Euskera hutsez bakarra dan Lekeitioko XXXII. Euskal Zine eta Bideo Bilera zemendiaren 24tik 28ra
2009-11-24 13:01 BarriakAurten, 37 lan jaso arren, epaimahaiak aukeratutako 35 dira ‘Urrezko Antzarra’ sariarengaitik ekitaldi honetan lehiatuko diranak. Horreetatik 27 amateurrak dira eta 8 profesionalak. Hamabi lehiakide Gipuzkoakoak dira, 3 Arabakoak eta 20 Bizkaikoak (4 Lekeitiokoak eta beste 4 Lea-Artibaikoak).
Getxoko Udalak Euskerazko Produktuen Katalogo barriaren 15.000 ale banatuko ditu
2009-11-24 11:35 Euskerea berbagaiKatalogoa udalerriko dendetan eta egoitza publikoetan be eskuragai egongo da eta baita www.katalogoa.org webgunean be. Aurtengo barrikuntzea, edozelan be, edizino digitalarena da, izan be, guztiz barrituta dago, paperean jasotako produktuez gan, merkatuan topau daitekezan beste asko agertzen baitira.
Etorkinak eta euskerea berbagai XIV. Jagon Jardunaldietan
2009-11-24 10:47 Euskerea berbagaiEuskal Herrian azken urteotan indartu dan fenomeno bat jorratu da berenberegi jardunaldietan: etorkinen gaia euskerearen ikuspuntutik. Horrezaz gan, beste ekitaldi bat be egin da: Akademiaren Euskera agerkari ofizialaren azken zenbakia aurkeztu dabe.
ItzulTerm, itzulpen-memoriei etekina atarateko dobako web-zerbitzua jarri dau Sarean Elhuyar Fundazinoak
2009-11-24 10:26ItzulTerm tresnea honako webgunean dago eskuragarri: http://itzulterm.elhuyar.org
Eusko Ikaskuntzak euskerearen erabilerea sustatuko dau sare sozialetan Euskerearen Nazinoarteko Egunaren 60. urtemugan
2009-11-24 09:53 Euskerea berbagaiAurtengo edizinoaren helburua Interneten sortutako sare sozial barrietan euskerearen erabilerea bultzatzea da. Horretarako, 'Klik egiozu euskereari' goiburupean, blog bat egokitu da atxikimenduak jasoteko.
Azken finalaurrekoa Donostiako Belodromoan egingo da domekan, zemendiaren 29an
2009-11-23 17:44 BertsolaritzeaMaialen Lujanbio, Jon Maia, Aitor Sarriegi, Uxue Alberdi, Arkaitz Estiballes eta Iñaki Gurrutxagak kantauko dabe azken finalaurrekoa. Duda barik, saio erabagiorra izango da, saioaren amaieran jakingo dalako abenduaren 13an, BECen Andoni Egañagaz batera kantauko daben beste zazpi bertsolariak nortzuk izango diran.
'Making Ria' film laburra ZinebiExpress Lehiaketearen irabazlea
2009-11-23 14:45 BarriakDaniel Ortega Cuencak 48 ordutan egindako film laburren lehiaketea, ZinebiExpress irabazi dau 'Making Ria' lanagaz. Bigarren saria Aritz Albainaren 'Atsegin dut zugaz egotea' film laburrak jaso dau. Lehenengo saria 600 eurokoa da eta bigarrena, barriz, 300ekoa.
Juan Mari Otaegik eta Mateo Agirrek jasoko ditue Bilboko Begoñazpi ikastolaren 'Gazte Role Model' sariak
2009-11-23 13:47Eleizbarrutiko Ikastetxeen sarean dagoan eta 1.300 ikasletik gora dituan Bilboko Begoñazpi ikastolearen aipamenak ahalegina, gainditzea, ondo egindako lana, sormena, eskuzabaltasuna eta alkartasuna saritzen ditu.
Zentsureak jotako artistak protagonista 'Zentsura At!' jaialdian
2009-11-23 13:24Urtero legez, musikea, erakusketak, berbaldiak eta filmak eskainiko ditu Zentsura At!, Bilboko jaialdi honek, zentsura mota guztiak salatzeko eta hori sufridu behar izan daben artistei babesa emoteko asmoz.
Lain taldeak maitasunari eskainitako disko pikantea kaleratu dau
2009-11-23 13:11 MusikeaTaldearen lehenengo diskoa, Lain izenekoa, sortzailea da eta, hamahiru kanten artean, bertsino bi agiri dira: bata, jakina, Zure doinua; Bestea, Mikel Laboaren Haika Mutil kantearena, kantagintza barriaren eragilerik garrantzitsuenari omenalditxua eskaintzeko helburuz egindakoa.
The Uski´s 'Katuek bezala' dator
2009-11-20 14:58 MusikeaItsasoko haizearen norabidearen antzean, orain hegoaldetik, orain iparraldetik, The Uski´s Elantxobe eta ibarrangelutarrek be euren kanten sonoridadea zeozertxu aldatu eta haize barriakaz jatorkuz 'Katuek bezala' diskoagaz.
