Ahotsenea-k 120 zuzeneko emonaldi eskainiko ditu, eta Kabi@ gunean izena emoteko epea badago urriaren 31ra arte
2015-10-23 13:56 Kulturea
Ahotsenearen programazinoa zarratuta dago honezkero, eta inoiz baino zuzeneko gehiago batu ditue. Zuzenekoen karpan 70 musikarik eta musika taldek aurkeztuko dabe euren lana kontzertu formatuan. Solasaldi edota barriketaldien gunean, barriz, 50 sortzailek baino gehiagok egingo dabe (idazleak gehienbat, baina baita zenbait musikarik ere), hainbat formatutan.
'Punk. Arte garaikidean utzi dituan arrastoak' erakusketea gaurtik aurrera Artiumen ikusgai
2015-10-23 12:05 Kulturea
Gasteizeko Artium Museoan, 2016ko urtarrilaren 31ra arte zabalik egongo dan erakusketa honegaz oharrarazo nahi da punk jarrerearen oihartzunak bizirik dagozala oraindino eta aintzat hartzen dirala arte garaikidean.
Alex Katz zein Jean-Michel Basquiaten lanak ikusgai astegoienean sarrerea doban izango dauen Guggenheim museoan
2015-10-22 15:24 Kulturea
Museora hurreratzen diran guztiek gaur barikua, hilak 23, zabalduko daben Alex Katz-en (Nueva York, 1927) Hemen eta orain erakusketaz gozetako aukerea izango dabe (20015eko urriaren 23tik 2016ko zezeilaren 7ra arte zabalik). Artista estadubatuarraren ibilbideko azken 25 urteetan paisajeak izandako lekua aztertzen dau 35 lanen bidez.
Jasone Osoro eta Aixa de la Cruzen ipuinei amaierea topau behar jake Bizkaidatz lehiaketan
2015-10-22 14:43 Kulturea
Bizkaiko Foru Aldundiaren Bizkaidatz literatur lehiaketearen 8. ekitaldia martxan dago. Jasone Osorok, euskeraz, eta Aixa de la Cruzek, erderaz, ipuin bana idatzi dabe, baina amaiera barik. Orain, herritarrek bialdu beharko ditue euren proposamenak, zezeilaren 5a baino lehen, lehiaketan parte hartzeko. Irakurri eta idazteko zaletasuna bultzatzea da helburua.
Azokearen sortzaileak izango dira 50. Durangoko Azokako omenduak
2015-10-21 14:46 Kulturea
Edizino berezia izango da aurtengoa Durangoko Azokan, mende erdia bete dauelako euskal kulturearen topaguneak. Horregaitik, Durangon egindako aurkezpenean aurreratu dabenez, 1965eko une ilunean azokea sortu ebenei omenaldia egingo deutsie. Jose Luis Zumetak egindako kartela be aurkeztu dabe. Joseba Sarrionandia eta Jesus Mari Arruabarrena Durangoko Azokearen historia liburu baten batzeaz arduratu dira.
Miguel Marina margolariaren erakusketa bat zabalduko dabe Bilbon
2015-10-21 11:07 Kulturea
Miguel Marina margolari bilbotarra zanaren Oroimeneko ikonoak: Miguel Marina erakusketearen inaugurazinoa gaur, eguaztena, urriaren 21ean, izango da Bilbon, Bizkaiko Abokatuen Alkargoaren egoitzan, 19:30ean hasita.
Grabaduaren maisuen 69 irudi, Bilboko Arte Ederren Museoan
2015-10-21 10:24 Kulturea
Urriaren 21etik urtarrilaren 4ra grabadua izango da protagonista nagusietako bat Bilboko Arte Ederren Museoko aretoetan. Lucas van Leyden-en, grabaduaren historiako maisurik handienetakoaren, eta haren jarraitzaileen 69 obra erakutsiko ditue. Grabaduaren Nazinoarteko Jaialdiagaz, FIG Bilbaogaz, bat egingo dau Arte Ederren Museoak era horretara.
