Urdaibairen etorkizunari buruzko eztabaida sakona egingo dabe Bilbao Arte eta Kultura ikastaroetan

| Ikusi handiago | Argazki originala

Garagarrilaren 12tik 13ra Urdaibaiko Biosferaren Erreserbearen gaineko eztabaida sakona egingo dabe Sarrikoko Zubiria Etxean, EHUren Bilbao Arte eta Kultura ikastaroen barruan. 'Barrikuntza ekosistemak natura erreserbetan: Urdaibaiko biosfera-erreserbearen kasua' izeneko mintegiak iragana, oraina eta etorkizuna ezagutzera emotea eta ulertzea dau helburu. Barrikuntzearen bidez natura inguruen garapena aztertu nahi dabenen artean maila altuko eztabaidea sustatuko da. Honako lau arlo honeetan zentrauko da: Industria, kulturea, turismoa eta teknologia.

Garagarrilak 12

10:00etan: Industria: industria berrasmatzea Natura Erreserbetako barrikuntzaren bitartez. Moderatzailea: María Uribe, BFAko Ingurumen Saileko zuzendari nagusia. Hizlariak: Miren Onaindia (UPV/Ehuko UNESCO Katedraren koordinatzailea), Paco Mendieta (Bermeoko Ontziola. Ontzi ekologikoak egiteagiatik saritu dau Industria Ministerioak) eta Surbhi Sharma (Espainiako kontsula Indian).

12:00etan: Kultura: kultura politiken eragina. Urdaibaiko Guggenheim proiektuari buruzko hausnarketa eta eztabaidak. Moderatzailea: Petxo Idoyaga (UPV/EHU). Hizlariak: Jesús Mari Lazkano (UPV/EHU), Ramón Zallo (UPV/EHU), Roser Rafols (JAUSAS)

14:35ean: Turismoa: natura erreserbetako turismoa barritzea. Ikuspegi orokorretik turismo ornitologikoaren kasu zehatzera. Moderatzailea: Ibon Mandaluniz (Urremendiko gerentea) Hizlariak: Javier Yarza (Basquetourreko lehiakortasun arduraduna), Iñigo Urkidi (DENNOKIN) eta Ainhara Azkona (Royal Society For Protection of Birds, Fernando Jubete (Global Nature Fundazioa).

16:40ean: Teknologia: Bikaintasun Zientifiko-teknologikoaren Sareak natura erreserbetan. Moderatzailea: Edorta Larrauri (Eusko Jaurlaritzako teknologia eta barrikuntzako zuzendaria). Hizlariak: Rogelio Pozo (AZTIko zuzendaria), Jokin Garatea (GAIA, Urdaibai Bird Cente), Satec (Doñana proiektua. Andaluzia).

17:40an: Emoitzak

Garagarrilak 13

Urdaibaiko Erreserbara bisita. Bermeoko Ontziola, Azti eta Urdaibai Bird Centre zentroa be bisitauko dira.