Rose Troche zinemagileak Zinegoak-en Ohorezko Saria jaso dau
2016-02-22 13:48 Zinemea
Bilbora etorri da Rose Troche zinemagile estadubatuarra, Zinegoak jaialdiaren Ohorezko Saria jasoteko. Filmen eta telesailen bidez lesbianei gizartean euren lekua emoten eta emakume homosexualak ahalduntzen Trochek egin dauen ekarpena saritu nahi dabe antolatzaileek. Bere lanagaz lortu dauen oihartzuna ez ebala espero autortu dau Trochek eta asko pozten dala lesbianak ikusgarriago bihurtzen lagundu izanaz.
Itziar Idiazabal: 'Hizkuntza txikien alde eginda, gizarteak balio ekonomikoak gehiago garatzeko aukerea dau'
2016-02-22 09:26 Barriketan
Unesco Katedrearen koordinatzailea
Erromeria giroa albo batera itxi barik, diskoa atara dau Garilak 26-k
2016-02-18 13:06 Musikea
Jaigune eta ospakizunetan joteko jaio zan Garilak 26 eta, izakera horri uko egiten ez deutsien arren, estudioko diskoa atarateko pausua egin dabe, Baga Biga zigiluagaz. Eurek sortutako abestiez hornidutako lan horri Adrenalinaren zain izenburua emon deutsie. Rock doinuak erromeria giroagaz buztartu ditue eta kolaboratzaile ugariren laguntzinoa euki dabe.
Sexu askatasunaren alde Afrikan egiten dan lana, Bilboko kaleetan ikusgai
2016-02-17 13:36 Kulturea
Bilboko Zazpi Kaleetako, San Frantziskoko eta inguruetako 27 denda eta tabernatan argazkiak ipini ditue, Afrikan homofobiaren aurkako burrukearen nondik norakoak erakusteko. Zinegoak jaialdiaren kontura antolatutako erakusketea da, Amnesty International erakundeagaz alkarlanean eta auzoetako alkarteen laguntzinoagaz.
Euskal Kostaldeko Museoen Sareak jarduera berezi ugari antolatuko ditu martian
2016-02-17 13:03 kulturbiz
Euskal kostaldeko altxorrak lelopean, makina bat ekintza egongo dira Gipuzkoa eta Bizkaiko 32 museo eta gune kulturaletan. 150 jarduerako egitarauaren bidez, Euskal Kostaldeko Museoen Sareak bertoko ondare kulturala zabaldu nahi dau herritarren eta turisten artean. Dobako txartela be sortu dau erakunde horrek, deskontuak eta abantailak emoten dituana.
Zortzi talde egongo dira Bizkaiko Bertsolari gazteen BBK Txapelketan
2016-02-16 12:56 Bertsolaritzea
Bihar, eguaztena, hasiko da Bizkaiko Bertsolari gazteen BBK Txapelketearen 24. ekitaldia, Igorren jokatuko dan kanporaketeagaz. Finala martiaren 18an izango da. Aurtengo nobedade nagusia da, igaz baino talde bat gehiago egongo dala lehian, Uribe-Butroe eskualdekoek eurena sortu dabe eta. Hortaz, seina laguneko zortzi talde izango dira.
Talentu lehiaketea eta tailerrak, Bilboko Udalaren eta Topagunearen Harrapazank zirkuituan
2016-02-15 13:32 Kulturea
Urtero legez, aurten be, Bilboko gazteen artean sormena eta euskerearen erabilerea bultzatzeko jarduera ugari dakarz Harrapazank programeak. Bilboko Udalak eta Euskalzaleen Topaguneak antolatutako zirkuituan, tailer ugari eta talentu lehiaketea dagoz, 9 eta 18 urte bitarteko neska-mutilentzat. Lehiaketan 260 gaztek emon dabe izena.
