Liburu Enkartauaren I. Azokea Sopuertan
2016-04-08 15:32 Kulturea
Lemuria alkartearen ekimenez, Enkarterriko erdigunean dan Sopuertako Mercadillo auzoko frontoi estalian egingo da Liburu Enkartauaren I. Azokea, apirilaren 15etik 17ra bitartean. Bertan, 14 argitaletxe, idazle, ikerlari, talde eta alkarteren liburu, idazki eta aldizkarigaz batera, 13 libururen aurkezpenak egongo dira, baita 9 berbaldi, trikitixa, txalaparta, antzerki obra oso bat, eta ume zein gaztetxuentzako ekimenak.
Kartel osoaren barri emon dau BBK Music Legends jaialdiak
2016-04-08 13:47 Musikea
Rock, folk eta blues estiloaren inguruko musikariak batzea da BBK Music Legends jaialdiaren helburua. Bagilaren 10ean eta 11n egingo dabe aurtengo edizinoa, Sondikako Ola auzoan, eta bertan egongo diran musikari guztien barri emon dabe. Jethro Tull, Graham Nash eta Los Lobos izango dira kartelburuak.
Donostia 2016ren Bidea ekimeneko ibiltariak Bizkaira helduko dira domekan
2016-04-08 11:54
Ibilteko eta euskal kulturearen altxorrak ezagutzeko aukerea emoten dau Bidea egitasmoak. Donostia 2016k antolatzen dau, Vasco de Camping taldeagaz batera, 32 etapako ibilbide hori. Domekero egiten ditue txangoak, oinez. Apirilaren 10ean Bizkaira helduko da Bidea, Deba-Markina etapan. Guztira, bost domekatan ibiliko dira Bizkaian.
Bizente Goikoetxea konpositorea gogoratzeko ekitaldi ugari Araban
2016-04-08 10:39 Musikea
Ehun urte beteko dira hileon Bizente Goikoetxea Aramaioko konpositorea hil zala eta, efemeridea aprobetxauta, Arabako Foru Aldundiak eta Aramaioko Udalak ekitaldi uhari antolatu ditue hurrengo hileetarako. Apirilaren 16an hasiko da egitaraua. Kontzertuak, berbaldiak, jantzea, abesbatzak eta abar egongo dira Aramaion eta Arabako beste leku batzuetan.
50 urte baino gitxiagoko 150 unibersidade onenen artean dago EHU
2016-04-07 17:50 Kulturea
Euskal Herriko Unibertsitatea (EHU) 50 urtetik behera dituen 150 unibersidade onenen artean dago, Times Higher Education 150 Under 50 2016 izeneko sailkapenaren arabera. Estaduko beste 9 unibersidade baino ez dagoz 150 Under 50 2016 dalakoan, eta EHU, 1980. urtean sortutakoa, lehenengo aldiz sartu da sailkapen horretan, 101-150 bitarteko postuen artean.
Umeentzako lau liburu barri argitaratu ditu Elkarrek
2016-04-07 17:21 Kulturea
Pello Añorgak, Castillo Suarezek, Paddy Rekaldek eta Ana Jakak idatzitako lau liburu plazaratu ditu Elkar argitaletxeak. Umeen literaturako aleak dira laurak eta honeek izan dira ilustratzaileak: Mikel Valverde, Eider Eibar, Belatz eta Patxi Gallego.
Apirilaren 15ean hasiko da Plazatik Gaztetxera bertsolari gazteen txapelketea
2016-04-07 14:17 Bertsolaritzea
Eibar, Ondarroa, Soraluze, Bergara, Deba eta Markina-Xemeinen izango dira saioak, eta Mutrikun final handia, maiatzaren 21ean. Danetara, 32 bertsolarik parte hartuko dabe.
'Hurbildu zaitez Punta Begoñara' erakusketeak galerien bilakaera historikoa nabarmenduko dau
2016-04-07 12:54 Kulturea
Ricardo Bastida y Bilbao arkitektoak diseinau eban eraikuntzea, Horacio Echevarrieta industria-gizonaren enkarguz eta erakusketeak monumentuaren historia azalduko dau 1918. urtean hasita egun arte. Labarra eusteko horma lez sortu eben baina ondoren beste erabilera batzuk izan zituan eraikinak; berbarako, Gerra Zibilean Errepublikako ospitalea izan zan, baita aginte-italiarraren kuartel nagusia be.
Orain arteko marka guztiak hausita, 110 musika taldek emon dabe izena IV. Rockein Lehiaketan
2016-04-07 11:47 Musikea
Basauri, Arrigorriaga eta Galdakaoko Udalek antolatutako IV. Rockein Nerbioi Ibaizabal Talde Lehiaketan 110 musika taldek emon dabe izena eta euskerazko musika-talde onenaren saria eskuratzeko lehian sartuko dira.
Askotariko doinuak dakarz Bilbora 'Poltsiko musika' egitasmoak
2016-04-07 10:34 Musikea
Uriko publikoari musikearen jokera barriak hurreratzeko asmoz sortutako zikloa apirilaren 8an, barikua, hasiko da. Izan be, aurten, urritik apirilera aldatu dabe Poltsiko musika. Formatu txikiko lau kontzertu izango dira, hileko bariku bakotxean bat, Barrainkua-Abandoko auzo-etxean, Bilboko Udalak aurreratu dauenez.
