Bilboko Udalak laguntzinoa emon deutso Bilbon errodau eta zine aretoetara zemendiaren 12an helduko dan 'Bon appetit' filmari
2010-11-04 12:07 Barriak
Bon appetit filmaren aurre-estreinaldia datorren zapatuan, zemendiak 6, izango da Bilbon, eta bertan egongo da protagonista nagusia, Unax Ugalde antzezle euskalduna.
Uberan.org, berbak berbagai izango dituan ataria
2010-11-04 10:52
Uxue Alberdi eta Oier Guillan idazle eta kazetariek Hitzen uberan webgunea sortu dabe. Literaturea izango dau berbagai atari barriak, sortzaileen esanetan, 'liburuetan ez eze, literaturea erakusketatan, berbaldietan, kantetan, errezitaldietan, iragarkietan, telesailetan eta beste mila lekutan be' badago. Leku horreetara ailegetako amesa daukie www.uberan.org helbidean.
DAR taldeak 'Unas pocas monedas' CD barria aurkeztu dau Bilbon
2010-11-03 17:18 Musikea
Disko honetan estilo aniztasuna dago, bai musikearen aldetik, izan be, rock, punk, ska edo hardcore doinuak jorratzen dituelako, bai hitzen aldetik, askotariko gaiak lantzen dituelako.
Euren azal edota edukiarengaitik zentsurautako nazinoarteko diskoen erakusketea Bilbon
2010-11-03 13:27 Musikea
V. Zentsuraren kontrako jaialdiaren barruan egiten da ekitaldi hau
Euren azal edota edukiarengaitik zentsurautako nazinoarteko diskoen erakusketea zemendiaren 18ra arte ikusi ahal izango da, astelehenetik barikura, 9:00etatik 20:30etara.
Hamabost izar nire menuan
2010-11-02 14:43 Bidaide
Amaitu barri dan Expo Unibersalak marka guztiak hausi eta danak itxi ditu pozik: handiena izan da (5,28 kilometro koadro), karuena (43.000 miloe euro exporako beren-beregi egindako azpiegiturak be kontuan hartu), parte-hartzaile gehien izan dituana (246) eta bisitari gehien erakarri dituana (73 miloe baino gehiago).
Saltsa-maltsa horretan, Bilbok hasieran pentsetan zana baino arrakasta handiagoa lortu dau, izan be, 1,2 miloe txinatar baino gehiagok bisitau dabe uriaren gunea (bostehuen mila kagun espero zituen) eta hori guztia, aurrikusitakoa baino gitxiago gastatuta (2,25 miloe euro gastau dira, eta 2,5 miloe zan aurrikusitakoa). Horrezaz gan, Iñaki Azkuna Bilboko alkatea izan da Exporen amaiera ekitaldirako konbidapena jaso dauen Europako alkate bakarrra. Aitatu ekitaldi horretan, munduko goi agintariakaz batera izna da Azkuna jn.a, besteak beste, Txinako lehen ministro Wen Jiabao eta Nazio Batuen Erakundeko idazkari nagusi Ban Ki-Moon.
Miren Amurizak sekulako nagusitasuna erakutsi dau Bizkaiko azken-aurreko kanporaketan
2010-11-02 09:37 Bertsolaritzea
Ia 600 bertsozaleren aurrean, Igorreko polikiroldegian izan zan hitzordua pasa dan domekan eta Miren Amuriza berriztarrak 446,5 puntu jaso zituan, bigarren sailkatu Peioo Ormazabalek (392) baino 54'5 puntu gehiago eta oraintsu Mungiako saioan Oihana Bartrak ataratakoak baino 34 puntu gehiago.
Alberto Etxebarrieta moda diseinatzailearen instalazino baten estreinaldiagaz eta bideo-jantza erakusketeagaz abiatu da XII. BAD
2010-10-29 16:37 jardunaldiak
Danetara, 24 konpainiak hartuko dabe parte BAD-en edizino barrian. Bertan aurkeztuko diran ikuskizunen artean, 8 erabateko estreinaldiak izango dira, eta beste 12, ikus-entzuleek Euskadin edo Estaduan lehenengo aldiz ikusi ahal izango dituen ikuskizunak.
Guztiz lortu ezin dan utopia, Asel Luzarragaren nobela barrian
2010-10-29 15:44 Kulturea
Itzaletik argirako bidea egiten dau pertsonaia nagusiak Utopiaren itzalak eleberrian, baina idazleak berak azpimarratu dauenez, 'protagonistak itzaletik argirako bidea egiten dau, baina argiuneetan be, itzala ez da guztiz desagertzen'. Utopia ezin dala erabat lortu nabarmendu gura dau holan.
Kepa Acero: 'Uretatik kanpo be, esperientzia zoragarriak bizi izan dodaz'
2010-10-29 15:39 Barriketan
Surflaria
Eutsi Gogor! eskolako kirol esparruan euskerearen erabilerea sustatzeko kanpainea aurkeztu dabe
2010-10-29 15:31 Euskerea berbagai
Alkarbidek, Bizkaiko euskera zerbitzuen bilguneak koordinau, Bizkaiko Foru Aldundiak babestu eta BBK-k diruz lagundutako egitasmo honen helburu nagusia da euskerearen erabilerea sustatzea eskolako kirol alorrean.
