BizkaIdatz Txikia literatur lehiaketa barria martxan dago
2015-04-16 12:31 Kulturea
Ume eta gaztetxuei zuzendutako sariketa barria da BizkaIdatz Txikia. Bizkaiko Foru Aldundiak antolatuta, helburu nagusia da literatur sorkuntzea bultzatu eta sustatzea. Maiatzaren 29an amaituko da lanak bialtzeko epea.
Zapatuan jokatuko da IV. Euskerearen Ginkanaren finala
2015-04-16 12:02 Euskerea berbagai
Kutxa Ekoguneak euskeraz eta euskereagaz gozetako antolatzen dauen lehiaketea da Euskerearen Ginkana eta aurten lehen aldiz, Azkue Fundazinoagaz alkarlanean egin dabe. Laugarren edizino honetan, aurrekoan lez, Euskaltzaleen Topaguneak egin ditu koordinazino lanak.
Donostia 2016k eta Etxepare Institutuak 'Itzultzaile barriak' proiektua abiarazo dabe
2015-04-16 11:09 Kulturea
Donostia 2016k eta Etxepare Euskal Institutuak Itzultzaile barriak proiektua aurkeztu barri dabe; horren bidez, nazinoarteko literatur itzultzaileak aukeratuko dira euskerea ikasi eta, ondoren, euskal literatur obra bat euren ama hizkuntzara itzuli deien.
Euskerea be 'On Kixote poliglota' lanean presente
2015-04-16 10:33 Euskerea berbagai
Euskereak El Tobosoko Udalak bultzatutako proiektu barritzaile batean parte hartu dau, izan be, Toledoko udalerri honek, On Kixote poliglota lana osotu dau, Cervantesen maisulanaren (bigarren zatiaren) edizino eleanitz bat, hain zuzen be. Gogoratu behar da lan honek 400 urte bete dituala aurten eta, hau dala eta, El Tobosoko Udalak hainbat ekimen antolatu dituala ospakizun modura.
David Hornback argazkilaria eta Kveta Pacovskà irudigile txekiar ospetsua Bilbao Arten
2015-04-15 11:21 kulturbiz
David Hornbackek argazkilari estadubatuarrak kaleko argazkigintzearen ganeko berbaldia eskainiko dau gaur, hilak 15, arratsaldeko 18:30ean; halan da be, haren lanaren inguruan antulotuko diran ekitaldiak maiatzera arte iraungo dabe. In the street argazki erakusketea izango da ikusgai apirilaren 24ra arte Bilbao Arteko kristalezko patioan, eta Hiri irekia. Street Photography izeneko ikastaroa emongo dau maiatzaren 21era arte.
The Predatorz talde errusiarra Bilboko BreakOnStage jaialdian, apirilaren 25ean
2015-04-14 17:09 Musikea
Munduko breakdance txapelduna The Predatorz zazpikotea eta Infamous talde europar onena Bilbao Arenan izango dira hilaren 25ean, BreakOnStage Nazinoarteko Kultura Urbano Eszenikoen Jaialdiaren 15. edizinoan. Agertoki bakarrean kultura urbanoaren espezialidade anitzak ikusteko aukerea izango da aurten be, 19:00etatik aurrera. Elorrioko Arriola Antzokia eta Logela Multimedia taldea dira antolatzaileak.
Iurretako Montoiko zubia argazkiz jantzi da
2015-04-14 13:54 Kulturea
Berrogeita hamar argazki zahar ikusgai izango dira maiatzaren amaiera arte Iurreta eta Durango batzen dituan Montoiko zubian. Iurretaren desanexinoaren 25. urteurrenari lotuta, Iurretako Udalaren ekimenez, Gerediaga Alkarteak aukeraketa bat egin dau dituan fondoetatik eta hainbat iurretarren bildumetatik.
Gaur ospatuko da Point De Garveko guduaren, II. Mundu Gerrako azkenetako baten 70. urteurrena
2015-04-14 12:14
Gaur, apirilaren 14an, 70 urte beteko dira Medoceko batailea, Bigarren Mundu Gerrako azkenetako bat, jazo zanetik. Gudu haretan Gernika batailoiak parte hartu eban, euskal gudariz bakarrik osotutako unidade militarra.
Kalakan taldeak 'Elementuak' disko barria aurkeztu dau
2015-04-14 11:23 Musikea
Hamalau kanta daukaz Thierry Biscary, Jamixel Bereau eta Xan Errotabehere musikariek osotutako Kalakan taldearen Elementuak behar barriak. Sinpletasuna eta gordintasuna dira nagusi abestietan. Euskal kantutegiaren mamina aztertu, eta berrinterpretau dabe. Bilbon aurkeztuko dabe diskoa zuzenean, Loraldia jaialdiaren barruan, hilaren 24an.
Europako Prentsaren sarietako bat irabazi dau Ander Izagirrek
2015-04-14 10:41 sariak-autortzak
Kolonbiako talde paramilitarrei buruz idatzitako Cómo fabricar comandos de la muerte erreportajeari esker, Europako Prentsaren sarietako bat irabazi dau Ander Izagirre euskal kazetari eta idazleak (Donostia, 1976). Ikerketa kazetaritzearen atalean saritu dabe lana.
