Dana prest Durangoko 47. Euskal Liburu eta Disko Azokea zabaltzeko
2012-12-06 10:45 Kulturea
Egin beharrekoak eginda, laster zabalduko ditu ateak Durangoko Azokearen 47. edizinoak. 400 nobedadetik gora, 300 ekitaldi baino gehiago eta inoizko egitaraurik zabalena izango ditu Azokeak. 5 barik lau egun izango dira aurten, gaur hasi eta domekara bitartean.
Benito Lertxundirentzat Argizaiola saria
2012-12-05 17:00 sariak-autortzak
Benito Lertxundik gaur jasoko dau Argizaiola saria, gaueko 20:30ean, San Agustin Kulturgunean izango dan ekitaldian. Jon Maiak ikuskizun berezia eskainiko dau Lertxundi beteranoa omentzeko.
Joxemari Iturraldek eta Jose Enrike Urrutiak liburu bana kaleratu dabe Pamiela etxeagaz
2012-12-05 14:50 Kulturea
Joxemari Iturralderen Ilargi horia nobelea eta Jose Enrike Urrutiaren Weylerren itzala ipuin-liburua aurkeztu barri ditu Pamiela etxeak.
'Hura ez da lekua' ikuskizuna disko-liburu itxuran helduko da Durangora
2012-12-05 13:54 Kulturea
Hura ez da lekua igazko neguan Korrika kulturalagaz alkarlanean abiatutako proiektutik disko-liburua sortu dabe Oier Guillanek, Asier Sarasolak, Idoia Beratarbidek eta Ander Fernandezek. Abenduaren 9an, Durangoko Azokan aurkeztuko dabe.
Anjel Lertxundik literaturea, gizartea eta hartu-emonez idatzi dau 'Paper-festa' beharrean
2012-12-05 13:13 Kulturea
Anjel Lertxundik literaturea, gizartea, hartu-emonez eta heriotzearen ganeko testu laburrez osotu dau Paper-festa. Minimalia (Alberdania) liburu barria.
Anai Arrebak boskoteak lehenengo disko luzea kaleratu dau
2012-12-05 11:38 Musikea
Anai Arrebak taldeak euren izen bereko lehenengo disko luzea argitaratu barri dau. Aurreko EPa baino jantzagarriagoa dala dino boskoteak. Durangoko Azokan zuzenean aurkeztuko dabe, Ahotsenean, abenduaren 9an.
Iñaki Goirizelaia izango da EHUko errektore hurrengo lau urtean
2012-12-05 10:20
Iñaki Gorizelaia izango da Euskal Herriko Unibersidadeko errektorea hurrengo lau urtean be, berau izango da karguan agintaldi bi egingo dituan lehenengoa. Botoen zenbaketea amaitu barik (botoen %84,4 zenbatuta), EHUko iturrien arabera, Gorizelaiak boto zenbatuen % 55,16 lortu dau.
'Geure Urdaibai' argazkiak irabazi dau Bizkaie! Argazki Lehiaketea 2012
2012-12-05 10:06
Bizkaie!-ren 10. urteurreneko Argazki Lehiaketan, danetara, 35 argazki jaso doguz, Bizkaiko itsasbazterrak, kostako herrietako bitxikeriak, hondartzak, hatxak, itsaslabarrak, itsasargiak eta holakoak ardatz hartuta. Irabazleak eta ganerako argazki guztiak Bizkaie! agerkariaren Jo begiz atalean dagoz argitaratuta.
Joseba Irazokik lan barria kaleratu dau, 'Oso banda'
2012-12-04 17:47 Musikea
Joseba Irazoki Oso banda izenburuko biniloa argitaratu dau Bide Huts diskoetxeagaz Folka, bluesa, psikodelia eta tresnen esperimentazinoa buztartu ditu Irazokik lan barrian.
Lehenengo euskera-suomiera hiztegia kaleratu dau Suomitar alkarteak
2012-12-04 16:52 kulturbiz
Suomitar Euskal Herria-Finlandia kultur alkarteak euskera-suomiera hiztegia argitaratu barri dau, hizkuntza bien arteko lehen hiztegia, hain zuzen be. Durangoko Azokan aurkeztuko dabe, abenduaren 6an, Areto Nagusian.
