Bernuesen 'Desentxufatuak' lanak irabazi dau Lekeitioko Euskal Zine Bilerako Urrezko Antzarra
2012-12-03 11:49 Barriak
David Bernues iruindarraren Desentxufatuak lanean, surrealismo kutsuko fikzinoko film laburrean, gizarte bazterketeari buruz jardun dau zinemagileak.
Finalaurrekoa irabazita, Miren Amurizak be finalean kantauko dau
2012-12-03 09:28 Bertsolaritzea
Finalaurrekoak irabazi dituen Arkaitz Estiballes, Etxahun Lekue ta Miren Amurizagaz batera Igor Elortza, Fredi Paia, Iratxe Ibarra, Jone Uria eta Onintza Enbeita izango dira finalean kantuan Miribillako Bilbao Arenan. Hitzordua abenduaren 15ean, arratsaldeko 17:30ean.
Labayru eta Bilboko euskaltegiak omendu ditu Bilboko Udalak
2012-12-03 01:00 sariak-autortzak
Labayru Ikastegiak eta Bilboko euskaltegiek Bilboko Udalaren omenaldia jaso eben abenduaren 3an, Euskerearen Nazinoarteko Egunean. Urtero lez, harrera-ekitaldia izan zan udaletxean bertan.
Bilblogari 2012 Lehiaketeak baditu irabazleak
2012-11-30 13:55
Aurtengo edizinoko irabazleak ondokoak dira: Blog Personala: Alter eta ego (Ander Oleaga Benguria); Taldeko blogak: Insitu (Nerea eta Ane Soriano Sainz); eta Blog Tematikoa: Baratza Taldea. Deustuko Ortu kooperatiboa (Saioa Bacigalupe).
Bizitzearen erdialdean dagozan personaiak, Karmele Jaioren lan barriko protagonistak
2012-11-30 11:27 Kulturea
Karmele Jaiok bizitzearen erdialdean dagozan personaien istorioz osotu dau Ez naiz ni (Elkar) ipuin-liburua. Hamabost ipuin sortu ditu idazle gasteiztarrak bere hirugarren narrazino liburuan.
Donostiako Zinemaldiak atzera begirako bat eskainiko deutso animazinozko zinemeari 2013ko edizinoan
2012-11-30 10:38 Barriak
Donostiako Zinemaldiaren 61. edizinoak Animatopia. Animazinozko zinemearen bide barriak atzera begirakoa aurkeztuko dau, genero horren barruan eta azken hamarkadan nazinoartean produzidu diran lanen panoramikea eskaintzeko.
Mariasun Landa idazle gipuzkoarrak umeentzako liburu bi plazaratu ditu
2012-11-30 10:19 Kulturea
Mariasun Landak umeentzako liburu bi argitaratu barri ditu, Maitagarria eta desioa (Elkar) eta Marikanta eta inurriak (Erein). Gaztetxu zein helduentzako ipuin luzea da lehenengoa, eta lehenengo irakurleentzako inurria eta txitxarrearen alegia klasikoaren bersinoa, bigarrena.
Gatibuk 'Zazpi kantoietan' taldearen bosgarren diskoa aurkeztu dau
2012-11-29 13:17 Musikea
Hamargarrenean bosgarren diskoa dakarsku Gatibu taldeak, Zazpi kantoietan. Izan be, hamar urtean bost lan plazaratu ditu Gernika aldeko bandeak. Laster hasiko dira kanta barriak zuzenean aurkezten, abenduaren 5ean, hain zuzen be, Durangoko Plateruena kafe antzokian joko dabe, 22:30ean.
Kultur eta sormen-industrien ekonomiaren azterketea Bilbon
2012-11-29 11:53 jardunaldiak
Zergatik kultura eta sormen-enpresa batzuk diru-sarreren iturri dira eta beste batzuk ez? Zelan neurtzen da eragingarritasuna? Zeintzuk dira kulturearen eta sormenaren sektoreakaz lotuta hazkunde ekonomikoan eragina daben faktoreak? Zelan buztartu barrikuntzea eta sorkuntza artistikoa? Zenbaterainoko eragina dauka krisiak kulturan eta sormen-industrian?
Bizkaiko txakolinari buruzko gidea argitaratu dau Foru Aldundiak
2012-11-29 10:15 Jan edanak
Txakolinaren jatorria, historia eta orainari buruzko gidea argitaratu dau Bizkaiko Foru Aldundiak, bertora datozan turistei zuzenduta. Bizkaiko Txakolina. Bidaia Bizkaiko jatetxe handietan eta hoteletan banatuko dabe, estadu espainiarreko zein munduko jatorri-deituretan be izango da, eta argitalpen espezializatuen artean bere bai.
