Gaztelugatxeko Doniene ermitea, 10 erlijino-monumentu onenen artean
2009-12-03 14:45
Trivago sare sozialaren erabiltzaileek egin dabe aukeraketea. Webgune horretan, milaka bidaiari batzen dira eta turismoaren ganeko informazinoa, eretxiak eta estekak emoten ditue. Sailkapena egiteko, kategoria horretan batutako 3.115 monumentuen ganeko 100.000 eretxi izan ditue kontuan.
Amorebieta-Etxanoko lehenengo hiztegi etnografikoa aurkeztu dabe
2009-12-03 13:19 Euskerea berbagai
Jose María Etxebarria ikerlariak egin dauen proiektu hau Udalak eta Eusko Ikaskuntzak 2005ean izenpetu eben lankidetza hitzarmenaren frutua da. Lanak hizkuntza ondarearen atal bat gordetea ahalbidetuko dau.
Joxerra Gartziak jaso dau 2009ko Abbadia Saria
2009-12-03 11:32 Euskerea berbagai
Urtero, euskerearen normalizazinoaren, eta batez be, erabilerearen alde lanean jarduten dauen pertsonaren edo alkarteren bati emoten deutso Gipuzkoako Foru Aldundiak sari hori. Epaimahaiaren arabera, Gartziak euskerearen normalizazinoaren alde arlo asko eta desbardinetan lan egin dau: komunikabideak, publizidadea, bertsolaritzea edota gazteen berbakerea landu ditu, besteak beste.
Luis Mari Bandres hil da
2009-12-03 11:01 Euskerea berbagai
Unibersidadeko irakaslea, politikoa eta euskerearen bultzatzaile ezaguna bart gauean hil da, 65 urte zituala. Irakaskuntzan, kulturgintzan zein politikan ibilbide oparoa bete eban Bandresek. Besteak beste, 1970eko hamarkadan unibersidade ikasketak modu ofizialean euskeraz emon zituan lehenengo irakasleetako bat izan zan.
Hainbat ekitaldi Euskerearen Eguna ospatzeko
2009-12-03 09:42 Euskerea berbagai
Ekitaldiotako batean, argazki-mosaiko bat eratuko da jentearen argazkiakaz Bilbon. Horretarako, bi stand iminiko dira: bata Arriaga Antzokiaren aurrean eta bestea Moyua plazan. Leku horreetatik pasetan diranei argazki bat atarako jake —egitasmoan parte hartu gura dabenei— eta, gero, mosaiko erraldoi bat osotuko da argazki horreekaz.
NABO Ipar Amerikako Euskal Erakundeen Fundazinoak irabazi dau Eusko Ikaskuntzaren ENE Saria 2009
2009-12-02 16:48 Euskaldunak munduan
Epaimahaiak 1973tik NABOk egiten dauen lana hartu dau kontuan. 'Izan be, ordutik Amerikako iparraldeko hemisferioan lan egiten daben alkarteen koordinazinoan ibili da euskerea sustatzen eta euskal sustraiak bizirik iraun daian lanean, baita Ipar Amerikako euskaldun eta kanpokoen arteko hartu-emonak bultzatzen be', azaldu dabe.
Jon Kortazar: 'berbazko zubiak eregiten ahalegindu naz beti'
2009-12-02 14:42 sariak-autortzak
Jon Kortazarrek eskerrak emonaz hasi dau berbaldia baina eskerrona adierazoteaz gan, harago joan da eta aurretik saria jaso dabenak gogoan hartu ditu. 'Nire lana euskal literatureari argia emotea izan da eta berbazko zubiak eregiten ahalegindu naz beti, egilea eta irakurlea alkartu ezean, berbak airean galtzen baitira'.
Joxe Agirrek jarriko deutso txapela 2009ko irabazleari
2009-12-02 14:27 Bertsolaritzea
Abenduaren 13an, domekan, Santa Luzia egunean jokatuko da Euskal Herriko Bertsolari Txapelketa Nagusiaren finala; 14.500 lagunentzat lekua egin da (orain dala lau urteko ekitaldian baino 1000 lagun gehiagorentzat) eta sarrerak orain egun batzuk agortu ziran, 'kultur adierazpide arrakastatsuaren seinale'.
Itoizek Bilboko Orkestra Sinfonikoagaz eskainitako kontzertuen CD-DVDa kaleratu dabe
2009-12-02 12:49 Musikea
Itoizek eta Bilboko Orkestra Sinfonikoak alkarlanean abiarazotako ekimenaren azken txanpa aurkeztu dabe gaur Itoiz Suite CD-DVDaren argitalpenagaz. Lan horretan, orkestreak eta Itoizek bertsino sinfonikoan eskainitako kontzertuetako irudiak eta kantak jasoten dira eta, tarteka, Juan Mari Lazkano artistearen lanek borobiltasuna emoten deutse proiektuari.
Bandenlehia.com: euskal musika talde amateurrik entzutetsuena saritzeko asmoz
2009-12-02 10:42 Musikea
Euskeraren Nazinoarteko Egunaren harian, Azkue Fundazinoak antolatuta, Bandenlehia.com txapelketearen finala abenduaren 4an izango da Bilboko Rock Star aretoan, 19:00etatik aurrera. Orduantxe jakingo da finalean diran lau taldeetatik( The Hysteria, Haxotx, Bertan Bera eta Hotsak Hezurretan) zeinek eroaten dau 2.000 euroko saria.
