Kupela taldeak 'Gailurrak ikutuz' disko barria kaleratu dau
2012-03-23 14:59 Musikea
Kupela taldeak Gailurrak ikutuz diskoa kaleratu barri dau Elkar etxeagaz. Betiko lez, jantzarako abesti aproposak sortu ditue, baina oraingoan giro lasaian entzuteko be egokiak. Aurreko lanen aldean desbardina dala nabarmendu dabe musikariek, izan be bertsoak hartu ditue oinarria diskoa osotzeko.
XXI. Euskal Eskola Publikoaren Jairako abestia aurkeztu dabe
2012-03-23 14:56
2012ko Euskal Eskola Publikoaren Jaia Zarautzen izango da bagilaren 10ean. Bale! Bizi garen seinale izango da aurtengo leloa. Balea izango da Jaiaren irudia; baina ez edozelako balea. Balea euskalduna, bizkorra, alaia eta jai zalea izateaz gan, lagun asko eta desbardinak izango ditu: balea urdina, balea grisa, balea groenlandiarra…
Euskal literaturea Abu Dhabiko Book Fair azokan izango da
2012-03-23 14:30 Kulturea
Euskal literaturea Abu Dhabiko Book Fair izeneko azokan izango da aurten. Izan be, euskal liburuak egongo dira Literature Across Frontiers erakundearen standean. Etxepare Euskal Institutuak eta LAF erakundeak sinatutako hitzarmenak ahalbidetu dau ekimena.
Ehun jarduera baino gehiago aurten, EHUren Udako Ikastaroetan
2012-03-23 14:24 jardunaldiak
EHUren udako ikastaroak bagilaren 14an hasiko dira eta irailaren 15ean amaitu, tartean, abuztuaren 6tik 19ra deskantsua egongo da. Matrikulea egiteko epea, maiatzaren 2tik 31ra izango da eta bekak eskatzeko aukerea zabalik dago honezkero.
Buy Urdaibai, eskualdeko ekonomia sustatzeko jaio da
2012-03-23 10:56
Gure izena Buy Urdaibai da, eta berba-joko horrek Urdaibain erosi esan gura dau. Horren bitartez, geure enpresen eta eskualdearen onerako markea edo ikur bereizgarria sortu gura izan dogu.
'Gizazine Crac XXI' Bilbon
2012-03-22 16:52 Barriak
Ekimen horren barruan film laburrak eta luzeak —dokumentalak eta fikzinozkoak— eskainiko dira, gaur egun sufriduten gagozan krisi ekonomikoaren ikuspegi desbardinetara hurreratzeko. Programeak, Caostica alkartearen laguntzinoa dauka.
Euskerearen ofizialtasuna aldarrikatzeko manifestazinoa, martiaren 31n, Baionan
2012-03-22 14:06 Euskerea berbagai
Euskerearen Gizarte Erakundeen Kontseiluak eta Euskal Konfederazinoak manifestazinoa antolatu dau Baionan martiaren 31n, Gure hizkuntzak, eskubide bat, lege bat lemapean. Kontseiluak Bilbon aurkeztu dau manisfestazinoa, eta euskaltzale guztiak parte hartzera konbidau ditu. Baionako Xaho kaian hasiko da manifestaldia, 17:00etan.
'Gida-baimena euskaraz' kanpainearen hirugarren edizinoa martxan
2012-03-22 13:23 Euskerea berbagai
Getxon, 2010etik 2011ra ekimenean parte hartu eben gazteen kopurua 1etik 25era pasau zan. Danetara, udalerri guztietako 48 gaztek egin eben azterketa 2011n. Gazte getxotarretako batzuek bart jaso eben Udalaren esker ona ekimenean parte hartzeagaitik.
Mikel Valverde ilustratzaileak 'Rita estu eta larri' liburua kaleratu barri dau
2012-03-22 13:16 Kulturea
Mikel Valverde ilustratzaileak Rita bildumako zortzigarren liburua aurkeztu barri dau, Rita estu eta larri. Ramon Olasagastik euskeratu dau testua eta Elkar argitaletxeak kaleratu dau.
Elearazi.org, itzulpengintzearen ganeko webgune barria
2012-03-22 12:04
Itzulpengintzearen inguruko Elearazi.org webgune barria martxan ipini dabe. Gunearen eragileek eurek azaltzen dabenez, itzulpena, hausnarketea eta sorkuntzea izango dira ardatz nagusiak.
Konsumoaren eraginaren ganeko gogoetea, Kukubiltxoren 'Oilo hilak' antzezlan barrian
2012-03-22 11:09 KultureaAntony_Rohald_new_normal.jpg)
Kukubiltxo konpainiak Oilo hilak lana estreinauko dau martiaren 16an, Mungiako Olalde aretoan. Thomas Rascherrek eta Nicol Wolfek zuzendu dabe antzezlana. Astegoienean beste emonaldi bi eskainiko ditue, Bilboko Pabilioi 6 aretoan.