Gorbeiako gune turistikoaren irudi barria eta telefonorako aplikazinoa aurkeztu ditue
2016-02-11 13:51
Gorbeiako Parke Naturalaren inguruan dagozan herri eta eskualdeetara datozan bisitarientzako irudi erakargarriagoa sortzea eta bertako ekitaldien agenda osotua eskuragarri ipintea dira Gorbeia Gune Turistikoa erakundearen asmoak. Horretarako, logotipo modernoago bat sortu eta eskuko telefonorako aplikazinoa martxan ipini dabe.
Bizkaiko Foru Liburutegiak 37 ekintza sartu ditu 2016ko egitarauan
2016-02-11 12:56 kulturbiz
Literaturea ardatz dala, baina sormenaren beste esparruak be aintzat hartuta, askotariko programazinoa antolatu dau Bizkaiko Foru Liburutegiak aurtengo urterako, Lorea Bilbao Bizkaiko Kultura diputaduak azaldu dauenez. Erakusketak, saio literarioak, berbaldiak, lehiaketak eta abar egongo dira. Edade eta gustu guztietarako proposamenak dirala ziurtatu dau Bilbaok, euskeraz zein gaztelaniaz.
Zinegoak jaialdiak kalera urten gura dau, ekitaldi ugariren bidez
2016-02-10 13:38 Barriak
Zezeilaren 22tik 29ra egingo da Zinegoak, LGTB zinemearen Bilboko jaialdia, baina aurretik be ekitaldi piloa egongo dira. Zinemaldiagaz batera, argazki erakusketak, kontzertuak eta familientzako jarduerak antolatu ditue, programazinoa herritar guztiei zabaltzeko asmoz. Jaialdia amaitu eta gero, 27 herritan proiektauko ditue filmak, Zinegoak hedapena programeari esker.
Arriskatu egin dau Guda Dantza taldeak bigarren diskoan
2016-02-09 13:07 Musikea
Aurreko diskoagaz alderatuta, arrisku gehiago hartu ditu Guda Dantzak Labarraren ertzean lanean (Baga Biga). Ska estiloaren inguruko doinuak ardatz dirala, jantzan egiteko aproposa dan diskoa sortu dabe, baina gogoetea ahaztu barik. Iraganaren ganeko hausnarketea dakar, izan be, Bizkaiko seikoteak Labarraren ertzeanen. Barikuan aurkeztuko dabe diskoa zuzenean, Mungian.
Sabin Bikandi: 'Bakotxak dakienagaz egin behar dau jantzan, estutu barik'
2016-02-08 09:48 Barriketan
Aiko taldeko kidea
Jotearen izakera herrikoia aldarrikatu nahi dau Aikok 'Jotamentala' dokumentalean
2016-02-03 14:19 Kulturea
Jotearen ezaugarriak eta jantza klase horrek Euskal Herrian euki dauen ibilbidea batzeko eta gizarteratzeko ahalegina da Jotamentala, Aiko taldeak egindako dokumentala. Eten barik barrizten dan jantzea da jotea Aikoren esanetan, edonorentzat egokia, herriko plazetan sekula faltau ez dana. Dokumentala zezeilaren 12an estreinauko dabe, Bilbon.
Euskerea ikasteko 'Euskaragara' liburua eta webgunea eskuragarri dagoz
2016-02-02 13:19 Euskerea berbagai
Euskerazko B1, B2 eta C1 mailak lortzeko sistema erraza eta bisuala lortzeko asmoz sortu dabe Euskaragara webgunea. Ganera, horregaz lotutako liburuaren bigarren edizinoa argitaratu dabe. Batez be, ikasgai teorikoak sartu ditue, baina euskereagaz lotutako bitxikeria eta bideoak be topau leitekez. Aurrerago, bizkaierea ikasteko jarraibideak be sartu nahi ditue.
