Goizalde Landabasok bere oroitzapenen babeserako kopia egin dau poemen bidez

Dabi Piedra 2015-10-20 14:35   Kulturea

Idazle bilbotarraren poesia liburu barriak, hain zuzen be, hori izenburuori dauka: Babeserako kopia (Elkar). Norbere identidadea, memoria eta denporearen joana dira liburuaren ardatzak. Izan danaren eta gaur egun danaren txatalak batu ditu olerkietan Landabasok, gerorako babeserako kopia bat balitz legez. Gai ilunak landu ditu, baina baita bestelakoak be. Poemetatik abiauta, ikuskizun bat preparau dau idazleak, Ane Zabala eta Galder Perezegaz, eta datorren hilean aurrestreinauko dabe.

Bertsoetako doinuak dira Igelaren Bandaren disko barriaren oinarria

Dabi Piedra 2015-10-16 15:05   Musikea

Debalde festa (Elkar) laneko kanta guztiak bertsotarako melodietan oinarrituta dagoz, baina Igelaren Banda hirukoteak modu askean interpretau eta moldatu ditu. Emoitzea, 13 abesti instrumentaleko bildumea izan da, batzuk bertso tradizionaletan oinarrituak eta, besteak gaur eguneko doinu modernoagoetan. Bertsotan ohikoa dan inprobisazinoa berbetatik musikara eroan dau Igelaren Bandak, beraz.

»» Ikusi argazki guztiak (2)

Ana G. Lartitegui, Joseba Zulaika eta Juan Garzia be, Euskadi Sarietako irabazle

Dabi Piedra 2015-10-15 13:19   Kulturea

Joan dan astean saritu batzuen barri emon eben eta, gaur, ilustrazinoaren, gaztelaniazko saiakerearen eta euskerarako itzulpenaren arloetako sarituen barri. Ana G. Lartiteguik El libro de la suerte lanean egindako irudiak, Joseba Zulaikak idatzitako Vieja luna de Bilbao eta Juan Garziak itzulitako Shakespeareren Sonetoak aukeratu ditu epaimahaiak.

Arteak hartuko dau Bilbo asteburuan, Bilbao Art District-en eskutik

Dabi Piedra 2015-10-13 14:44   Kulturea

Hirugarren urtez, Bilboko arte galeriek atea zabalduko deutsie herritar guztiei, Bilbao Art District ekimenaren bidez. Museo, unibersidade, ostalari, merkatari eta erakunde publikoen laguntzinoagaz, arteari eskainitako asteburua eratu dabe urriaren 16 eta 17rako eta udagoienean galerietan egongo diran erakusketak aurkeztuko ditue. Berbaldiak, bisitaldi gidatuak, tailerrak eta abar be antolatu ditue.

Bilbon, websailen nazinoarteko jaialdia egingo dabe lehenengoz

Dabi Piedra 2015-10-08 14:52

Urriaren 14tik 16ra egingo da Bilbao Web Fest jaialdiaren lehenengo edizinoa. 23 herrialdetako ehun websail erakutsiko ditue, sail ofizialean eta Ametsak sailean banatuta. Arlo bietan makina bat sari banatuko ditue. Internet, teknologia barriak eta sormen industriaren eremuetan Bilboren aldeko apustua da jaialdiaren helburua eta gero eta egile gehiago batzen dituan sektoreari bere lanak erakusteko plataformea eskaintzea.

»» Ikusi argazki guztiak (2)

Dantzaz konpainiaren 'Aureo' estreinauko dabe Arriagan, nazinoarteko bost koreograforen lanakaz

Dabi Piedra 2015-10-06 15:00   Kulturea

Urriaren 9an eta 10ean egingo dabe Dantzaz konpainiaren ikuskizun barriaren estreinaldia, Bilboko Arriaga antzokian. Aureo, bost piezaz osotuta dago, bakotxa koreografo batek egina eta Adriana Pousek koordinauta. Sortzaile beteranoak eta gazteak buztartu ditue eta, euren aginduetara, Dantzazeko jantzari gazteak ipini ditue. Publikoaren eta obrearen arteko hartu-emon perfektuaren bilaketea da Aureoren abiapuntua.

»» Ikusi argazki guztiak (2)

Txakolinaren erromeria egingo dabe Bilbon urriaren 11n, Txikiteroen Jaiaren barruan

Dabi Piedra 2015-10-05 14:32   Jan edanak

Urtero legez, urriaren 11n, Begoñako Amaren egunean, Txikiteroen Jaia egingo dabe Bilbon. Zazpi Kaleetan dagoan Ama Birjinaren irudian lora-eskaintzea egongo da eta abesbatzak ibiliko dira kalerik kale. Horrezaz gan, Ohorezko Txikitoa sariak emongo deutsez Alvaro Garrido sukaldariari eta Vicrila enpreseari. Aurten, txakolinari garrantzia berezia emongo deutsie. Holan, Txakolinaren erromeria antolatu dabe eta urteko lehenengo muztioa aurkeztuko dabe.

