Bizkaiko Batzar Nagusietan
2013-10-08 13:00 Kulturea
Bizkaiko Batzar Nagusien laguntzinoa dauen erakusketa hau Euskal Herriko Argazkilaritza Elkarteen Federazinoak suspertzen dauen Bilboargazki ekimenaren barruan sartzen da eta Bilboko Udalak eta BBK Fundazinoak babesturik dago.
Irati Jimenez idazle mundakarrak 'Aiztoa eta arkatza' liburua argitaratu dau
2013-10-08 11:48 Kulturea
Hainbat idazlek idaztearen ganean idatzitako aholkuen bildumea osotu dau Irati Jimenezek Aiztoa eta arkatza liburuan, Txalaparta argitaletxearen eskutik. Antton Olariagak egin ditu egileen marrazkiak eta Harkaitz Canok atondu dau berbaurrea.
Nacho Vigalondo izango da Bilboko III. Fun & Serious Game Festivaleko aitabitxia
2013-10-08 11:26 kulturbiz
Fun & Serious Game Festival bideo jokoen nazinoarteko jaialdiaren hirugarren edizinoak Nacho Vigalondo zinemagilea izango dau aitabitxi, eta zinemearen eta bideo jokoen arteko loturaz arduratuko da. Jaialdia Bilbon ospatuko da, zemendiaren 25etik abenduaren 1era bitartean.
Hemen da Bilblogari 2013
2013-10-07 17:44
Euskerea, gazteak eta teknologia barriak batera sustatzea helburu dauen lehiaketea urriaren lehen egunean hasi eta zemendiaren 22ko 13:00ak bitartean gauzatuko da. Epe horretan parte-hartzaileek euren lanak bialduko ditue www.bilblogari.net webgunera.
Dario de Regoyosen paisaje inpresionistak Bilbora ailegau dira
2013-10-07 15:49 Kulturea
Dario de Regoyosen heriotzearen mendeurrenean, Bilboko Arte Eder Museoak artista asturiarraren 130 lanez osotutako erakusketea atondu dau, Abentura inpresionistea atzera begirakoa. Erakusketeak hiru atal nagsi ditu: hasierako lanak, paisaje-pinturearen aurkikuntzea; Espainia baltzaren gaia; eta, margolariaren jatorrizko agiriak eta erretratuak. Datorren urteko urtarrilaren 26ra arte egongo da zabalik.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...