Aktualitatea

Basque Films-ek produzidutako 'Camera Obscura' pelikulea barikuan estreinauko dabe

Basque Films-ek produzidutako Camera Obscura pelikulea datorren barikuan, irailaren 14an, estreinauko da Estaduko hainbat uritan. Maru Solores gipuzkoarrak zuzendu dau Camera Obscura. Solores gidoiaz be arduratu da Ruth Rehmet alemaniarragaz batera.

Ze demokrazia modu da hau???

Kontseilua, Galesko Cymdeithas-en 50. urteurreneko ekitaldietan

Kontseiluko idazkari nagusi Paul Bilbao Gales-Cymrun-en izan da, Cymdeithas yr Iaith Gymraeg (Galesaren Gizarte Mobimentua) erakundearen 50. urteurrenaren ekitaldian, eta bertan gizarte zibil antolatuak hizkuntza gitxiagotuen berreskurapen-prozezuan dauen garrantziaz egin dau ekarpena.

4.800 lagunek emon dabe botoa aukeratzeko zein marka daben gogokoen Bilbo eta Bizkaia nazinoartean ordezkatzeko

Botoa emoteko epea irailaren 20ra arte egongo da zabalik, BFAren Jauregiaren aurrean dagoan erakusketan; 100 metro koadroko karpa bat da eta sei telebista-pantaila dagoz; pantaila horreetan hamar proposamen finalisten logoa eta claim dalakoa ikusi ahal dira, eta marka bakotxaren aplikazino praktikoak eskaintzen dira. Interesauta dagozan lagunek 11:00etatik 20:30era bitartean emon leikie botoa.

Alfredo Alcainen erakusketa antologikoa izango da ikusgai Bilboko Rekalde aretoan

Alfredo Alcain artista madrildarraren erakusketa antologikoa aurkeztu dabe Bilboko Rekalde Aretoan. Madrilgo Casa de Moneda Museoagaz batera antolatutako erakusketa hau zemendiaren 18ra arte egongo da ikusgai.

'Umorea basakeriaren kontra' ardatz hartuta, III. Bilboko Barrea Astea Bilbon urriaren 2tik 7ra

III. Bilboko Barrea Astean, umoreak basakeriaren kontrako burrukan izan dauen garrantzia azpimarratu nahi da, eta horretarako, basakeriaren esanahirik zabalenari erreparau jako, kulturarik eza, zakartasuna eta era guztietako giza-eskubideen urraketak (gerrak, terrorismoa, indarkeria matxista, arrazismoa, etab.). Jaialdia urriaren 2tik 7ra bitartean egingo da.

25.000 lagun batu ditu Folk Getxo BBK jaialdiak

25.000 bat lagun izan dira atzo bertan Xabier Leteren omenezko Sortuko dira besteak kontzertuagaz amaitu zan 28. Getxoko Nazinoarteko Folk jaialdian.

Txinako Ikasketen Biltzarrak herrialde asiarrean adituak diran nazinoarteko zenbait kide batuko ditu Bilbon

Txinako Ikasketen Nazinoarteko Biltzarraren hirugarren edizinoa egingo da Bilbon irailaren 10etik 12ra bitartean, Txinako ikasketen Lu Xun zentroak antolatuta, Euskal Herriko Unibersidadearen (EHU) udako ikastaroen programearen barruan. Ekitaldiak, herrialde asiarrean adituak diran nazinoarteko 30 espezialista baino gehiago batuko ditu Alde Zaharreko Yohn Jauregian.

Bilboko Udalak XIV. Miguel de Unamuno Saiakera Lehiaketarako deia zabaldu dau

Lanak EAEko hizkuntza ofizialetako batean aurkezten dituen edozein nazionalidadetako saiakeragileei dago zabalik. Lehiarako lanak, gai librekoak, argitaratu bakoak eta aurretiaz saririk jaso bakoak izango dira eta 100 folioko luzerea izango dabe gitxienez. Jatorrizko lanak jasoteko epea zemendiaren 30ean amaituko da.

