Naroa Elortegi eta Mikel Ibargoien izan dira GazteBizHitza atariak antolatutako GOazen Boisera! lehiaketan sarituak
2015-07-02 09:48 Euskaldunak munduan
Naroa Elortegi gatikarra eta Mikel Ibargoien urnietarra Boiseko Jaialdian blogari izango dira garagarrilaren 28tik abuztuaren 2ra bitartean. GOazen Boisera! lehiaketan saritutako bi gazteek Euskal diasporearen jaialdiaren barri emongo dabe zuzenean Boisetik.
Etxepare Euskal Institutuaren munduko unibersidade sarea zabaltzen: bost irakurletza barri
2015-06-18 10:46 Euskaldunak munduan
2015-2016 ikasturterako hiru irakurletza barri sortuko dira nazinoarteko izen handiko unibersidadeetan: University of Illinois at Urbana-Champaign (AEB); Universidad de La Habana (Kuba); eta Université Sorbonne IV, París (Frantzia). 2016-2017an, barriz, beste bi unibersidadek zabalduko dabe euskerea eta euskal kulturako irakurletzea: University of Edinburgh (Erresuma Batua) eta UCLA University of California Los Angeles (AEB).
Gaztemundu 2015 programearen deialdia onartu dau Jaurlaritzeak
2015-05-27 15:32 Euskaldunak munduan
Gaztemundu 2015 egitasmoaren aurrekontua 50.000 eurokoa da. Aurten euskal etxeetako 15 gaztek (18 eta 31 urte bitartekoak) parte hartuko dabe, eta irailaren 25etik urriaren 9ra bitartean Euskadira etorri eta kultura erakundeen kudeaketearen ganeko prestakuntzea jasoko dabe.
Necocheako Euzko Etxeak zabaldu barri dau Hator Hona 2015 programan izena emoteko epea
2015-04-08 14:46 Euskaldunak munduan
Argentinako Necochea uriko Euzko Etxeak aurten be Hator Hona ekimena atondu dau, Euskal Herriko gazteek Argentina ezagutu eta bertan euskal kulturea ezagutarazoteko. Programan izena emoteko epea apirilaren 30ean amaituko da. Egotaldia 18-30 urte arteko gazteei zuzenduta dago, eta garagarrilaren 17tik abuztuaren 9ra bitartean egingo dabe
Euskal Herriko ikasleentzako beka zientifiko-teknikoen deialdia egin dau Boise State Universityk
2015-03-04 10:44 Euskaldunak munduan
Ameriketako Estadu Batuetan dagoan Boise State Universityk (BSU) ikasle euskal herritarrei zuzendutako master eta doktoretza bekak sortu ditu. Urtebeteko bekak dira, eta matrikula gastuak ordaintzeaz aparte, 18.000 eta 25.000 dolar arteko laguntzinoa be jasoko dabe ikasleek. Eskaerak martiaren 15a baino lehen aurkeztu behar dira.
Euskal balea arrantzaleen ibilbidea errepetiduko dabe 2017an, Ternuarako itsas-bidaia baten
2015-01-29 14:41 Euskaldunak munduan
240 pertsona batu nahi ditue, itsasontziz Kanadako ekialdeko kostalderako bidea egin eta euskaldunek han itxitako arrastoa ezagutzeko. 1565ean hondoratutako San Juan ontziko aztarnetan beharrean ibili ziran adituen azalpenak entzun ahal izango ditue partaideek. Iñaki Arizmendi euskal-amerikarrak antolatu dau abenturea, 2017rako, eta parte hartzeko interesa daukienek izena emon leikee dagoeneko.
Kuban egingo da XI. Euskal Herria Mugaz Gaindi Nazinoarteko Mintegia, urtarrilaren 12tik 14ra
2015-01-08 16:24 Euskaldunak munduan
Habanako Euskal Etxeak jakinarazo dauenez, datorren urtarrilaren 12tik 14ra, Kuban egingo da Euskal Herria Mugaz Gaindi euskal diasporeari buruzko nazinoarteko mintegiaren hamaikagarren edizinoa. Aurten Kubako euskaldunen historia izango da gai nagusia.
III. Basque Festival Red Bayn (Kanada) izango da 2015eko garagarrilean
2014-12-29 14:09 Euskaldunak munduan
Kanadako Red Bay udalerriak III. Red Bay Basque Festival ospatuko dau 2015eko garagarrilaren 7tik 19ra. Sasoi batean euskal balea arrantzaleen portua izan zan udalerriko biztanleek, Biarritz, Baiona, Donibane Lohizune, Pasaia, Donostia, Orio edo Bermeotik heldutako arrantzaleen bizimodua zelakoa zan erakutsiko dabe.
Iban Zalduak bere ipuinen irakurketa bat egingo dau Wroclawen (Polonia)
2014-09-26 12:32 Euskaldunak munduan
Urriaren 3an, arratsaldeko 18:00etan, Iban Zalduak bere ipuinen irakurketa bat eskainiko dau, beste hainbat nazinoarteko idazlegaz batera, besteak beste, Han Kang, Marek Bienczyk, Janusz Rudnicki, Wioletta Grzegorzewska, Krzysztof Varga, Halldór Armand Ásgeirsson eta Stefan Sprenger.
Bizkaiko sei gazte Kaliforniako euskal diasporearen lekuko izango dira
2014-05-21 15:38 Euskaldunak munduan
BFAk antolatu dauen Kliforniara lehiaketearen irabazleek ekin deutsie dagoeneko Ipar Ameriketako euskal nortasunaren topaketara egingo daben ibilbideari. Iraide Artetxe, Eneko Corral, Julene Barinaga, Marta Barea, Pello Baños eta Iván Poyato dira saridunak.
