Ahotsa.info komunikabide barria sortu dabe Nafarroan
2014-01-28 17:23
Ezagutzera emon barri dabe Nafarroako herri mobimentuaren ahotsa sarera eroango dauen komunikabidearen izena: Ahotsa.info. Proiektua gauzatzeko 20.000 euro behar dituela jakinarazo dabe arduradunek.
Pete Seeger folkaren ikurra hil da
2014-01-28 11:33 Musikea
The Almanach Singers taldeagaz hasi zan kantuan, Woody Guthrie eta Lee Haysegaz batera. 1949-1959 urteetan, The Weavers taldeagaz ibili zan, eta, gero, bakarlari moduan. Langileriaren lagun, makinatxu bat jaialditan kantau eban, beti be giza eskubideen alde eta Vietnamgo gerrearen kontra. Era berean, ingurumenaren babeserako burrukan sutsua zan.
Egueneko 'Artelana bere testuinguruan' saioko protagonistea Niccolo de Uzzano izango da
2014-01-28 10:20 Kulturea
Niccolo da Uzzanoren bustoa izango da Bilboko Berreginen Museoko pieza garrantzitsuenak ezagutzera bideratutako Artelana bere testuinguruan zikloaren protagonistea datorren eguenean, urtarrilaren 30ean, 18:00etatik aurrera.
UPV/EHUk app bat sortu dau ikasleei notak jakinarazoteko eta informazino akademikoa emoteko
2014-01-27 17:03
Euskal Herriko Unibersidadeak gailu mobikorretarako aplikazino bat sortu dau bere ikasleentzat. G.A.U.R. izeneko app horren bidez abisu bat bialtzen jako ikasleari matrikulau dan irakasgai batean notea jarten dan bakotxean. Era berean, matrikulea, espedientea eta tutoretza orduak konsultau daitekez, besteak beste.
Euskerearen erabilerea normalizetako V. Plan Nagusia aurkeztu dau Eusko Jaurlaritzeak
2014-01-27 14:45 Euskerea berbagai
Eusko Jaurlaritzearen helburua da euskal gizartean elebitasun iraunkorra eregitea. Horregaitik da Eusko Jaurlaritzearen 2013-2017 bitarteko Euskerearen Erabilerarako Plan Nagusi honen helburu nagusia honako hauxe: herritar guztiek daben hizkuntza ofiziala aukeratzeko eskubidea egiazki betetea, eta euskerea zerbitzu hizkuntza eta lan hizkuntza lez erabiltea.
'Dantzazaleak', argazki erakusketa ibiltaria Galdakaon
2014-01-27 14:21 Kulturea
Dantzazaleak Iñaki Andrés argazkilariak egindako argazkien erakusketea da eta bertan Aiko taldearen lanaren esentzia jasoten da, jantzara hurreratzeko modu natural eta dibertigarria dan Dantzaldi Ibiltaria proiektutik pasau diran 2.000 jantzazaleren argakiz osotutakoa.
'Mugan bizi, bizi' lemapean, martxan dago Araba Euskaraz 2014 jaia
2014-01-27 14:17 Euskerea berbagai
Bagilaren 15ean, Lapuebla de Labarcan izango da aurtengo Araba Euskaraz ikastola arabarren jai handia. Samaniegoko kultur etxean egin eben aurkezpen ofiziala, zapatuan, eta eguraldia lagun izan ez arren jente nahikotxu batu zan.
Hiru sari jasota Diederick Ebbinger-en 'Matterhorn' filma XI. Zinegoak jaialdiko irabazlea izan da
2014-01-27 12:59 Barriak
Matterhorn, Diederick Ebbinger-ena, da XI. Zinegoak, Gay, Lesbo Trans Nazinoarteko Zinemaldiko irabazle nabarmena, izan be hiru sari eskuratu ditu: Fikzinozko Luzemetrairik onena, Fikzinozko luzemetraiaren gidoirik onena (Ex aequo Tom à la ferme) eta, azkenik, Fikzinozko luzemetraian gizon-antzezpenik onena Ton Kas-entzat.
Mikel Mikeo eta Gaizka Sarasola egile nafarrek irabazi dabe Cafe Bar Bilbao 2013 antzerki gidoi laburren saria
2014-01-27 10:14 Kulturea
Mikel Martinez lehiaketearen sustatzaile eta aktoreak azaldu dauenez, edizino honetan aurrekoetan baino lan gehiago aurkeztu dira (16 lan euskeraz eta 27 gaztelaniaz). Gainera, aurkeztutako lanen maila literarioa azpimarratu dau.
Euskadiko Artxibo Historikoak ateak zabaldu ditu Bilbon
2014-01-24 10:02 kulturbiz
Euskadiko Artxibo Historikoa, Euskadiko kultur ondarea gordeteko eta zabaltzeko eraikina, atzo zabaldu dabe Bilbon. Iñigo Urkullu lehendakariak zabaltze ekitaldian esan ebanez, espazio edegia da Artxiboa, eta izan garenaren kontaera ulergarria egiten laguntzea da haren helburua, gaur egun eta etorkizunean zer egin behar dogun jakin daigun.
