Gizarteratze sasoia abiatu dau '.eus' domeinuak
2014-04-28 15:13
Aurrera doa .eus domeinua, daborduko hasi dabe erabilerea gizarteratzeko fasea. 90 aitzindari izango ditu .eus-ek, eta norbanako, alkarte, erakunde publiko edo enpresak izan daitekez. Proposamenak bialtzeko epea maiatzaren 30ean amaituko da, zapatuan Bilbon emondako prentsaurrekoan adierazo ebenez.
Joxan Artzek eta Bernardo Atxagak Espainiako Kritikearen Saria irabazi dabe
2014-04-28 14:00 sariak-autortzak
Joxan Artzek idatzitako heriotzaren ataria dugu bizitza eta Bizitzaren atea dukegu heriotza (Elkar) lanek poesia arloko Espainiako Kritikaren Saria jaso barri dabe, eta Bernardo Atxagaren Nevadako egunak (Pamiela) liburuak, narratibakoa. 2013an kaleratutako liburuen artean aukeratu ditu AECL Espainiako Literatur Kritikarien Alkarteak.
Aixerrota BHIko DBH 4 eta 2. Batxillergoko ikasleek diskoa grabau dabe
2014-04-25 16:28 Musikea
Aixerrota BHIko DBH 4 eta 2. Batxilergoko Musika arloko ikasleek disko bat grabau dabe. 2012-2013 ikasturtean, Munduko Bertsolaritza proiektua martxan jarri zan, Bertsolaritzearen laguntzaz, kantuak sortzea, hain zuzen be.
Bonbardaketearen 77. urteurrena gogoratuko dabe astegoienean Gernikan
2014-04-25 15:55
Orain 77 urte, 1937ko apirilaren 26an, Kondor Legioak Gernika bonbardeau eban. Astegoien honetan jazotakoa gogoratzeko, ez ahazteko, hainbat ekitaldi egingo ditue, besteak beste, Condor Legioak eragindako Gernikaren suntsipena erakusketea Astran eta Nevadako Unibersidadeko irakasle Xabier Irujoren Memorias de guerra liburuaren aurkezpena.
Naia del Castillok urpeko emakumeen irudietan oinarritutako argazki eta eskulturak batu ditu 'Fluxuak' erakusketan
2014-04-25 15:40 Kulturea
Naia del Castillo artista bilbotarra dogu Bilbao Artek aurten antolatu dauen produkzino propioko bigarren erakusketako protagonista. Fluxuak izenburupean, emakumearen inguruko lan eskultoriko eta fotografikoak batu ditu, 2013an Bilbao Arteko egonaldian egindako lanaren emoitza moduan, aurten lehenengo aldiz aurkeztuko dituan beste lan batzuekaz batera.
Atzerrian Euskerea eta Euskal Kulturea Erakusteko Prestakuntza Ikastaroa garagarrilean egingo da Donostian
2014-04-25 12:30 Euskerea berbagai
Etxepare Euskal Institutuak Atzerriko Unibersidadeetan Euskerea eta Euskal Kulturea Erakusteko Prestakuntza Ikastaroa (Excellence in Basque Studies IV) antolatu dau aurten be, Euskal Herriko Unibersidadeko (EHU) Udako Ikastaroakaz lankidetzan, Donostiako Miramar jauregian garagarrilaren 7tik 9ra bitartean.
Ama Lurraren Nazinoarteko Eguna astegoienean ospatuko dabe Busturian
2014-04-25 10:56
Euskadiko Biodibertsitate Zentroak tailer, ibilaldi eta dokumentalen emonaldiak antolatu ditu zapatu-domekan Ama Lurraren Nazioarteko Eguna ospatzeko. Aurtengo edizinoaren helburua eguneroko bizitzan egin behar diran aldaketak nabarmentzea da.
Enpresentzako Microsoft Office 365 euskeraz eskuragarri dago
2014-04-25 10:53
Enpresei zuzenduriko Microsoft Office 365 euskeraz, katalanez eta galizieraz eskuragarri dago honezkero, eta zabaltze honi esker, dagoeneko 131 merkatutan dagoan Microsoften produktua 43 hizkuntzatan dago mundu osoan.
'Gorakada 25 urte' erakusketea ikusgai Arrigorriagako XIX. Clown Jaialdian
2014-04-24 18:15 Kulturea
Maiatzaren 9, 10 eta 11an izango dan Arrigorriagako Nazinoarteko XIX. Clown eta Pailazoen Jaialdiaren egitarauari aurrea hartuko deutso, datorren apirilaren 28tik hasita jaialdia amaitu bitartean, Gorakada antzerki taldearen istorioa laburbatzen dauen erakusketeak: Gorakada 25 urte (1987-2012).
Josetxo Azkonak 'Galdeak eta baleak' poema liburua kaleratu dau
2014-04-24 15:03 Kulturea
Galdera eta gogoetakaz osotu dau Josetxo Azkonak Galdeak eta baleak (Pamiela) lana. Mueta askotako itaunak egin ditu, baina ez dau erantzunik emon, hori irakurlearen esku dago. Xabier Leteri eskainitako hiru olerki be idatzi ditu.
