Oihana Bartrak irabazi dau finalaurrekoetarako azken txartela
2012-11-05 10:06 Bertsolaritzea
Datorren zemendiaren 18an, 17:30ean, Basauriko Kiroldegian jokatuko da Bizkaiko Bertsolari Txapelketako lehenengo finalaurrekoa. Kantauko daben bertsolariak: Eneko Abasolo, Onintza Enbeita, Arkaitz Estiballes, Oihana Bartra, Gorka Lazkano eta Iñaki Iturriotz.
Getxoko Euskal Kulturearen XIV. Jardunaldiak laster hasiko dira
2012-11-02 14:55 jardunaldiak
Hemen dira aurten be Getxoko Euskal Kulturearen Jardunaldiak. Hamalaugarren edizino honetan berbaldi, tailer eta emonaldi ugari atondu ditue ume eta helduentzat.
Xare euskerazko teknologia barrien azokea egingo dabe Donostian
2012-11-02 13:55
Xare euskerazko teknologia barrien azokea egingo dabe Donostian zemendiaren 23an eta 24an. Kursaalen teknologia barrietan euskerea bultzatzeko proiektuak eta ekimenak izango ditue berbagai ikastaro, berbaldi eta lehiaketetan. Sarrerea doban izango da.
Antzerkizale Egunak egitarau ederra eskainiko dau zapatuan Usurbilen
2012-11-02 12:23 Kulturea
Usurbilen egingo dabe zapatuak, hilak 3, III. Antzerkizale Eguna. EHAZE Euskal Herriko Antzerkizale Alkarteak emonaldi ugari atondu ditu eskualdeko antzerki taldeen lanekaz. Besteak beste, Lasarte Kukuka antzerki eskoleak, Andoaingo Katramilak eta Bilbo, Ondarroa eta Markinako eskolek parte hartuko dabe.
Hamaika lan batu ditue 'Astola' aldizkariaren seigarren zenbakian
2012-11-02 11:00 kulturbiz
Gerediaga alkartearen Astola aldizkariaren seigarren zenbakia prest dago. Durangaldeko historian sakontzeko hamaika lan barri dakarz, berbarako, Joseba Sarrionandiaren Moroak gara behelaino artean? saiakera liburuan agiri dan Pedro Hilarion Sarrionandiari buruzko lana, Marokora egindako bidaia eta itzulerari buruzkoa.
Eusko Ikaskuntzak abenduaren 3an euskerearen doodle bat jarteko eskatu deutso Google-i
2012-10-31 17:37 Euskerea berbagai
Euskerearen Nazinoarteko Egunaren harira, Eusko Ikaskuntzak ikusgarritasuna emon gura deutso euskereari sarean, eta nazinoarte mailan biltzaile nagusia dan Google gunean euskereak bere ikur propioa izan daian eskatu deutso.
Zemendiaren 2an abiatuko da Udagoieneko XIII. Ostera
2012-10-31 14:42 kulturbiz
Udagoieneko Ostera kultur zirkuituak euskerazko produkzinoa hurreratuko dau Bizkaiko antzokietara. Aurtengo programazinoa zemendiaren 2an hasiko da Elorrion, eta zemendiaren 30ean amaitu. Danetara, 6 emonaldi izango dira eta euskerazko formatu handiko ikuskizunen aukera zabala eskainiko dau programeak ondorengo herrietan: Elorrion, Zallan, Bilbon, Igorren, Leioan eta Muskizen.
Mikel Antzak 'Atzerri' bere bigarren nobelea kaleratu dau
2012-10-31 14:39 Kulturea
Mikel Antzaren Atzerri nobelea argitaratu barri dau Susa etxeak. Atzerriaren mikatza eta idaztearen gozoa nahasten dira liburuan, egilearen esanetan. Harkaitz Cano idazleak eta Susako editore Gorka Arresek aurkeztu eben lana Donostian.
Harkaitz Canoren 'Twist', Euskadi Literatura Saria
2012-10-31 13:24 sariak-autortzak
Harkaitz Canok 2012ko Euskadi Literatura Saria irabazi dau Twist eleberriagaitik. Urteko euskerazko eleberri onena izentau dabe. Bestalde, Juan Carlos Marquezek eskuratu dau gaztelaniazko eleberri onenaren saria, Tangram lanagaitik.
Bidebarrieta Kulturguneak historiak bazterrean itxi dituan enakume zientzialari handien lana ezagutarazoko dau
2012-10-31 12:54 jardunaldiak
Bidebarrieta Kulturguneak zientziaren dibulgazino berbaldi zikloa jasoko dau zemendiko eguen guztietan. Emakumeek zientzia egiten dute izenburupean, garai guztietako emakume ikerlarien lana ezagutarazo nahi da. Emakume horreetako batzuk erabat baztertu zituan historiak, Zientziari ekarpen handiak egin eutsiezan arren.