'12etan bermuta', Jasone Osororen lan saritua plazan
2015-10-20 15:25 Kulturea
Egilearen eretxiz, 12etan bermuta ez da liburu autobiografikoa, nahiz eta liburu guztietan dagoan idazlearen zatitxu bat; Nire asmoa izan da biziteari buruz idaztea. Horretarako eregi dot Berta, personaia nahibagetua baina gutako edonor izan daitekeena bizitzako momentu batean.
Goizalde Landabasok bere oroitzapenen babeserako kopia egin dau poemen bidez
2015-10-20 14:35 Kulturea
Idazle bilbotarraren poesia liburu barriak, hain zuzen be, hori izenburuori dauka: Babeserako kopia (Elkar). Norbere identidadea, memoria eta denporearen joana dira liburuaren ardatzak. Izan danaren eta gaur egun danaren txatalak batu ditu olerkietan Landabasok, gerorako babeserako kopia bat balitz legez. Gai ilunak landu ditu, baina baita bestelakoak be. Poemetatik abiauta, ikuskizun bat preparau dau idazleak, Ane Zabala eta Galder Perezegaz, eta datorren hilean aurrestreinauko dabe.
Literatur Amuak Ondarroan
2015-10-20 14:24 Kulturea
Ondarroako Udal Euskera Batzordeak antolatuta, urriaren 29an hasi eta zemendiaren 6ra bitartean Literatur Amuak Jaialdia izango da Ondarroan. Literaturea ardatz, egitarau potoloa atondu dabe, besteak beste, irakurle taldearen hitzordua, nanoipuin lehiaketako eta ipuin-rallyko sari-banaketak eta Augustin Zubikarai nobela bekearen aurkezpena.
BAD 2015, Bilboko Antzerki eta Dantza Garaikidearen Jaialdia urriaren 21etik zemendiaren 1era
2015-10-20 11:02 Kulturea
Bilboko Udaleko Kultura Sailak antolatzen dauen eta ohikoak diran BilbaoArte, La Merced, Errekalde Aretoa, La Fundición, Muelle 3, Bilborock edo Garabia Zawp lako eszenatokiak eta kalea bera hartuko dituan BAD-en aurtengo programazinoak 12 estreinaldi jasoko ditu, horreetako zortzi erabateko estreinaldiak.
Walter Benjaminen testuak euskerara itzuli eta antologia bitan argitaratu ditue
2015-10-19 14:26 Kulturea
Sans Soleil irabazi asmo bako argitaletxea arduratu da Walter Benjaminen lanaren euskerazko itzulpena argitaratzeaz. Txinpartak bildumearen barruan, antologia bitan kaleratu ditu Sans Soleilek Benjaminen idatziak. Liburuetako bat Literatura oharrak izenburuagaz plazaratu dabe eta, bestea, Denbora, historia eta artearen inguruko testuak da. Holan, 20. mendeko pentsalari handienetako baten artikuluak euskeraz irakurri ahal izango dira.
Hansel Cereza sortzaileari eskatu deutsie Donostia 2016ren inaugurazinoko ikuskizun nagusia sortzeko
2015-10-16 12:10 Kulturea
Donostia 2016 Fundazinoak Hansel Cereza artisteari eskatu deutso urtarrilaren 23an ospatuko dan inaugurazino ekitaldiko ikuskizun nagusia sortzeko. Urtarrilaren 18tik 24ra bitartean izango da inaugurazino astea, eta ekitaldien artean San Sebastian egunak be tokia izango dau.
Eskultura hiperrealistak Bilboko Arte Ederren Museora helduko dira 2016ko udan, BBK/Museoa programeari esker
2015-10-16 11:13 Kulturea
BBK erakundeagaz hitzarmena barritu dau Bilboko Arte Ederren Museoak eta, holan, BBK/Museoa programeak aurrera segidu ahal izango dau. Akordio horrien barruan, eskultura hiperrealisteari buruzko erakusketa handi baten Europako lehenengo geldialdia Bilbo izango da. Udan izango da hori. Aurretik, Errenazimendu sasoiko Morales margolariaren ganeko erakusketea egongo da Arte Ederren Museoan.