'Ostiral astronomikoa' egingo dabe hilaren 25ean, Donostian
2014-04-24 11:14
Aranzadi Zientzia Elkarteko Astronomia sailak urteko laugarren Ostiral astronomikoa egingo dau barikuan, apirilaren 25ean, Zorroagako egoitzan, Donostian. Saioa 19:30ean hasiko da. Hurreratzen diranek Marteko erretrogradazino buklea ikusiko dabe.
Bilboko eraikin berezienetako batzuk ezagutzeko aukerea dago bisita gidatuen programeagaz
2014-04-23 18:27
Bilboko Udaleko Kultura eta Hezkuntza Sailak bertako historia sakonago ezagutzeko aukerea eskaini nahi deutse barriro be bilbotar guztiei, maiatzean, bagilean eta irailean Miserikordia Etxea, zezen-plazea eta Basurtuko Ospitalea ezagutzeko antolatuko dituan dobako bisita gidatuen programearen bitartez.
Guggenheim Bilbao Museoak kalera eroango dau Ernesto Netoren erakusketea, Bilbobusegaz alkarlanean
2014-04-23 15:51 Kulturea
Guggenheim Bilbao Museoak Ernesto Neto: naraman gorputza erakusketearen esperientzia Bilboko kaleetara eroango dau Bilbobusi esker, eguazten honetatik, apirilaren 23tik, maiatzaren 4ra bitartean. Iberdrolak babestu dau erakusketea.
Uxue Agirre bilbotarra eta Elena Fernandez barakaldarra, VI. BizkaIdatz sariko irabazleak
2014-04-23 14:43 sariak-autortzak
BizkaIdatz literatura-sarien seigarren edizinoko irabazleen barri emon dau Bizkaiko Diputazinoak, Liburuaren Nazioarteko Egunean. Euskerazko kategorian Uxue Agirre Madariaga bilbotarrak lortu dau saria, eta gaztelaniazkoan, Barakaldoko Elena Fernandez Alonsok. Irabazleek 1.500na euro jasoko ditue.
Bilboko Arte Eder Museoko Liburutegiak 20 liburu askatuko ditu Bilbo, Berango, Basauri, Gurutzeta eta Durangon
2014-04-23 14:08
Liburu guztiak behar bezela etiketauta egongo dira eta irakurleek kanpainan zelan parte hartu leikien jakiteko beharrezkoak diran argibideak ditue www.bookcrossing-spain.com webgunean. Bertan, irakurleek liburu bakotxa non askatuko daben esan leikie.
Apirilaren 23an, Liburuaren Nazinoarteko Egunean, UEUren liburuak erdi prezioan eskuratu ahal izango dira
2014-04-23 12:45
Apirilaren 23an, Liburuaren Nazinoarteko Eguna ospatuko da eta horren harian, Udako Euskal Unibersidadeak (UEU) eskaintza berezia dakar, izan be, bere liburuak % 50eko beherapenagaz erosi ahal izango dira www.ueu.org dendan.
'Irakurri, Gozatu eta Oparitu' egitasmoaren zortzigarren edizinoa abian da
2014-04-23 11:24 Kulturea
Euskaltzaleen Topaguneak Irakurri, Gozatu eta Oparitu egitasmoaren zortzigarren edizinoa ipini dau martxan gaur, Liburuaren Nazinoarteko Egunean, hainbat euskera alkarte, udal, liburutegi eta liburu dendagaz batera. Aurten 42 herritara zabaldu dabe ekimena.
Kirmen Uribek Albanian aurkeztuko dau bere Bilbao-New York-Bilbao
2014-04-23 10:58 Kulturea
Kirmen Uribek Tiranako Nazinoarteko Liburu eta Arteeen Jaialdian hartuko dau parte datorren eguenean, hilak 24. Bashkim Serhuk albanierara egindako itzulpena aurkeztuko dau bertan, Prec Zogaj eta Ylljet Alicka idazleek lagunduta.
Bilbok literaturan eta zineman dauen presentzia ardatz Liburuaren Egunean
2014-04-22 17:30 kulturbiz
Apirilaren 23an izango dan Liburuaren Egunagaz bat eginez, aurten, Bilbok literaturan dauen presentziaren ganean gogoetea egiteko aukerea erraztu nahi da Bidabarrietako udal liburutegian antolatuko diran berbaldi bategaz eta erakusketa bategaz.
Lore-sortadun damea ikusgai asteon Bilboko Berreginen Museoko 'Artelana bere testuinguruan' zikloaren barruan
2014-04-22 14:50 Kulturea
Lore-sortadun damea XV. mendeko erretratu iraultzaileenetako bat izan zan. Eskultura erabat barritzailea da, ez dalako bular inguruan mozten, garai haretako ganerako erretratuetan ohikoa zan lez, eta, horrezaz gan, erretratuan agertzen dan emakumearen eskuak be irudikatzen ditualako. Hori ez da bape arrunta holako lanetan, XV. mendean zein geroagoko garaietan.
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...