Shanghaik gero eta hurrago dauka zerua
2012-10-31 12:50 Bidaide
Uriko etxe-orratz altuena amaitu barri, hasi dira altuagoa izango dan beste etxetzar baten eregitea. Eta, jakina, eraikin bakotxak ikustoki itzela dauka, bata bestea baino ikusgarriagoa. Txinako uriburu ekonomikoaren, munduko herrialderik populatueneko uririk populatuenaren ankertasuna handik goitik ikusten da argien.
Jexux Izagirrek kazetaritza berbetea aztertu dau 'Erritmoa, kazetariaren batuta' lanean
2012-10-31 11:48 kulturbiz
Jexux Izagirrek Erritmoa, kazetariaren batuta kazetaritza berbeteari buruzko lana kaleratu barri dau. Hernaniko Kronika egunkariak idatzizko eta ahozko hizkerea hurreratzen egindako lana dau ardatz, hain zuzen be.
Pastelak alkartea sortu da Gipuzkoako 9 gozotegi artisauen eskutik gozogintzea sustatzeko
2012-10-31 11:23 Jan edanak
Honako honeek osotzen dabe Pastelak taldea: Donostiako Barrenetxe, Geltoki eta Echave; Errenteriako Casa Aramendia; Tolosako Gorrotxategi; Zarauzko Sayalero; Ordiziako nanue; Azpeitiako Egaña eta Elgoibarko Muruamendiaraz.
Joxe Azurmendi idazleak jasoko dau 2012ko Dabilen Elea saria
2012-10-31 10:44 sariak-autortzak
Joxe Azurmendi idazleak 2012ko Dabilen Elea saria jasoko dau zemendiaren 5ean, Euskal Editoreen Alkartea (EEE), Euskal Idazleen Alkartea (EIE), Euskal Irudigileen Alkarte Profesionala (APIE-EIEP) Euskal Itzultzaile, Zuzentzaile eta Interpreteen Alkartea (EIZIE) eta Galtzagorri Haur eta Gazte Literaturaren Alkartearen eskutik.
Pakistango Iparraldeko zamaketariei buruzko berbaldia, ‘Mendia eta giza-garapena’ zikloan
2012-10-31 10:04
Pakistango bost zortzimilakoetako bat igotera joaten diran mendizaleek bidaiarako kideak behar dituela azalduko dau Ortzi Akizuk. Izan be, kide horreek fardelak garraiatzen dituenak dira. Zamatzaileen bizi baldintzak eta mendizale eta zamaketarien arteko hartu-emonak aztertuko ditu Gasteizko Injinerutzako Unibersidade Eskolako irakasleak.
Gasteizko Artiumek 'Artearen beharra' aldarrikatzeko jarduera bat antolatu dau
2012-10-30 17:38 jardunaldiak
Gasteizko Artium Arte Garaikideko Zentro-Museoak Grey Flag proiektuaren barruan Laurina Paperina eta Artemio artistek erabilten daben burazurra erabiliko dau Domu Santuko zubian, Artearen beharra izenburupean, baliabide lez bisitariek artearen eta kulturearen aldeko ekimenetan parte hartu deien.
'24 Ordu Digitalean' Elorrion zemendiaren 2an eta 3an
2012-10-30 16:48 Barriak
24 Ordu Digitalean film laburren lehiaketearen ezaugarri nagusia lana euskarri digitalean 24 ordutan osotzea da, hasierako ideiatik amaierako produktura arte. Helburua multimedia munduaren zaleentzat parte-hartze formula barria edegitea da, lan-taldeak sortuz eta teknologia barriak erabiliz.
Garbiñe Ubeda kazetariak Augustin Zubikarai XII. Saria irabazi dau
2012-10-30 16:47 sariak-autortzak
Garbiñe Ubedaren Heldu den iragana izeneko proiektuak irabazi dau Augustin Zubikarai XII. nobela saria. Zapatuak, hilak 3, Ondarroako Kafe Antzokian egingo dan Itsasoa berbetan literatur galan, epaimahaiko kideak eta kazetari gipuzkoarra berak egitasmoaren barri emongo dabe.
Nazinoarteko Trikitixa Jaialdia egingo dabe Getxon, zemendiaren 24an
2012-10-30 14:49 Musikea
Nazinoarteko Trikitixa Jaialdia egingo dabe Getxon zemendiaren 24an, Bizkaiko Trikitixa Alkarteak jakinarazo dauanez. Javier eta Jose Manuel Tejedor, Mirabel, Agurtzane eta Ion Elustondo, Ruben Isasi, Xabier Valle eta Argibel Euba, eta Tapia eta Leturia musikariek parte hartuko dabe.
2012 Euskadik 'Lemoniz' argitalpen proiektua aurkeztu dau
2012-10-30 14:49 kulturbiz
Proiektua Raúl López Romo Historian doktoreak idatzitako Euskadi dolutan. Lemoizko zentral nuklearra. Euskal trantsizioaren ikurra saiakereak eta Mikel Alonso argazkilariaren Lemóniz argazki liburuak osotzen dabe. Horrenbestez, osogai bi dituen argitalpen proiektua da: zientzia eta artea batetik, eta arrazoia eta emozinoa, bestetik.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...