Aktualitatea

Zeanurin, oinez, ermitarik ermita

Irailaren 7an, zapatuan, izango da Zeanuriko Ermiten XXVI. Mendi Martxea. 1988an jaio eta klasiko bihurtu dan oinezko martxa hau Joko Alai Elkarteko mendi sailak antolatzen dau eta, urtero, hutsik egin barik eutsi deutsie zeanuriztarrek urteroko hitzorduari. Igaz arte ibilaldia domekan izaten bazan be, igaz zapatura pasetea ebatzi eben antolatzaileak eta holan egingo da aurten be.

Xandra Villarren ‘Guztia Gardentasuna' izeneko lana aurkeztu dabe Bilbon

Irailaren 6an, Bilboko Deustuko zubiko aginte-etxolan, UPV/EHUko Arte Ederren Fakultadeagaz loturea daben 23 ikasle eta ikerlarik sortu eta garatu daben Interbentzinoak Deustuko zubian proiektu artistikoaren zazpigarren erakusketea inaugurauko da. Gaur hasi eta irailaren 30era arte, Deustuko zubiko aginte-etxoleak Xandra Villarren Guztia Gardentasun interbentzinoa hartuko dau.

Euskerea eta helduen euskalduntzea Jaurlaritzearen lehentasuna dirala esan dau Urkulluk

Urkulluren ustez, euskereak aurrera egin dauen saltoa, begiradea hezkuntza sisteman eta helduen euskalduntzean jarteari esker izan da, eta euskalduntzearen arloan lanean dabilzanen ahalegina goraipatu dau.

Bizkaiko Txakolinaren Tratuan Profesionaltasunari IV. Laboral Kutxa sariak baditu finalistak

Ondokoak dira finalistak: Lubarrieta (Zamudio), Gotzon (Bakio), Zarate (Bilbao) eta Jauregibarria (Zornotza) jatetxeak; eta Sustrai (Getxo), Barrukoa (Getxo), Hermo 2 (Galdakao), Copi (Astrabudua), El Bodegón (Barakaldo), Brass (Bilbo), Gaztandegi (Bilbo), Ramona (Bilbo), Corinto y Oro (Bilbo), D.O. Bilbao (Bilbo), Gure Toki (Bilbo) eta Patxi Larrocha (Bilbo) tabernak.

Suediako profesional talde batek Bermeoko jai, ohitura eta gastronomiari buruzko proiektu bat abiarazoko dau

Asmoa da Bermeon ospatzen diran jai egun garrantzitsu honeek zelan bizi doguzan ezagutzea eta gure kulturea eta gastronomiari buruzko proiektu bat martxan jartea. Holan, jai egunetan, Suediako artista, diseinatzaile, argazkilari eta sukaldariakaz osotutako 20 persona inguruko taldea izango da herrian.

Etxepare Euskal Institutuak Tolosako Topic zentroaren lana sustatuko dau nazinoartean

Etxepare Euskal Institutuak hitzarmena sinatu dau Tolosako Ekinbide Etxeagaz (TEE), Topic Tolosako Nazinoarteko Txotxongilo Zentroaren nazinoarteko ahalegina sustatzeko konpromisoa hartuz. Aizpea Goenaga zuzendariak sinatu dau hitzarmena Etxepare Institutuaren aldetik, eta Elena Basaigoitia presidenteak, TEEren aldetik.

Sei film eta ekitaldi handi bi izango dira Donostia Zinemaldiko 'Savage Cinema' sailaren lehen edizinoan

Sei pelikula eta bi ekitaldi handi izango dira Donostiako 61. Zinemaldiaren barruan egingo dan Savage Cinema sailaren lehenengo edizinoko programazinoan. Lehiazkoa ez dan eta Red Bull Media House etxeagaz batera antolaturiko sailak abenturazko eta akzinozko kirolei buruzko zinemarik onena ekarriko dau pantaila handira.