Latinoamerikako sei filmek parte hartuko dabe Zinema Eraikitzen 21 sailean
2012-03-22 10:23 Barriak
Zinema Eraikitzen 21 jaialdirako honako film honeek aukeratu dira: Cores, Francisco García (Brasil); El lugar del hijo, Manuel Nieto (Uruguai/Argentina); Halley, Sebastián Hofmann(Mexiko); La Sirga, William Vega (Kolonbia/Frantzia/Mexiko); Tanta agua, Ana Guevara eta Leticia Jorge (Uruguai/Mexiko/Holanda); eta Villegas, Gonzalo Tobal (Argentina/Holanda/Frantzia). Zinema Eraikitzen sailaren edizino honetarako danetara 118 film jaso dira.
Argiñetako nekropolia ikertzeko proiektua aurkeztu dabe Bizkaiko Foru Aldundiak eta Elorrioko Udalak
2012-03-21 17:28
Bizkaiko Foru Aldundiak eta Elorrioko Udalak Argiñetako moltso arkeologikoa ikertzeko proiektua aurkeztu dabe. Ikerlanaren helburu nagusia San Adrianeko nekropolia eta baselizea berreskuratzea da. Aurkezpenean, Josune Ariztondo Kultura foru diputadua, Ana Otadui Elorrioko alkatea eta Andoni Iturbe Kultur Ondareko zerbitzu burua izan dira egitasmoaren ezaugarriak azaltzen.
Badator Bertsolari Gazteen XX. BBK Sariketako finala
2012-03-21 17:16 Bertsolaritzea
Asteon, barikuan, martiak 23, arratsaldeko 19:00etan jokatuko da Bizkaiko Bertsozale Elkarteak, Bizkaiko Ikastolen Elkarteak eta BBK-k antolatutako sariketako finala, Bilboko Kafe Antzokian, Lea Artibai eta Durangaldea taldeen artean.
Jon Artetxe Artabe areatzarra, Donostiako 47. Heineken Jazzaldiko kartel lehiaketako irabazle
2012-03-21 16:56 sariak-autortzak
Jon Artetxe bizkaitarraren Chillida izenburuko lanak irabazi dau Donostiako 47. Heineken Jazzaldiko kartel lehiaketea. Artetxek 1.200 euroko saria jasoko dau; ganera makina bat jentek ikusiko dau bere beharra, lehiaketearen arduradunek nabarmendu dabenez. Danetara, 1.333 kartel aurkeztu ziran lehiaketara.
Blas de Otero-Bilboko Hiria nazinoarteko poesia sariaren bosgarren edizinoa abian da
2012-03-21 14:47 Kulturea
Blas de Otero-Bilboko Hiria nazinoarteko poesia sariaren bosgarren edizinoa antolatu dabe Bilboko Udaleko Kultura eta Hezkuntza Sailak eta Blas de Otero Fundazinoak. Lehiaketeak 6.600 sari bi emongo ditu, euskerazko eta gaztelaniazko lanik onenei.
El Sol publizidade jaialdiak Bilbora ia 2.000 bisitari erakartea itxaroten dabe
2012-03-21 14:01
Orain arte, Donostian egin da Iberoamerikako publizidadearen jaialdia, baina aurten, Bizkaiko uriburura ekarriko dabe, maiatzaren 31tik bagilaren 3ra. Bilboren eraldaketeak eta azpiegiturek erakarrita aldatu dabe egoitzea antolatzaileek eta Udaleko eta Foru Aldundiko arduradunek uste dabe, krisitik urteteko bidean beste pausu bat dala El Sol.
Gazteek zientzia baino gurago dabe kirola, Elhuyar Fundazinoak egindako ikerketa baten arabera
2012-03-21 10:43
Kirola da Euskal Herriko gazteen gai gogokoena, alde nabarmenagaz, ganera. Zientzia eta teknologia, barriz, laugarren lekuan dagoz. Horrek dira Elhuyar Fundazinoak igaz, EHUren Kultura Zientifikoaren Katedreagaz eta Eusko Jaurlaritzearen Hezkuntza Sailagaz batera, egindako Euskal Herriko gazteen zientzia eta teknologiari buruzko pertzepzioa 2011 ikerketa-lanaren ondorio nagusiak.
2012ko 'Zilar Astea'-k Durangoko bonbardaketea izango dau ardatz
2012-03-20 17:19 jardunaldiak
Aurtengo Zilar Astea-k Durangoko bonbardaketearen 75. urteurrena izango dau ardatz, Plateruena Kafe Antzokiko arduradunek jakinarazo dabenez. Berbaldiak, erakusketak, musikea eta liburu-aurkezpenak atondu ditue, besteak beste.
Bilboko dendakaz ospatuko dau Guggenheim Bilbao Museoak bere 15. urteurrena
2012-03-20 14:03 kulturbiz
Bilboko 250 denda baino gehiagok Museoaren 15. urteurrena ospatzeko irudi batez apainduko ditue erakusleihoak, ospakizun hori Bilboko biztanleei eta bisitariei hurreratzeko. Apaingarriak Bilboko dendetan egongo dira martiaren 20tik bagilaren 25era arte.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...