Asier Altunaren 'Amama' filma Donostiako Zinemaldiko sail ofizialean egongo da
2015-07-23 13:43 Barriak
Euskeraz egindako zinemagintzeak albiste ona jaso dau gaur Madrilen: Aurtengo Donostiako Zinemaldian egongo diran zinegile espainiarren aurkezpenean, 'Amama' filmak sail ofizialean lekua eukiko dauela aurreratu dabe. Asier Altunak aurten bertan, udabarrian, estreinau dau film hori.
Astelehenean hasiko dira 'Argi' filma grabetan, Elorrion
2015-07-17 13:35 Barriak
Crowdfunding, jaialdi eta bestelako ekimenen bidez herritarren babesa jaso dau Argi film luzea egiteko proiektuak. Behin aurretiko prestaketa lan guztiak eginda, astelehenean ekingo deutsie grabazinoari. Herri guztian jardungo dira Iratxe Mediavilla zuzendaria, haren lantaldea eta aktoreak, gitxi gorabehera hiru aste eukiko dituan grabazinoan. Izan be, lokalizazino guztiak Elorrion bertan dagoz.
'Euskaraz bizi nahi dut' film labur lehiaketearen epai-mahaia osotu da
2015-07-13 16:03 Barriak
Kontseiluak Donostia Zinemaldiaren kolaborazinoagaz antolatutako Euskaraz bizi nahi dut film labur lehiaketearen laugarren edizinoak dagoeneko badauka epai-mahaia. Donostia Zinemaldiko zuzendaritzako kide Maialen Beloki eta Kontseiluko idazkari nagusi Paul Bilbaogaz batera Jon Garaño zuzendari, gidoilari eta produktoreak osotuko dabe aurten epai-mahaia.
Omar Xarif aktorea joan jaku astegoienean
2015-07-13 11:23 Barriak
Bihotzekoak jota hil da Omar Xarif (Egipto, 1932) 83 urte zituala. Alejandrían jaio zan 1932, Michel Demitri Chalhoub izenagaz eta 1954. urtean hasi zan zinema munduan, Shaytan al-Sahra izeneko filman. Hurrengo urtean Youssef Chahine lagun egipziarragaz lan egin eban Canneseko zinemaldira eroan eben Siraa Fil-Wadi filman. Aitagarria sei bat urteko tartean 18 filmetan parte hartu ebala.
Borja Cobeagaren 'Negociador' filmaren kaleko emonaldia Bilboko Olabeaga auzoan
2015-06-26 11:09 Barriak
Kultura Sailak Negociador (2014, 80 min) filma eskainiko dau gaur, barikua, bagilak 26, Bilboko Olabeagako Udaltegian, Borja Cobeaga filmaren zuzendariagaz eta Ramon Barea antzezle protagonistearen presentziagaz. Gaueko 22:00etan hasiko dan aire zabaleko proiekzinoak aurkezpena eta amaitu ondorengo barriketalditxua izango ditu.
Zazpi film labur, Bilbo filmazinorako gune lez sustatzeko
2015-06-24 18:43 Barriak
Film laburren egileak zazpi zinemagile bilbotar –berton jaiotakoak edo bilbotartuak– izango dira, Pedro Olea, Javier Rebollo, Enrique Urbizu, Mikel Rueda, Luis Marías, Imanol Uribe eta Alaitz Arenzanak eta María Ibarretxek osotzen daben Sra. Polaroiska taldea.
XIII. Surfilmfestibal Donostian, bagilaren 24tik 28ra
2015-06-22 18:26 Barriak
La Primera Ola (Pedro Temboury) filmaren mundu mailako estreinaldia izango da Donostian eta surfak Espainian izan eban hasierea dau ardatz; nor dira gure benetako aitzindariak? Edizino honetan, omenaldi berezia eskainiko jake jatorriari eta ondorengo belaunaldiei estreinaldi handi honegaz.
'Dena ez da futbola' film laburra Kurkuluxetan alkartearen eskutik
2015-06-16 18:12 Barriak
Kurkuluxetan genero bardintasuna eta adiskidetasunari buruzko film bat grabetan hasiko da. Bertan agertuko diran artistak umeak izango dira, eta eszenak Euskal Herrian, Arratian hain zuzen, eta Venezuelako Coro herrian grabauko ditue datozen hileotan.
Christopher Lee aktorea hil da, 93 urte zituala
2015-06-12 11:54 Barriak
Drakularen papelean oso ezaguna egin zan, baina beste pelikula askotan lan egin eban, 300 baino gehiagotan. 1947an ekin eutson aktore lanari Terence Young zuzendariaren La extraña cita filman; hortik aurrera, besteak beste, Dooku kontea izan zan Stars Wars saga ospetsuan eta Saruman, barriz, Eraztunen jauna filman.
'Zailtasun handienak dituen aretoek pelikulak emoten jarraitu ahal izatea bermatu behar dogu'
2015-06-11 17:20 Barriak
Zineuskadik 160.000 €-ko diru-laguntzinoa bideratu dau zinema-aretoentzat. Diru-laguntzino horregaz areto txikiei lagundu nahi jake gehienbat; hori dala-eta, diru-laguntzino osoaren zati bat, 125.000 € hain zuzen, gehienez 3 pantaila dituen aretoei bideratuko jake. Zailtasun handienak dituen aretoek pelikulak emoten jarraitu ahal izatea eta zinemea herritarrei hurreratzea dira helburuak.