Rosarioko Unibersidadeko Euskera eta Euskal Kulturearen Katedrea apirilean hasiko da lanean
2014-03-24 10:00 Euskaldunak munduan
Zazpirak Bat euskal etxeak eta Rosarioko Unibersidade Nazionalak egindako akordioari esker, euskal kulturea zabaltzeko gune barri bat dago Santa Feko uri horretan joan dan garagarriletik. Bi erakundeek adierazo dabenez, proposamenaren helburu nagusia euskerea esparru akademikora eroatea da, eta hortxe, beste hainbat hizkuntza erakusten diran lez, erakutsi eta lantzea.
Euskerea protagonista izango da Chicagoko Unibersidadeko Ama Hizkuntzearen Eguneko egitarauan
2014-02-13 10:11 Euskaldunak munduan
AEBetako Euskadiko Ordezkaritzeak Etxepare Euskal Institutuaren babesagaz antolatuta, Celebrating Basque on International Mother Language Day jardunaldia egingo da bertan, eta hiru euskal adituk -Xabier Irujo, Karlos Arregi eta Amaia Gabantxo- euskerearen ganeko hiru berbaldi eskainiko ditue.
Argentinako euskal etxeetako euskerazko eskolak finantzetako hitzarmena sinatu dabe HABEk eta FEVAk
2014-02-07 10:43 Euskaldunak munduan
2013/14 ikasturterako 30 hitzarmen sinatu ditu HABEk mundu zabaleko euskal etxeakaz. Hitzarmen horreen bitartez, 80 euskal etxetan 2.100 ikasle heldu ibiliko dira euskerea ikasten, Vancouverren (Kanada) hasi eta Sydneyraino (Australia). Gainera, ikasturte honetan, lehenengo aldiz, Bruselan eta Kolonbiako Antioquian be izango ditue eskolak.
New Yorkeko Euzko Etxeak bere mendeurrena ospatuko dau egitarau oparo bategaz
2013-10-09 11:53 Euskaldunak munduan
Egitarauan, NABO, North American Basque Organizationen bilerea, meza euskaldun-amerikarra San Patrick's katedralean, Bilboko San Antonio de Iralabarri abesbatzaren kontzertua, Andoaingo Urki eta Salt Lake Cityko Utahko Triskalariak jantzariakaz egingo dan piknika eta Columbus Dayko desfilea euskal partaidetzeagaz nabarmentzen dira. Egitarau osoa ikusteko klik egin hemen.
Iratxe Jaiok 'Ultimas palabras' ikus-entzunezkoa estreinauko dau Buenos Airesen
2013-07-19 15:07 Euskaldunak munduan
Iratxe Jaio artista markinarrak eta Klaas Van Gorkum holandarrak Ultimas palabras izenburuko ikus-entzunezko lana estreinauko dabe Argentinan, Buenos Airesen zapatu honetan, garagarrilaren 20an.
Euskerearen ahoskerea aztertuko dau Lurdes Oñederrak Leideneko Unibersidadean egingo dan biltzar batean
2013-06-11 11:00 Euskaldunak munduan
Hizkuntzek izan dituen estandarizazino prozesuak kontuan hartuz, oso estatus desbardina daben hizkuntzen esperientziak aztertuko dira Leideneko Unibersidadeko biltzarrean. Besteak beste, kulturea, erlijinoa, ideologia, politikea edota hezkuntzea lako faktoreen eragina aztertuko dabe adituek.
Rudolf Trebitsch antropologoak egin zituan euskereari buruzko ikerketak berbagai Berlinen eta Leipzigen
2013-05-27 14:44 Euskaldunak munduan
Trebitschek Euskal Herrira egindako bidaiaren mendeurrena ospatzen danean, 1913an antropologo vienarrak Euskal Herrian jaso zituan kanta eta grabaketa dialektalak entzuteko aukerea izango da bi berbaldietan, tartean Iparragirreren Gernikako Arbola kantuaren lehen grabazinotzat joten dana.
Eusko Jaurlaritzeak lankidetza hitzarmena izenpetu dau Idahogaz
2012-02-22 11:59 Euskaldunak munduan
Alde biko izaera dauen politika horren bitartez, Eusko Jaurlaritzeak eskualde eta estadu sare bat eratu nahi dau, euskal enpresen interesetarako plataforma izan daitezan munduko hainbat tokitan hartu-emonak ezartzerakoan.
EAEko 12 argitaletxe izango dira Guadalajarako (Mexiko) Nazinoarteko Liburu Azokan
2011-11-25 11:58 Euskaldunak munduan
Etxepare Euskal Institutuaren Helburua euskerea eta euskal kulturea nazinoartean zabaltzea da, eta helburu horregaz doa aurten FIL, Guadalajarako Azokara, Euskal Editoreen Elkarteagaz batera.
Nazinoartean euskerea sustatzeko hitzarmena sinatuko dau Jaurlaritzeak Argentina, Uruguai eta AEBetako erakundeakaz
2011-11-03 17:19 Euskaldunak munduan
Eusko Jaurlaritzako Hizkuntza Politikarako Sailburuordetzeak nazinoartean euskerea sustatzeko helburua dauen hitzarmena sinatuko dau bihar, zemendiaren 4an, Argentinako FEVA, Uruguaiko FIVU eta AEBetako NABO erakundeakaz Donostiako Kursaal Jauregiko Ganbera aretoan, Kanpoko Euskal Gizataldeen V. Mundu Batzarren barruan.
Nabarmenak