Ertzeko zatiak Jon Sarasuaren liburua plazan dago
2010-10-28 17:49 Kulturea
Asteon plazaratu dau Argiak Jon Sarasuaren Ertzeko Zatiak gogoeta liburua. Azken urteetan Hego Ameriketara egindako bidaietan batutako pentsamendu eta anekdotakaz osotu dau Jonek liburu hau.
AlhondigaBilbaok 'Alhóndigaren sekretua' liburua aurkeztu dau
2010-10-28 14:58 kulturbiz
Liburuan, zenbait komikigile ospetsuk Kultura, Aisialdi eta Ariketa Fisikoko Zentro barriari buruzko ikuspegia islatu dabe istorioen bitartez. Argitalpenak eraikinaren eta inguruaren arkitektureari eta espirituari buruz egileek dituen ikuspegien istoriotxoak jasoten ditu. Danetara, 100 orrialdetan, liburuak AlhóndigaBilbaoren funtsa marrazki original eta koloretsu bihurtzen dau, marrazkilarien ikuspegi eta trazuen bitartez.
Aitor Gonzalez gernikarrak irabazi dau 2010eko Gazte Bidaia Argazki Lehiaketea
2010-10-28 11:38
Aitor Gonzalez Barinagarrementeriak (Gernika, 1978) aurkeztutako Euskal Herria ezagutuz argazkiak irabazi dau Bermeoko Gazteentzako Informazino Zerbitzuak (GIZ) seigarren urtez antolatutako Gazte Bidaia Argazki Lehiaketea. Irudi irabazlea aurtengo udan hartutakoa da, Gaztelugatxeko San Juanen (Euskadi).
Zeanuritik Ubidera oinez, gizalditik gorako ituna berresteko
2010-10-28 10:47
Larreen Mankomunidadearen IV Zeharkaldia zemendiaren 6an izango da
Zemendiaren 6an, zapatuan, egingo dabe urteroko Larren Mankomunidadearen batzarra Zeanuriko eta Ubideko Udalek, eta, bide batez, Zeanuri-Ubide Larreen Mankomunidadearen IV. Zeharkaldia egiteko aukerea eskainiko dabe Ubideko Amexier eta Ortuzar eta Zeanuriko Ipizki eta Joko Alai alkarteek, udalerri bietako Udalen, Gorbeialde Landa Garapenerako Alkartearen eta BBKren laguntzeagaz.
Aiora Renteria: 'disko barrian, funtzionetan daben kantak sartu doguz, gure estiloagaz bat datozan horrenbeste begiratu barik'
2010-10-25 12:18 Barriketan
Zea Mays taldeko abeslaria
'Istorio txikiak, mundu handiak' Bilbon Ibaizabal argitaletxearen eskutik
2010-10-21 15:49 Kulturea
Ibaizabal argitaletxeak 'Istorio txikiak, mundu handiak' haur eta gazte literaturari buruzko jardunaldiak antolatu ditu, 20. mendeurrenaren ekitaldien barruan. Gaurtik, hilak 21, zapatura bitartean, familia osoarentzako jarduerak, berbaldiak, gazteentzako zinema, topaketak eta lantegiak izango dira Bilboko Alhondigan.
'Zuzen-Zuzenean', gure musikea zure aretoan
2010-10-20 18:35 Musikea
Eusko Jaurlaritzako Kultura Sailak Kultura Live zuzeneko musika areto pribatuen alkarteagaz alkarlanean Zuzen-Zuzenean ekimenaren bigarren edizinoa jarri dau martxan, udagoien honetan areto pribatuetan euskal taldeen 50 bat kontzertu eskainiko dituan musika zirkuito berezia.
Badator EH Sona
2010-10-20 13:08 Musikea
EH Sona, Bartzelonako euskal musika jaialdiak aurten hamahiru urte beteten ditu Bartzelonako Euskal Etxearen eskutik.
Txuma Murugarrenek 'B aldeko kantuak' diskoa aurkeztu dau
2010-10-19 18:25 Musikea
Diskoa egiteko orduan, 60-70eko hamarkadetako singleak izan dodaz buruan. B aldeak beti gustau izan jataz gehiago A aldeak baino, hit baten arrakastearen azpian ahaztuta gelditzen diran kantu minberati eta ahulak, horreek maite nituan gehien, eta uste dot bide horretatik joan dirala nire kantuak, B aldeko kantu arrakasta bako horreekaz zerikusi handia daukie.
'Hiri gorritik' izeneko poema-liburua kaleratu dau Serranok
2010-10-19 15:22 Kulturea
Uria da Asier Serranoren eremu naturala. Giro ustela darion uri kaotikoa ezagutzen dau, bertan bizi dan gizaki galtzaileak beste. Halanda be, autortzen dau biharamun hobe baten esperoan dagoala. Filosofia horri eutsita, Hiri gorritik izeneko poema-liburua kaleratu barri dau Serranok.