Aukeratu ditue Kimuak 2015eko katalogoa osotuko daben 7 film laburrak
2015-06-09 15:25 Barriak
Kimuak 2015 katalogoa honako film laburrek osotzen dabe: David Gonzálezen 5 segundos, Lander Camareroren A revenge story, Tucker Dávila Wooden Duellum, Mikel Gurrearen Foxes, Aitor Oñederraren I said I would never talk about politics, George Todriaren Lost village eta Iñigo Salaberriaren Luz a la deriva.
XIII. Caostica, Nazioarteko Bideoklip eta Film Labur Jaialdia Bilbon bagilaren 3tik 8ra
2015-06-03 14:08 Barriak
Aurreko urteetako erantzun onari eutsiz, danetara, 650 lan jaso ditue aurten Caosticaren antolatzaileek eta horreetatik 51 izango dira lehian, besteak beste, Koldo Almandozen Darwinismo, Ibon Belandiaren Psycho eta Joseba Elortzaren Zerbait asmatuko dugu.
Unai Aranzadiren 'Jambo Amani?' dokumentalak nazinoarteko laugarren saria jaso dau
2015-05-28 14:55 Barriak
Unai Aranzadi getxotarrak, Getxoko Udalaren sentsibilizazino eta garapenerako heziketako deialdiaren barruko diru-laguntzinoagaz eta Unesco Etxearen kolaborazinoagaz egindako Jambo Amani? dokumentalak beste sari bat lortu barri dau. Oraingoan FINI, Mexikoko Irudiaren Nazinoarteko Jaialdiaren maila profesionaleko bideo-dokumentalaren lehenengo saria eskuratu dau.
'El Batallón Gernika' dokumentala irailaren 15ean estreinauko dabe
2015-05-28 11:02 Barriak
El Batallón Gernika dokumentalaren grabazinoa dala eta, 50 antzezlek eta figurantek baino gehiagok gaur arte inoiz egin ez dan jazoera historikoen berreraiketea egin dabe Frantzian, Capbretonen, Labenneko kostaldean, atzo, hilak 27, Cota 40 izeneko ingurunean.
Jacques Audiarden 'Dheepan' pelikuleak irabazi dau Urrezko Palmea Cannesen
2015-05-25 14:50 Barriak
Audiard zinemagile frantsesaren Dheepan beharrak, Pariseko aldaurian, biolentzia handiko inguruan girotutako maitasunezko istorioa da. Laszlo Nemes hungariarraren Saul fia lanak jaso dau Cannesko Jaialdiko Epaimahaiaren Sari Nagusia, eta Zuzendari Onenaren saria Hou Hsiao-Hsien taiwandarrak irabazi dau, The Assassin beharragaitik.
FANT 2015ek 8.891 ikus-entzulegaz zarratu dau 21. edizinoa, igaz baino % 20 ikus-entzule gehiago
2015-05-20 14:46 Barriak
Bilboko Fantasiazko Zinemaldia – FANTek, 8.891 ikus-entzulegaz zarratu dau 21. edizinoa, hau da, 2014an baino % 20 ikus-entzule gehiago (7.429 ikus-entzule) eta 2013ko edizinoan baino ia % 40 gehiago (4.938 ikus-entzule).
Hans Petter Molanden 'In order of disappearence' lanak irabazi dau 21. FANT jaialdia
2015-05-15 15:18 Barriak
FANT fantasiazko zinema jaialdiaren epaimahaiak In orden of disappearence pelikulea aukeratu dau, thrilerraren mundua eremu irrealera eroategaitik, umore baltz dosi handiekaz. Aina Clotet eta Dominique Pinon aktoreek eta Carlos Marañon zinema-kazetariak osotu dabe 21. ediziniko epaimahaia. Euskal film labur onenari saria Viaje a pies Khris Cemberen beharrarentzat izan da. Gaur bertan, Bilbon, BBK Salan egingo dabe sari-emotea, 20:00etan.
Gaur hasiko da 68. Cannesko Zinema Jaialdia, lehiaz kanpo erakutsiko daben 'La tête haute' filmagaz
2015-05-13 15:14 Barriak
Ingrid Bergman aktore suediarraren jaiotzearen 100. urteurrena beteko da aurten eta haren omenez, Cannesko 68. Zinema Jaialdiaren kartel ofizialean Bergamnen irudia agiri da. Era berean, zinematografoaren 120. urteurrena be gogoratuko da aurten eta azpimarratzekoa da Sail Ofizialean, epaimahaiburu izango dirala Coen anaiak.
Zinemeak ikusleen zentzumenei eragiten deutsen gozamena islatzen dau Donostia Zinemaldiaren kartelak
2015-05-08 15:55 Barriak
Donostia Zinemaldiak 63. edizinoaren irudia aurkeztu dau. Kartel ofizialaren diseinuak zinemeak ikusleen zentzumenei eragiten deutsen gozamena irudikatzen dauela adierazo dabe bere arduradunek, Donostiako Eureka! Zientzia Museoko Newton auditoriumean egindako aurkezpenean. 63. Zinemaldia irailaren 18tik 26ra bitartean izango da.
Barikuan estreinauko da 'Tom Txiki eta ispilu magikoa' animazinozko euskerazko pelikulea
2015-05-06 17:53 Barriak
Zineuskadiren Zinema Euskaraz programeari esker, Tom Txiki eta ispilu magikoa euskeraz estreinauko da bariikuan Bilbon (Multicines), Donostian (Sade), Florida (Gasteiz) eta Getxoko Kultur Etxean. Ostean, hainbat herritan proiektauko dabe, besteak beste, Bermeon, Elorrion, Muskizen eta Zallan.
Nabarmenak
BizkaiFilma egitarauan badagoz helduentzako pelikulak be
»» Euskerazko pelikulak zine-aretoetara eroateko egitasmo ...