Bizkaie!

Gernikako Euskal Herria Museoak tailer didaktikoak jarriko ditu martxan urrian

Bizkaiko Foru Aldundiak Gernikan daukan Euskal Herria Museoak 8 eta 12 urte bitarteko umeei eta familiei zuzenduriko programa didaktiko barria jarriko dau abian urritik aurrera, modu apal eta erakargarrian euskal kulturea eta folkloreari buruzko guztia ezagutarazoteko.

Deustuko Unibersidadeak hasiera ofiziala emon deutso 2006-2007 ikasturteari

Deustuko Unibersidadeak gaur, irailak 25, zabaldu dau 2006-2007 ikasturtea, Donostiako campusean. Ekitaldia goizeko 10:00etan hasi da Donostiako gotzain Juan María Uriarte buru izan dauen mezeagaz.

U2 irlandarren biografia gaztelaniaz

RBA argitaletxeak U2 talde irlandarraren gaztelaniazko autobiografia kaleratuko dau datorren zemendian, ‘U2 por U2’ izenburupean. Liburuak lau taldekideen eta managerraren testigantzak batzen ditu.

Patxi Salaberri euskaltzain osoak sarrera-berbaldia egingo dau barikuan Uxueko pilotalekuan

Patxi Salaberri Filologia Hispanikoan (Nafarroako Unibersidadea) eta Euskal Filologian lizentziaduna (EHU) da eta Euskal Filologian Doktorea. Gehienbat euskal onamastika arloa jorratu dau baina euskal dialektologian be egin dau lan.

UEUk zazpi ikastaro eskainiko ditu urrian eta zemendian Eibarko Ikastetxe Nagusian

Udako Euskal Unibersidadea (UEU) batez be udako ikastaroengaitik ezaguna izan arren, urte osoan ikastaroak bultzatzen dihardu, eten bako prestakuntzea urte osora zabaltzeko asmoz, eta urrian eta zemendian zazpi ikastaro eskainiko ditu.

BAD jaialdia Antzerki eta Jantza Programazinoen III. Sarietarako aukeratu dabe

Bilboko Antzerki eta Dantza Garaikidearen Jaialdia Espainiako Antzerki eta Jantza Programazinoen III. Sarietarako aukeratu dabe. Bilbao Antzerkia Dantza (BAD) izenaz ezagutzen dan jaialdia Programazinorik Barritzaileena eta Publikoa Sortzeko Ekintzarik Eraginkorrena sarietarako izentau dabe.

Autorik Bako Eguna

Europako mila uri baino gehiagotan Autorik Bako Eguna da gaur, tartean Bilbon.

Bizkaiko uriburuko erdialdeko kaleetan ezin izango da autoz ibili eta bestelako garraiobideen erabilerea bultzatzeko hainbat ekitaldi antolatu ditue.

Nömadak Tx pelikula ikusteko sarrera guztiak amaitu dira

Nömadak TX pelikulearen estreinaldirako lau egun besterik ez dira falta eta salgai jarritako sarrera guztiak daborduko amaituta dagoz.

Hamalau euskal enpresek India bisitauko dabe

Euskal Autonomia Erkidegoaren eta Indiaren arteko esportazinoak eta inportazinoak laukoiztu egin dira 1990. urtetik, bien arteko merkataritza-hartu-emonen barruan.

LanHitz, beharlekuetan euskerearen presentzia eta erabilerea indartzeko ekimena abian

Gizarteko hainbat esparrutan euskerearen erabilerea sustatzeko indarrean dagozan ganerako ekimenakaz buztartu nahi da lan-mundua.

Gaur hasiko da Donostiako 54. Zinemaldia

Sei miloe euroko aurrekontuagaz, 220 film erakutsiko ditue gaur hasi eta hilaren 30era bitartean. Gaur goizeko 11:00etan, Donostiako Zinemaldiko lehen filma emongo dabe Kursaal jauregian: Nick Broonfielden ‘Ghosts’, immigrazinoaren ganeko istorio epikoa jorratzen dauena. Dana dala, gaueko 21:00etan hasiko da zabaltze ekitaldi ofiziala.

Bilboko historiari buruzko IX. Sinposioa egingo da irailaren 25ean eta 26an

Bilboko Udaleko Kultura eta Euskera Sailak, Bizkaiko Eusko Ikaskuntzak eta Bidebarrieta Kulturguneak Bilboko historiari buruzko XI Sinposioa antolatu dabe ‘70 urte eta gero: Gerra zibila, gerraondoa eta gogoratzen duguna’ izenburupean.

Gerediagak gaztetxuei zuzendutako literatura lehiaketea antolatu dau

DBHko 3. eta 4. mailako gazteen artean talde-lana sustatu eta euskeraz idazteko zaletasuna suspertzeko, Gerediaga Alkarteak ‘Gerediaga’ Literatura Lehiaketea sortu dau. Euskal Herriaren ezagutzea bultzatzen daben lanak aintzat hartuko dira.

‘Dantza Hirian’ uri paisajeetan egindako nazinoarteko dantza jaialdia Donostia, Irun eta Baionan

Irailaren 21ean, Donostian, 22an, Irunen eta 23an Baionan egingo da Euskal Eurohiriaren garapen kulturala bultzatzeko sortutako ekimena.

Urduñako Udalak 23 programa jarri ditu martxan euskerearen normalizazinoa sustatzeko

Urduñako Udalak 23 egitasmo jarri ditu abian herrian euskerearen sustapena, zabalkundea eta normalizazinoa lortze aldera. Horretarako, Bizkaiko Foru Aldundiak 34.157 euroko diru-laguntzinoa emon dau.

Jaiotzen kopurua %1 igon da urteko lehenengo hiruhilekoan EAEn

Eustaten arabera, 2006ko lehen hiruhilekoan 4.844 ume jaio ziran Euskal Autonomia Erkidegoan, hau da, aurreko urteko aldi berean baino % 1 gehiago.

Urnietak Lourdes Iriondo kantautorea omenduko dau

Donostian jaio arren, bizitza osoan urnietarra sentidu zan euskal artistearen omenez antolaturiko lehenengo ekitaldia irailaren 26an izango da, Mikel Atxagak moderauko dauen Lourdes Iriondoren gaineko solasaldia, hain zuzen.

Hiru miloe urteko ume baten fosila topau dabe Etiopian

Alemaniako Leipzig uriko Antropologia Ebolutiboaren Max Plank Institutuak zuzendutako ikertzaileen talde batek 'Astrolopithecus afarensis' espezieko fosil bat topau dau Etiopian. Fosila orain dala 3,3 miloe urteko ume batela dala dinoe ‘Nature’ aldizkarian argitaratutako artikuluan.

Emigranteei eta Sahara azpiko Afrikari buruzko bi zinema-ziklo antolatu ditu Guggenheim Bilbao Museoak

Guggenheim Bilbao Museoak Zinema Hamabostaldia antolatu dau eta bi ziklo eskainiko ditu, ‘Emigranteak’ eta ‘Sahara Azpiko Afrika’ izenburupean, irailaren 25etik urriaren 8ra bitartean, Museoko Entzungelan.

Bad Machine finlandiarrak Euskal Herrian

Bad Machine talde finlandiarrak lau kontzertuko birea egingo dau Euskal Herrian irailaren 27tik 30era bitartean, ‘Motörfreakout’ izeneko disko barria aurkezteko.