Herrien Arteko XIII. Folklore Jaialdia Barakaldon eta Ibarrangelun
2009-12-01 17:10 Kulturea
Abenduaren 4tik 6ra bitartean, Herrien Arteko XIII. Folklore Jaialdia egingo da Barakaldo Antzokian eta Ibarrangeluko frontoian. Aurten, Gaskoinako 'Los Desmonicaires', Portugaleteko 'Jirabiraka', Saint Vicent de Tyrosse-ko (Frantzia, Landak) 'Lous Crabots de Semisens' eta L'Escala-Gironako 'La Farandola' taldeek parte hartuko dabe. Saio guztiak dobanekoak izango dira.
Bertxoko'09 Sariketearen finala abenduaren 4an Aramaion
2009-12-01 13:50 Bertsolaritzea
Ander Solozabalek, Jokin Labayenek, Mikel Artolak, Iñaki Viñasprek, Jone Uriak eta Enaitz Alustizak kantauko dabe finalean Manex Agirreren aginduetara. Hitzordua datorren zapatuan, abenduaren 4an dogu Aramaioko Iturrieta sagardotegian, 20:30etan.
Forulege, AVD-ZEAren Zuzenbide Zibilari buruzko webgunea abian
2009-12-01 11:02
Forulege da Zuzenbidearen Euskal Akademiak euskal zuzenbide zibilari buruz garatu dauen datu-basea. Izatez, lehenengo ahalegina da, euskal zuzenbide zibilaren oinarrizko kontzeptuak plazaratzeko, informazinoaren teknologia barriak erabilita.
BFAk Bizkaia Kirolak 2009 Sariak banatu ditu
2009-12-01 10:54
Sari horreek kirola egitea sustatu, zabaldu eta garatzeko lan egiten daben persona, entidade edo erakundeei emoten jakez. Sariak ohorezkoak dira -ez da dirurik emoten-.
'Apelliduak abizendu' kanpainea abiarazoko dabe Gernika-Lumon
2009-11-30 17:42 Euskerea berbagaiAbenduaren 3ko Euskerearen Nazinoarteko Eguna dala eta, Euskera Zerbitzuak informazino-mahaiak iminiko ditu kalean eguenean bertan, abizenak zelan euskaldundu azalduko jake herritarrei. 'Oso erraza da, eta horretan lagundu gura dau Euskera Zerbitzuak, bakotxak bere izen-abizenak irakurteko dokumentu eta agirietan, identifikauta sentitzeko eran', azaldu dabe.
Bilboko hainbat taldek Euskerearen Nazinoarteko Eguna ospatuko dabe Plaza Barrian eta Zazpi Kaleetan
2009-11-30 16:52 Euskerea berbagaiEHE, AEK, Zenbat Gara, Hau Pittu Hau, Altxaporrue, Abante, Algara, Tanttaka, Santutxuko Euskerearen Astea, Bilbo Hiria Irratia, Ibaizabal Telebista, Berbaizu eta Lizardi Mintza Taldea lako alkarteek zenbait ekitaldi antolatu ditue Bizkaiko uriburuko Plaza Barrian eta Zazpi Kaleetan.
BFA, Bilboko Udala eta Azkue Fundazinoa Euskeraren Nazinoarteko Egunagaz bat
2009-11-30 14:51 Euskerea berbagai
'Gazteen artean euskerea sustatu gura izan dogu, era natural batean, hau da, teknologia barrietan, sare sozialetan eta eurei gustetan jaken jarduera batean musikea erabiliz hain zuzen be. Euskereak benetan praktikoa izan gura badau gazteek erabili behar dabe eta horretarako teknologia barrietan egon behar da gazteak teknologoak diralako eta alkarregaz komuniketako zein aisialdirako teknologia barriak erabilten dituelako'.
'Kantatzen ez duen herria herri hila da' dokumentalak irabazi dau Lekeitioko Euskal Zine eta Bideo Bilerearen Urrezko Antzarra
2009-11-30 14:22 Barriak
Amateur mailan aurkeztutako lan batek irabazi dau Lekeitioko Euskal Zine eta Bideo Bilerako sari nagusia, Iban Gorriti kazetariak zuzenduriko 'Kantatzen ez duen herria herri hila da', 15 minutu inguruko film laburrak, hain zuzen be.
Aurtengo 'Giza Art' erakusketeak Hibai Agorria argazkilari profesionalaren 20 irudi erakutsiko ditu
2009-11-30 14:00 Kulturea
'Emakumeek ekonomiari egindako ekarpena' izenburupean, Agorriaren helburuak bizkaitar guztiak emigrazinoaren fenomenoaz ohartarazotea eta emakumezko etorkinen lan esparruan egindako ekarpena goraipatzea dira. Mungia izango da erakusketa ibiltariaren lehenengo etapea eta, gero, Zallara, Abanto-Zierbenara, Sestaora, Leioara eta Gernika-Lumora ailegauko da.
Kafe Antzerkiaren XII. Jardunaldiak Ondarroan abenduaren 4tik 8ra
2009-11-30 13:17 Kulturea
Emonaldiak Ondarroako Udaleko Kultur arloak antolatu ditu antzezlanak hartuko dituen establezimenduen laguntzinoagaz, hau da, Basati, Maddi eta Mobby Dick tabernen eta Kafe Antzokiaren laguntzinoagaz. Sei saioetatik lau doban izango dira eta beste biak ikusi ahal izateko bi euroko sarrerea pagau beharko da.
Sarrera behar da? Aurretik erosi behar da?
»» 'Erbestez erbeste', bertso saio literarioa