Bizkaiko 33 udalerrik D ereduaren aldeko informazino kanpainea abiarazo dabe
2014-01-23 17:26 Euskerea berbagai
Orain bost urte jarri zan martxan lehen aldiz D bitamina, Aberastu bere heziketa! egitasmoa, Bizkaiko hainbat udalerritan, eta aurten be, lurraldeko 18 udalerri eta bi mankomunidade alkarlanean ibili dira.
'Tormeseko itsumutila' animazinozko pelikulea aurkeztu dau Juanba Berasategik
2014-01-23 14:20 Barriak
Orixek 1929an egindako itzulpena dau oinarri Elkar etxeak aurkeztu barri dauen Tormeseko itsumutila DVDak. Juanba Berasategi zuzendaria bersino hori erabili dau animazinozko pelikulea egiteko. Gaztelaniaz eta ingelesez be produzidu dabe filma.
Bilboko Udaltegien ekinbidez martxan dago Expodistrito
2014-01-23 13:32 Kulturea
Expodistritok, Bilboko barrutietako Udaltegietan eskainiko dan aldi baterako erakusketa zikloak, oraintsu jarri dau martxan urteko lehen hiruhilekorako programea: argazki erakusketa bi, eskultura erakusketa bi eta hiru margo erakusketa, hain zuzen be.
Luis Gardek eta Karlos Linazasorok pema liburu bana kaleratu dabe
2014-01-23 11:40 Kulturea
Trenen abiadura liburua argitaratu dau Luis Garde iruindarrak, eta A zer lau elementu!, Karlos Linazasoro tolosarrak, batak helduentzako eta besteak umeentzako. Pamiela argitaletxeak kaleratu ditu behar biak.
Aingeru Gorrotxategi musikariak 'Bueltaka' diskoa aurkeztu dau
2014-01-23 11:03 Musikea
Bueltaka Aingeru Gorrotxategi folk kantautorearen hirugarren diskoa da. Aurretik Aingeruk Meinhattango k@ntuak (2008) eta Saguekin dantzan (2011) lanak argitaratu ditu bakarlari lez. Oraingoan be autoprodukzinora jo dau musikariak eta Elkar arduratu da diskoaren banaketaz.
Umorea bitarteko, genero ikuspegia azaleratuko da Bertso Egunean
2014-01-22 16:50 Bertsolaritzea
Azalera lelopean eta generoa gaitzat hartuta, Bertso Egunak berrogeita bosgarren edizinoa izango dau datorren zapatuan, hilaren 25ean. Danetara, 56 bertsolarik eta beste 9 kultur sortzailek zein taldek hartuko dabe parte goizetik gauera egingo diran hiru ekitaldi nagusietan.
Manu Legineche kazetari bizkaitarra hil da
2014-01-22 14:44 kulturbiz
Manu Leguineche kazetari bizkaitarra Madrilen hil da, 72 urte zituala gaixotasun luze baten ondorioz. Manu Leguineche arratzuarra zan, eta kazetaritzearen alor danak jorratu zituan: Bilboko Gran Via astekarian emon zituan bere lehenengo pausuak, eta El Norte de Castilla edota Television Españolaren barriemoilea izan da, besteak beste.
Zapatuan hasiko da urtean zehar 50 erakustaldi eta erromeria eskainiko dituan XIII. Dantza Plazetan egitaraua
2014-01-22 12:47 Kulturea
Helburua euskal folklore herrikoia bultzatzea da, erromeria herrikoiak, jantza emonaldiak eta kalejirak eskainiz bertako plaza eta kaleetan. Horretarako, uriko zazpi jantza talderen (Bihotz Alai Folklore Dantza Taldea, Deustuko Folklore Taldeak, Ondalan, Salbatzaile Dantza Taldea, Gaztedi Dantzari Taldea, Beti Jai Alai, Ibai Arte) eta Bizkaiko Dantzarien Biltzarraren laguntzino aktiboa jasoko dau.
The Sunday Market Bilbao azokea egingo da datorren domekan Bilboko Itsasadarra Itsas Museoan
2014-01-22 09:59 Kulturea
The Sunday Market Bilbao merkataritza azoka berezia egingo da barriro Bilbon datorren domekan, urtarrilaren 26an. Bilboko Itsasadarra Itsas Museoan, dekorazinoa, altzariak, retro elementuak, vintage erropea, eguzkitako betaurrekoak, cupcake, artisautzea, loreak, gastronomia, musikea eta beste hainbat kontzeptu izango dira salgai.
Lankidetza hitzarmena sinatu barri dabe Donostia Zinemaldiak, IBAIA alkarteak eta FIPAk
2014-01-22 09:59 Barriak
Donostia Zinemaldiak, IBAIA Ikus-entzunezkoen Euskal Ekoizle Burujabeen Elkarteak eta Miarritzeko FIPA Ikus-entzunezko Saioen Nazinoarteko Jaialdiak ikus-entzunezko industria sustatzeko lankidetza hitzarmena sinatu dabe Miarritzen bertan.
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...