Angela Davis konbidau nagusi dala, kartzeleari buruzko jardunaldiak egingo ditue Bilbon
2016-02-01 13:41 jardunaldiak
Zezeilaren 5etik 7ra egingo dabe Bilbon Emakumea eta kartzela izenburuko topaketea, GITE-IPES alkarteak antolatuta eta beste talde eta norbanako askoren babesagaz. Berbaldiak eta ikastaroak egongo dira. Espetxeari buruzko gogoetea egin eta alternatibak topetea izango da helburua. Angela Davis Estadu Batuetako ekintzaile historikoa izango da konbidau nagusia, baina beste aditu askok be parte hartuko dabe.
Eskoziako erreferendumaz Alex Salmondek idatzitako liburua euskeraz atara dabe
2016-02-01 12:47
Ametsa ezin da sekula hil izenburupean eta Sabino Arana Fundazinoaren eskutik, Alex Salmond Eskoziako Lehen Ministro ohiaren gomutak eta gogoetak euskeraz irakurteko aukerea dago. Eskoziako independentziaren inguruko 2014ko erreferendumaren bultzatzaile nagusia izan zan Salmond eta orduko bizipenak batu ditu liburuan. Holako prozesu bat eregiteko urte askotako lana beharrezkoa dala azpimarratu dau Salmondek, Bilbon egindako aurkezpenean.
Hizkuntza gitxituen arloan, Europako Batzordeak Espainiari 'txartel gorria' atara deutsala dino Patxi Baztarrikak
2016-01-28 14:00 Euskerea berbagai
Eurokartako erispideak beteten diran jakiteko Europako Batzordeak plazaratu dauen 4. txostenaren kontura, baikor agertu da Patxi Baztarrika Jaurlaritzako Hizkuntza Politikako sailburuordea. Eusko Jaurlaritzearen menpe dagozan eremu gehienetan, euskerearen babeserako neurriak egokiak dira eta Eurokartako gomendioak beteten dirala dino txostenak. Halandabe, gabeziak be badagoz, justizian eta polizian adibidez.
Enpresek emoten dituen zerbitzuak euskaldundu nahi ditu Kontseiluak, 'Euskalgintzaren Konpromisoa' ekimenagaz
2016-01-27 12:19 Euskerea berbagai
Lan mundua eta eremu sozioekonomikoa euskalduntzeko bidean, enpresak ez eze, konsumitzaileak be ezinbestekoak dirala ikusi dau Kontseiluak. Horretan oinarrituta sortu dau Euskalgintzearen konpromisoa. Euskalgintzako eragileak bezero be badiran ezkero, jasoten daben zerbitzua euskeraz izateko neurriak hartuko ditue. Lehenik eta behin, telefono-konpainietan ipiniko dabe arretea.
Egitarau bete-betea, Bilboko aratusteetan
2016-01-26 12:53 Kulturea
Zezeilaren 4tik 9ra ospatuko dira aurten aratusteak Bizkaiko uriburuan. Aurreko urteetan legez, Bilboko Udalak eta Konparsek bat egin dabe egitarau zabala antolatzeko. Jai askotariko eta parte-hartzaileak nahi dituela adierazo dabe. Ekitaldi garrantzitsuenen artean dagoz mozorroen lehiaketea, Farolin eta Zaranbolasen epaiketea eta sardinea erretea.
Ikusi eta Ikasi programearen 12. edizinoa martxan Bilbon, sekula baino jarduera gehiagogaz
2016-01-25 13:19 kulturbiz
Urtarrilaren 26tik apirilaren 16ra bitartean, uriko umeei eta hareen familiei zuzendutako 58 ekintza egongo dira: Tailerrak, zirkua, ipuin-kontalariak, magia, antzerkia eta abar. Izan be, Bilboko Udalak eta Topaguneak antolatutako Ikusi eta Ikasi egitasmoak ez deutso urteroko hitzorduari huts egin. Aurten, hamaika auzotan egingo dira jarduerak eta lehenengo aldiz helduko dira Zorrotza eta Santutxura.
_sidebar.png)
Eskerrik asko zuori egiten dozuen lanagaitik.
»» Euskal telesailak gero eta gehiago ...