»» Ikusi argazki guztiak (3)

Itxurakerien inguruko disko barria aurkeztu dau Larregik, 'Pantomima'

Dabi Piedra 2015-10-01 14:14   Musikea

2014ko Banden Lehia irabazita, talde arratiarrak Bilbao BBK Live-n jo eban eta diskoa argitaratzeko aukerea be irabazi eban. Horixe da, beraz, Pantomima diskoaren jatorria (Baga-Biga). Bere ibilbideko bigarren diskoan, Larregik soinu argiagoa eta zuzenagoa bilatu dau, punkaren eta rockaren arteko eremuan dagozan doinuakaz. Gizartean guzurrak eta itxurakeriak daukan leku zabala agirian itxi nahi izan dau laukoteak oraingoan.

»» Ikusi argazki guztiak (3)

Aitzol Aramaioren alaitasuna Marabilli Festibalaren hirugarren ekitaldira eroango dabe urri hasieran

Dabi Piedra 2015-09-29 14:57   kulturbiz

Ekitaldiz lepo dator Marabilli Sormen Festibala Ondarroara, igaz egindako etenak emondako indar barriagaz. Aitzol Aramaio (1971-2011) zinegile ondarrutarra gogoan euki eta haren izakereagaz bat datorren topaketa kultural herrikoia egitea da asmoa. Urriaren 1etik 4ra, kontzertuak, errezitaldiak, zinemea eta abar egongo dira. Herritarrek herritarrentzako modu boluntarioan egindako lana dala adierazo dabe antolatzaileek eta ondarrutar zein kanpokoak disfrutetera deitu ditue.

»» Ikusi argazki guztiak (2)

Freskurea eroango dabe konparsek Aste Nagusira, Erripa moilako izotz-pisteagaz

Dabi Piedra 2015-08-18 13:43

Urtero legez, Bilboko Konparsek ekitaldi piloa antolatu ditue Aste Nagusirako eta kolore berezia emongo deutsie jaiari. Aurtengo nobedadea, Erripako moilan ipiniko daben izotz-pistea izango da. Astelehenetik eguenera egongo da zabalik. Bertan, ganera, moda desfilea egingo dabe konparsetako kideek. Horrezaz gan, Llano Project-eko aktoreek ekitaldi sorpresea egingo dabe jaietako lehenengo zapatuan, lehiaketa gastronomikoaei indar handiagoa emongo deutsie eta goitibeheren jatsierea eratuko dabe barriro.

»» Ikusi argazki guztiak (2)

Lutxo Egia: 'Bilbon, euskaldunok bizi kalidade eskasa dogu'

Dabi Piedra 2015-07-27 10:06   Barriketan

Idazlea. Performance baten, 31 egun egin ditu Bilbon gaztelania erabili barik bizi izaten

Arteak eta erosketek bat egingo dabe Bilbon bagilean

Dabi Piedra 2015-03-13 14:09   kulturbiz

Arteshop ekimenaren bosgarren ekitaldia egingo dabe Bizkaiko uriburuan. Arte Ederretako ikasleek euren lanak ipiniko ditue Bilboko 75 dendatan, EHU, Bilbao Ekintza eta Bilbao Arte Fundazinoaren eskutik. Ganera, ibilaldi gidatuak egongo dira herritarrentzat. Uria merkataritza arloan erreferente bihurtzea eta kulturearen aldeko apustua egitea dira Arteshopen asmoak.

Hizkuntza aniztasunaren inguruko zenbaki monografikoa argitaratu dau Hermes aldizkariak

Dabi Piedra 2014-12-12 14:38   Euskerea berbagai

Mintegi berezian, euskalkien eta euskera batuaren arteko hartu-emonak aztertu ditue gaur Bilbon eta, horrezaz gan, Sabino Arana Fundazinoaren pentsamendu aldizkariak, Hermesek, ale monografikoa argitaratu dau hizkuntzak ardatz hartuta.

»» Ikusi argazki guztiak (3)

Modu sotilagoan bada be, zentsurea egon badagoala gogoratuko dabe Zentsura At jaialdian

Dabi Piedra 2013-10-30 14:45   kulturbiz

Aurtengo egitarauan, Vulpes musika taldeari eskainitako ekitaldia eta Luis Gasca komikietan eta zineman adituaren presentzia aitatu leitekez. Mendebaldeko gizartean zentsureak inor hilten ez dauen arren, beste modu askotan oraindino indarrean dagoala salatuko dabe, antolatzaileen arabera.