Kim Ki-duken 'Pietà' filmak irabazi dau Urrezko Lehoia Veneziako Mostran

Kim Ki-Duk zuzendari hegokorearraren Pietà filmak irabazi dau Veneziako 69. Mostrako Urrezko Lehoia. Urrezko Lehoia Kim Ki-Duk filmako zuzendariak berak jaso dau, Veneziako Lidoko Jauregian.

'Emakumeak eta Literatura. Literatura mestizajea Europan' ikastaroa Bilbon

Irailaren 11tik abenduaren 11ra bitartean, Bizkaiko Foru Liburutegian, literatura ikastaroa zuzenduko dau Josune Muñoz adituak; Emakumeak eta Literatura. Literatura mestizajea Europan ikastaroan izena emoteko epea bart amaitu zan.

Tabakalerak baditu kultura zuzendaria eta kudeatzailea

Tabakalera — Kultura Garaikidearen Nazinoarteko Zentroko (KGNZ) Administrazino Kontseiluko lehendakariak, Juan Karlos Izagirrek, prentsaurrekoan aurkeztu ditu Ane Rodríguez Armendariz kultura zuzendaria eta Haritz Azkarraga, gerentea.

Dustin Hoffman, bosgarren Donostia Saria

Donostiako 60. Zinemaldia hasteko gero eta gitxiago falta danean, gaur jakinarazo dabe Dustin Hoffman aktore estadubatuarrak bosgarren Donostia saria jasoko dauela, aurtengo edizinoan, John Travoltak, Tommy Lee Jonesek, Oliver Stonek eta Ewan McGregorrek be jasoko dabelako.

Jimeno Jurioren 'Toponimia navarra. I. Estudios y metodología' lana aurkeztu dabe

Jose Maria Jimeno Jurio zanaren Toponimia navarra. I. Estudios y metodología lana aurkeztu dabe bart, Iruñean, Euskaltzaindiaren ordezkaritzan. Liburua Jimeno Jurioren lan guztiak jasoko dituan bildumearen 40. zenbakia da, eta Pamiela argitaletxeak, Udalbidek eta Euskara Kultur Elkargoak argitaratu dabe.

IV. Txotxongilo Eguna irailaren 7tik 9ra Sestaon

Hamahiru taldek eta beste bi artistak beren azken lanak aurkeztuko ditue hiru egunotan Sestaon: El Tenderete, Cobaya, Sortzen, Bihar, Humo, Pantzart, Txotxongillo, Pro-ismo cero, Antzezkizuna, Irrintzi, Panta Rhei, Azika, Corrado Masacci eta Rafa Villa. Antzezlanak ez eze, txotxongiloak egiteko tailerra (Rafa Villa) eta makillaje tailerra (Sortzen taldea) be antolatu ditue.

Euskerea, euskal kulturea eta historia aztertzeko ikastaroa abian da La Platako Unibersidade Nazionalean

Aste honetan, irailaren 3an, astelehenean, hasi da Buenos Airesko La Platako Unibersidade Nazionalean (UNLP) euskerea, euskal kulturea eta historia aztertuko dituan ikastaroa. Eusko Jaurlaritzeak eta unibersidade argentinarrak sinatutako hitzarmenaren ondorioa da eta Etxepare Euskal Institutuaren laguntzinoagaz antolatutako mintegia da ekimen hau.

Michael Hanekeren 'Amour' filmak Fipresci Sari Nagusia jasoko dau Donostia Zinemaldian

Zinematografiako Prentsaren Nazinoarteko Federazinoak (Fipresci) Michael Haneke zuzendariaren Amour filmari emongo deutso urteko film onenaren Sari Nagusia. Fipresciko kide diran mundu osoko 225 kritikarik azken urtean estreinautako filmen artetik bat aukeratzen dabe, bozketa bidez, Sari Nagusia emoteko.