Bizkaie!

Argentinako La Plata Unibersidadean euskera eta euskal kultura lektorego programea jarriko dabe martxan

Lektoregoa datorren urteko zezeilaren 15etik abendura bitartean izango da, astean lau orduko klaseakaz. Horrezaz ganera, helburua datorren urtean Argentinako unibersidade nagusietan programea ezartzea da.

Elvis gogoan

Sony BMG diskoetxeak ‘The King’ diskoa kaleratu dau Elvis Presleyren heriotzaren 30. urteurrena gogoratzeko. CDa bikotxa da eta 52 abesti batzen ditu, Elvisen obrearen garrantzia eta bere musikea goraipatzeko asmoz.

'SPrako tranbia' filma grabetan hasi dira Algortan

Aitzol Aramaio zuzendari ondarrutarrak zuzenduko dau Unai Elorriagaren liburuan eta gidoian oinarritutako filma. Hector Alterio, Daniel Bruhl eta Julieta Serrano aktoreak izango dira protagonistak.

Barriro be, Urdaibai txapeldun

Espainiako Arraun Txapelketearen LX. edizinoa jokatu zan asteburuan Pedreñako uretan eta garaipena Bermeoko Urdaibairentzat izan zan 19 minutu eta 57 segundoko denporeagaz.

Karidadeko Benta ibilbidearen amaierara ailegau da

Jabier Muguruza eta Martirio alkarlanean

‘Konplizeak’ izeneko diskoaren grabazinorako, hainbat konbidau ekarri ditu Irungo artisteak eta horreen artean dago Martirio, 1970eko hamarkadearen amaieratik Espainiako kopleak dauen ordezkari ezagunenetarikoa.

Oiasso Museo Erromatarra zinema arkeologikoaren jaialdi italiar bateko epaimahaiko kidea izango da

Rovereto uri italiarreko ‘Rassegna Internazionale del Cinema Archeologico’ jaialdiak urriaren 1etik 6ra bitartean egingo da eta Giorgio Studer izango da museoa aurkezteko arduraduna.

Zapatuan, Berri Txarrak, Etsaiak eta Instep taldeak izango dira Donostiako Piraten jaian

Donostiako Piratek kontzertu indartsua preparau dabe bost urteko ibilbidea ospatzeko. Zapatuan, abuztuak 11, Aste Nagusiaren hasierearen bezperan, jai itzela egingo dabe Donostiako Trinidade Plazan, Berri Txarrak, Etsaiak eta Instep taldeakaz.

Bonba atomikoa ipuin bihurtuta

Nagasaki eta Hiroshimako bonbardaketen ganeko erakusketeagaz bat eginda, gai horren inguruko kontuak kontauko ditu kontalariak Gernikako Bakearen Museoan gaur, abuztuak 9, 18:30ean.

Mondragon Unibersidadea Cumulus Sareko kide barria da

Diseinu-eskolen nazinoarteko alkarte ezaguna da Cumulus eta Schwäbisch Gmünd-eko (Alemania) azken biltzarren ondoren sartu da sarean. Alkarteak 124 kide ditu guztira.

Iciar Bollain eta Gracia Querejeta zuzendarien lanak lehiatuko dira Donostiako Zinemaldian

‘Mataharis’ (Bollain) eta ‘Siete mesas de billar francés’ (Querejeta) filmak izango dira, beste batzuen artean, Sail Ofizialeko lehiaketan parte hartuko daben bi filmak.

Kimuak 2007 programea osotuko daben filmak aukeratu ditue

‘Columba Palumbus’, ‘Columba Palumbus’, ‘Hezurbeltzak’, ‘Limoncello’, ‘Las horas muertas’, ‘No es una buena idea’, ‘Taxi’ eta ‘Traumalogía’ dira filmak. Zortzi lanetatik, bi besterik ez ditue estreinau orain arte (‘Limoncello’ eta ‘Traumalogía’). Irailean, Donostiako Nazinoarteko Zinemaldian aurkeztuko dira ganerakoak.

Bermeoko XII. Nazioarteko Musika Asteak bost kontzertu eskainiko ditu abuztuaren 6tik 10era bitartean

Lehenengo emonaldia Empordako (Katalunia) Ganbera Orkestraren eskutik etorriko da. Ostean, T.I.04 ganbara laukotea, Ricardo Ribeiro portugaldarra, Amaia Urtiaga sopranoa eta Awa Project taldea izango dira Andra Mari eleizean.

Bilboko kaleetan ezin da megafonorik erabili

Bilboko kaleetan egiten dan salmenta ibiltaria arautzeko asmoz eta Aste Nagusia hur dagoala gogoan hartuta, Bilboko Udalak ohartarazo dau megafonoen salmenta erabat galarazota dagoala.

Astondoa pirotekniak Bilboko jaietako su artifizialen lehiaketan parte hartuko dau

Bilboko Aste Nagusiko ekitaldi jentetsuenetarikoa su artifizialen erakustaldiak izaten dira. Aurten be, Nazinoarteko XVII. Sari Nagusia eta Erakustaldi Programea ekimenek argiz eta soinuz jantziko dabe Bizkaiko uriburuko zerua.

Euskal Tonboleak DVD irakurgailuak, afariak eta beste hainbat opari emongo ditu aurten

Euskal Tonbolearen hirugarren edizinoan, udako kanpaina berezia jarri dau martxan Kontseiluak. Euro batean, autoak, autojiro hegaldiak, Home Cinemak eta telebistak lortzeko aukerea izango da Gipuzkoa eta Bizkaiko hondatzetan zein Nafarroa inguruko mendietan.

Chayannek bertan behera itxi dau Bilboko Aste Nagusiko kontzertua

Abeslari eta jantzariak kontzertu-birea beranduago hastea erabagi dau. Bilboko Udala Chayannek itxitako lekua beteteko beste kontzertu bat lortzeko lanean dabil orain.

Lauaxeta Ikastolea, Novia Salcedo Fundazinoa eta Osakidetza-Gipuzkoa Ekialdeko Eskualdea EFQM sarien finalistak

Europar enpresen kudeaketa aurreratua saritzen dauen erakundearen sarien finalisten artean, hiru euskal enpresa horreekaz batera, erakunde espainiar bat, Erresuma Batuko sei eta Europako beste herrialdetako zortzi erakunde nabarmendu dira, horreen artean Siemens, Philips, Volkswagen edo TNT Express

Keith Richards musikariak autobiografia argitaratuko dau

Zazpi miloe euro baino gehiago lortuko ditu Keith Richards ‘The Rolling Stones’ taldeko gitarrista eta konpositoreak bere bizitzearen ganean idazteagaitik.