Aiko taldeak erromeria tradizionala eskainiko dau Urbiako landatan
2012-05-11 14:35 Kulturea
Lehen erromeria datorren domekan, maiatzaren 13an, egingo da Urbiako landatan, Aitzgorriko Natur Parkean. Jai-giro eder honetan parte hartu nahi dauenak eta zaletasun bardineko jente berria ezagutzeko gogoa dauen guztiak, urteerako hitzordura agertzea besterik ez dau egin behar, 11:30ean Arantzazuko baseleizan (ostatuaren aurrean).
Pello Lizarraldek igesaldi baten kontakizuna osotu dau 'Orbanak' nobela barrian
2012-05-11 14:22 Kulturea
Pello Lizarraldek igesaldi baten kronikea kontau da Orbanak nobela barrian. Susmoak eta zalantzak dira nagusi istorio osoan, egileak berak aurkezpenean azaldu ebanez. Erein argitaletxeagaz plazaratu dau liburua.
Jantzea eta diziplinartekotasuna nagusi, Leioako XVIII. Umore Azokan
2012-05-09 15:45 Kulturea
Jantzea eta diziplinartekotasuna dira aurtengo Leioako Umore Azokearen osogai nagusiak, Bilboko Rekalde Aretoan egindako aurkezpenean antolatzaileek nabarmendu dabenez. Maiatzaren 17an hasi, eta lau egunez, ez da aspertzeko astirik izango Leioako kale, plaza eta parkeetan, izan be 120 emonaldi eskainiko ditue Euskal Herriko zein kanpoko 45 konpainiak.
Barañaineko XVIII. Txotxongilo Jaialdiak igaz hildako Juan Faro gogoan izango dau
2012-05-09 12:21 Kulturea
Maiatzaren 13tik 16ra bitartean egingo da aurtengo Barañaineko Nazinoarteko Txotxongilo Jaialdia, hamazortzigarren edizinoa hain zuzen be. Hamar txotxongilo taldek euren lanik barrienak erakutsiko ditue Barañaineko plaza eta aretoetan. Ganera, igaz hildako Juan Faro Jacinto txotxongilolariari omenaldia egingo deutse.
Hiru eguneko egitarau zabala, Arrigorriagako XVII. Clown eta Pailazo Jaialdian
2012-05-08 15:21 Kulturea
_profile_sidebar.jpg)
_profile_sidebar.jpg)
Krisiak aurrekontuan eragina euki arren, kalidadezko eskaintzea izango dau aurten be Arrigorriagako Nazinoarteko Clown eta Pailazo Jaialdiak, lehenengo mailako artistakaz, Arrigorriagako alkate Asier Albizuak prentsaurrekoan nabarmendu dauenez. Maiatzaren 11tik 13ra bitartean egingo da festibalaren 17. edizinoa.
Jose Ramon Anda eskultore nafarraren erakusketea ipini dabe Arte Ederren Museoan
2012-05-07 15:34 Kulturea
Artisteak berak be onartu dau berezia dala Bilbon bere 40 obra erakusketeko aukerea, aspaldiko amesa izan da, ilusino handia daukat, urte askoren ostean hau ikusi ahal izatea gauza handia da. Irailaren 9ra arte egongo da erakusketea Bilbon.
Jose Inazio Lasa, Antton Kazabon eta Jose Antonio Perez-Fonsecaren lliburu bana kaleratu dau Ereinek
2012-05-04 13:18 Kulturea
Erein argitaletxeak Jose Inazio Lasaren Denboraren hosto artetik poema liburua, Antton Kazabonen Ai, Ximun, Ximun! umeentzako narrazinoa eta Jose Antonio Perez-Fonsecaren Behorraren ondarea liburuak aurkeztu ditu.
Edo! argitaletxe barriak bost liburu kaleratuko ditu udagoienean
2012-05-04 12:07 Kulturea
Argitaletxe barria aurkeztu dabe, Edo!, independentea, autofinantzatua eta borondatezko lanean oinarritukoa. Talde eragileak urte bi emon ditu proiektua prestetan, eta udagoinean argitaratuko ditu lehenengo lanak.
Portugaleteko Folklore Azokeak 40 artisau batuko ditu astegoienean
2012-05-03 11:11 Kulturea
Aurkeztu barri dabe maiatzaren 5ean eta 6an egingo dan VII. Portugaleteko Folklore Azokea. Aurten 40 parte-hartzaile izango ditu azokeak, artisauak, alkarteak eta abar. Goizez eta arrastiz egongo da edegita. Artisauek erakustaldiak egingo ditue, eta tailerretan parte hartzeko aukerea be izango dala jakinarazo dabe antolatzaileek.
Alvaro Gilen 'Zuk zeuk egin', Guggenheim Bilbao Horma lehiaketearen bigarren emoitzea
2012-04-27 16:36 Kulturea
Álvaro Gilen Zuk zeuk egin ikusgai izango da Guggenheim museoko 103B aretoan, maiatzaren 27ra arte. Guggenheim Bilbao Horma lehiaketan aukeratutako bigarren lana da artista nafarraren instalazinoa.
