Kaotikok kalean dauka Bilboko Aste Nagusian grabautako 'X' zuzeneko lana
2011-12-01 17:38 Musikea
Kaotiko taldeak zazpigarren diskoa plazaratu dau, X zuzeneko lana, Baga-biga diskoetxeagaz. Aurtengo Bilboko Aste Nagusian grabau eben diskoa, abuztuaren 24an. Orain arte argitaratutako disko guztietatik abesti esanguratsuenak batu ditue, 28 kanta danetara.
Justuri irrati egitasmo barria aurkeztu dau Uribe Kostako euskalgintzeak
2011-12-01 17:37
Irrati barria multimedia, parte-hartzailea, euskaldun eta tokikoa izango da, komunidadeari zerbitzu publikoa emon eta Euskal Herriko beste irratiakaz alkarlanean ibiliko dana. Oraingoz honako eragileek osotu dabe talde sustatzailea: Berbalamiñe Leioako euskara alkartea, Betiko ikastolea, Bizarra Lepoan Getxoko euskera alkartea, Erandion Euskaraz Berbots!, Koska irratia, UK aldizkaria eta Ukberri.net.
'Udaberririk ankerrena' komikian gerra eta gerra osteko kontuak jorratu ditu Unai Iturriagak
2011-12-01 14:53 Kulturea
Unai Iturriagaren gidoiagaz eta Alex San Vicenteren marrazkiakaz Elkarrek argitaratu dau lana. Memoria historikoa berreskuratzea helburu dauen Durango 1936 kultur elkarteak komikia aukeratu dau Gerra Zibilaren memoria historikoa gordetzearen garrantzia gazteei helarazoteko bitarteko moduan.
Xabik eta Pettik rock´n´roll zaharraren doinuz atondu dabe diskoa barria
2011-12-01 14:53 Musikea
Aspaldi ezagutu arren, eta hamaika bider alkarregaz zeozer egin behar dabela esan ostean, Xabik eta Pettik lortu dabe bat egitea. Bilbon aurkeztu dabe zortzi kantako Xabi ta Petti diskoa, Gaztelupeko Hotsak. Abenduaren 5ean Durangoo Azokan izango dira, Ahotsenean. Ostean, diskoa aurkezteari ekingo deutse. Taberna, areto zein estadioak beteteko prest gagoz, esan dau umoretsu Xabik.
Nerea Mujikak emozino handiz jaso dau Lauaxeta Saria 2011
2011-12-01 14:39 sariak-autortzak
Garai gogorrak dira gaur egungoak, halan be haize freskoa sasoia da guretzat. Eta hasierakoen izaerea galdu barik, erronka barriei bildur barik eta ausart ekiteko asmoz gagoz, esanez, eta Bizkaiko Foru Aldundiari eskerrak emonez jaso dau Nerea Mujika Gerediaga alkarteko buruak Lauaxeta Saria. Ekitaldia Foru Jauregian izan da.
Mungiako Izenaduba Basoan, Olentzeroren etxean aurkeztu dabe 'Olentzero eta iratxoen jauntxoa' filma
2011-12-01 12:17 Barriak
'Olentzero eta iratxoen jauntxoa' filmaren aurre-estreinaldia gaur, hilak 1, egingo da Mungiako Olalde Aretoan, 19:30ean eta bihar, hilak 2, Baleukoren film barriaren estreinaldia izango da zinema-aretoetan.
Gaudík badauka lehiakidea Vietnamen
2011-11-30 17:30 Bidaide
Hor dagoz sinistu ez egiteko moduko forma organikoak, muturrera eroandako neogotikoaren xehetasunak, eta zentzu bako espazioak: pasabide klaustrofobiko bat eta gela itzel bat. Bai, Antonio Gaudíren lan bat izan daiteke; nahiz eta Crazy House (etxe zoroa) honetako elementu batzuk Salvador Dalíren erloju bigunen antza handiagoa dauken.
Click panpinez egindako 'Troia' erakusketea edegi dabe Bilboko Berreginen Museoan
2011-11-30 14:53 Kulturea
Playmobilen click-ez egindako Troia erakusketea edegi barri dabe Bilboko Arte Berreginen Museoan. Erakusketea umeei zuzenduta dago batez be, eta urtarrilaren 8ra arte egongo da zabalik, euron Gabonateko oporrekaz bat eginez. 10.000 pieza inguru erabili ditu Berreginen Museoak Troiako Gerrako ziklo epiko handiaren lau une azaltzeko.
'Azaletatik sustraietara', euskal musikagintzearen 50 urteko ibilbidea azalez azal
2011-11-30 14:01 Musikea
Azaletatik sustraietara. Euskal musikaren azalak 1960-2010 liburuak 60ko hamarkadan hasi eta gaur egunera arteko bidaia musikala eskaintzen deusku, urteotan euskal musikagintzeak sortu dituen diskoen azalez azale. 600 bat azaletan laburtu ditue azkenengo 50 urteak, Xabier Letegaz edo Mikel Laboagaz abiatu, eta Zea Mays edo Gosegaz amaitu.
Amaia Iturbide, Juan Modesto Arrieta eta Eneko Aizpuruaren liburuak kaleratu ditu Ereinek
2011-11-29 17:18 Kulturea
Hiru liburu argitaratu barri ditu Erein etxeak, Amaia Iturbideren Eszenatokietako aztarnak hasten direnean, Juan Modesto Arrietaren Izen bereziak eta Eneko Aizpuruaren Errauts.