Eduardo Galeano idazle uruguaiarra hil da
2015-04-13 18:37 Kulturea
Birikietako minbiziaren ondorioz, astebete ospitalean emon ostean, 74 urtegaz hil da Eduardo Galeano idazle uruguaiarra. Idazlea eta kazetaria izan zan, eta Hego Amerikateko egoerea izan eban berbagai bere lanetan. 1971n argitaratutako Las venas abiertas de América Latina liburuak egin eban ezagun. Uruguai, Txile eta Argentinan zentsurau egin eben.
Gunter Grass alemaniar idazlea hil da
2015-04-13 18:32 Kulturea
Steidl argitaletxeak jakinarazo dauenez, Alemaniako Luebeck uriko ospital batean hil da Gunter Grass, 87 urtegaz. 1999an jaso eban Nobel saria. Bere nobela bi dagoz euskeratuta, Katua eta sagua eta Batzarra Telgten.
Artiumek hainbat ekintza antolatu ditu Liburuen Nazinoarteko Eguna ospatzeko
2015-04-13 18:06 Kulturea
Artiumek Liburuen Nazinoarteko Eguna ospatuko dau apirilaren 17an, bere Liburutegiak antolatu dauen jardueren programa zabal bategaz. Liburuen erakusketa batek arte plastikoen eta literaturaren artean dagozan loturak ekarriko ditu gogora, eta ondoan kultura garaikideagaz zerikusia daben testuen jentaurreko irakurraldi bat egingo da. Eguna amaitzeko, Esan Ohi Da seikoteak jazz kontzertu bat emongo dau, oraintsu hildako Claudio Cifuentes Cifuren omenez.
'Matematikak eguneroko bizitzan' zikloa, apirilaren 16tik aurrera, Bilboko Bidebarrieta liburutegian
2015-04-13 15:50
Hurrengo hiru eguenetan, hilaren 16, 23 eta 20ean, matematikearen ganeko hiru berbaldi izango dira Bilboko Bidebarrietan, Matematikak eguneroko bizitzan egitarauaren barruan. Lehenengo berbaldia Oviedoko Unibersidadeko Marta Martin irakasleak emongo dau, El misterio de las matemáticas de los Simpson. Hiru berbaldiak gaztelaniaz izango dira.
Hemen da Munduko Ipuin Kontalariak jaialdiaren 15. edizinoa
2015-04-13 14:31 kulturbiz
Munduko makinatxu bat lekutako ipuin-kontalariak batuko dira apirilaren 16tik 18ra Basauri, Elorrio, Arrasate, Durango eta Berrizen, Munduko Ipuin Kontalariak jaialdian. Euskal Herria, Ekuador, Alemania, Portugal eta Galiziako kontalariek ume eta helduentzako saioak eskainiko ditue egunotan.
Iñaki Irasizabal durangarrak 'Aita gurea' nobela baltza kaleratu dau
2015-04-10 14:41 Kulturea
Autogintzarako piezak egiten dituan lantegi txiki batena kokatu dau Aita gurea (Elkar) nobela barria Iñaki Irasizabal idazle durangarrak. Ugazabaren alabeak herentzian jasoten dau fabrikea, baina krisi enomikoa bete-betean, diru faltan dabil. Dirua lortzeko hartzen dituen bideak arazo gehiago ekarriko ditu, eta txarto-ulertuak, gatazkak, hilketak, drogak, lapurretak...
'Txarriboda' pelikulearen estreinaldia, astegoien honetan
2015-04-10 12:17 Barriak
Begoña emazteak banatu gura dau, baina Franek ez, izan be horrek dana galtzea ekarriko leuke, familia, lana eta finantza planak. Zer egin? Ba, andrea hil, hori da arpegi biko enpresarioak erabagiten dauena. Plan ia perfektua pentsau dau, baina Klara ertzaina atzetik izango dau. Javier Rebollok eta Alvar Gordejuelak zuzendutako Txarriboda euskeraz filmautako pelikulea barikuan estrenauko da areto komerzialetan.
Aiko taldeak Interneten jarri dau Bonifazio Arandiaren omenez argitaratutako 'Fasioren mendea' disko-liburua
2015-04-09 18:08
Aiko, musikari eta jantza-maisuez osotutako kultur alkarteak Interneten jarri dau Fasioren Mendea, Igorreko soinulariaren mendeurrenagaz bat eginez –Igorreko Udalaren eta Bizkaiko Foru Aldundiaren laguntzinoagaz– 2009an argitaratu zan lan sakona.
Apirilaren 9tik maiatzaren 9ra Literaldia 2015 Bartzelonan
2015-04-09 14:44 Kulturea
Udabarria literaturaz jantzita dator aurten be Bartzelonara, Euskal Etxeak antolatu dauen Literaldia jaialdiari esker. Euskal Herriko literaturea Katalunian ezagutzera emotea da jaialdi honen helburua, eta horretarako makina bat ekitaldi antolatu ditue apirilaren 9tik maiatzaren 9ra bitartean.
Mondragon Unibersidadeak bikain kalifikazinoa jaso dau U-Multiranken sailkapenean
2015-04-09 12:41
U-Multirank, mundo mailako sailkapen barriak, bere bigarren edizinoa argitaratu dau online formatuan, eta nazinoarte mailan unibersidadeen errendimentua alderatzeko tresna ezin hobea da. Edizio honetan, goi mailako 1200 instituzinori buruzko informazinoa jasoten da.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...