2012 Euskadik ‘Memoriaz-Diálogos para una Cultura de Paz’ dokumentala aurkeztu dau
2012-12-04 14:06 kulturbiz
Dokumentalak Euskal Herriko sektore artistiko eta kultural desbardinetako hainbat personari grabautako 10 alkarrizketa laburbatzen ditu. Kulturearen sortzaile eta eragile horreek indarkeria politikoari eta haren ondorioen ganean egin dabe berba, iraganaren memoriaren ganean, baina baita gure herrialdean bakearen aldeko kulturea finkatzeko eta etorkizunean bizikidetza aberasgarria izateko moduaren ganean be.
'Surfeatu ezazu euskararen olatua', euskerearen olatuek urrunera heldu gura dabe
2012-12-04 10:56 Euskerea berbagai
Surfeatu ezazu euskararen olatua iragarkia aurkeztu dau Etxepare Euskal Institutuak, Euskeraren Nazinoarteko Egunaren harira. Hurrengo hileetan erakundeak landuko dituan hainbat egitasmo irudikatuko ditu iragarkiak.
Euskera Tituluen eta Ziurtagirien Erregistro Bateratua martxan da
2012-12-04 10:03 Euskerea berbagai
Eusko Jaurlaritzako Hizkuntza Politikarako Sailburuordetzeak sortu barri dau Euskera Tituluen eta Ziurtagirien Erregistro Bateratua. Aurerrantzean, herritarrek ze titulu daukan jakin gura izan ezkero, erregistro horretara jo ahal izango dau, www.euskadi.net webgunean.
Gaur UPV/EHUko errektorea aukeratuko dabe
2012-12-04 09:38
Gaur, abenduak 4, UPV/EHUko kideek errektorea aukeratzeko hauteskundeetako botazinoa egingo da. Danetara, 51.643 lagun dagoz deituta botoa emotera: irakasleak, ikasleak eta administrazino eta zerbitzuetako langileak.
Abel Enbeita bertsolaria, Cuadrabus enpresea, Gometegui bulego teknikoa, Assa ikastolea eta Villa Lucia upategia, 2012ko Lazarraga Sariak
2012-12-03 17:16 sariak-autortzak
Abel Enbeita bertsolaria, Cuadrabus garraio enpresea, Gometegui bulego teknikoa, Assa ikastolea eta Villa Lucia ardandegiak jaso ditue aurtengo Lazarraga Sariak. Arabako Foru Aldundiak eta Bai Euskarari Ziurtagiriaren Alkarteak lan-ingurunean euskerea txertatzeko egindako ekimenengaitik emoten ditue sariok.
Kirmen Uribe idazle ondarroarrak 'Mussche' bere bigarren nobelea aurkeztu dau
2012-12-03 16:50 Kulturea
Kirmen Uribek Mussche bigarren nobelea kaleratu dau, Susa argitaletxeagaz. Karmentxu gerratik iges, erbestera, doan neskatoak abiatzen dau istorioa. AEBetako Sausalito urian idatzi dau liburua ondarroarrak.
Bertsoapp-ek euskerea sustatzeko aplikazino onenari Buber saria irabazi dau
2012-12-03 14:45
Buber sarien 10. edizinoak Bertsoapp, Bilboko Guggenheim Museoa, Saioa Lopezen www.sormenpills.com, www.euskadiaccesible.com, Open Data Euskadi eta www.kronikoensarea.net guneak nabarmendu ditu, besteak beste.
Elhuyarrren bost hiztegi tabletetan konsultagai ipini ditue
2012-12-03 14:01
Elhuyar Fundazinoak bost hiztegi ipini barri ditu eskuragarri tabletetan, Android eta iOS (iPad) plataformetan, hain zuzen be. Ondoko lanak dagoz eskuragarri: Elhuyar hiztegia, Elhuyar hiztegia/dictionary, Dictionnaire Elhuyar hiztegia, Elhuyar Sinonimoen Kutxa eta Elhuyar ikaslearen hiztegia.
Herri Oihua talde barakaldarra, Banden Lehiako irabazle
2012-12-03 12:52 Musikea
Barakaldoko Herri Oihuak irabazi dau Banden Lehia sariketearen laugarren edizinoa. Beste hiru taldegaz lehiatu behar izan eben barikuan Bilborocken, The crazy wheels, Malder eta Odolaren mintzoa. Banda barakaldarrak, beraz, 2013ko BBK Live jaialdian joteko aukerea eukiko dau.
Omendu beharrekoak dira Labayru edo Zabala bezalako euskaltegietako irakasleak, 4 xoxen truke egiten duten lanagaitik eta sartzen dituezan orduengaitik.
Erantzuna | Labayru eta Bilboko euskaltegiak omendu ditu Bilboko Udalak