Bilboko Alondigeak hóPLAY Bideo-joko Independenteen Nazinoarteko III. Lehiaketearen sariak emon ditu
2012-11-29 10:09 kulturbiz
Euskadin bideo-jokoak garatzen dituen 19 konpainia aurkeztu dira HóPLAY Nazinoarteko Lehiaketeak emongo dauen Euskadiko Bideo-joko Onena saria lortzeko. Antolakuntzeak Totxa Games konpainiaren Hikaru lana hautatu dau Euskadin sortutako sormen-lanik onentzat.
III. Txotxongiloak Domekero abenduaren 2tik aurrera Bilbon
2012-11-28 13:50 Kulturea
Txotxongiloak Domekero zikloa 2012ko abenduaren 2tik 2013ko martira bitartean izango da Bilboko Campos Eliseos Antzokian. Saioak eguerdiko 12:30ean eta arratsaldeko 17:30ean izango dira. Txotxongiloen programazino hau, 3-10 urte bitarteko umeentzat zuzendutakoa da.
Kontseiluak Nazino Batuen Erakundera eroan dau 'euskeraz biziteko nahia'
2012-11-28 11:54 Euskerea berbagai
Giza Eskubideen Batzordeko Gitxiengoen Gaietarako aditu independenteak bosgarrenez antolatu dau gitxiengoen auziei buruzko foroa, eta aurten NBEk orain 20 urte onartutako Gitxiengo Nazional edo Etniko, Erlijioso eta Linguistikoetako Kide diran Personen Deklarazinoa izan dabe berbagai.
Hasier Agirrek eta Bixente Serranok ‘Oihenart Aforismoen II. Lehiaketea ex aequo irabazi dabe
2012-11-28 11:29 sariak-autortzak
Saria jasoterakoan Hasier Agirrek azaldu dau aforismoa ez dago oso zabalduta gure literaturan baina beti egongo da modan, bai Oihenarten garaian bai gure garaian be, berba gitxigaz asko esatea beti modan egongo dalako.
Solte taldeak 'EroAlea' diskoa kaleratu barri dau
2012-11-27 17:38 Musikea
Santutxuko Solte taldeak disko barria kaleratu dau, EroAlea. Lau kanta eta eta aurreko diskoko Umekia kantearen bideoklipa jaso ditu laukoteak. Abenduaren 8an, Durangoko Azokako Ahotsenea gunean zuzenean aurkeztuko dabe diskoa, 12:00etan.
Domekan aurkeztuko dabe 'Xiberoko sutondoan' beharra zuzenean
2012-11-27 16:54 Musikea
Zuberoako hainbat kanta tradizional batu ditue Xiberoko sutondoan (Elkar) DVDan, Dominika Etxart kantariaren omenez. Abenduaren 2an, Donostiako Viktoria Eugenia antzokian aurkeztuko dabe zuzenean.
Politikagintzea Bilbon gaia jorratuko dabe hainbat adituk Bidebarrieta Kulturgunean
2012-11-27 16:19 jardunaldiak
Bidebarrieta Kulturguneak eta Eusko Ikaskuntzak Politikagintza Bilbon: antolaketak, alderdiak, eragileen kultura politikoak eta esperientziak jardunaldia egingo dau eguaztenean, zemendiaren 28an. XVI. Symposium hau arrastiz egingo da, eta sarrerea doban izango da. Hiru gai nagusi jorratuko ditue parte-hartzaileek: Iraultza liberalaren garaia XIX. mendean, Herritarren eragin demokratikoaren garaia eta Askatasun publiko bako garaia.
17. Euskal Denda Durangoko merkatu plazan egingo da abenduaren 5etik 9ra
2012-11-27 14:53 Kulturea
Artisautza eskura lemapean dator aurtengo feria Arbasoko buru Bernat Vidalek adierazo dauenez, kartelean agiri dan esku meta irudikatuz. Euskal Denda artisautza sektorearen erakusleihorik onena izango da eta helburu nagusia artisautza tradizionala zein garaikidea bultzatzea eta merkaturatzea da.
Eskerrik asko Belen Gana
Erantzuna | Lehia handiaren ostean, Etxahun Lekue finalera zuzenean
nik be zoriondu gura dodaz Mikel eta Idoia... mikel beti izan da bertsozalea, hagaitik egingo dau ospakizun jaie abenduak 15 ean...
Erantzuna | Antzekoak bai; desbardinak be bai