Azkue Fundazinoa Berlineko XXII. Expolingua Azokan
2009-11-20 14:13 Euskerea berbagaiBFAko Kultura foru diputadu Josune Ariztondo, Miren Dobaran Euskara Sustatzeko Zuzendaria eta Azkue Fundazinoaren buru Rodrigo Garcia Azurmendi Berlineko 2009ko Expolingua Azokan, hau da, Hizkuntza eta Kulturen Nazioarteko Azokan dagoz egunotan. Azoka hori Alemaniako uriburuan egingo da zemendiaren 20tik 22ra bitartean.
www.guggenheim-bibao.es saritu dau Industria Ministerioak azken hogei urteetako '.es' amaitzen diran webgune onenen artean
2009-11-20 11:14Sariak FICOD 2009 (2009ko eduki digitalen nazinoarteko foroa) ekitaldiaren bigarren egunean banatu ziran. Bertan, nazinoarteko 9.300 lagun baino gehiago batu ziran. Batzar horreek Industria, Turismo eta Merkataritza Ministerioak, baita Telekomunikazinoen Estau Idazkaritzeak be bultzatzen ditu Espainiako eduki digitalen industria sustatzeko, batez be gaztelania erabilten daben merkatuetan.
Euskerea erabilten daben merkatariei eta ostalariei diru-laguntzinoa emongo deutse Amorebieta-Etxanoko Udalak
2009-11-20 10:41 Euskerea berbagaiDiru-laguntzino horreek jasoteko interesa dabenek zemendiaren 30a baino lehenago egin beharko ditue eskariak Zelaieta Zentroan. Oinarriak eta deialdia Zelaietako iragarki oholean eta www.ametx.net helbidean dagoz ikusgai.
Jon Kortazarrek jasoko dau Lauaxeta Saria'09
2009-11-19 17:18 sariak-autortzakBizkaiko Foru Aldundiak Jon Kortazar mundakarrari emon deutso 2009ko Lauaxeta Saria. Idazleak ibilbide luzea dauka idazle, saiogile eta literaturako kritikari legez; ganera, lan handia eginda dauka UPV-EHUko Euskal Literaturako katedradun moduan, eta Europa eta Amerikako zenbait unibersidadetan irakasle lanetan ibili izan da.
Euskal diasporea omendu dau Junkerak 'Kalea' diskoan
2009-11-19 14:43 MusikeaZemendiaren 24an ikusiko dau argia Kepa Junkeraren euskal abesti tradizionalen trilogiaren bigarren diskoak, 'Hiria'. Halanda be, honezkero komunikabideetan entzungai dagoz Argentina, Uruguay, Cuba eta Estadu Batuetan, besteak beste, hango artista ezagunakaz grabautako euskal kantak.
'Aupa Maurizia!' Paia anaien eskutik
2009-11-19 14:37 kulturbizLan honen helburua Bizkaiko panderojole mitikoaren bizitza eta bizierea dokumentau eta argitaratzea izan da, 'era horretara trikitixearen esparruko informazino ugari mantentzea ahalbidetuko dogu, gaurko eta bihar-etziko trikitilari eta panderojoleek guzti honen barri izan daien' egileek adierazo daben legez.
EiTBk eta Euskaltzaindiak lankidetza-hitzarmena sinatu dabe
2009-11-19 10:46 Euskerea berbagaiGaur, zemendiak 19, Euskal Irrati Telebistaren eta Euskaltzaindiaren arteko hirugarren lankidetza-hitzarmena sinatu da, EiTBren Bilboko egoitzan. EiTBren izenean Alberto Surio zuzendari nagusiak sinatu dau eta, Euskaltzaindiarenean, Andres Urrutia euskaltzainburuak.
Mintzola Fundazinoak euskerearen ahozkotasuna ikertu eta zabalduko dau
2009-11-18 17:22 Euskerea berbagaiEuskerearen ahozkotasuna ikertzeko eta zabaltzeko zerbitzuak hartuko ditu Mintzola Fundazinoaren egoitzeak, artxiboa eta gordailua tartean. Mintzolaren egoitza barrian, gainera, Bertsozale Alkartea eta Xenpelar Dokumentazino Zentroa kokatuko dira.
Durangoko 44. Euskal Liburu eta Disko Azokea gero eta hurrago
2009-11-18 16:44 KultureaKultura kataluniarraren protagonismo bereziagaz, Gerediaga Alkarteak abenduaren 4tik 8ra ospatuko dan azokearen ganeko gorabeherak prentsaurrekoan emon ditu gaur. Landakon kokatuko diran 292 stand-etan (14 eskari barri), danetara, 308 liburu barri (igaz baino 37 gitxiago) eta 69 disko (igaz baino bost gehiago) izango dira.
Sarrera behar da? Aurretik erosi behar da?
»» 'Erbestez erbeste', bertso saio literarioa