Elkar fundazinoak Ibilbidea saria emongo deutso Gerediaga alkarteari
2016-04-06 18:00 Kulturea
Lehenengo aldiz emongo dau aurten Elkar fundazinoak Ibilbidea saria eta Gerediaga alkartea aukeratu dau aurreneko ekitaldi honetarako. Durangoko Azokea antolatzen 50 urtez egin dauen lanagaitik gorazarre egingo deutsie Durangaldeko alkarteari. Apirilaren 21ean izango da sari-emote ekitaldia, Andoainen.
Basque Audiovisual: euskal ikus-entzunezkoen 54 enpresen erakustokia munduan
2016-04-06 14:17 Zinemea
MIPTV Cannesen,Basque Audiovisual standean dira egunotan azokara bertaratu diran zortzi euskal enpresak: Baleuko, Expressive Media Projects, Happymeter, JOK Films, Pausoka Entertainment, Prime Time Media, The Blackout Project eta EITB.
2016ko 'Auzolandegiak' programan izena emoteko epea zabalik dagoeneko
2016-04-06 12:34 Kulturea
Eusko Jaurlaritzako Gazteria eta Kirol Zuzendaritzeak Auzolandegiak programan izena emoteko epea zabaldu dau gaur, apirilak 6, eta holan egongo da apirilaren 12ra arte. Aurten 602 plaza eskaintzen ditu Euskadik (igaz baino 125 plaza gehiago): horreetatik 360 Euskadiko auzolandegietan izango dira; 150 Estaduko ganerako Autonomia Erkidegoetan, eta 92 atzerrian, Europa, Afrika, Asia eta Amerikako herrialdeetan.
Munduko Kontu Kontalariak gurean
2016-04-06 11:02 Kulturea
Apirilean, mundu osoko narratzaileak hurreratzen dira gurera Munduko Kontu Kontalarien Jaialdira. Gaur, apirilaren 6an hasi eta 9ra bitartean, Kamel Zouaoui (Frantzia/Aljeria), Sandra Rossi (Argentina), Nicolás Lubo (Kolombia), Bonaí Capote (Ekuatore Ginea) eta May Gorostiaga (Euskadi) izango dira gure artean, Arrasate, Berriz, Durango, Elorrio eta Oñatin egingo diran ekitaldietan.
Bidaiarien Txokoa, apirilaren 11tik 29ra Santutxun eta Txurdinagan
2016-04-06 10:34 Kulturea
Urruneko parajeetan bizi izandako abenturei, bidaia ikusgarriei eta mendiari eskainitako zikloak 13. edizinoa beteko dau aurten. Bilboko Udalak aurreratu dauenez, berbaldiak, proiekzinoak eta erakusketak egongo dira. Ohiko legez, Begoñako udaltegian (Txurdinaga auzoan) izango dira ekitaldiak eta, lehenengo aldiz, baita Santutxukoan be.
'XIII. Matematikak eguneroko bizitzan' zikloa eguenean hasiko da Bilbon
2016-04-05 15:50 kulturbiz
Bidebarrieta Kulturguneak, Matematikak eguneroko bizitzan programearen hamahirugarren edizinoa jasoko dau apirileko eguen guztietan, matematikak eta euren errealidadea gizarte osora hurreratzeko topaketen bitartez. Programatutako lau berbaldiak, ibilbide luzeko eta zirkulu zientifikoetan ospe handiko matematikariek emongo ditue.
Euskerearen erabilerea bultzatzeko hitzarmena sinatu dabe Euskaltzaindiak eta Bilboko Udalak
2016-04-05 15:23 Euskerea berbagai
Uria euskaldunago bihurtzeko sinatu dabe lankidetza hitzarmena Euskaltzaindiak eta Bilboko Udalak. Akordio horren bidez, erakunde biek euskerea eta euskal kulturea zabaltzeko jarduerak antolatuko ditue. Akademiak hizkuntza arloko aholkuak emongo deutsez udaleko zerbitzuetako beharginei.
Frantziako fantasiazko zinemea protagonista Bilbon, Pre-FANT zikloan
2016-04-05 14:01 Zinemea
Bildurrezko eta fantasiazko zinemearen nazinoarteko jaialdia da FANT eta, motorrak berotzeko, Pre-FANT zikloa egingo dabe aurtengo edizinoaren aurretik, apirilaren 27tik maiatzaren 1era. Frantziako fantasiazko zinemeari eskainitako zikloa egongo da BBK Salan, baita Sitgeseko jaialdi entzutetsuan egondako filmen beste sail bat be.
41 euskal enpresa Gourmets Nazinoarteko Azokan euren produktuan sustatzen
2016-04-05 12:32 Jan edanak
Apirilaren 7ra arte Gourmets Azokea martxan dago Madrilen; Kalidadezko Elikagai eta Edarien Nazinoarteko Azokea da, eta bertan 41 euskal enpresa dagoz parte hartzen taldean, Eusko Jaurlaritzako Ekonomiaren Garapen eta Lehiakortasuneko Sailak HAZIren laguntzinoagaz bultzatuta.
Bilboko Arte Eder Museoan lan egiteko beken deialdia zabalduko dabe
2016-04-05 11:33 Kulturea
Zazpi prestakuntza beka lortzeko deialdiari esker, gazteei museoen testuinguru profesionalera hurreratzen lagundu nahi deutsie. Apirilaren 11tik 30era bitartean emon ahal izango da izena 2016-17 ikasturteko programan parte hartzeko. Bilboko Arte Eder Museoaren bekak Gondra Barandiaran fundazinoak babesten ditu.
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...