Jon Kortazarren 'El poeta Gabriel Aresti' liburua georgieraz argitaratu dabe
2012-04-26 14:39 Kulturea
2003. urtean BBK-Kutxabankek argitaratzen dauen Temas Vizcaínos sailean plazaratu zan Bilboko poeta nagusiaren bizitza eta obrea buztartzen zituan lana Euskal Literaturan Katedraduna dan Jon Kortazarrek sinatua. Liburua argazki ezezagunez horniduta etorren.
Kirmen Uriberen Bilbao-New York-Bilbao argitaratu dau frantsesez Gallimard argitaletxeak
2012-04-25 17:36 Kulturea
Pariseko Gallimard argitaletxe prestigiotsuak argitaratu dau egunotan Kirmen Uribe ondarroarraren Bilbao-New York-Bilbao nobelea. Du mOnde Entier izeneko bilduman atara dabe, Antonio Tabucchi, Orham Pamuk, Philip Roth edo Ian McEwanen liburuak ataraten diran bilduma berean. Gersende Camenenek egin dau itzulpena.
'Spoiler' Alberto Alborren margo bildumea ikusgai dago Rekalde Aretoan
2012-04-25 11:19 Kulturea
Bilboko Rekalde Aretoak Spoiler, Alberto Alborren erakusketea, aurkeztu dau, Bizkaiko Foru Aldundiaren sorkuntza artistikorako bekak lortu dituen egileen lanak erakusteko asmoz abiarazotako Barriek izeneko programearen barruan. Maiatzaren 27ara arte egongo dira ikusgai Alborren lanak.
Arrate Egañak 'Paradisua' helduentzako liburua argitaratu barri dau
2012-04-24 11:40 Kulturea
Arrate Egaña idazleak Paradisua liburua aurkeztu barri dau Elkar argitaletxeagaz. Helduntzako idatzi dauen lehenengo liburua da, orain arte umeentzako lanak besterik ez ditu kaleratu eta. Bost ipuinek osotzen dabe liburua, Neguko udareak, Grindavik, Paradisua, Mont Saint-Michel eta Abenduak 21.
Euskadi Literatura Sarien edizino barria martxan da
2012-04-24 11:40 Kulturea
Sari horreek lortu ahal izateko, obrak argitaratzen diranean bizirik dagozan egileek idatzitako, itzulitako edo ilustrautako liburuak izan behar dabe eta lehenengo aldiz 2011. urtean argitaratuak izango dira. Oinarri osoak http://www.kultura.ejgv.euskadi.net/r46-5356/eu/ dagoz.
Angel Ortiz Alfau idazlea omendu dabe Bilbon, Liburuaren Nazinoarteko Egunaren harira
2012-04-23 15:32 Kulturea
Urtero lez, Berastegi kalean ipini ditue liburu azokako mahaiak gaur. Gabeko bederatzirak arte, ia 30 argitaletxetako eskaintzea ikusi ahal izango da. Toti Martinez de Lezea, Ramon Saizarbitoria, Jon Arretxe eta abar liburuak sinatzen eta irakurleakaz berbetan dabilzala be iragarri dabe antolatzaileek. Ganera, aurten, Angel Ortiz Alfauri omenaldia egin deutsie, haren heriotzearen hamargarren urteurrenean.
Jantzearen Nazinoarteko Eguna jantzan eginez ospatuko dabe Bilbon, apirilaren 29an
2012-04-23 14:52 Kulturea
Bilbok Jantzearen Nazinoarteko Eguna jantzan ospatuko dau domekan, apirilaren 29an, 12:00etatik aurrera Arriaga plazan egingo dan saio edegian. Ganera, ekitaldiaren barruan, makina bat lagunek flashmob-a grabauko dabe, Queen talde ezagunaren Don´t stop me now kantearen doinugaz.
Julio Llamazares eta Miguel Sanchez Ostiz aurrez aurre 'Eztabaidak Literatureagaz' ekimenean
2012-04-23 14:41 Kulturea
Eztabaidak Literatureagaz ekimenak, literatur paisajeari buruzko hitzaldia dakar hilaren 24rako; paisaje hori erreala edo figuratua, existiduten dana edo desagertuta dagoana bada bere.
Harkaitz Canoren 'Twist' eta Aritz Gorrotxategiren 'Hariaz beste', Espainiako Kritikearen Saridunak
2012-04-23 11:12 Kulturea
Harkaitz Canoren Twist (Susa) nobeleak eta Aritz Gorrotxategiren Hariaz beste (Erein) poema liburuek irabazi ditue Espainiako Kritikearen Sariak, euskerazko narratiba arloan eta euskerazko poesia arloan, hurranez hurran. AECL Espainiako Literatur Kritikarien Alkarteko kideek osotzen dabe sarion epaimahaia
Ramon Saizarbitoriak 'Martutene' nobelea aurkeztu dau Donostian
2012-04-20 16:44 Kulturea
Ramon Saizarbitoriak Martutene nobelea aurkeztu dau Donostian, Erein etxearen eskutik. Bederatzi urte emon ditu 800 orrialdeko nobelea idazten, izan be nahi beste denpora eskaini deutsa bai idazteari bai idatzitakoa berrikusteari.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...