Esperimentazinotik abiatutako 'Mara-mara' diskoa aurkeztu dabe Igor Arzuagak eta Luis Vilek
2011-11-29 14:19 Musikea
Estudioan sartu barik laborategian sartu dira Igor Arzuaga eta Luis Vil musikariak Mara-mara (Gaztelupeko hotsak) sortzeko. Abestiak Arzuagak berak sortu ditu, baina Vilek egin ditu moldaketa guztiak. Bilbon egin dabe aurkezpen-prentsaurrekoa, eta laster eskainiko dabe jentaurrean, Durangoko Azokan, hain zuzen be, Ahotsenean, abenduaren 4an.
Ainhoa Arregi bilbotarrak irabazi dau Euskal Herriko Hitz Gurutzatuen V. Txapelketea
2011-11-29 13:21 Euskerea berbagai
Ainhoa Arregi bilbotarra, nagusitu zan finalean, akatsik bako lana egin ostean. Haren ondotik sailkatu ziran Ibon Zaldua donostiarra, Xabier Azkue zumaiarra eta Txipi Ormaetxea arrasaterra, lehiaketa ederra egin ostean.
'1512 Euskal lurraldeak eta nafar Estatua' artikulu bildumea plazaratu dau Txertoa argitaletxeak
2011-11-29 10:19 kulturbiz
1512 Euskal lurraldeak eta nafar Estatua kaleratu dau Txertoa etxeak, Euskal Herriko Historialarien II. Biltzarreko txosten eta komunikazinoa guztiak jasoten dituan lana. Iruñean egin eben aurkezpena Joseba Asiron Historian doktore eta Euskal Herriko Historialarien II. Biltzarreko zuzendariak, Angel Rekalde Nabarraldeko buruak eta Martin Anso Txertoako editoreak.
Suabe hasi eta eztanda egiten daben kantuak, Antton taldearen lehenengo diskoan
2011-11-28 14:50 Musikea
Kontraesan ugariko lana plazaratu dabe bizkaitarrek, izenetik hasita. Izan be, Antton Uriarte taldeko gitarrajolea eta abeslaria da, lehenago bakarlari ibilitakoa Antton izenagaz. Halandabe, talde osoarentzako Antton izenari eustea erabagi dabe, berez bost lagun diran arren, ezelako hierarkia barik.
Badator Euskerearen Nazinoarteko Eguna
2011-11-28 14:42 Euskerea berbagai
Azken urteotan, Bizkaiko udalerri gehienetan makina bat ekintza antolatu dira Euskerearen egunari lotuta; hori dala eta, Bizkaiko Foru Aldundiak lurralde mailako ikuspegia emon gura izan deutso egunari eta, aurten be, ekitaldi horreek guztiak josteko asmoz, Euskerearen Eguna iragarteko kartela jarri dau Bizkaiko euskera zerbitzu guztien esku eta ekimenon agenda bizkaia.net atarian argitaratuko dau.
Bermeon 2010ean jaiotakoen liburua aurkeztu dabe
2011-11-28 13:27 Euskerea berbagai
Gure txikirrikirrintxuek trankil egon daitekez, seguru nago zuek gurasoek, umearen belarri zein bihotzak euskerearen bitartez laztantzen jarraituko dozuezala. Halantxe egin dozue bermeotarrok historian zehar. Ez dozue orain atzera egingo ezta? Modu sinple eta gozo honetan bizirik iraun dau euskereak orain artean milaka urteetan eta halantxe jarraituko dau zeuei esker.
'Euskal Gramatika. Lehen Urratsak – VII (Perpaus jokatugabeak)' lana aurkeztu dau Euskaltzaindiak
2011-11-25 15:39 Euskerea berbagai
Euskal Gramatika. Lehen Urratsak – VII (Perpaus jokatugabeak) liburukia Euskaltzaindiaren Gramatika batzordeak egin dauen lanaren emoitzea da eta amaierea emoten deutso Euskal Gramatika. Lehen Urratsak izeneko bildumeari.
Trikitixea eta pop musikea bat eginda, Gaizka Peñafielen lan barrian
2011-11-25 14:48 Musikea
Lagunartean izenburuko diskoa kaleratu dau Txorierriko musikari gazteak, publiko guztiei zuzendutako doinu fresko eta heterogeneoz osotua. Kantak idatzi, abestu eta trikitixea jo, danetarik egiten dau lan honetan Gaizka Peñafielek, baina kolaborazino ugari euki ditu, Kepa Junkera eta Xabi Solanorena tartean.
Governors % 100, 'Collage' disko barrian
2011-11-24 14:51 Musikea
Arrasateko taldeak hirugarren diskoa aurkeztu dau, bederatzi abestiko Collage indartsua. Mauka etxeagaz kaleratu dabe lan barria. Laster entzungo doguz abesti barriak zuzenean, izan be abenduaren 3an, Durangoko Plateruena kafe antzokian joko dabe. Hirugarren lan honetan Governors taldea ehuneko ehun topauko dogula azpimarratu da J. Sang abeslariak, 'Collage' Governors da, %100, ñabardura batzukaz.
Erritmoa eta umorea bat eginda datoz, Ze esatek! taldearen lan barrian
2011-11-24 14:50 Musikea
Rock&Ron izena ipini deutsie CD eta DVDari, estilo biziak eta Kubako bizipenek bat egiten dabe-eta. Izan be, CDko hamalau abestietan betiko esentzia dantzazalea mantendu dau taldeak eta DVDan, barriz, Kubara egindako bidaia jaso dabe, dokumental baten.