Galdakaoko Andra Mari jantza taldeak musika eskaintza zabalagaz ospatuko dau 60. urteurrena
2015-10-16 10:17 Kulturea
Sei hamarkadako ibilbidea bete dau Andra Mari jantza taldeak eta musikeagaz ospatuko dau efemeridea. Urriaren 30 eta 31n, Musika Bizian jaialdia antolatuko dabe herrian eta, zemendian be, kontzertu ugari egongo dira, Benito Lertxundi tartean. Jantza jaialdia be ez da faltauko, zemendiaren 21ean. Kale-animazinoa eta jarduera edegiak be zenbatgura eratuko ditue, 60. urteurrena galdakoztar guztiek disfrutau daien.
Ana G. Lartitegui, Joseba Zulaika eta Juan Garzia be, Euskadi Sarietako irabazle
2015-10-15 13:19 Kulturea
Joan dan astean saritu batzuen barri emon eben eta, gaur, ilustrazinoaren, gaztelaniazko saiakerearen eta euskerarako itzulpenaren arloetako sarituen barri. Ana G. Lartiteguik El libro de la suerte lanean egindako irudiak, Joseba Zulaikak idatzitako Vieja luna de Bilbao eta Juan Garziak itzulitako Shakespeareren Sonetoak aukeratu ditu epaimahaiak.
Durangoko Azokan boluntario izateko aukerea eukiko dabe herritarrek
2015-10-13 17:08 Kulturea
Lehenengo aldiz, nahi daben herritarrek boluntario lan egin ahal izango dabe Durangoko Azokan. Lan administratiboa, komunikazinokoa, teknikoa eta abar egin ahal izango dira, bakotxaren ezagutzen arabera. Herritarrei Durangoko Azokea barru-barrutik ezagutzeko aukerea emon nahi jake eta, bide batez, azokearen antolakuntzeari bultzadatxua emon. Urriaren 31ra arte emon leiteke izena.
Arteak hartuko dau Bilbo asteburuan, Bilbao Art District-en eskutik
2015-10-13 14:44 Kulturea
Hirugarren urtez, Bilboko arte galeriek atea zabalduko deutsie herritar guztiei, Bilbao Art District ekimenaren bidez. Museo, unibersidade, ostalari, merkatari eta erakunde publikoen laguntzinoagaz, arteari eskainitako asteburua eratu dabe urriaren 16 eta 17rako eta udagoienean galerietan egongo diran erakusketak aurkeztuko ditue. Berbaldiak, bisitaldi gidatuak, tailerrak eta abar be antolatu ditue.
Bizkaiko zazpi museo bisitetako aukerea emoten dau Bost Txartelak
2015-10-13 10:42 Kulturea
Bizkaiko Foru Aldundiak atara dau Bost Txartela, zazpi museo eta erakusketa-areto bi nahi beste bidar erabilteko aukerea emoteko. Kanpainea orain hasi dabe eta txartelak zezeilera arte erabili ahal izango dira. Honeek dira museoak: Bilboko Arkeologi Museoa, Muskizeko El Pobal burdinolea, Balmasedako La Encartada fabrika-museoa, Gernikako Euskal Herria museoa, Bermeoko Arrantzaleen museoa, Kortezubiko Santimamiñe kobazuloa eta Bakioko Txakolingunea. Ondare eta Rekalde aretoetarako be balio dau.
Federico Leon, Cecilia Bengolea edo Txileko Teatro Errante Konpainia lako nazinoarteko artistak XVII. Bad Jaialdian
2015-10-09 15:31 Kulturea
Bilboko Udalak antolatutako jaialdia urriaren 21ean hasi eta zemendiaren 1era arte izango da, dagoeneko ohikoak diran BilbaoArte, La Merced, Errekalde Aretoa, La Fundición, Muelle 3, Bilborock eta Garabia Zawp eszenatokietan. BAD-ek hogei konpainia ingururen azken lanak ekarriko ditu Bilbora, horreen artean erabateko zortzi estreinaldi eta Euskadin lehen aldiz ikusi ahal izango diran lau lan.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...