Etenaren ostean, badator XI. Balendin Enbeita Bertso-paper lehiaketea

Urtebeteko etenaldiaren ostean, badator Algortako bertsolari Eskoleak antolatutako Balendin Enbeita bertso-paper lehiaketearen 11. edizinoa eta antolatzaileek zaleen bertso-jartzaile sena pizteko asmoa eta itxaropena adierazo dabe, lehendik buruan bueltaka jabiltzuezan bertsoak edo oraindino bururatu ez jatzuezanak papeleratu deizuezan.

Hezkuntza Matematikoko ikertzaileek Bilbon egingo dabe XVII. sinposioa eta urteko batzarra

Irailaren 5etik 7ra, SEIEM, Matematika Hezkuntzearen Ikerketarako Espainiako alkartearen XVII. sinposioa izango da UPV/EHUko Matematikearen eta Zientzia Esperimentalen Didaktika Sailak antolatua. Sinposioan 140 batzarkide batuko dira, 43 komunikazino zientifiko aztertuko ditue eta ikerketako bi mintegitan hartuko dabe parte.

Sestaon eta Bilbon titiriteroen artea bizirik dagoala aldarrikatuko dabe asteburuan, Txotxongilo Egunean

Aurtengo Txotxongilo Eguna antolatzea gatxa izan da, alde ekonomikoari erreparauta batez be, baina Enkarni Genuak esan dauenez, gure artea bizi-bizirik dagoala aldarrikatu nahi dogu, gaur eguneko ia ume guztiek txotxongiloak ezagutzen ditue, disfrutau egiten dabe gure ikuskizunetan, hori ezin da galtzen itxi.

Jon Kortazarrek Kirmen Uriberen lanari buruzko liburua argitaratu dau ingelesez

Liburuan Uriberen poesia eta eleberrigintzea aztertzen ditu egileak eta baita beste sortzaile batzuekaz alkarlanean egindako multimedia ikuskizunak. Era berean, Kortazarrek azken urteotako euskal literatureari buruzko azterketa zabala batu dau liburuan.

Hemen da Baionako Black & Basque festibala

Irailaren 6tik 8ra bitartean egingo dabe Baionan III. Black & Basque musika jaialdia. Barikuan, hilaren 6an hasiko da arratsaldeko 19:30ean, Angélique Kidjo, aurtengo edizinoko izarraren eskutik. Ondoren, Bal2vieux de Guéthary International Tourren txandea izango da.

Orain dinoe depresinoaren kontra be ona dala ardaoa...

Zuloak taldeak ekingo deutso zapatuan IV. Izar Star zikloari Bilbon

Zuloak taldea izango da datorren zapatuan, hilaren 7an, Izar & Star zikloaren laugarren edizioa hasteko ardurea izango dauena; hitzordua Bilboko Campos Eliseos Antzokiko Kupula aretoan izango da. The Runaways talde estadubatuar mitikoa omendu eta bere kantuak interpretauko ditu euskal taldeak gaueko 21:00etatik aurrera.

Hiru euskal konpainia egongo dira Tarregako kale-antzerki jaialdian

Kale-antzerkiaren hitzordu garrantzitsuenetako bat da Kataluniako Tarrega herrian egiten dana, aurten irailaren 5etik 8ra. Hortzmuga Teatro, Ertza taldea eta Cielo Raso konpainia izango dira Euskal Herriaren ordezkariak.

Jean Haritschelharren aldeko hiletea, eguaztenean, hilaren 4an izango da Baigorrin

Jean Haritschelhar euskaltzain eta euskaltzainburu ohiaren aldeko hiletea, hilaren 4an, egingo da Baigorriko Saint-Etienne eleizan, arratsaldeko 16:00etan.

Hurrengo irailaren 6an estreinauko da online '160metros'-eko bigarren kapitulua

Ezkerraldea protagonista izango dauen lan horretan, 80, 90. hamarkadetako panorama musikaleko protagonista batzuk agertuko dira, Roberto Moso (Zarama) eta Lino Prieto (Parabellum), Eskorbuto, Distorsión, Euskalduna Ontziola zarratu zaneko jazoerak, langabezia, Londresen 77. urtean gertatutako punk-aren eztandea eta bestelako gaiak.